ඉන්දීය අග්‍රාමාත්‍ය නරේන්ද්‍ර මෝදි චීන ජනපති හමුවෙයි

ඉන්දීය අග්‍රාමාත්‍ය නරේන්ද්‍ර මෝදි අද පෙරවරුවේ චීනයේ දී චීන ජනාධිපති ෂී ජින් පිං හමු වී ද්විපාර්ශ්වික සාකච්ඡාවක නිරත වුනා.

ඉන්දීය අග්‍රාමාත්‍යවරයා චීනයට පැමිණියේ ෂැංහයි සහයෝගීතා සංවිධානයේ දෙදින සමුළුවට සහභාගී වීම සඳහායි.

ඉන්දීය අගමැති නරේන්ද්‍ර මෝදි අද පෙරවරුවේ චීනයේ ටිඇන්ජින් හිදි චීන ජනාධිපති ෂී ජින් පිං හමු වී ද්විපාර්ශ්වික සාකච්ඡාවක නිරත වුනා.
වසර හතකින් පසුව ඉන්දීය අගමැතිවරයා සිදු කරන පළමු චීන සංචාරය මෙයයි.
වසර හතකින් පසුව ඉන්දීය අගමැතිවරයා සිදු කළ පළමු චීන සංචාරය..
ටිඇන්ජින් හි අද සහ හෙට පැවැත්වෙන ෂැංහයි සහයෝගීතා සංවිධානයේ දෙදින සමුළුවට සහභාගී වීම සඳහායි ඉන්දීය අග්‍රාමාත්‍යවරයා චීනයට පැමිණියේ.
ෂැංහයි සහයෝගීතා සංවිධානයේ දෙදින සමුළුවට ඉන්දීය අගමැති සහභාගී වෙයි..
එක්සත් ජාතින්ගේ මහ ලේකම් අන්තෝනියෝ ගුටෙරෙස් රුසියානු ජනාධිපති ව්ලැදිමීර් පුටින් ඇතුළු රාජ්‍ය නායකයින් සහ ජාත්‍යන්තර සංවිධානවල ප්‍රධානීන් තිහකට අධික පිරිසක් එම සමුළුවට සහභාගී වන බවයි විදෙස් මාධ්‍ය වාර්තා කර තිබෙන්නේ.
සමුළුවට විශාල පිරිසක්..
පසුගිය දිනවල රටතුළ පැවැති අර්බුධකාරී වාතාවරණය හේතුවෙන් ඉන්දුනීසියානු ජනාධිපති ප්‍රභෝවෝ සුබියන්තෝ මෙම සමුළුවට සහභාගී වන්නේ නැහැ.

ලක්ෂ 20ක් අල්ලස් ගැනීමට තැත් කල සුරාබදු නිළධාරීන්ට වැඩ වරදී

මත්ද්‍රව්‍ය කාර්යාංශයේ නිලධාරීන් බව පවසමින් ලක්ෂ 20ක අල්ලස් ලබා ගැනීමට තැත් කළ සුරාබදු කාර්යාලයේ නිලධාරීන් තුන් දෙනෙකු අත්අඩංගුවට ගෙන තිබෙනවා
ඒ උතුරු පළාත් අපරාධ කොට්ඨාස විසින්
උතුරු පළාත් අපරාධ කොට්ඨාසයේ ස්ථානාධිපති එස්. සංජීවටලැබුණු බුද්ධි තොරතුරක් අනුව ඊයේ දිනයේ සිදුකළ වැටලීමකදී මෙම තිදෙනා අත්අඩංගුවට ගෙන තිබෙනවා

අදාළ සුරාබදු නිලධාරීන් තිදෙනා මාදගල් ප්‍රදේශයේ වෙරළ තීරයකදී හොරයින් සමග පුද්ගලයෙකු අත්අඩංගුවට ගෙන පසුව තමන් මත්ද්‍රව්‍ය කාර්යාංශයට අයත් බව පවසා තිබෙනවා පසුව ඔහුව චන්කානෙ හි පිහිටි සුරාබදු කාර්යාලය වෙත රැගෙන ගොස් ඇති අතර එහිදී ඔහු සතුව තිබූ ජංගම දුරකථනයෙන් ඔහුගේ සහෝදරිය වෙත අමතා ඇති සැකකරුවන් විසින් අදාළ පුද්ගලයා නිදහස් කිරීමට රුපියල් ලක්ෂ 20ක මුදලක් අවශ්‍ය බව පවසා තිබෙනවා

