Hot News

පද්මේගේ-බැකෝ සමන්ගේ කුඩු රට පුරා බෙදාහැරියේ සම්පත්(VIDEO)

අත්අඩංගුවට ගැනීමට සොයනඅඟුණුකොළපැලැස්ස ප්‍රාදේශීය සභාවේ අපේක්ෂකයෙක් වූ සම්පත් මනම්පේරි කෙහෙල්බද්දර පද්මේ සහ බැකෝ සමන්ගේ මත්කුඩු…

Hot News

නාමල් ගේ විවාහ දින ‘විදුලි බිල ගැන අයිතිවාසිකම් පෙත්සම’ විභාගයට ගැනීමට අවසර

පාර්ලිමේන්තු මන්ත්‍රී නාමල් රාජපක්‍ෂ මහතාගේ විවාහ උත්සවයට විදුලිය ලබා ගැනීම වෙනුවෙන් ගෙවිය යුතු රුපියල් මිලියන…

Hot News

නාගරික සංවර්ධන අධිකාරියේ හිටපු අධ්‍යක්ෂ ජනරාල් අත්අඩංගුවට

නාගරික සංවර්ධන අධිකාරියේ හිටපු අධ්‍යක්ෂ ජනරාල් සුමේධ රත්නායක සහ නාගරික සංවර්ධන අධිකාරියේ හිටපු අධ්‍යක්ෂ අල්ලස්…

පද්මේගේ-බැකෝ සමන්ගේ කුඩු රට පුරා බෙදාහැරියේ සම්පත්(VIDEO)

අත්අඩංගුවට ගැනීමට සොයනඅඟුණුකොළපැලැස්ස ප්‍රාදේශීය සභාවේ අපේක්ෂකයෙක් වූ සම්පත් මනම්පේරි කෙහෙල්බද්දර පද්මේ සහ බැකෝ සමන්ගේ මත්කුඩු රට පුරා බෙදාහැර ඇති බව බස්නාහිර පළාත් උතුරු දිසා අපරාධ කොට්ඨාසය සිය විමර්ශනවලින් අනාවරණය කරගෙන තිබෙන බව WAKE UP TO 7 වැඩසටහනේදී පුවත්පත් වාර්තා උපුටා දක්වමින් අද (12) අනාවරණය කළා.

මත්කුඩු තොගයක් එකවර ප්‍රවාහනය කරන සෑම අවස්ථාවකදීම සම්පත් මනම්පේරිට රුපියල් ලක්ෂ 06ත් 07ත් අතර මුදලක් ලබාදෙන බව ද බැකෝ සමන් විසින් ප්‍රශ්න කිරීමේදී හෙළිකර ඇති බව බස්නාහිර පළාත් උතුරු දිසා අපරාධ කොට්ඨාසයේ උසස් නිලධාරියෙක් දිනමිණ පුවත්පතට සඳහන් කර තිබුණා.

හිටපු පොලිස් නිලධාරියෙක් වන සම්පත් මනම්පේරි සතුව පොලීසියේ නිල ඇඳුම් සහ පොලිස් සලකුණු සහිත බැනියම් තිබී හමුවූ බැවින් පොලීසිය සැක කරනු ලබන්නේ, ඔහු මත්කුඩු බෙදාහැරීමේදී එම ඇඳුම් ඇඳ පොලිස් වෙසින් මත්ද්‍රව්‍ය බෙදාහැර ඇති බවය. ඒ සම්බන්ධයෙන් තවදුරටත් විමර්ශන පැවැත්වෙන බව පොලීසිය සඳහන් කර තිබෙනවා.

නාමල් ගේ විවාහ දින ‘විදුලි බිල ගැන අයිතිවාසිකම් පෙත්සම’ විභාගයට ගැනීමට අවසර

පාර්ලිමේන්තු මන්ත්‍රී නාමල් රාජපක්‍ෂ මහතාගේ විවාහ උත්සවයට විදුලිය ලබා ගැනීම වෙනුවෙන් ගෙවිය යුතු රුපියල් මිලියන දෙකකට අධික මුදලක් නිසි වේලාවට ලංකා විදුලි බල මණ්ඩලයට නොගෙවීමෙන් ජනතාවගේ මූලික අයිතිවාසිකම් කඩ කර ඇති බවට තීන්දුවක් දෙන ලෙස ඉල්ලාගොනු කර තිබූ මූලික අයිතිවාසිකම් පෙත්සම විභාගයට ගැනීමට ශ්‍රේෂ්ඨාධිකරණය ඊයේ (11) අවසර දුන්නා.

අගවිනිසුරු ප්‍රීතිපද්මන් සූරසේන සහ අචල වෙංගප්පුලි මහත්වරුන්ගේ සමන්විත ශ්‍රේෂ්ඨාධිකරණ විනිසුරු මඬුල්ලක් හමුවේ කැඳවූ අවස්ථාවේදී ඉදිරිපත්වූ මූලික කරුණු සලකා බැලීමෙන් පසු මේ අවසරය දුන් බවයි WAKE UP TO 7 වැඩසටහනේදී පුවත්පත් වාර්තා උපුටා දක්වමින් සඳහන් කළේ.

