Hot NewsSport News

යොවාන් ඩේවිඩ් ෆෝමියුලා ධාවන තරඟයකට සුදුසුකම් ලත් පළමු ශ්‍රී ලාංකිකයා වෙයි.

ජාත්‍යන්තර මෝටර් රථ සම්මේලනය විසින් සංවිධාන කරන ෆෝමියුලා ධාවන තරඟයක තුන්වන අදියර නියෝජනය කිරීමට සුදුසුකම්…

Hot News

දළදා පෙරහැර සාර්ථකව අවසන් – සංදේශය දියවඩන නිළමේ විසින් ජනපතිට පිළිගන්වයි.

මහනුවර ඓතිහාසික ශ්‍රී දළදා පෙරහැර සාර්ථකව අවසන් කළ බවට සැළකෙරෙන සංදේශය ඊයේ පස්වරුවේ දියවඩන නිළමේ…

Hot News

විදේශිකයින් රැසක් බුදු දහම අධ්‍යනයට ඇල්ලේදී බොහෝ දෙනෙක් පැවිදි දිවියට

විදේශීය සංචාරකයන්ට ඇල්ල සංචාරක කලාපය සුන්දර ගමනාන්තයක්.දෛනිකව මේ ප්‍රදේශයට විවිද රට වලින් පැමිණෙන සංචාරකයින්ගේ ප්‍රමාණය…

Hot News

හෙළයේ මහා සංස්කෘතික මංගල්‍යය අවසන් මහා රන්දෝලි පෙරහර අදයි

ෙළයේ මහා සංස්කෘතික මංගල්‍යය වශයෙන් හැඳින්වෙන මහනුවර ඓතිහාසික ශ්‍රී දළදා මාලිගාවේ වාර්ෂික ඇසළ පෙරහර මංගල්‍යයේ…

Hot News

ඕස්ට්‍රේලියානු අග්‍රාණ්ඩුකාරවරිය ජනපති හමුවෙයි

තෙදින නිල සංචාරයක් සදහා ශ්‍රී ලංකාවට පැමිණ සිටින ඕස්ට්‍රේලියානු අග්‍රාණ්ඩුකාර සමන්තා ජෝයි මොස්ටින් ජනාධිපති කාර්යාලයේ…

යොවාන් ඩේවිඩ් ෆෝමියුලා ධාවන තරඟයකට සුදුසුකම් ලත් පළමු ශ්‍රී ලාංකිකයා වෙයි.

ජාත්‍යන්තර මෝටර් රථ සම්මේලනය විසින් සංවිධාන කරන ෆෝමියුලා ධාවන තරඟයක තුන්වන අදියර නියෝජනය කිරීමට සුදුසුකම් ලබා ගත් පළමු ශ්‍රී ලාංකික ධාවකයා බවට පත් වීමට යොවාන් ඩේවිඩ් සමත් වුණා.  

18 හැවිරිදි යෛාහාන් ඩේවිඩ් මේ වන විට යුරෝ ෆෝමියුලා විවෘත ශූරතාවලියට තරඟ වැදී සිව්වරක් ජයග්‍රහණය කර තිබෙන බවයි වාර්තා වන්නේ. සිය මව්බිම නියෝජනය කරමින් මෙම තරඟයට එක් වූ පළමුවැන්නා වීම පිළිබඳව ආඩම්බර වන බවත් යොවාන් ඩේවිඩ් කියා සිටියා. 

අමෙරිකාවේ නිව්යෝක් නගරයේ වෙඩි තැබීමක්

අමෙරිකාවේ නිව්යෝර්ක් නගරයේ සිදු වූ වෙඩි තැබීමකින් පුද්ගලයන් තිදෙනෙකු තුවාල ලබා තිබෙනවා.

අමෙරිකාවේ නිව්යෝර්ක් නගරයේ සිදු වූ වෙඩි තැබීමකින් පුද්ගලයන් තිදෙනෙකු තුවාල ලබා තිබෙනවා. සුප්‍රසිද්ධ ටයිම්ස් චතුරශ්‍රයේ සිදු වූ මෙම වෙඩි තැබීමෙන් තුවාල ලැබූ පුද්ගලයන් රෝහල්ගත කළ අතර ඔවුන්ගේ තත්වය බරපතල නොවන බව විදෙස් මාධ්‍ය වාර්තා කළා.

