ලංගමයට අධි සුඛෝපභෝගී බස් රථ 200ක්

ශ්‍රී ලංගමය විසින් අධිවේගී මාර්ග සඳහා අධි සුඛෝපභෝගී බස් රථ 200ක් මිල දී ගැනීමට අමාත්‍ය මණ්ඩල අනුමැතිය හිමිව තිබෙනවා.

මූල්‍ය හැකියාව ඇති ඩිපෝ මඟින් අධි සුඛෝපභෝගී බස් රථ 29ක් ඍජුවම මිල දී ගැනීමටත්, ශ්‍රී ලංගමයේ අරමුදල් භාවිත කරමින් මූලික ගෙවීම් සිදු කර, ඉතිරි මුදල වසර 05ක් තුළ මාසික වාරික වශයෙන් උපයන ආදායමෙන් ගෙවීම හරහා සෙසු බස් රථ ප්‍රමාණය මිල දී ගැනීමටත් නියමිතයි.

අධිවේගී මාර්ගවල මගී ඉල්ලුම සපුරාලීමට ප්‍රමාණවත් බස් රථ නොමැතිකම හමුවේ ශ්‍රී ලංගම විසින් දැනට පෞද්ගලික අංශයට අයත් සුඛෝපභෝගී බස් රථ 61ක් ලාභ බෙදා ගැනීමේ පදනම මත ධාවනයේ යොදවනු ලබයි.

ශ්‍රී ලංකා ගමනාගමන මණ්ඩලය සාමාන්‍ය බස් රථ ඇණියෙන් 52%කට ආසන්න ප්‍රමාණයක් සහ සුඛෝපභෝගී බස් රථ ඇණියෙන් 94%කට ආසන්න ප්‍රමාණයක් ආර්ථික ආයු කාලය ඉක්මවා ගොස් ඇත.

මානව හිමිකම් සහ මිනිස් අයිතිවාසිකම් වලට පුළුල් දැක්මක් අවශ්‍ය බව විපක්ෂ නායක පවසයි.

මානව හිමිකම් ආරක්ෂා කිරීම ප්‍රජාතන්ත්‍රවාදයේ සුවිශේෂ කරුණක් බව විපක්ෂ නායක සජිත් ප්‍රේමදාස පවසනවා.

ඔහු වැඩිදුරටත් පැවසුවේ අතුරුදන් වුවන්ගේ කාර්යාලය, හානි පුර්ණ කර්යාලය, ජාතික සමගිය හා සංහිදියාව උදෙසා නිර්මාණය වු කර්යාලය හරහා යුද සමයේ සංහිදියාව සාක්ෂාත් කර ගැනීමට පියවර ගණනාවක් ගෙන ඇති බවයි.

ජනතාවගේ හඬ යටපත් කරන පනත් සංශෝධනය කළ යුතු බවත්, නිදහස් මාධ්‍ය නියාමනයට ඉඩ දීමට නොහැකි බවත්, ජීවත් වීමේ අයිතිය මානව අයිතියක් කළ යුතු තවත් ඔහු වැඩිදුරටත් පවසා සිටියා.

විපක්ෂ නායකවරයා මේ පිළිබද මාධ්‍ය වෙත අදහස් දක්වමින් කියා සිටියේ එක්සත් ජාතින්ගේ මානව හිමිකම් පිළිබඳ තානාපති වෝල්කර් ටර්ක් පාර්ලිමේන්තුවේ දී හමුවීමෙන් පසුවයි.

සාක්ෂි අමතකයිලු

රාජකාරි අත්හිටුවා ඇති පොලිස්පති දේශබන්දු තෙන්නකෝන්ගේ සාක්ෂි ලැයිස්තුවේ සාක්ෂිකරුවන් සිව් දෙනෙක් පරීක්ෂණ කමිටුව ඉදිරියේ සාක්ෂි ලබාදී තිබෙනවා.