මේ පෙත්සම නීතිඥ විජිත කුමාර මහතා විසින් ගොනු කර තිබූ අතර, එහි වගඋත්තරකරුවන් ලෙස ලංකා විදුලි බල මණ්ඩලය ඇතුළු පිරිසක් නම් කර තිබුණා.

මේ පෙත්සම කැඳවූ අවස්ථාවේදී පෙත්සම්කාර පාර්ශ්වය වෙනුවෙන් පෙනී සිටි නීතිඥ තිෂ්‍ය වේරගොඩ මහතා අධිකරණය හමුවේ කරුණු ඉදිරිපත් කළා.

පෙත්සම්කාර පාර්ශ්වය වෙනුවෙන් පෙනී සිටි නීතිඥවරයා වැඩිදුරටත් මෙලෙස ද සඳහන් කර සිටියා.

“පාර්ලිමේන්තු මන්ත්‍රී නාමල් රාජපක්ෂ මහතාගේ විවාහ උත්සවයට ගත් විදුලිය වෙනුවෙන් ගෙවිය යුතු ගාස්තු නිසි වෙලාවට ලංකා විදුලිබල මණ්ඩලයට ගෙවීම ඔවුන් විසින් පැහැර හැර තිබුණා. එලෙස පරිහරණය කරන ලද විදුලිය වෙනුවෙන් රුපියල් මිලියන 2කට අධික මුදලක් ලංකා විදුලි බල මණ්ඩලයට ගෙවීමට නියමිතව තිබුණා. ඒත් ඔවුන් එම විදුලි ගාස්තු ගෙවා තිබූණේ නෑ. සාමාන්‍ය ජනතාවගේ ඉතා අඩු ගාස්තු සහිත විදුලි බිල් පවා නිසි වෙලාවට නොගෙවූ බවට චෝදනා කරමින් ලංකා විදුලි බල මණ්ඩලය විදුලිය විසන්ධි කිරීම් සිදු කරනවා. එහෙත් රුපියල් මිලියන දෙකකට අධික විදුලි ගාස්තුවක් නිසි වේලාවට අය කරගැනීමට ලංකා විදුලිබල මණ්ඩලය කටයුතු නොකිරීම බරපතළ වරදක්.

එමඟින් වූ පාඩුව අය කරගැනීම සම්බන්ධයෙන් පෙත්සම්කරු මේ පෙත්සම ඉදිරිපත් කර තිබුණා. එම විවාහ උත්සවයෙන් පසුව මේ නඩුකරය ගොනු කිරීමෙන් පසු අදාළ විදුලි බිල ගෙවා දැමීම අවසන් කර තිබෙනවා.

කෙසේ වුවද ලංකා විදුලි බල මණ්ඩලයේ මේ අසාමාන්‍ය ක්‍රියා කලාපය සහ අදාළ විදුලි බිල නිසි වේලාවට නොගෙවීම නිසා මහජනතාවගේ මුලික මිනිස් අයිතිවාසිකම් උල්ලංඝනය කර ඇති බවට අධිකරණයෙන් ප්‍රකාශයක් ගැනීම පමණක් මේ නඩුකරය පවත්වාගෙන යෑමෙන් අපේක්ෂා කරනවා.”

ඉදිරිපත් වූ කරුණු සලකා බැලූ විනිසුරු මඬුල්ල මේ පෙත්සම විභාගයට ගැනීමට අවසර දුන්නා.

ට්‍රම්ප්ගේ සමිපතමයව ඝාතනය කළ පුද්ගලයා

අමෙරිකානු ජනාධිපති ඩොනල්ඩ් ට්‍රම්ප්ගේ සමීපතමයෙක් වූ චාලි කර්ක්ට වෙඩිතැබීමේ සිද්ධියට සැකකරන පුද්ගලයාගේ’ ඡායාරූප මේ වනවිට නිකුත් කර තිබෙනවා.

වෙඩිතැබීමට සැකපිට පුද්ගලයින් දෙදෙනෙක් මීට පෙර අත්අඩංගුවට ගත්තද ඔවුන්ව පසුව මුදාහැරීමට කටයුතු කර තිබුණා.

වෙඩිතැබීම කළ බවට සැකකරන අවියක් ද එරට පොලීසිය විසින් මේවන විට සොයාගෙන තිබෙනවා.

ඊශ්‍රායල අගමැතිට ට්‍රම්ප්ගෙන් සැර ඇමතුමක්

කටාර් රාජ්‍යය තුළ හමාස් ඉලක්ක කර ගැනීමට ගත් තීරණය ඥානවන්ත නොවන බව එක්සත් ජනපද ජනාධිපති ඩොනල්ඩ් ට්‍රම්ප් , ඊශ්‍රායල අගමැති බෙන්ජමින් නෙතන්යාහුට දුරකතනයෙන් දැනුම් දී තිබෙන බව විදෙස් මාධ්‍ය සඳහන් කරනවා.

