පොහොය දවසේ මත්පැන් අලෙවි කරපු රාත්‍රී සමාජ ශාලාව
සිසුන් 50ට අඩු පාසල් 1506 ක්(WAKE UP TO 7)
නිවසක සිටි යුවළකට ආයුධවලින් පහරදී ඝාතනය කරලා
test
සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි
Hot News

සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි

පොළොන්නරුව සෝමවතී පුදබිමේ ඉදිකෙරුණු පුරාවිද්‍යා කෞතුකාගාරය සහ ජාත්‍යන්තර පුරාවිද්‍යා පර්යේෂණ ආයතනය ජනපති අතින් විවෘත කෙරුණා.…

News Admin

පොහොය දවසේ මත්පැන් අලෙවි කරපු රාත්‍රී සමාජ ශාලාව

ඊයේ පොහෝ දිනය.

පොහොය දවසේ මත්පැන් අලෙවි කරපු රාත්‍රී සමාජ ශාලාවක් ගැනයි පොලිසියෙන් මේ විදිහට වාර්තා වෙන්නේ.

බම්බලපිටිය ගාලු පාරේ පවත්වාගෙන යන රාත්‍රී සමාජ ශාලාවක බලපත්‍ර නොමැතිව මත්පැන් අලෙවිකරන බවට කොට්ඨාස අපරාධ විමර්ශන කාර්යාංශයට තොරතුරක් ලැබිලා තිබුණා.

ඒ අනුව ඊයේ රාත්‍රියේ ඔවුන් වැටලීමක් සිදු කළා.

මේ රාත්‍රී සමාජ ශාලාවට මත්පැන් බලපත්‍ර නොමැති බවයි පොලිසිය සඳහන් කළේ.

මේ වැටලීමේදී මත්පැන් සහ නීති විරෝධී සිගරට් තොගයක්ද පොලිසිය තමන්ගේ බාරයට ගෙන තිබෙනවා..

මෙම රාත්‍රී සමාජ ශාලාව පවත්වාගෙන ගිය චීන ජාතිකයකුද පොලිසිය විසින් අත්අඩංගුවට ගෙන තිබුණා.

සිසුන් 50ට අඩු පාසල් 1506 ක්(WAKE UP TO 7)

ලංකාවේ සිසුන් 50ට අඩු පාසල් 1506 ක් තිබෙනවා

එහෙම කියන්නේ අමාත්‍යංශයේම වාර්තාවකින්.

ඒ අතරේ ජාතික පාසලකුත් තිබෙනවා.

ඒ සම්බන්ධයෙන් දිනමිණ පුවත්පත ඇසුරින් WAKE UP TO 7 වැඩසටහනේ දී වාර්තා කළ පුවත.

2024 වර්ෂයේ ප්‍රගතිය හා 2025 වර්ෂයේ ඉදිරි ගමන් මඟ දැක්වෙන අධ්‍යාපන අමාත්‍යාංශය මඟින් නිකුත් කරන ලද නවතම වාර්තාවට අනුව සිසුන් 1- 50 අතර සංඛ්‍යාවක් ඉගෙනුම ලබන පාසල් 1506 ක් පවතින බවත් ඒ අතර ජාතික පාසලක්ද වන බව වාර්තාවේ.

2023 වසරේ දත්තයන්ට අනුව සිසුන් 1-50 ත් අතර ඉගෙනුම ලබන පාසල් තිබී ඇත්තේ1473 ක් පමණකි. එයා 2022 වසරට සාපේක්ෂව පාසල් 33 ක වැඩිවීමකි.

2022 වස­රට සාපේ­ක්ෂව 2023 වසරේ රජයේ පාසල් ප්‍රමා­ණය 30කින් ද, සිසුන්ගේ ප්‍රමා­ණය 86,909කින් ද අඩුවී තිබේ.

එම වාර්තා­වන්ට අනුව 2023 වසරේ මෙරට පැවති රජයේ පාසල් ගණන 10,096කි. එම පාස­ල්වල අධ්‍යා­ප­නය ලබ­මින් සිටි සිසුන් සංඛ්‍යාව දැක්වෙන්නේ 3,882,688ක් ලෙසිනි.