පොලිස්පති ටී.එම්.ඩබ්ලිව්. දේශබන්දු තෙන්නකෝන් විසින් කර ඇතැයි කියන විෂමාචාර සහ සිය ධුරයේ බලතල බරපතල අන්දමින් අනිසි ලෙස යොදාගැනීම සම්බන්ධයෙන් විමර්ශනය කර වාර්තා කිරීමට පත් කළ පරීක්ෂණ කමිටුව ඉදිරියේ වගඋත්තරකාර පොලිස්පති දේශබන්දු තෙන්නකෝන්ගේ සාක්ෂි ලැයිස්තුවේ සාක්ෂිකරුවන් සිව් දෙනෙක් සාක්ෂි ලබාදීම ඊයේ (24) සිදු වුණා.

වගඋත්තරකාර පොලිස්පතිවරයාද ඇතුළුව ඔහුගේ සාක්ෂි ලැයිතුවේ සාක්ෂිකරුවන් 15 දෙනෙකු සාක්ෂි ලබාදීමට නියමිතයි.

ඊයේ (23) දින වගඋත්තරකාර පොලිස්පති ටී.එම්.ඩබ්ලිව්. දේශබන්දු තෙන්නකෝන් පරීක්ෂණ කමිටුව ඉදිරියේ සාක්ෂි ලබාදීම සිදුවුණා.

එසේම සාක්ෂි ලබාදුන් සාක්ෂිකරුවන් සිව්දෙනාද ඇතුළුව මේ වන විට වගඋත්තරකාර පොලිස්පතිවරයාගේ සාක්ෂි ලැයිතුවේ සාක්ෂිකරුවන් 5 දෙනෙකු සාක්ෂි ලබාදී අවසන්.

ශ්‍රේෂ්ඨාධිකරණ විනිසුරු පී.පී. සූරසේනගේ සභාපතිත්වයෙන් සහ විනිසුරු ඩබ්ලිව්.එම්.එන්.පී. ඉද්දවල සහ ජාතික පොලිස් කොමිෂන් සභාවේ සභාපති ඊ.ඩබ්ලිව්.එම්. ලලිත් ඒකනායක යන පුද්ගලයින්ගේ සාමාජිකත්වයෙන් කමිටුව ඊයේ පෙ.ව. 9.30 රැස්වූ අතර ප.ව. 8.10 දක්වා සාක්ෂිකරුවන්ගෙන් සාක්ෂි ලබාගැනීම සිදු වුණා.

කොළඹ දිසාව භාර නියෝජ්‍ය පොලිස්පති ජගත් චන්ද්‍රකුමාර ඊයේ දින කමිටුව හමුවේ සාක්ෂි ලබාදුන්නා.

මොහු කොළඹ අපරාධ කොට්ඨාසයේ වෑන් රථය පිටතට යැවීම සඳහා අනුමැතිය දීම සඳහා නිර්දේශ කළ නිලධාරියා මෙන්ම මෙම වෙඩි තැබීමේ සිද්ධියේදි මියගිය උපුල් නමැති නිලධාරියාට වන්දි ලබාදීමේ කමිටුවේ සභාපති ලෙසද කටයුතු කර තිබෙනවා.

සාක්ෂි විමසිම ආරම්භ කරමින් දේශබන්දු තෙන්නකෝන් වෙනුවෙන් පෙනි සිටින නීතිඥ සංජීව වීරවික්‍රම සාමාන්‍ය ප්‍රශ්න කිරිම් සිදුකළ අතර අනතුරුව කමිටුවේ සභාපති විනිසුරු ප්‍රීතිපද්මන් සූරසේන ප්‍රශ්න රැසක් විමසා සිටියා.

එලෙස විමසු බොහෝ ප්‍රශ්න සඳහා ”මම දන්නේ නැහැ, මට මතක නැහැ.” යනුවෙන් සාක්ෂිකරු පිළිතුරු ලබාදී තිබුණා. ඊට කමිටුවේ දැඩි අප්‍රසාදය පළ කර තිබෙනවා.