අඟහරුවාදා දිනයේ මෙම දුරකථන ඇමතුම ලබාදී ඇති අතර කටාර්හි හමාස් නියෝජිතයින්ට ඊශ්‍රායලය එල්ල කළ ප්‍රහාරය නිසා තමන් දැඩි කලකිරීමට ලක්වූ බව ඩොනල්ඩ් ට්‍රම්ප් පවසා තිබෙනවා.

කටාර් අගනුවර වන දෝහා හි පලස්තීන කණ්ඩායමේ දේශපාලන නායකයින් ඉලක්ක කර ගැනීමේ තීරණය ඥානවන්ත නොවන බවයි ට්‍රම්ප් අවදාරණය කර ඇත්තේ.

නාගරික සංවර්ධන අධිකාරියේ හිටපු අධ්‍යක්ෂ ජනරාල් අත්අඩංගුවට

නාගරික සංවර්ධන අධිකාරියේ හිටපු අධ්‍යක්ෂ ජනරාල් සුමේධ රත්නායක සහ නාගරික සංවර්ධන අධිකාරියේ හිටපු අධ්‍යක්ෂ අල්ලස් කොමිසම විසින් අත්අඩංගුවට ගෙන තිබෙනවා.

හිටපු ජනාධිපති මහින්ද නිල නිවස හැර යයි

හිටපු ජනාධිපති මහින්ද රාජපක්ෂ මහතා විජේරාමේ නිල නිවසින් ඉවත්ව ගොස් තිබෙනවා.

මහසිලුගේ මළ සිරුර හමුවේ

මහසිලු නමින් හැඳින්වෙන බුත්තල සහ ඔක්කම්පිටිය යන ප්‍රදේශවල සැරිසරමින් සිටි ඇතාගේ මළ සිරුර ඔක්කම්පිටිය ප්‍රදේශයේ වෙල් යායක තිබී හමුව තිබෙනවා.

මෙම ඇතා හොඳින් වැඩුණු දළ දෙකක් සහිතව සිටි සත්ත්වයෙක් වනවා.

ඇතා මිය යාම සම්බන්ධයෙන් මොනරාගල වනජීවි නිලධාරීන් විසින් විශේෂ පරීක්ෂණයක් ආරම්භ කර ඇති බව වාර්තා වනවා.

පාර්ලිමේන්තුව තුළ උණුසුම් තත්ත්වයක්

පාර්ලිමේන්තුව තුළ ඇති වූ උණුසුම් තත්ත්වයක් මතුව තිබෙනවා.

ඒ,විශ්වාසභංග යෝජනාව කථානායකවරයා විසින් ප්‍රතික්ෂේප කිරීමට විපක්ෂයේ මන්ත්‍රීවරු සිය විරෝධය පළ කිරීමත් සමගයි.

කථානායකයවරයා විසින් පාර්ලිමේන්තු කටයුතු විනාඩි 10කට කල්තබා තිබෙනවා.

තෙල් පිරිපහදුවේ ගින්න ට හේතුව සොයන්න පරීක්ෂණයක්

සපුගස්කන්ද තෙල් පිරිපහදුවේ හටගත් ගින්නට හේතුව සෙවීම සඳහා අද පරීක්ෂණයක් ආරම්භ කිරීමට නියමිත බව වාර්තා වනවා.

ඊයේ (10) රාත්‍රී මෙම ගින්න හටගත් අතර ගිනිනිවීමේ රථ රැසක් යොදා ගත්තද ගින්න නිවා දැමීමට විශාල කාලයක් ගත වුණා.

මෙම ගින්න හටගත්තේ අලුත්වැඩියා කටයුතු සිදුකරමින් තිබු ටැංකියකයි.

බළංගොඩදි බස්‍ රථ 3 ක් එකිනෙක ගැටී අනතුරක්

බළන්ගොඩ පහළ ඇල්ලෙපොල ප්‍රදේශයේ දී අද (11) පෙරවරුවේ බස්‍ රථ 3 ක් එකිනෙක ගැටී අනතුරක් සිදුව තිබෙනවා.

බළන්ගොඩ දෙසට පාසල් දරුවන්ද රැගෙන ගිය ලංගම බසයක් කොළඹ දෙසට ධාවනය වූ පුද්ගලික බස් රථයත් හා තවත් ලංගම බස් රථයක් මෙහිදී එකට ගැටී තිබුණා,

සුළු තුවාල ලැබූ පිරිසක් රෝහල් ගත කර ඇති අතර බදුල්ල කොළඹ ප්‍රධාන මාර්ගයයේ ගමනාගමනයට බාධා එල්ල වී ඇති බවයි වාර්තා වන්නේ.