පොහොය දවසේ මත්පැන් අලෙවි කරපු රාත්‍රී සමාජ ශාලාව
සිසුන් 50ට අඩු පාසල් 1506 ක්(WAKE UP TO 7)
නිවසක සිටි යුවළකට ආයුධවලින් පහරදී ඝාතනය කරලා
test
සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි
Hot News

අනුරාධපුර නිධන් හෑරූ නියෝජ්‍ය පොලිස්පතිගේ බිරිද 26 දක්වා රක්ෂිත බන්ධනාගාර ගත කෙරේ.

අනුරාධපුර, ශ්‍රාවස්තිපුර, තිඹිරිගස්කඩවල ප්‍රදේශයේදී නිධන් වස්තු ලබා ගැනීමේ අරමුණින් අනවසරයෙන් සිදු කළ කැණීම් කටයුතු සම්බන්ධයෙන්…

Channel7.lk

ඉන්ධන මිල අඩු කලොත් අනෙක් සමාගම්වලට ගෙවන්න වෙනවා.. ඒකයි අඩු කරන්න බැරි.

හිටපු රජය විසින් අත්සන් කරන ලද ගිවිසුම් හේතුවෙන් ඉන්ධන මිල අඩු කිරීමේ හැකියාවක් නොමැති බව බලශක්ති අමාත්‍ය,  කුමාර ජයකොඩි මහතා පාර්ලිමේන්තුවේදී ප්‍රකාශ කළේය.

පාර්ලිමේන්තු මන්ත්‍රී කින්ස් නෙල්සන් මහතා විසින් මතු කරන ලද ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.

ඛනිජ තෙල් සංස්ථාවේ සභාපතිවරයා විසින් දැනුම් දී ඇති පරිදි, ඉන්ධන මිල අඩු කිරීමක් සිදු කළහොත් අදාළ සමාගම් වෙත වන්දි ගෙවීමට සිදුවන බව අමාත්‍යවරයා පැවසීය.

මෙම ගිවිසුම් අත්සන් කර ඇත්තේ ඉන්දියන් ඔයිල් සමාගම, ආර් එම් පාක් පුද්ගලික සමාගම සහ සිනොපෙක් එනර්ජි ලංකා පුද්ගලික සමාගම සමග බව අමාත්‍ය ජයකොඩි මහතා වැඩිදුරටත් කියා සිටියේය.

මෙම ගිවිසුම් සම්බන්ධයෙන් ගත හැකි ඉදිරි ක්‍රියාමාර්ග පිළිබඳව නෛතික උපදෙස් ලබා ගැනීමට අපේක්ෂා කරන බවද අමාත්‍යවරයා ප්‍රකාශ කළේය.

73 දෙනෙකුට ජීවිත අහිමි කරමින් ඇෆ්ගනිස්ථානයේ බස් රථ අනතුරක්

කාබුල් බලා යමින් සිටි බස් රථයක්, ට්‍රක් රථයක සහ යතුරුපැදියක ගැටීමෙන්, බටහිර ඇෆ්ගනිස්ථානයේ සිදු වූ රිය අනතුරකින් පුද්ගලයින් 73 දෙනෙකු මියගොස් තිබෙන අතර, ඉන් 17 දෙනෙකු ළමුන් බව විදෙස් මාධ්‍ය පවසයි .

අනතුරෙන් පසු බස් රථය ගිනිගෙන ඇති අතර ඉන් පසු මෙම ජීවිත හානි සිදුව ඇත.

බස් රථයේ සිටි සියලු දෙනා මෙන්ම අනෙක් වාහනවලින් පැමිණි දෙදෙනෙකු ද මිය ගිය පිරිසට අයත් බව වාර්තා වේ.

රියදුරුගේ අධික වේගය සහ නොසැලකිල්ල අනතුරට හේතුව බවට සැක කෙරෙන අතර, මෙලෙස මියගිය බහුතරය ඉරානයේ සිට පැමිණි ඇෆ්ගන් සංක්‍රමණිකයින් විය හැකි බවට පැවසේ.

1970 සිට, මිලියන ගණනක ඇෆ්ගන් ජාතිකයින් ඉරානයට සහ පකිස්ථානයට පලා ගොස් තිබුණි . කෙසේවෙතත් ලේඛනගත නොකළ ඇෆ්ගන් ජාතිකයින්ට ස්වේච්ඡාවෙන් පිටව යාමට ඉරානය ඉකුත් දා අවසාන නිවේදනයක් නිකුත් කළ අතර, ඒ අනුව ඉරානයේ සිටි ඇෆ්ගන් ජාතිකයින් විශාල වශයෙන් එරටින් පිටවීම ආරම්භ කර ඇත.