එහිදි අතිරේක සොලිසිටර් ජනරාල් දිලීප පිරිස් ප්‍රශ්න කිරිම් ආරම්භ කරමින් ” මොකද නියෝජ්‍ය පොලිස්පතිතුමා ඔබතුමාගේ කකුල වෙව්ලන්නේ, ඔබතුමාට අසනීපයක්ද?” යනුවෙන් අසමිනි.

”නැහැ ස්වාමීනි මම මේ වගේ කොමිසමක පළවෙනි වතාවටයි සාක්ෂි ලබාදෙන්නේ. මට පුරුදු නැහැ මේක”‘ යනුවෙන් පොලිස් නිලධාරියා එහිදි ප්‍රකාශ කර තිබෙනවා.

ඔබගේ මතය තවමත් නාඳුනන වෙඩික්කුරුවෙක් විසින් මෙම වෙඩි තැබිම සිදු කළා යන්න දැයි දිලිප පිරිස් මහතා විමසා තිබෙනවා.

”ඔව් මම ඒ මතයේ තමයි ඉන්නේ ” යනුවෙන් පොලිස් නිලධාරියා ප්‍රකාශ කර ඇත.
එවක වැඩබලන පොලිස්පතිට දැනුම් දුන්නද? යනුවෙන් විමසු අවස්ථාවේදි ඔහු පැවසුවේ තමා ඔහුට කතා කර ඒ පිළිබඳ දැනුම් දුන් බවයි.

කෙසේ වෙතත් දිගින් දිගටම සිදුවූ සාක්ෂි විමසීම් අතරතුර ඔහු පරස්පර විරෝධී පිළිතුර ලබාදිමත් සමග සභාපති විනිසුරුවරයා අසත්‍ය තොරතුරු නොපවසන ලෙස ඔහුට දැඩි ලෙස අවවාද කර තිබෙනවා.

”ඔබ නිවැරදි පිළිතුරු දෙන්නේත් නැහැ. ඔබ වගේ නිලධාරින් තමයි පොලිස් දෙපාර්තමේන්තුව අපකිර්තියට පත් කරන්නේ. ඔබ ලැජ්ජා වෙන්නත් ඕනේ මේ වගේ පිළිතුරු දිලා පොලිස් නිලඇඳුම ඇඳගෙන ඉන්න” යනුවෙන් එහිදි සභාපති විනිසුරුවරයා ප්‍රකාශ කර තිබෙනවා.

එසේම වගඋත්තරකාර පොලිස්පතිවරයාගේ සාක්ෂි ලැයිස්තුවේ ඉතිරි සාක්ෂිකරුවන්ගේ සාක්ෂි ලබාගැනීම සඳහා පරීක්ෂණ කමිටුව අද (25) පෙ.ව 9.30 ට රැස්වීමට නියමිතය.

උදව් අවශ්‍යදැයි විමසීමට පුටින්ගෙන් ට්‍රම්ප් ට ඇමතුමක් ?

ඉරානය සම්බන්ධයෙන් උදව් අවශ්‍ය දැයි විමසීමට රුසියානු ජනාධිපති ව්ලැඩිමීර් පුටින් තමාට කතා කළ බව ඇමරිකානු ජනාධිපති ඩොනල්ඩ් ට්‍රම්ප් පවසනවා.

එයාර් ෆෝස් වන් නෞකාවේදී විදෙස් මාධ්‍යවේදීන් සමඟ ඉරානය පිළිබඳ සාකච්ඡා කරමින් සිටියදී ජනාධිපති ඩොනල්ඩ් ට්‍රම්ප් හෙළි කළේ රුසියානු ජනාධිපති ව්ලැඩිමීර් පුටින් ඉරානයේ තත්වයට උදව් කිරීමට තමාට කතා කළ බවයි.

