නීතිවිරෝධී ලෙස ගෙන ආ රත්රං තොගයක් සමග සැකකරුවන් දෙදෙනෙකු නාවික හමුදාව විසින් අත්අඩංගුවට ගෙන තිබේ.
කල්පිටිය අරච්චල් මුහුදු ප්රදේශයේදී සිදුකළ විශේෂ සෝදිසි මෙහෙයුමකදී සැකකරුවන් සහ රත්රං තොගය අත්අඩංගුවට ගෙන ඇති බව සඳහන්ය.
සැකකරුවන් සන්තකයේ තිබී රත්රං කිලෝ 4යි ග්රෑමි 454ක් නාවික හමුදා භාරයට ගෙන තිබේ.
අදාළ රත්රං ප්රවාහනයට යොදාගත් කුඩා බොට්ටුවක්ද නාවික හමුදා භාරයට ගෙන ඇති බව සඳහන්ය.
ඉතා සූක්ෂම ආකාරයෙන් මාලු දැල්වලට යෙදන ඊයම් ලෙස මෙම රත්රං තොගය රැගෙන යාමට සුදානම්කර තිබූ බව නාවික හමුදාව පැවසුවේය.
සැකකරුවන් කල්පිටිය, වෙන්දේසි වත්ත සහ ආනවාසල ප්රදේශවල පදිංචිකරුවන් බව සඳහන්ය.