පසුව මෙම සිද්ධිය සම්බන්ධව අදාළ කාන්තාව විසින් උතුරු පළාත් අපරාධ කොට්ඨාසයේ ස්ථානාධිපතිවරයා දැනුවත් කර ඇති අතර ඒ අනුව සිදුකළ වැටලීමකදි අදාළ සැකකරුවන් පිරිස අත්අඩංගුවට ගෙන තිබෙනවා අත්අඩංගුවට ගත් පිරිස අවුරුදු 48,36,32 වයස්වල පසුවන සුරාබදු ප්‍රධාන නිලධාරීවරයෙකු සහ සුරාබදු නියාමකවරුන් දෙදෙනෙකු බවද පොලීසිය පවසනවා .අත්අඩංගුවට සැකකරුවන් තිදෙනා අධිකරණයට ඉදිරිපත් කිරීමටද නියමිතයි

SSC කණ්ඩායම හා බ්ලූම් ෆීල්ඩ් කණ්ඩායම අතර තරඟය අද

ශ්‍රී ලංකා ක්‍රිකට් ආයතනය මෙහෙයවන වයස අවුරුදු විසි තුනෙන් පහළ අන්තර් සමාජ ක්‍රිකට් තරගාවලියේ SSC කණ්ඩායම හා බ්ලූම් ෆීල්ඩ් කණ්ඩායම අතර තරඟය අද පැවැත්වුණා. ඒ කොළඹ SSC ක්‍රීඩා පිටියේදී.

මුලින් පන්දුවට පහර දුන් SSC කණ්ඩායම සියලු දෙනා දැවී ලකුණු 223ක් රැස් කරගත්තා. දිනුර කලුපහන ලකුණු 85ක් රැස් කළ අතර පන්දු යැවූ දුලාජ් සමුදිත හා මිහිරංග නිම්සර කඩුලු දෙක බැගින් දවා ගැනීමට සමත් වුණා.

පළමු ඉනිම ක්‍රීඩා කළ බ්ලුම් ෆීල්ඩ් කණ්ඩායම කඩුලු 6ක් දැවී ලකුණු 419ක් ලබා සිටියදී තරඟය අත්හිටුවනු ලැබුවා. තරිඳු හර්ෂණ ලකුණු 114ක් ලබාගත් අතර අසිත වන්නිනායක ලකුණු 109ක් රැස් කළා. තරිඳු නිර්මාල් ලකුණු 68ක් ලබා ගත් අතර පන්දු යැවීමේදී සදීෂ රාජපක්ෂ හා ශිහාන් මල්‍ෂ කඩුලු දෙක බැගින් ලබා ගැනීමට සමත් වුණා.

දෙවැනි ඉනිම ක්‍රීඩා කළ SSC කණ්ඩායම කඩුලු 6ක් දැවී ලකුණු 117ක් ලබා ගත්තා්‍ ෂෙහාන් හසරංග ලකුණු 69ක් ලබා ගත් අතර පන්දු යැවීමේදී තරිඳු නිර්මාල් ලකුණු 52ට කඩුලු 5ක් දවා ගත්තා.
තරඟය ජය පරාජයෙන් තොරව අවසන් වුණා.

සෙවනගල උක් ගොවීන් සීනි සමාගම සමඟ පැටලෙයි

පසුගියදා සෙවණගල ප්‍රදේශයේ පිලිස්සී ගිය උක් අස්වැන්න සෙවණගල සිනි කම්හල විසින් මිළදී ගැනිම ප්‍රතික්ෂේප කළ බව කියමින් ගොවීන් පිරිසක් එම කර්මාන්ත ශාලාව අවහිර කරමින් අද විරෝධතාවක නිරත වුණා.