සිද්ධිය සම්බන්ධයෙන් එක් පුද්ගලයෙකු අත්අඩංගුවට ගෙන තිබෙනවා.

ශිෂ්‍යත්ව විභාගය ඇරඹෙයි.  

පහ වසර ශිෂ්‍යත්ව වි‍භාගය අද පෙරවරුවේ ආරම්භ වුණා. මේ සම්බන්ධයෙන් දැනුවත් කිරීමේ හමුවත් අද පෙරවරුවේ විභාග කොමසාරිස් AKS ඉන්දිකා කුමාරි ලියනගේ විසින් සිදු කරනු ලැබුවා.

දිවයින පුරා මධ්‍යස්ථාන 2787ක දරුවන් 307 951 දෙනෙක් අද දිනයේ මෙම විභාගයට පෙනී සිටියා. Channel 7 අපි විභාගයට පෙනී සිටි පුංචි දරුවන්ගෙන් විමසීමක් ද සිදු කළා.

මඩකලපුව දිස්ත්‍රික්කයේ අධ්‍යාපන කොට්ඨාස පහේම සිසුන් 9055 දෙනෙකු විභාගයට පෙනී සිටි අතර, මෙවර ඔවුන් සඳහා විභාග මධ්‍යස්ථාන 91 ක් සහ සම්බන්ධතා මධ්‍යස්ථාන 13 ක් පිහිටුවා තිබුණා.

දළදා පෙරහැර සාර්ථකව අවසන් – සංදේශය දියවඩන නිළමේ විසින් ජනපතිට පිළිගන්වයි.

මහනුවර ඓතිහාසික ශ්‍රී දළදා පෙරහැර සාර්ථකව අවසන් කළ බවට සැළකෙරෙන සංදේශය ඊයේ පස්වරුවේ දියවඩන නිළමේ ප්‍රදීප් නිලංග දෑල බණ්ඩාර විසින් ජනාධිපති අනුර කුමාර දිසානායක වෙත පිළිගන්වනු ලැබුවා. ඒ මහනුවර ජනාධිපති මන්දිරයේදී යි.

මහනුවර ජනාධිපති මන්දිරය වෙත පෙරහැරින් පැමිණි දියවඩන නිළමේ ප්‍රදීප් නිලංග දෑල බණ්ඩාර මහතා ඇතුළු සතර දේවාලවල සහ පිටිසර දේවාලවල නිළමේවරුන් සම්ප්‍රදායානුකූලව එම සංදේශය ජනාධිපතිවරයා වෙත පිළිගන්වනු ලැබුවා.

මෙම අවස්ථාව සනිටුහන් කරමින් ජනාධිපති මන්දිර පරිශ්‍රෙය් පැළයක් ද රෝපණය කළ අතර සම්ප්‍රදාය ගරු කරමින් සමූහ ඡායාරූපයකට ද ජනාධිපතිවරයා සහ නිළමේවරුන් පෙනී සිටියා. ඇසළ පෙරහැර භාරය මගින් පිටිසර දේවාල වෙනුවෙන් සිදු කරන මූල්‍යාධාර ප්‍රදානය ද ජනාධිපති අනුර කුමාර දිසානායක අතින් සිදු කෙරුණා.

ලෝකයේ අනාගතය අත්පත් කර ගැනීමේදී මෙන්ම ඇතැම් විට ඓතිහාසික උරුමය ආරක්ෂා කර ගැනීමේදීද අප අසමත් වී තිබෙන බවත්, අපට අනන්‍ය වූ අනාගතය සහ සංවර්ධන මාවත තෝරා ගන්නේ කෙසේද යන අභියෝගය සහ කතිකාව අද අප ඉදිරියේ තිබෙන බවත් පැවසු ජනාධිපතිවරයා අපේ අනන්‍ය ගමන සොයා ගැනීමේ දි සහ ජාතියේ අනාගතය තීරණය කිරීමේදී  විද්‍යා හා තාක්ෂණයේ ජයග්‍රහණ මෙන්ම ඓතිහාසික උරුමයද උකහාගත යුතු බව පෙන්වා දුන්නා.