ඉන්දීය ක්‍රිකට් ක්‍රීඩක රිෂාබ් පාන්ට් ට දඬුවම් ලකුණක්

ඉන්දියාව හා එංගලන්තය අතර ටෙස්ට් තරගයේදී ICC චර්යාධර්ම සංග්‍රහයේ 1 වන මට්ටම උල්ලංඝනය කිරීම සම්බන්ධයෙන් ඉන්දීය කඩුලු රකින පිතිකරු රිෂාබ් පාන්ට් හට දඬුවම් ලකුණක් ලබා දී තිබෙනවා.

ක්‍රීඩකයින් සහ ක්‍රීඩක සහායක කාර්ය මණ්ඩලය සඳහා වන ICC චර්යාධර්ම සංග්‍රහයේ 2.8 වගන්තිය පාන්ට් උල්ලංඝනය කර ඇති බවයි ICCය විසින් සදහන් කර ඇත්තේ.

එය “ජාත්‍යන්තර තරඟයක් අතරතුර විනිසුරුවරයෙකුගේ තීරණයට විරුද්ධත්වය ප්‍රකාශ කිරීම” සම්බන්ධයෙන් වේ.

මෙම සිදුවීම සිදුවී ඇත්තේ එංගලන්ත පළමු ඉනිමේ 61 වන ඕවරයේදී බෙන් ස්ටෝක්ස් සහ හැරී බෲක් කඩුල්ලේ රැදී සිටියදී පාන්ට් පන්දුවේ තත්ත්වය පිළිබඳව විනිසුරුවන් සමඟ සාකච්ඡාවක යෙදුනු අවස්තාවේදීයි.

බෝල මාපකය සමඟ පන්දුව පරීක්ෂා කිරීමෙන් පසු විනිසුරුවරුන් පන්දුව වෙනස් කිරීම ප්‍රතික්ෂේප කර තිබෙනවා.

එවිට කඩුලු රකින්නා වූ රිෂාබ් විනිසුරුවරුන් ඉදිරිපිට පන්දුව බිමට විසි කිරීමෙන් ඔහුගේ විරුද්ධත්වය පෙන්නුම් කිරීමට කටයුතු කලා.

පිටියේ විනිසුරුවරුන් වූ ක්‍රිස් ගැෆනි සහ පෝල් රීෆල් විසින් චෝදනා ඉදිරිපත් කිරීමෙන් පසුව පාන්ට් විසින් වරද පිළිගෙන තරඟ තීරක රිචී රිචඩ්සන් විසින් පනවන ලද දඬුවම පිළිගෙන තිබෙනවා.

වැලිකන්ද උණුදිය උල්පත් සංවර්ධනය කිරීමට සැලසුම්

පොළොන්නරුව, වැලිකන්ද උණු දිය උල්පත් සංවර්ධනය කිරීම පිළිබඳ සාකච්ඡාවක් ඊයේ එම ප්‍රදේශයේදී පැවැත්වුණා.

මෙම උණු දිය උල්පත් සංවර්ධනය කර නොතිබීම නිසා සංචාරකයන් එහි සංචාරය කිරීමට උනන්දුව අඩුකමක් දක්වා ඇත.

මෙහිදී අවධාරණය කෙරුණු කරුණු වූයේ උණු දිය උල්පත් සංවර්ධනය කිරීමේ වැදගත්කම, සංචාරක හා තාක්ෂණික විභවතාව සහ වත්මන් තත්වය පිළිබඳවයි.

උණු දිය උල්පත් ආශ්‍රිතව ප්‍රදේශයේ වනගහනය වැඩිකිරීම, දූපත අලංකරණය, ගොඩබිම සිට දූපත දක්වා පාලමක් ඉදි කිරීම යන කරුණද සාකච්ඡා වී තිබෙනවා.

එම අවස්ථාවට නිවාස නියෝජ්‍ය අමාත්‍ය ටී.බී.හේරත්, වැලිකන්ද ප්‍රාදේශීය සභාවේ සභාපති ඩී.ඩබ්. වසන්ත ඇතුළු නිලධාරීන් සහ තවත් ආයතන කිහිපයක් ද එක්ව සිටියා.