එහිදී කම්හලේ ප්‍රධාන මෙහෙයුම් නිළධාරියා සහ ගොවීන් අතර දැඩි වචන හුවමාරුවක් ද ඇති වුණා.

සෙවණගල ප්‍රදේශයේ පිලිස්සී ගිය අස්වැන්න සෙවණගල සීනි කම්හල විසින් මිලදි ගැනීම ප්‍රතික්ෂේප කිරීම හේතුවෙන් දැඩි නොසන්සුන්කාරී තත්වයක් ඇති වුණා. එහිදී එම විරෝධතාකරුවන් අතරට කම්හලේ ප්‍රධාන මෙහෙයුම් නිලධාරිවරයා පැමිණීමත් සමඟ ගොවි පිරිස හා නිලධාරීන් අතර දැඩි වචන හුවමාරුවක් ඇති වුණා.

කෙහෙල්බද්දර පද්මේ ඇතුළු පිරිස අපරාධ පරීක්ෂණ දෙපාර්තමේන්තුවට

ඊයේ රාත්‍රියේ දිවයිනට රැගෙන ආ ඉන්දුනීසියාවේ ජකර්තා හි දී අත්අඩංගුවට ගත් අපරාධ කල්ලි සාමාජික කෙහෙල්බද්දර පද්මේ ඇතුළු පිරිස අපරාධ පරීක්ෂණ දෙපාර්තමේන්තුවේ නිලධාරීන් වෙත භාර දෙනු ලැබුවා.

එමෙන්ම මෙම මෙහෙයුමට සම්බන්ධ වූ ඉන්දුනීසියානු පොලිස් නිලධාරීන් හා මෙරට පොලිස් නිලධාරීන් මෙහි දී අමාත්‍යවරයාගේ ඇගයීමට ලක් කෙරුණා.

ඉන්දුනීසියාවේ ජකර්තා හි දී අත්අඩංගුවට ගත් අපරාධ කල්ලි සාමාජික කෙහෙල්බද්දර පද්මේ ඇතුළු පිරිස ඊයේ රාත්‍රියේ කටුනායක ජාත්‍යන්තර ගුවන්තොටුපොළ වෙත රැගෙන ඒමෙන් අනතුරුව අපරාධ පරීක්ෂණ දෙපාර්තමේන්තුවේ නිලධාරීන් වෙත භාර දෙනු ලැබුවා.
කෙහෙල්බද්දර පද්මේ ඇතුළු පිරිස ඊයේ රාත්‍රියේ දිවයිනට..
බස්නාහිර උතුර අපරාධ කොට්ඨාශය භාර සහකාර පොලිස් අධිකාරී රොහාන් ඕලුගල සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර යන නිලධාරීන් දෙදෙනා විසින් ඉන්දුනීසියාවේ විශේෂ පොලිස් කණ්ඩායමකගේ සහභාගීත්වයෙන් මෙම පිරිස අත්අඩංගුවට ගෙන තිබෙනවා.

මෙම අවස්තාවට මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල හා පොලිස්පති නීතීඥ ප්‍රියන්ත වීරසූරිය ඇතුළු මෙම මෙහෙයුමට සම්බන්ද වූ නිලධාරීන් ද එක්ව සිටියා.

මෙම මෙහෙයුමට සම්බන්ධ වූ ඉන්දුනීසියානු පොලිස් නිලධාරීන් හා මෙරට පොලිස් නිලධාරීන් මෙහිදී අමාත්‍යවරයාගේ ඇගයීමට ලක් කෙරුණා.
පොලිස් නිලධාරීන් අමාත්‍යවරයාගේ ඇගයීමට ලක් කෙරේ.

රාජ්‍ය ආයතනවල භාවිතයට කැබ් රථ 2000ක් ආනයනයට සැලසුම්

ලබන වසර මුලදී රාජ්‍ය ආයතන ප්‍රධානීන් සඳහා කැබ් රථ 2000ක් ගෙන්විමට ද සැලසුම් කර ඇති බව පළාත් සභා සහ පළාත් පාලන නියෝජ්‍ය අමාත්‍ය රුවන් සෙනරත් මහතා පවසයි.