විදේශිකයින් රැසක් බුදු දහම අධ්‍යනයට ඇල්ලේදී බොහෝ දෙනෙක් පැවිදි දිවියට

විදේශීය සංචාරකයන්ට ඇල්ල සංචාරක කලාපය සුන්දර ගමනාන්තයක්.
දෛනිකව මේ ප්‍රදේශයට විවිද රට වලින් පැමිණෙන සංචාරකයින්ගේ ප්‍රමාණය ඉහල යමින් පවතිනවා.
ඒ අතර බුද්ධාගම අධ්‍යනය කිරීමට සංචාරකයින් රැසක් මේදිනවල ඇල්ල ප්‍රදේශයට පැමිණ සියිනවා.


විනෝදයට සහ ස්වාභාවික පරිසරය විඳීමට එන විදේශිකයින්ට අමතරව බුද්ධාගම අධ්‍යනය කිරීමට හා භාවනාවන් පුරුදු වීම, පැවිදි වීමට විදේශිකයන් පැමිණෙන බවයි ඇල්ල කිතලඇල්ල රත්මල්කන්ද භාවනා මධ්‍යස්ථානාදිපති පුජ්‍ය මඩවල හිමියන් පවසන්නේ.
අප් සවුන්ඩ්
විවිධ රටවල විවිධ තරාතිරම්වල විදේශිකයන් විශාල වශයෙන් පැමින ,බුදුදහම ඉගෙන ගනිමින් බාවනායෝව සිටිමින්, පැවදි බව ලබා ගන්නාබව උන් වහන්සේ ප්‍රකාෂ කළා.

හෙළයේ මහා සංස්කෘතික මංගල්‍යය අවසන් මහා රන්දෝලි පෙරහර අදයි

ෙළයේ මහා සංස්කෘතික මංගල්‍යය වශයෙන් හැඳින්වෙන මහනුවර ඓතිහාසික ශ්‍රී දළදා මාලිගාවේ වාර්ෂික ඇසළ පෙරහර මංගල්‍යයේ අවසන් මහා රන්දෝලි පෙරහර අද වීදි සංචාරය කිරීමට නියමිතයි.
ඒ පස්වරු 06:00 පසු වී විනාඩි 57ට යෙදෙන සුබ මොහොතින්.
ශ්‍රී දළදා මාලිගාවේ පත්තිරිප්පුව අසලින් නාථ, විෂ්ණු, පත්තිනි, කතරගම සිවු මහා දේවාල පෙරහර කැටුව පිටත් වන දළදා පෙරහර වැව පාර, දළදා වීදිය, යටිනුවර වීදිය, කන්දේ වීදිය, ඩී.එස්. සේනානායක වීදිය ඔස්සේ රජවීදියෙන් ඉහළට විත් ගෙවැදීම සිදු වේ.
අවසන් රන්දෝලි මහා පෙරහර නැරඹීම සඳහා ජනාධිපති අනුර කුමාර දිසානායක ද එක් වන අතර අති විශාල දෙස් විදෙස් ජනතාවක් පෙරහර නැරඹීමට පැමිණෙතැයි පෙරහරේ සංවිධාන කමිටු බලාපොරොත්තු වේ.
හෙට දිය කැපුම් පෙරහර සහ දහවල් පෙරහර අවසන්ව ජනාධිපතිට පෙරහර සන්දේශය පිළිගැන්වීමෙන් අනතුරුව මහනුවර ඇසළ පෙරහර මංගල්‍යය අවසන් විඉමට නියමිතයි .
අවසන් රන්දෝලි පෙරහැර වෙනුවෙන් විශේෂ ආරක්ෂක හා රථවාහන සැලැස්මක් මහනුවර නගරය කේන්ද්‍ර කර ගනිමින් ක්‍රියාත්මක බවයි පොලීසිය ප්‍රකාශ කරන්නේ.

අලි මිනිස් ගැටුම ඵලදායී ලෙස විසඳන්න පුළුවන්ද? බැරිද?