එක්සත් ජාතීන්ගේ සරණාගත ඒජන්සියට අනුව ජනවාරි මාසයේ සිට ඇෆ්ගන් ජාතිකයින් මිලියනයකට වැඩි පිරිසක් ඉරානයෙන් පිටව ගොස් තිබෙන බව එරට මාධ්‍ය වාර්තා කරයි.

නොතේසී නිකුත් වූ රාජිත

අගෝස්තු මස 29 වනදා අත්අඩංගුවට ගැනීම සඳහා වරෙන්තු නිකුත් කර තිබෙන හිටපු අමාත්‍ය රාජිත සේනාරත්න මහතාට අධිකරණය හමුවේ පෙනී සිටින ලෙස දන්වා කොළඹ මහෙස්ත්‍රාත් අධිකරණය අද (20) නොතිසි නිකුත් කර තිබේ.

අල්ලස් කොමිසම විසින් කළ ඉල්ලීමක් සලකා බැලීමෙන් අනතුරුව කොළඹ ප්‍රධාන මහෙස්ත්‍රාත් තනූජා ලක්මාලි ජාතක මහත්මිය විසින් අපරාධ නඩු විධාන සංග්‍රහයේ 60 (1) වගන්තිය යටතේ මෙම නොතීසි නිකුත් කළාය. 

කිසියම් පිරිසක් විසින් ළිඳට දැමූ පතොරම් හමුවෙයි

යාපනය දිස්ත්‍රික්කයට අයත්,කොඩිකාමම් ප්‍රදේශයේ ළිඳක් පිරිසිදු කිරීමේදී ළිඳ තුළ තිබි පතරොම් 1393ක් හමුවී ඇත.

අදාළ පතරොම් දිරාපත්ව පැවති අතර,යුද සමයේ කිසියම් පිරිසක් විසින් මෙම පතරොම් ළිඳට දමන්නට ඇති බවට පොලීසිය සැක පළ කරයි.

කොඩිකාමම් පොලීසිය පවසන ලද්දේ වසර ගණනාවක් පවිත්‍ර නොකළ ළිඳක මඩ ඉවත් කිරීමේදී ළිඳ තුළ තිබි ඊයේ 19 මෙලෙස පතරොම් සහිත බෑගයක් හමුව ඇති බවයි.

හමුවු පතරොම් සහිත බෑගය යාපනය,චාවකච්චේරි මහෙස්ත්‍රාත් අධිකරණයට ඉදිරිපත් කිරීමෙන් අනතුරුව,බෝම්බ නිශ්ක්‍රීය අංශය විසින් මෙම පතරොම් නිශ්ක්‍රීය කිරීමට නියමිත බවද පොලීසිය වැඩිදුරටත් පැවසීය.

සිද්ධිය සම්බන්ධයෙන් කොඩිකාමම් පොලීසිය වැඩිදුර පරීක්ෂණ සිදුකරනු ලබයි.

හිටපු මහ ඇමතිගේ ඉඩමෙන් බෝම්බයක් හමුවේ.

සබරගමු පළාත් හිටපු මහ ඇමතිවරයා වන මහීපාල හේරත් මහතාට අයත් ඉඩමක තිබී පීඩන බෝම්බයක් සොයාගෙන තිබේ.

තලේමන්නාරම නාවික හමුදා කඳවුරට යාබදව පිහිටි මෙම ඉඩමේ තිබී එකී බෝම්බය හමුවී ඇත්තේ ඉඩම එළිපෙහෙළි කරමින් සිටි අවස්ථාවකදීය.

පොලිසිය පවසන්නේ මෙම පීඩන බෝම්බය යුධ සමයේ වල දමා තිබූ එකක් වන බවයි.

පොලිසිය වැඩිදුර පරීක්ෂණ පවත්වයි.

සමන් දේවාලයේ බස්නායක නිළමේ පත්වේ

රත්නපුර දිස්ත්‍රික් ලේකම් කාර්යාලයේ පැවති ඡන්ද විමසුමේදී සබරගමු මහා සමන් දේවාලයේ බස්නායක නිළමේවරයා ලෙස ඉෂාන් සංඛ මාපිටිගම මහතා තේරී පත්ව තිබෙනවා

අනුරාධපුර නිධන් හෑරූ නියෝජ්‍ය පොලිස්පතිගේ බිරිද 26 දක්වා රක්ෂිත බන්ධනාගාර ගත කෙරේ.

අනුරාධපුර, ශ්‍රාවස්තිපුර, තිඹිරිගස්කඩවල ප්‍රදේශයේදී නිධන් වස්තු ලබා ගැනීමේ අරමුණින් අනවසරයෙන් සිදු කළ කැණීම් කටයුතු සම්බන්ධයෙන් අත්අඩංගුවට ගත් නියෝජ්‍ය පොලිස්පතිවරයකුගේ බිරිඳ ඇතුළු සැකකරුවන් පිරිසක් 26 දක්වා රක්ශිත බන්දනාගාර ගත කිරිමට අනුරාධපුර මහේස්ත්‍රාත් අධිකරණය නියෝග කර තිබෙනවා.