අධ්‍යා­පන අමා­ත්‍යාං­ශයේ වාර්තා­වන්ට අනුව 2022 වසරේ මෙරට පැවති බව සඳ­හන් රජයේ පාසල් ගණන දැක්වෙන්නේ 10,126කි. ඒ අනුව සැල­කී­මේදී 2022 වස­රට වඩා 2023 වසරේ රජ‍යේ පාසල් ගණන 30කින් අඩුවී ඇත.

මෙම දත්ත­යන්ට අනුව 2022 වසරේ සිසුන් 3,969,597 දෙනෙක් පාසල් පද්ධ­තියේ රැඳී සිටි­යත් 2023 වසරේ එම ගණන 86,909කින් අඩුවී තිබේ. එහෙත් 2022 වස­රට සාපේ­ක්ෂව 2023 වසරේ ගුරු­වර සංඛ්‍යාව 1,094කින් ඉහළ ගොස් ඇත.

මෙම සංඛ්‍යා දත්ත­යන්ට අනුව 2023 වසරේ 51-100ත් අතර සිසුන් අධ්‍යා­ප­නය ලැබූ පාසල් ගණන 1,638ක් වන අතර 101-200අතර සිසුන් පිරි­සක් අධ්‍යා­ප­නය ලබන පාසල් ගණන සට­හන් වන්නේ 2128ක් ලෙසිනි.

මේ අනුව පෙනී­යන්නේ රජයේ පාසල් 50%කට වැඩි ප්‍රමා­ණ­යක 2023 වසරේ අධ්‍යා­ප­නය ලබා ඇත්තේ 200ට අඩු ශිෂ්‍ය පිරි­සක් බවය.

සංඛ්‍යා දත්ත­යන්ට අනුව 201ත් 500ත් අතර සිසුන් පිරි­සක් අධ්‍යා­ප­නය ලබා ඇති පාසල් ගණන 2,638කි. ඒ අනුව සැස­ඳී­මේදී රජයේ පාසල් 78%කට වැඩි ප්‍රමා­ණ­යක අධ්‍යා­ප­නය ලබා ඇත්තේ 500කට අඩු සිසුන් පිරි­සක් බවය. සිසුන් 500 වැඩි පිරි­සක් අධ්‍යා­ප­නය ලබන පාසල් ගණන 2181කි.

මෙරට රජයේ පාසල් පද්ධ­තියේ 2023 වසරේ අධ්‍යා­ප­නය ලැබූ සිසුන් 3,882,688 අත­රින් සිසුන් 2,568,224 දෙනෙක්ම අධ්‍යා­ප­නය ලබන්නේ සමස්ත පාසල් අත­රින් 12%ක් පමණ වූ මෙම පාසල් සුළු ප්‍රමා­ණ­ය­කය. සමස්ත සිසුන් අත­රින් 66.14% දෙනෙක්ම අධ්‍යා­ප­නය ලබන්නේ මෙම 12%ක් පමණ වූ පාස­ල්වල බව ඒ අනුව අනා­ව­ර­ණය වේ.

සංඛ්‍යා දත්ත­යන්ට අනුව 501-1000 අතර සිසුන් පිරි­සක් අධ්‍යා­ප­නය ලබන පාසල් 1309ක්ද, 1001-1500ත් අතර සිසුන් පිරි­සක් අධ්‍යා­ප­නය ලබන පාසල් 379ක්ද, 1501-2000ත් අතර සිසුන් පිරි­සක් අධ්‍යා­ප­නය ලබන පාසල් 200ක් ද, 2001-3000ත් අතර සිසුන් පිරි­සක් අධ්‍යා­ප­නය ලබන පාසල් 198ක් ද, 3001ත් 4000ත් අතර සිසුන් පිරි­සක් අධ්‍යා­ප­නය ලබන පාසල් 67ක් ද සිසුන් 4001ට වැඩි පිරි­සක් අධ්‍යා­ප­නය ලබන පාසල් 33ක් ද 2023 වසරේ පැවති බව සඳ­හන්ය.

නිවසක සිටි යුවළකට ආයුධවලින් පහරදී ඝාතනය කරලා

හුංගම, වාඩිගල ප්‍රදේශයේ නිවසක සිටි යුවළකට ආයුධවලින් පහරදී ඝාතනය කර තිබෙනවා.