රජයේ පිළිවෙත ගැන එක්සත් ජාතීන්ගේ මානව හිමිකම් කොමසාරිස්ගේ ප්‍රසාදය

සමාජ සාධාරණත්වය සහ මානව හිමිකම් පිළිබඳව ශ්‍රී ලංකා රජයේ මාවත එක්සත් ජාතීන්ගේ මානව හිමිකම් පිළිබඳ මහකොමසාරිස් අගය කර තිබෙනවා.

ශ්‍රී ලංකාවේ සංචාරයක් සඳහා පැමිණ සිටින එක්සත් ජාතීන්ගේ සංවිධානයේ මානව හිමිකම් පිළිබඳ මහ කොමසාරිස් Volker Türk අද (24) විදේශ කටයුතු, විදේශ රැකියා සහ සංචාරක අමාත්‍ය විජිත හේරත් අමාත්‍යංශයේ දී මුණගැසුනේ ය.

මානව හිමිකම් පිළිබඳ මහකොමසාරිස්වරයාගේ ශ්‍රී ලංකා ගමන ඉතාම වැදගත් සංචාරයක් ලෙස ශ්‍රී ලංකා රජය සලකන බව විජිත හේරත් අමාත්‍යවරයා සඳහන් කළා.
නව රජය යටතේ මානව හිමිකම්, සමාජ සාධාරණත්වය සහ සංහිඳියාව පිළිබඳව රජය මේ වන තෙක් ලබා ඇති ප්‍රගතිය මහකොමසාරිස්වරයාට සියසින් දැක බලාගැනීමට අවස්ථාව ලැබෙනු ඇති බවයි ඔහු පෙන්වා දුන්නේ.

ශ්‍රී ලංකා ජනතාව අඛණ්ඩව මුහුණ දුන් අර්බුද හේතුවෙන් මතු වූ ආර්ථික පසුබෑමෙන් ජාතියක් ලෙස මිදීම සඳහා රජය විසින් පියවර ගණනාවක් ගත් බවද විජිත හේරත් ප්‍රකාශ කළා.
යුද්ධය අවසන් වූ වහාම සත්‍ය සහ ප්‍රතිසන්ධාන කොමිෂන් සභාව පිහිටුවීම පිළිබඳව යෝජනා කරන ලද්දේ ජනතා විමුක්ති පෙරමුණ වන අතර නිසැක වශයෙන්ම ඒ මග යාමට නව රජය අදිටන් කරගෙන සිටින බව ද අමාත්‍යවරයා දැනුම් දුන්නා.

ත්‍රස්ථවාදය වැළැක්වීමේ පනත ජනතාවට පීඩා දෙන නීතියක් ලෙස තවදුරටත් පවත්වා නොගෙන එය අහෝසි කිරීම සඳහා ඉක්මණින්ම පාර්ලිමේන්තුවට ඉදිරිපත් කරන බවද විජිත හේරත් අමාත්‍යවරයා මානව හිමිකම් පිළිබඳ මහකොමසාරිස්වරයා වෙත දැනුම් දුන්නා.

අතුරුදහන් වූවන් පිළිබඳ කාර්යාලය ශක්තිමත් කර එහි කටයුතු ඉදිරියට කරගෙන යාමට කටයුතු කරන බව ද ඔහු පෙන්වා දුන්නා.
මීට අමතරව ඔක්තෝබර් 23 වන දින ජාතික සමගි දිනය (National Unity Day) ලෙස ප්‍රකාශයට පත් කිරීමට රජය කටයුතු කරන බවයි අමාත්‍යවරයා ප්‍රකාශ කළා.