අලි මිනිස් ගැටුම ඵලදායී ලෙස විසඳීමින් ප්‍රජාව සහ වනජීවීන් ආරක්ෂා කිරීමට රටපුරා සමාන ක්‍රියාකාරී සැලසුම් සකස්කර තිබෙනවා.
අනුරාධපුර කුරුණෑගල හා පුත්තලම දිස්ත්‍රික් වල එහි නියමමු ව්‍යාපෘති ක්‍රියාත්මක කිරීමටයි සැලසුම් කර ඇත්තේ.
ව්‍යාපෘතිය පිළිබඳ වන ජීවි නිලධාරීන් දැනුවත් කිරීමේ සමුළුවක් ඊයේ කොළඹදී පැවැත්වුණා. ඒ. පරිසර නියෝජ්‍ය අමාත්‍යය ඇන්ටන් ජයකොඩි මහතාගේ ප්‍රධානත්වයෙන්.
අලි මිනිස් ගැටුම කළමනාකරණ වෙනුවෙන් සැලසුම් සකස් කීරීමේදී පරිසරවේදීන් සහ විද්වතුන්ගේ දායකත්වය හිමිව තිබෙනවා.
වනාන්තර රක්ෂිත කර ආරක්ෂා කිරීමේ වැඩපිළිවෙලට අස්ගිරි, මලුවතු මහනායක හිමිවරුන්ගේ ප්‍රසාදය හමිව තිබීම විශේෂත්වයක්.
පරිසර අමාත්‍ය වෛද්‍ය දම්මික පටබැඳි මහතා ඊයේ අස්ගිරි සහ මල්වතු මහ නාහිමිවරුන් බැහැ දැක බැහැදැක පාරිසරික සංරක්ෂණ ක්‍රියාවලිය සම්බන්ධයෙන් ගෙන ඇති ක්‍රියා මාර්ග සහ වැඩපිළිවෙල සම්බන්ධයෙන් දැනුවත් කළා.
නව රජයේ පරිසර අමාත්‍යංශය ලෙස ඉදිරියේදි ක්‍රියාත්මක කිරීමට නියමිත වැඩසටහන් සහ ව්‍යාපෘතින් කිහිපයක් සම්බන්ධයෙන් මහා නාහිමිවරුන්ගේ අවධානයට යොමු කර තිබෙනවා.
විශේෂයෙන්ම අලි මිනිස් ගැටුමට හේතු සාධක මෙන්ම එයට ගෙන තිබෙන කෙටි කාලීන සහ දිගු කාලීන විසඳුම් සම්බන්ධයෙන් මෙහීදී අවධානය යොමු වුනා.
මහානායක හිමිවරුන් විසින් වනාන්තර රක්ෂිත කර ආරක්ෂා කිරීමේ වැඩපිළිවෙල සම්බන්ධයෙන් ප්‍රසාදය පළකළ අතර පරිසර සමතුලිතතාව බිඳවැටෙන ගැටලු සදහා විසඳුම් සෙවිමේදි සාධනීය ප්‍රවේශයන්වල වැදගත්කම පෙන්වා දුන්නා.
එමෙන්ම ශ්‍රී දළදා මාලිගාවේ දියවඩන නිළමේ නිලංග දෑල බණ්ඩාර මහතා ද හමුවී පෙරහැරට යොදවන අලි ඇතුන් සහ පාරිසරික කරුණු කිහිපයක් සම්බන්ධයෙන් ද අදහස් හුවමාරු කරගෙන තිබෙනවා.

පළමුවන ධර්ම සංගායනාව ආරම්භ කළ නිකිනි පොහොය දිනය අදයි

නිකිනි පොහොය දිනය අදයි. බුදු රජාණන්වහන්සේගෙ පිරිනිවන් මන්ගල්‍යයෙන් තෙමසකට පසු ශාසන චිරස්ත්තිය සහ උන්වහන්සෙ ගෙ ධර්මය අඛන්ඩව ඉදිරියට පවත්වාගනයාම සදහා පළමුවන ධර්ම සංගායනාව ආරම්භ කළේ අද වැනි දිනයක බව ශාසන ඉතිහාසයෙ සදහන්.

අද දිවයින පුරා වෙහෙර විහාරස්තාන වල දාන ශීල භාවනා වැඩසටහන්වට බැතිමතුන් සහබාගි වෙමින් සිටිනු දකනට ලැබෙනවා.අජාසත්ත රජතුමාගේ අනුග්‍රහය ඇතිව මහා කාශ්‍යප මහරහතන් වහන්සේගේ ප්‍රධානත්වයෙන් ආනන්ද, අනුරුද්ධ, උපාලි යන මහ රහතන් වහන්සේ ප්‍රධාන පන්සියයක් මහරහතන් වහන්සේලා ප්‍රතම දර්ම සන්ගායනාවට එක්වුනා. රජගහනුවර වේහර පර්වතයේ සත්තපර්ණි .ගුහාද්වාරය ඉදිරිපිට ඉදිකරවු අලංකාර මණ්ඩපයකදී ප්‍රථම ධර්ම සංඝායනාව ආරම්භ කරන ලද බවයි සාශන ඉති හාසයෙ සදහන් වන්නෙ .
බුදුරදුන්වහන්සෙගෙ ලලාට ධාතු නිධන් කර සේරුවාවිල දාගැබ තැනීම ආරම්භ කිරීමද නිකිණි පොහොය දිනයෙදි සිදුවිය. මහනුවර ස්‍රි දලදා පෙරහර මෙන්ම සේරුවාවිල පෙරහර ද නිකිණි පොහොයත් සමඟ අවසන් වෙ.

ඕස්ට්‍රේලියානු අග්‍රාණ්ඩුකාරවරිය ජනපති හමුවෙයි

තෙදින නිල සංචාරයක් සදහා ශ්‍රී ලංකාවට පැමිණ සිටින ඕස්ට්‍රේලියානු අග්‍රාණ්ඩුකාර සමන්තා ජෝයි මොස්ටින් ජනාධිපති කාර්යාලයේ දී ජනාධිපති අනුර කුමාර දිසානායක මහතා හමු වී ද්වීපාර්ශ්වික සාකච්ඡා පවත්වා තිබෙනවා.
ඕස්ට්‍රේලියානු අග්‍රාණ්ඩුකාරවරිය මෙහිදී අවධාරණය කළේ ජනාධිපතිවරයාගේ පැහැදිලි නායකත්වය යටතේ සාර්ථක ගමනකට අවශ්‍ය අඛණ්ඩ සහයෝගය ලබා දීමට ඕස්ට්‍රේලියාව සූදානම් බවයි.
ඕස්ට්‍රේලියාව සහ ශ්‍රී ලංකාව අතර වසර 75කට වඩා වැඩි මිත්‍රත්වය තවදුරටත් ශක්තිමත් කිරීම සහ දෙරටේ අන්‍යෝන්‍ය ප්‍රතිලාභ සඳහා පවතින සහයෝගිතා ක්ෂේත්‍ර පුළුල් කිරීමේ අවස්ථා පිළිබඳ මෙහිදී දීර්ඝ වශයෙන් සාකච්ඡා කර තිබෙනවා.
ශ්‍රී ලංකාවේ ආර්ථික, අධ්‍යාපන, ආරක්ෂක, සංචාරක, සමුද්‍රීය කටයුතුවලදී ඕස්ට්‍රේලියාවෙන් ලැබෙන සහායද ජනාධිපතිවරයා මෙහිදී අගය කළා.
ඕස්ට්‍රේලියාව, ශ්‍රී ලංකාවේ විශාල පිරිසකගේ රැකියා, අධ්‍යාපනය සහ වෘත්තීය පුහුණු ආදිය සඳහා මධ්‍යස්ථානයක් බවට පත් වී ඇති බව පැවසූ ජනාධිපතිවරයා මෙම ක්ෂේත්‍රවල ඕස්ට්‍රේලියානු අත්දැකීම්වලින් ශ්‍රී ලංකාවට බොහෝ දේ ඉගෙන ගත හැකි බවත්, එම අත්දැකීම් සාර්ථකව බෙදා ගැනීමට ශ්‍රී ලංකාව අපේක්ෂා කරන බවත් වැඩිදුරටත් පවසා තිබෙනවා.
ඕස්ට්‍රේලියානු ආයෝජකයන් සඳහා ශ්‍රී ලංකාවේ ඉතාම හිතකර පරිසරයක් නිර්මාණය වී ඇති බවද මෙහිදී ජනාධිපතිවරයා අවධාරණය කළා.
ජනාධිපතිවරයාගේ ආරාධනයකට අනුව තෙදින නිල සංචාරයක් සඳහා ශ්‍රී ලංකාවට පැමිණි ඕස්ට්‍රේලියානු අග්‍රාණ්ඩුකාරවරිය දිවයිනේ විවිධ ප්‍රදේශවල සංචාරය කිරීමටත්, බණ්ඩාරගම, මිරිස්ස සහ වැලිගම යන ප්‍රදේශවල ක්‍රියාත්මක වන ඕස්ට්‍රේලියාව විසින් සහාය දක්වනු ලබන ව්‍යාපෘති කිහිපයක් නිරීක්ෂණය කිරීමටත් නියමිතයි.