28 හැවිරිදි පුද්ගලයෙකු සහ ඔහුගේ අනියම් බිරිඳ මෙලෙස ඝාතනය කර ඇති බවයි පොලීසිය සඳහන් කළේ.

test

එංගලන්තයේ ක්‍රිකට් තරුවක් ලංකාවේදී විවාහ ගිවිස ගනී

එංගලන්තයේ ක්‍රිකට් තරුවක් ලංකාවේදී විවාහ ගිවිස ගත්තා.

ඒ, ගල්කිස්ස මහ හෝටලයේදී

ශ්‍රී ලංකාවේදී පැවති 2025 ලෝක ගෘහස්ත ක්‍රිකට් තරගාවලියට සහභාගී වීම සඳහා පැමිණ සිටින අතරතුරේදී එංගලන්ත ගෘහස්ථ පිරිමි ක්‍රිකට් කණ්ඩායමේ නායක නාව් පටෙල් සහ එරට ගෘහස්ත කාන්තා ක්‍රිකට් කණ්ඩායමේ සාමාජිකා මැලෝරි බාර්ටොෂ් මෙලෙස විවාහ ගිවිස ගනු ලැබුවා.

නව යුවළ ගල්කිස්ස මහ හෝටලයේදී මංගල මුදු මාරු කරගත් අවස්ථාවට ඔවුන්ගේ පවුල්වල සාමාජික සාමාජිකාවන් පිරිසක් ද එක්ව සිටියා.

සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි

පොළොන්නරුව සෝමවතී පුදබිමේ ඉදිකෙරුණු පුරාවිද්‍යා කෞතුකාගාරය සහ ජාත්‍යන්තර පුරාවිද්‍යා පර්යේෂණ ආයතනය ජනපති අතින් විවෘත කෙරුණා.

ඒ, වප් පුර පසළොස්වක පොහෝ දිනය මුල්කර ගනිමිනුයි.

පොළොන්නරුව ඓතිහාසික සෝමවතී පුද බිමේ අභිනවයෙන් ඉදිකරන ලද පුරාවිද්‍යා කෞතුකාගාරය සහ ජාත්‍යන්තර පුරාවිද්‍යා පර්යේෂණ ආයතනය ඇතුළත් දෙමහල් මන්දිරය විවෘත කිරීම ජනාධිපති අනුර කුමාර දිසානායකගේ ප්‍රධානත්වයෙන් සිදු වුණා.

ඓතිහාසික සෝමවතී චෛත්‍යරාජයාණන් වහන්සේ වැඳපුදා ගැනීමට ලොව නන් දෙසින් පැමිණෙන සහ අධ්‍යාපනික පර්යේෂණ කටයුතුවල යෙදෙන සියලුදෙනාගේ පහසුව පිණිස මෙම පුරාවිද්‍යා කෞතුකාගාරය සහ ජාත්‍යන්තර පුරාවිද්‍යා පර්යේෂණ ආයතනය ඉදිකර තිබෙනවා.

තැපැල්පතිට විරෝධය

තැපැල් සේවකයින් අනීතික ලෙස අතිකාල ලබාගෙන ඇති බවට තැපැල්පතිවරයා පසුගියදා කළ ප්‍රකාශයට තැපැල් වෘත්තීය සමිති දැඩි ලෙස විරෝධය දක්වනවා.

ලබන 09 වැනිදා කළුපටි පැළඳ සේවයට වාර්තා කරන බවයි තැපැල් හා විදුලි සංදේශ නිලධාරීන්ගේ සංගමය සඳහන් කරන්නේ.

මේ අතර තැපැල් සේවයේ තවත් ස්ථිර පත්වීම් 731 පිරිනැමීමට රජය පියවර ගෙන තිබෙනවා.

ශ්‍රී ලංකා තැපැල් දෙපාර්තමේන්තුවේ ප්‍රාථමික ශිල්පීය නොවන සේවා ගණයේ තුන්වැනි ශ්‍රේණියේ තැපැල් සහායක තනතුරට පත්වීම් ලිපි ප්‍රධානය ප්‍රධානය අරලියගහ මන්දිරයේදී සිදු කෙරුණා..

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් පත්වීම් ලිපි ප්‍රධානය කළ අතර අමාත්‍යංශයේ ලේකම් වෛද්‍ය අනිල් ජාසිංහ,තැපැල්පති රුවන් සත්කුමාර ඇතුළු පිරිසක් එක්ව සිටියා.