අදාළ නඩුව කැඳවූ අවස්ථාවේදී, කැණීම සිදු කරන ලද, දේවාලයක් අසල ඇති ගල් තලාවක් සහිත ඉඩම පුරාවිද්‍යා වටිනාකමක් සහිත, පුරාවිද්‍යා දෙපාර්තමේන්තුවට අයත් භූමියක්ද යන්න පරීක්ෂා කර බලා, ඊට අදාළ පුරාවිද්‍යා වාර්තාව නොපමාව අධිකරණයට ඉදිරිපත් කරන ලෙසද අනුරාධපුර මහේස්ත්‍රාත් අධිකරණය විසින් පොලිසියට නියෝග කර තිබෙනවා.
අත්අඩංගුවට ගත් සැකකරුවන් මුදාහරින ලෙස නියෝජ්‍ය පොලිස්පතිවරයකු යැයි කියන පුද්ගලයකු පොලිස් නිලධාරීන්ට දුරකථනයෙන් බලපෑම් කර ඇත්දැයි අනාවරණය කර ගැනීමට, සියලු සැකකරුවන්ගේ දුරකථන අංකවලට අදාළ විශ්ලේෂණ වාර්තා නොපමාව පොලිසියට ලබා දෙන ලෙසද අනුරාධපුර වැඩබලන මහේස්ත්‍රාත් චන්දන වීරකෝන් සියලු දුරකථන සමාගම්වලට මීට පෙර නියෝග කර තිබුණා.

සංස්ථා ලුණු මිල පහළට

අයඩින් මිශ්‍ර ලුණු මිල පහත දමයි

ශ්‍රී ලංකාවේ තේ සංස්ක්ෘතික භූ දර්ශනය ලෝක උරුම ලැයිස්තුවට.

ශ්‍රී ලංකාවේ තේ සංස්කෘතික භූ දර්ශනය යුනෙස්කෝ ලෝක උරුම ලැයිස්තුවට ඇතුළත් කිරීමේ කටයුතු ආරම්භ කර තිබෙනවා.
පළමු පියවර වශයෙන් එය තාවකාලික නාමකරණ ලැයිස්තුවට ඇතුළත් කර ගැනීම සිදු කළ යුතු බවයි අමාත්‍ය මහාචාර්ය හිනිදුම සුනිල් සෙනවි ප්‍රකාශ කළේ.

එලෙස යුනෙස්කෝ තාවකාලික නාමකරණ ලැයිස්තුවට ඇතුළත් කරගැනීම සඳහා සකස් කළ යෝජනාවලිය යුනෙස්කෝ ආයතනයට භාරදීමට නියමිත අතර එම යෝජනාවලිය බුද්ධශාසන, ආගමික හා සංස්කෘතික කටයුතු අමාත්‍යවරයා වෙත භාර දීම ඊයේ පස්වරුවේ අමාත්‍යාංශ ශ්‍රවණාගාරයේ දී සිදු කෙරුනා.
තේ සංස්කෘතික භූ දර්ශනය පිළිබඳ පළමු අන්තර්ජාතික සමුළුව එළැඹෙන නොවැම්බර් මස 15 දින සිට 17 දින දක්වා නුවරඑළියේ දී පැවැත්වීමට නියමිතයි

අවුරුදු 17 න් පහළ පලාත් ක්‍රිකට් තරඟාවලිය අද ගාල්ලේදී ඇරඹේ.

ලීග් අවුරුදු 17 න් පහළ පළාත් ක්‍රිකට් තරගාවලිය අද ගාල්ලේදී ආරම්භ වනවා.
ශ්‍රී ලංකා අවුරුදු 19 න් පහළ යොවුන් කණ්ඩායමට සමාජිකයන් සොයා ගැනීමේ අරමුණිනුයි මෙම තරගාවලිය පැවත්වෙන්නෙ.

ශ්‍රී ලංකා ක්‍රිකට් ආයතනය විසින් සංවිධානය කරනු ලබන තරඟාවලිය කණ්ඩායම් 5 කින් සමන්විත වේ. ඒ කොළඹ උතුර, කොළඹ දකුණ, දඹුල්ල, මහනුවර සහ ගාල්ල ලෙසයි.
ලීග් ක්‍රමය යටතේ පැවැත්වෙන මූලික වටයේ තරග අගෝස්තු 27 වැනිදා අවසන් වෙයි.එහිදී සෑම කණ්ඩායමක්ම තරග 4 ක් බැගින් ක්‍රීඩා කිරීමට නියමිතයි.


අවසන් මහ තරගය අගෝස්තු මස 29 වැනිදා ගාල්ල අන්තර්ජාතික ක්‍රිකට් ක්‍රීඩාංගණයේදී පැවැත්වීමට කටයුතු සුදානම් කර තිබෙ.