ලෝක දේශපාලනය දැඩි අර්බුකාරී තත්ත්වයට පත්ව ඇති මොහොතක තමන් ලංකාවට පැමිණියේ දැඩි බලාපොරොත්තු සහගතව යැයි එක්සත් ජාතීන්ගේ මානව හිමිකම් පිළිබඳ මහකොමසාරිස් Volker Türk ප්‍රකාශ කළාය.
ශ්‍රී ලංකාව පාස්කු ඉරිදා ප්‍රහාරය, කොවිඩ් වසංගතය සහ ආර්ථික අර්බුදය හමුවේ පීඩාවට පත් වූ රටක් බව තමන්ට අමතක නොවන බවයි ඔහු පෙන්වා දුන්නේ.

මානව හිමිකම් කඩවීම පිළිබඳව සොයා බැලීම තම ආයතනයේ වගකීම වුවත් සෑම ජන කොට්ඨාසයකටම සමාන ආර්ථික අවස්ථා නොලැබීම මානව හිමිකම් හා බැඳුනු අංගයක් ලෙස තමන් සලකන බව අමාත්‍යවරයා වෙත පවසා සිටියා. එබැවින් ආර්ථික ප්‍රතිලාභ සමාජයේ සෑම කෙනෙකුටම බෙදී යාම තහවුරු කිරීම ගැන තමන් අවධානය යොමු කරන බවද ඔහු කියා සිටියා.

අතුරුදහන් වූවන්ගේ පවුල්වල සාමාජිකයින් සෑම විටම තම පවුලේ අතුරුදහන් වූවන් පිළිබඳ දැනගැනීමට නොඉවසිල්ලෙන් සිටීම සාමාන්‍ය දෙයක් ලෙසත් ඔහු සඳහන් කළා.
නව රජය විසින් ජාතික සමගිය, සමාජ සාධාරණත්වය වෙනුවෙන් කරනු ලබන නීතිමය ප්‍රතිසංස්කරණ පිළිබඳව එක්සත් ජාතීන්ගේ මානව හිමිකම් කොමසාරිස් කාර්යාලය විමසිල්ලෙන් පසුවන බවද ඔහු ප්‍රකාශ කළා.
දැනට රජය ලබා ඇති ප්‍රගතිය පිළිබඳව තමා සතුටට පත්වන බවත් එම කාර්යය සාර්ථකව කරගෙන යාමට අවශ්‍ය සහයෝගය මානව හිමිකම් ආයතනය ශ්‍රී ලංකාවට ලබා දීමට බලාපොරොත්තු වන බවත් මහකොමසාරිස්වරයා අවධාරණය කළා.

දෙවන ටෙස්ට් තරගයට දුනිත් සහ විශ්ව කැඳවයි

බංග්ලාදේශයට එරෙහි ශ්‍රී ලංකාව තරග වදින දෙවන ටෙස්ට් තරඟය හෙට එස්.එස්.සී ක්‍රීඩාංගණයේදී පැවැත්වීමට නියමිතයි.

ශ්‍රී ලංකා සංචිතයට ක්‍රීඩකයන් 18 දෙනෙකු ඇතුළත් වනවා. ශ්‍රී ලංකා ක්‍රිකට් ක්‍රීඩකයන් වන දුනිත් වෙලාලගේ සහ විශ්වය ප්‍රනාන්දු ටෙස්ට් සංචිතයට කැඳවා ඇත.

ඇන්ජලෝ මැතිව්ස්ගේ හිස් වූ ස්ථානයට දුනිත් වෙල්ලාලගේ සහ මිලාන් රත්නායක සංචිතයෙන් ඉවත් කර විශ්ව ප්‍රනාන්දු කණ්ඩායමට කැඳවා තිබෙනවා.

ඉරානයට පහර දීමට නියෝගයක්

ඉරානය විසින් සටන් විරාමය උල්ලංඝනය ක‍ර ඇති බව පවසමින් ඉරානයට පහර දීමට නියෝගයක් කළ බව ඊශ්‍රායල ආරක්ෂක අමාත්‍යවරයා පවසනවා.

සටන් විරාමය උල්ලංඝනය කරමින් ඉරානය විසින් එල්ල කරන ලද මිසයිල ප්‍රහාරයට ප්‍රතිචාර වශයෙන් ටෙහෙරානයට පහර දෙන ලෙසයි හමුදාවට නියෝග කර ඇත්තේ.