මෙහිදී ස්ථිර පත්වීම් 731ක් පිරිනැමුවා

සමහර නීති නිසා සෞඛ්‍ය සේවාවේ හදිසි ගැටළුවලට විසඳුම් සොයන්න බෑ

රටේ පවතින සමහර නීති එලෙසම අනුගමනය කරමින් සෞඛ්‍ය සේවාවේ හදිසි ගැටළුවලට විසඳුම් සෙවීමට නොහැකි බව අමාත්‍ය නලින්ද ජයතිස්ස සඳහන් කරනවා.

කොළඹ ජාතික රෝහල් පරිශ්‍රයේ පිහිටි විපස්සි බෞද්ධ මධ්‍යස්ථානය ප්‍රතිසංස්කරණය කිරීමේ අවස්ථාවට එක්වෙමින් ඔහු මේ බව කියා සිටියා.

ජාතික රෝහල් පරිශ්‍රයේ පිහිටි විපස්සි බෞද්ධ මධ්‍යස්ථානය ප්‍රතිසංස්කරණය කිරීම සදහා ඇස්තමේන්තු ගත මුදල රුපියල් ලක්ෂ 68ක්.

මේ සදහා සෞඛ්‍ය අමාත්‍යාංශය විසින් රුපියල් ලක්ෂ 45ක මුදලක් ලබා දී ඇති අතර ඉතිරි මුදල රෝහල් සේවා මණ්ඩලය විසින් වැයකර තිබෙනවා.

මෙහි දී අදහස් දක්වමින් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ලෝකයේ විවිධ රටවල වෙසෙන ජනතාවගෙන් උදවි උපකාර ලබාගෙන මෙරට ජනතාවට එම ප්‍රතිලාභ ලබා දීමට පුජ්‍ය රජවැල්ලේ සුභූති හිමි ඇතුළු කණ්ඩායම සිදුකරන මැදිහත්වීමට, මගපෙන්වීමට තම ගෞරවය පිරිනැමුවා

ඖෂධ හිඟයට පිළියම් සෙවීමේදී එයට බාධා වී ඇත්තේ පවතින සමහර නීති බව පෙන්වා දුන් අමාත්‍යවරයා තුනෙන් දෙකේ බලයක් තබාගෙන එම නීති ඊති වෙනස් කිරීමට නොහැකිද යන්න කෙනෙකුට ගැටළුවක් සේ පැනනැගිය හැකි බව ද කියා සිටියා.

දහසයෙන් පහළ පාසල් රග්බි ශූරතාව වෙස්ලි විද්‍යාලයට

දහසයෙන් පහළ පාසල් රග්බි ශූරතාවය වෙස්ලි විද්‍යාලය හිමි කර ගැනීමට සමත් වුණා.

එහි අනු ශූරතාවය ගල්කිස්ස විද්‍යාර්ථ විද්‍යාලයට හිමි වුණා.

ශ්‍රී ලංකා පාසල් රග්බි පාපන්දු සංගමය විසින් සංවිධානය කරන ලද වයස අවුරුදු 16 න් පහළ රග්බි තරඟාවලිය පාසල් තිස් දෙකක සහභාගිත්වයෙන් පැවැත්වුණා.

ඒ, ආනන්ද විද්‍යාලයේ ක්‍රීඩාංගණය සහ ශාන්ත පීතර ක්‍රීඩාංගණය මූලික කර ගනිමිනුයි.

දහසයෙන් පහළ පාසල් රග්බි ශූරතාව වෙස්ලි විද්‍යාලයට

දහසයෙන් පහළ පාසල් රග්බි ශූරතාවය වෙස්ලි විද්‍යාලය හිමි කර ගැනීමට සමත් වුණා.

එහි අනු ශූරතාවය ගල්කිස්ස විද්‍යාර්ථ විද්‍යාලයට හිමි වුණා.

ශ්‍රී ලංකා පාසල් රග්බි පාපන්දු සංගමය විසින් සංවිධානය කරන ලද වයස අවුරුදු 16 න් පහළ රග්බි තරඟාවලිය පාසල් තිස් දෙකක සහභාගිත්වයෙන් පැවැත්වුණා.

ඒ, ආනන්ද විද්‍යාලයේ ක්‍රීඩාංගණය සහ ශාන්ත පීතර ක්‍රීඩාංගණය මූලික කර ගනිමිනුයි.