ඒ පිළිබඳව වැඩිදුරටත් අදහස් දැක්වූ පළාත් සභා සහ පළාත් පාලන නියෝජ්‍ය අමාත්‍ය රුවන් සෙනරත් මහතා,

“බිම්මට්ටමේ සංවර්ධන ව්‍යාපෘති ක්‍රියාත්මක කරන්න නම් විශේෂයෙන්ම පළාත් පාලන ආයතන ප්‍රධානීන්ට ඒ ගම්මට්ටමට යන්න අවස්ථාව හදන්න ඕනේ. නිලධාරීන්ට යන්න එන්න අවස්ථාවක් හදන්න ඕනේ. වාහන ටික ඕනේ. යන්ත්‍රසූත්‍ර ටික ඕනේ ඒ නිසා අපි තීන්දුවක් ගත්තා නව රජය විසින් ලබන වසරේ පළාත් පාලන ආයතන තුළ විතරක් නෙමෙයි මේ රටේ සෑම ආයතනයකම ප්‍රධානීන්ට යන්න එන්න ප්‍රවාහන පහසුකම් සඳහා කැබ් රථ 2000ක් ලබන අවුරුද්දේ මුල් කාර්තුවේ ගෙන්වනවා. එතකොට ක්ෂේත්‍රවල යන නිලධාරීන්ට පහසුවෙන් යන්න පුළුවන්කම තිබෙයි. ඊළඟට පළාත් පාලන අයාතනවල වැඩ ටික ගම් මට්ටමේ ක්‍රියාත්මක වෙන කොට බෑකෝ යන්ත්‍රයක් වැනි යන්ත්‍ර ඕනේ. ඒ නිසා අපි දැනටමත් මුදල් වෙන්කරලා තිබුණා මේ අවුරුද්දේ සැලකිය යුතු ප්‍රමාණයක් ගේනවා. ලබන අවුරුද්දේ බලාපොරොත්තු වෙනවා මේ හැම පළාත් පාලන ආයතනයකටම මේ තිබෙන අවශ්‍යතා සම්පූර්ණ කරගන්න මූලික දේවල් ටික ලබාගන්න. එතකොට අපි හිතනවා රටේ සංවර්ධන කටයුතු ටික වේගයෙන් බිම්මට්ටමේ ක්‍රියාත්මක කරන්න පුළුවන්.”

මේ අතර අක්‍රීයව පැවති පලාත් පාලන ආයතනවල කටයුතු සක්‍රීය කරමින් නව ව්‍යාපෘති රැසක් ආරම්භ කර ඇති බව පළාත් සභා සහ පළාත් පාලන අමාත්‍ය රුවන් සෙනරත් මහතා සඳහන් කළේය.

ඔහු පවසන්නේ ග්‍රාමීය දුප්පත්කම තුරන් කිරීම සඳහා ද විවිධ ව්‍යාපෘති ආරම්භ කර ඇති බවය.

අද කාලගුණ නිවේදනය – ප්‍රදේශ කිහිපයකට වැසි වාර කිහිපයක්

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (31) දිනයේ වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව සඳහන් කරන්නේ, වයඹ පළාතේ සහ යාපනය දිස්ත්‍රික්කයේ වැසි ස්වල්පයක් ඇතිවිය හැකි බවය.

ඌව පළාතේත් අම්පාර සහ මඩකලපුව දිස්ත්‍රික්කවලත් ප.ව. 2.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකියි.

මධ්‍යම කඳුකරයේ බටහිර බැවුම් ප්‍රදේශවලත් උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. 40-50ක පමණ තද සුළං ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරයි.

තද සුළං හේතුවෙන් ඇතිවිය හැකි අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටී.

මේ අතර දෘශ්‍ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්‍රී ලංකාව ආසන්න අක්ෂාංශවලට සෘජුවම ඉහළින් පවතී.

අද (31) දින දහවල් 12:10 ට බත්තලන්ගුන්ඩුව, මැදවච්චිය, හොරොව්පතාන සහ කින්නියා ප්‍රදේශවලට හිරු මුදුන්ව පවතින බව කාලගුණ විද්‍යා දෙපාර්තමේන්තුව වැඩිදුරටත් සඳහන් කරයි.