කතරගම වාසනාට දළදා මාලිගයෙන් සම්මාන පළඳනාවක්

වසර හතළිහකට වඩා වැඩි කාලයක් ඇසළ පෙරහර මංගල්‍යයට දායක වූ අලි ඇතුන් සඳහා සම්මාන පළඳනා පිරිනැමීම මහනුවර ශ්‍රී දළදා මාලිගාවේදී සිදුවුණා. සම්මාන ප්‍රදානය සංකේතවත් කරමින් වසර පනස් පහකට අධික කාලයක් පෙරහැර මංගල්‍යයට දායක වුණු රුහුණු කතරගම මහා දේවාලයේ වාසනා ඇතු පළමු සම්මානයෙන් පුදනු ලැබුවා.
ඊට සමගාමීව සෙසු අලි ඇතුන් සඳහාද මෙම සම්මාන පළඳනාව පිරිනැමීම සිදු වුණා.
වර්ෂ 1980 දී 400 ක් පමණ වුණු හීලෑ අලි ඇතුන් ප්‍රමාණය මේ වන විට අනූ හයකට සීමා වී ඇති බවත් තායිලන්තය, ඉන්දියාව, මියන්මාරය වැනි රටවල වන අලියන් හා හීලෑ අලි ඇතුන්ගේ ප්‍රමාණය ඉතාමත්ම ඉහළ මට්ටමක පවතින බව දියවඩන නිලමේවරයා සඳහන් කළා.
ඔහු පවසන්නේ, ශ්‍රී ලංකාවේ හීලෑ අලි ඇතුන් ප්‍රමාණය 96ක් වන විට වන අලි ගහණය 8000ත් අතර වන බවත්
ඉදිරි වසර 15ක කාලයෙන් අනතුරුව මෙරට හීලෑ අලි ඇතුන් ප්‍රමාණය 15කට සීමා වන බවයි.
එබැවින් මෙම ගැටලුව පිළිබඳව මෙවර පෙරහැර සමාප්තිය උළෙලේදී ඇසළ පෙරහර මංගල්‍යය ඇතුළු මෙරට සංස්කෘතික අංගයන් සඳහා අලි ඇතුන් දායක කර ගැනීමේ අවශ්‍යතාවය ජනාධිපතිවරයාට පෙන්වා දෙන බවද ඔහු වැඩිදුරටත් සදහන් කළා.

මෙරට 96 ක් වන හීලෑ අලි ඇතුන්ගේ සංඛ්‍යාවෙන් අලි ඇතුන් 47 දෙනකු අවුරුදු 40 ට වඩා වැඩි කාලයක් සංස්කෘතික මංගල්‍යයන්වලට සහභාගි වූ හීලෑ අලි ඇතුන් වන බව දියවඩන නිලමේ ප්‍රදීප් නිලංග දෑල පවසනවා.
ඒ අනුව අද දින අලි ඇතුන් 27 දෙනෙකු මෙම සම්මාන පළදෙනාවෙන් පිදුම් ලැබීම සිදු වුණා.
ඒ මහනුවර ශ්‍රී දළදා මාලිගාවේ මහ මළුව අබියදී පරිසර අමාත්‍ය වෛද්‍ය ධම්මික පටබැඳි ගේ සහභාගීත්වයෙන්.