නමුත් ඉරානය විසින් සටන් විරාමය උල්ලංඝනය කිරීම ප්‍රතික්ෂේප කර ඇත.
ගතවූ පැය කිහිපය තුළ ඊශ්‍රායලය දෙසට මිසයිල දියත් කිරීමක් සිදු නොවූ බව ඉරාන සන්නද්ධ හමුදා ජෙනරාල් කාර්ය මණ්ඩලය පවසනවා.

දින 12ක යුද්ධය අවසන් කිරීම සඳහා එක්සත් ජනපද ජනාධිපති ඩොනල්ඩ් ට්‍රම්ප් ඊශ්‍රායලය සහ ඉරානය අතර සම්පූර්ණ සටන් විරාමයක් ප්‍රකාශයට පත්කලා.

නමුත් පැය කිහිපයකට පසු ඉරානය ඉරානය විසින් මිසයිල රැළි හයක් දියත් කළ බව ඊශ්‍රායල හමුදාව පවසා සිටියා. එම ප්‍රහාරවලින් බියර්ෂෙබාහි පුද්ගලයින් තිදෙනෙකු මිය ගිය බව‍යි ඊශ්‍රායලය සදහන් කලේ.

ඕස්ට්‍රේලියානු ක්‍රිකට් නායිකා ඇලිසා නැවතත් පිටියට

ඕස්ට්‍රේලියානු ක්‍රිකට් නායිකා ඇලිසා හීලි (Alyssa Healy) තම කණ්ඩායමට අඛණ්ඩව ICC කාන්තා ක්‍රිකට් ලෝක කුසලාන ශූරතාව දිනා ගැනීම සදහා නායකත්වය දීමට සැරසෙයි.

ඕස්ට්‍රේලියානු නායිකා ඇලිසා හීලි (Alyssa Healy) පසුගිය මාස කිහිපය තුළ යෝග්‍යතා ගැටළු වලට මුහුණ දුන්නා.

ඇය මේ වසරේ අගභාගයේදී ඉන්දියාවේ පැවැත්වෙන ICC කාන්තා ක්‍රිකට් ලෝක කුසලානයට සම්පූර්ණ කාලයම යෙදවීමට කටයුතු කරයි.

“මගේ ඉලක්කය එම ලෝක කුසලානයේ සෑම තරඟයක්ම ක්‍රීඩා කිරීමයි. එබැවින් මට එය කළ හැකි බව සහතික කර ගැනීම වැදගත්.” බව පැවසුවා.

හීලි 2024 ICC කාන්තා T20 ලෝක කුසලානය අවසානයේ පාදයේ ආබාධයකට ලක් වුණා. ඉන් ටික කලකට පසු කාන්තා බිග් බෑෂ් ලීගයේදී දණහිසේ ආබාධයක් ඇති වුණා.

එයින් ඇගේ ඕස්ට්‍රේලියාවේ ඉදිරි තරඟ සඳහා සහභාගීත්වය සීමා කළා.

ඇය සාර්ථක කාන්තා අළු බඳුන ජයග්‍රහණයක් සඳහා වරින් වර සහභාගී වූ අතර, නවසීලන්තයට එරෙහිව සහ ඉන්දියාවේ පැවති කාන්තා ප්‍රිමියර් ලීගයට සහභාගී වීමට ඇයට නොහැකි විය.

2023 දී මෙග් ලැනින්ගේ නික්ම යාමෙන් පසු කණ්ඩායම හීලි භාරගත්තා.

හීලිගේ සුව වීමත් සමඟ ලෝක කුසලානය සඳහා ඊළඟ පියවර අගෝස්තු මාසයේදී ක්වීන්ස්ලන්තයේදී ඉන්දියාවට එරෙහිව ඕස්ට්‍රේලියා A කණ්ඩායම මුහුණ දෙන තරඟය වනු ඇත .

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි