ස්පයිඩර් මෑන් සුප්රකට ක්රියාදාම චිත්රපටමාලාවේ නවතම නිර්මාණය වන Spider-Man: Brand New Day චිත්රපටයේ පීටර් පාකර් හෙවත් ස්පයිඩර් මෑන්ගේ චරිතයට පන පොවන බ්රිතාන්ය නළු ටොම් හෝලන්ඩ් රූගත කිරීම් අතරතුර තුවාල ලැබීමෙන් රෝහල්ගත කර ඇතැයි විදෙස් මාධ්ය වාර්තා කර තිබෙනවා.
වෝනර් බ්රදර්ස් චිත්රපට සමාගම හිමිකාරීත්වය දරන ලන්ඩන් නුවර ලීවස්ඩන් චිත්රාගාර සංකීර්ණයේ සිදු කළ රූගත කිරීමකදී බිම ඇදවැටී හෝලන්ඩ්ගේ හිසට තුවාල සිදුවී ඇති අතර, ඔහු වහාම රෝහල්ගත කිරීමට පියවර ගත් බව එහි නිෂ්පාදක කණ්ඩායම ප්රකාශ කර තිබුණා.
ඔහුගේ තත්ත්වය බරපතළ නොවූවද, එම අනතුර හේතුවෙන් චිත්රපටයේ වැඩකටයුතු සති ගණනාවකට අත්හිටුවීමට සිදුවනු ඇතැයි ද cjhannel 7 නාලිකාවේ WAKE UP TO 7 වැඩසටහනේ දී සඳහන් කළේ.