නාවලපිටියේ ලක්ෂ 35ක රන් භාණ්ඩ කොල්ලයක්

නාවලපිටිය සුපිරි වෙළෙඳ සංකීර්ණයේ රන් භාණ්ඩ අලෙවිසැලක් බිඳ රන් භාණ්ඩ ඇතුළුව ලක්ෂ 35ක වටිනාකමින් යුත් භාණ්ඩ සොරකම් කළ ප්‍රද්ගලයන් තිදෙනෙක් අත් අඩංගුවට ගෙන තිබෙනවා.

නාවලපිටිය සුපිරි වෙළෙඳ සංකීර්ණයේ දෙවන මහළේ පවත්වාගෙන ගිය රන්භාණ්ඩ අළෙවි හා උකස් මධ්‍යස්ථානයක් බිඳ ලක්ෂ 35ට අධික වටිනාකමකින් යුත් රන් භාණ්ඩ හා උපකරණ සොරාගත් පුද්ගලයෙකු අත්අඩංගුවට ගෙන තිබෙනවා.
මෙම පුද්ගලයා මීට වසර 12ට පෙර නාවාලපිටියේ තම බිරිඳගේ නිවසට පදිංචිවයට පැමිණ තිබෙන අතර මත් ද්‍රව්‍ය හා මුදලට ඔට්ටු චැමීම සඳහා ලදින් ඇබ්බැහි වූවෙකු බවයි නාවලපිටිය පොලිසිය පවසන්නේ.

අදාළ රන් භාණ්ඩ වෙළෙඳසැල බිඳ එහි තිබූ රන් භාණ්ඩ, නවින පන්නයේ ජංගම දුරකතනයක්, හා ලැප්ටොප් පරිගණකයක් ඇතුළු ලක්ෂ 35ට ආසන්න වටිනාකමකින් යුත් භාණ්ඩ සොරාගෙන ඇති අතර මෙම සොරකම සඳහා අනුබල දුන් තවත් පුද්ගලයන් දෙදෙනෙකු ද අත්අඩංගුවට ගෙන තිබෙනවා.

අදාළ සිදුවීම වාර්තා විමත් සමඟ සිදු කළ දීර්ඝ විමර්ශනයකින් අනතුරුව සැකකරුවන් හඳුනා ගැනීමට හැකි වූ බවත්, ගත වූ මාස 03 තුළ නාවලපිටිය නගරයේ කෝවිල් ඇතුළු පූජනීය ස්ථාන හා වෙළෙඳසැල් මෙන්ම නිවාස බිඳ සොරකම් කිරීමේ සිදුවීම්වලට ද මෙම සැකකරුවන්ගේ සබඳතාවක් ඇති බවට අනාවරණය වී ඇති බව නාවලපිටිය පොලිස් අපරාධ අංශ ස්ථානාධිපති උප පොලිස් පරික්ෂක සුරේෂ් ධනවර්ධන ප්‍රකාශ කර සිටියා.

කෙහෙල්බද්දර පද්මේ ඇතුළු පිරිස දිවයිනට රැගෙන එයි.

මීට සුළු මොහොතකට පෙර සංවිධානාත්මක අපරාධකල්ලී නායක කෙහෙල්බද්දර පත්මේ ඇතුළු කණ්ඩායම මෙරටට ගෙන එනු ලැබුවා.

එ ඉන්දුනීසියාවේ ජගර්තා නුවර සැගව සිටි අවස්තාවේදී ඉන්දුනීසියා පොලීසිය හා මෙරට පොලීසිය එක්ව සිදු කළ විශේෂ මෙහෙයුමකින් පසුවයි

කෙසේ නමුත් ශ්‍රී ලංකාවේ වෙලාවෙන් 07.22 ට එම ගුවන් යානය මෙරටට ගොඩ බස්සනු ලැබුවා

ශ්‍රී ලංකා විදුලි බල සං‍ශෝධන පනතේ ස්වේච්ඡා විශ්‍රාම යාමේ යෝජනා ක්‍රමයේ නියමයන් හා කොන්දේසි මේ වන විට ගැසට් කර තිබෙනවා

ශ්‍රී ලංකා විදුලි බල සං‍ශෝධන පනතේ ස්වේච්ඡා විශ්‍රාම යාමේ යෝජනා ක්‍රමයේ නියමයන් හා කොන්දේසි මේ වන විට ගැසට් කර තිබෙනවා.
ඒ අනුව ලංකා විදුලි බල මණ්ඩලයේ ස්ථිර කාර්යය මණ්ඩලය යටතේ සේවය කරන සේවකයෙකුට ස්වේච්ඡා විශ්‍රාමයාමේ යෝජනා ක්‍රමයට අනුව ගෙවනු ලබන වන්දි මුදල් මෙම ගැසට් නිවේදනය මඟින් තවදුරටත් ප්‍රකාශයට පත්කර ඇති බව සඳහන්.

ශ්‍රී ලංකා විදුලි බල සං‍ශෝධන පනතේ ස්වේච්ඡා විශ්‍රාම යාමේ යෝජනා ක්‍රමයේ නියමයන් හා කොන්දේසි ගැසට් කර තිබෙනවා.
මෙලෙස ගැසට් කර ඇත්තේ බලශක්ති අමාත්‍ය කුමාර ජයකොඩි මහතාගේ අත්සනින් යුතුව නිකුත් කර ඇති අදාළ ගැසට් නිවේදනය මඟින් ස්වේච්ඡාවෙන් විශ්‍රාම යාම සඳහා හිමිකම් ලබන විදුලි බල මණ්ඩල සේවකයින්ට අදාළ නියමයන් හා කොන්දේසියි.
2024 අංක 36 දරන ශ්‍රී ලංකා විදුලි බල පනතේ 18 වන වගන්තියේ තුන්වන උප වගන්තියට අදාළව මෙම නියෝග ප්‍රකාශ කර තිබෙන අතර ඒ අනුව ලංකා විදුලි බල මණ්ඩලයේ ස්ථිර කාර්යය මණ්ඩලය යටතේ සේවය කරන සේවකයෙකුට ස්වේච්ඡා විශ්‍රාමයාමේ යෝජනා ක්‍රමයට අනුව ගෙවනු ලබන වන්දි මුදල් මෙම ගැසට් නිවේදනය මඟින් තවදුරටත් ප්‍රකාශයට පත්කර තිබෙනවා.
වසර 10ක් හෝ ඊට වැඩි සේවා කාලයක් සපුරා ඇති සේවකයෙකු ස්වේච්ඡාවෙන් විශ්‍රාම යන අවස්ථාවක දී ඔහු සේවයේ යෙදුනු සේවා කාලයේ සෑම මාස 12ක් සඳහාම මාස දෙකක වැටුප සහ සේවය කිරීමට ඉතිරිව ඇති කාලයේ සෑම මාස 12ක් සඳහාම මාස එකහමාරක වැටුප වන්දි වශයෙන් හිමිවන බවයි එම ගැසට් නිවේදනයේ සඳහන් වන්නේ.
වසර 10 කට වඩා අඩු සේවා කාලයක් ඇති සේවකයින් සඳහා සේවය කරන ලද සේවා කාලයට අදාළ සෑම මාස 12ක් සඳහා මාස 5 වැටුප වන්දි වශයෙන් පිරිනැමෙන අතර සේවය කිරීමට ඉතිරිව ඇති කාලයට අදාළව කිසිදු ගෙවීමක් නොගෙවන බව ඳ එහි වැඩිදුරටත් සදහන්. ඊට අමතරව කොන්ත්‍රාත් පදනම යටතේ සේවය කරන සේවකයින්ට වන්දි ලබාදෙන ආකාරය මෙන්ම තවත් නියමයන් සහ කොන්දේසි කිහිපයක් ආදාළ ගැසට් නිවේදනය මඟින් ප්‍රකාශයට පත්කර තිබෙනවා.
විදුලි බල මණ්ඩලයේ ස්වේච්ඡා විශ්‍රාම යෑමේ නියමයන් හා කොන්දේසි ගැසට් කෙරේ..

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි