Hot News

උතුරු පළාත් සමුපකාර සංවර්ධන ක්‍රියාවලියේ ප්‍රගතිය නියෝජ්‍ය අමාත්‍යවරයාගේ පරීක්ෂාවට

රට තුළ සමුපකාර පුනරුදයක් ගොඩනැගීම සඳහා වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍යාංශය ගෙන…

Hot News

නඩත්තු කටයුත්තක් හේතුවෙන් පේරාදෙණිය – මහනුවර අතර දුම්රිය ධාවනය සීමා කිරීමක්

දුම්රිය හරස් මාර්ගයක සිදුකරන නඩත්තු කටයුක්තක් හේතුවෙන් සැප්තැම්බර් මස 05 වනදා සිට 07 වනදා දක්වා…

Hot News

සමානාත්මතාවයෙන් සහ ගුණාත්මකභාවයෙන් පිරි, සියලු දරුවන්ට ප්‍රවේශ විය හැකි අධ්‍යාපන පද්ධතියක් ගොඩනැඟීම අපේ අරමුණයි

සමානාත්මතාවයෙන් සහ ගුණාත්මකභාවයෙන් පිරි, සියලු දරුවන්ට ප්‍රවේශ විය හැකි අධ්‍යාපන පද්ධතියක් ගොඩනැඟීම යෝජිත අධ්‍යාපන ප්‍රතිසංස්කරණවල…

Hot News

තායිලන්තය සහ කාම්බෝජය අතර සාමය ස්ථාපිත කිරීමට ශ්‍රී ලංකා මහානායක හිමිවරු ආරාධනා කරති

පූජ්‍ය ඕමල්පේ සෝභිත හිමියන් විසින් ඊයේ (30) විශේෂ ලිපියක් විදේශ කටයුතු, විදේශ රැකියා සහ සංචාරක…

Hot News

ඉන්දියාවේ නිල සංචාරයක නිරත මෙරට පාර්ලිමේන්තු නියෝජිත පිරිස ඉන්දීය ලෝක් සභාවේ කථානායක ඕම් බිර්ලා මහතා හමුවේ

මෙවැනි නිල සංචාර තුළින් ද්විපාර්ශ්වික සබඳතා තවදුරටත් ශක්තිමත් වන බව ඉන්දීය ලෝක් සභාවේ කථානායකවරයා පෙන්වා…

වත්මන් රජයෙන් ගොවියා මහපාරට දමා රණවිරු දඩයම පටන්ගෙන තියෙන්නෙ

වත්මන් රජයෙන් ගොවියා මහපාරට දමා රණවිරු දඩයම පටන්ගෙන තිබෙන බවත් පාර්ලිමේන්තු මන්ත්‍රී ශ්‍රී ලංකා පොදු පෙරමුණේ ජාතික සංවිධායක නාමල් රාජපක්ෂ පවසනවා.
මාතලේ දිස්ත්‍රික්කයේ පැවති ජන හමුවකට එක්වෙමින් මන්ත්‍රීවරයා මේ බව කියා සිටියා.

ශ්‍රී ලංකා පොදු ජන පෙරමුණේ මාතලේ දිස්ත්‍රික් සංවිධායක නිශාන්ත ඩයස් බණ්ඩාර ඇතුළු කණ්ඩායමක් මෙම උත්සවය සංවිධාන කොට තිබුණා.


දේශීය ලොකුලූණු, අර්තාපල් සහ වී ගොවීන් මෙන්ම ලාංකික ගොවියාට රජය විසින් ලබා දුන් පොරොන්දු කිසිවක් වර්තමාන රජය විසින් ඉටු නොකරන බව මන්ත්‍රීවරයා පෙන්වා දුන්නා. මේ අතර විදේශ රටවලින් ගෙන්වන භෝග සඳහා ඉඩ ලබා දී දේශීය ගොවියා විනාශ කිරීමේ සැලසුම ක්‍රියාත්මක වන බවද නාමල් රාජපක්ෂ මන්ත්‍රීවරයා වැඩිදුරටත් කියා සිටියා.

පවත්නා රජය පළාත් සභා මැතිවරණය පවත්වාවි

වර්තමාන රජය ඉදිරියේදී පළාත් සභා මැතිවරණය පවත්වනු ඇතැයි තමන් බලාපොරොත්තු වන බව සමගි ජන බලවේගයේ පාර්ලිමේන්තු මන්ත්‍රි හර්ෂණ රාජකරුණා පවසනවා.


මාධ්‍ය හමුවේ අදහස් දක්වමින් පාර්ලිමේන්තු මන්ත්‍රීවරයා මේ බව ප්‍රකාශ කර සිටියා.

උතුරු පළාත් සමුපකාර සංවර්ධන ක්‍රියාවලියේ ප්‍රගතිය නියෝජ්‍ය අමාත්‍යවරයාගේ පරීක්ෂාවට

රට තුළ සමුපකාර පුනරුදයක් ගොඩනැගීම සඳහා වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍යාංශය ගෙන යන විධිමත් වැඩපිළිවෙළ උතුරු පළාත තුළ ද වඩාත් සක්‍රීය වී තිබේ.

එහි තවත් ඉදිරි පියවරක් ලෙස උතුරු පළාතේ සමුපකාර සමිති හා සංගම් සෘජු ලෙස අධීක්ෂණය කර එහි කටයුතු වඩාත් විධිමත් ව මෙහෙවීම හා නියාමනය කිරීමේ අරමුණෙන් උතුරු පළාතේ සමුපකාර සංවර්ධන කොමසාරිස්වරුන් සහ සමුපකාර සංවර්ධන නියෝජ්‍ය අමාත්‍ය උපාලි සමරසිංහ මහතා අතර සාකච්ඡාවක් ඊයේ (30) උතුරු පළාත් සමුපකාර සංවර්ධන දෙපාර්තමේන්තුවේදී පැවැත්විණි.

මෙහිදී උතුරු පළාත් සමුපකාර සංවර්ධන කොමසාරිස් ඇතුළු යාපනය, වවුනියාව, කිලිනොච්චිය, මුලතිව් හා මන්නාරම යන දිස්ත්‍රික්වල සහකාර සමුපකාර සංවර්ධන කොමසාරිස්වරුන් සමඟ ඒ ඒ දිස්ත්‍රික්වල ප්‍රගතිය පරීක්ෂා කරමින් උතුරු පළාතේ සමුපකාර සංවර්ධනයේ ඉදිරි වැඩසටහන් පිළිබඳව පූර්ව සැලසුම් සකස් කෙරිණි.

සමුපකාර ව්‍යාපාරයේ අනාගත සංවර්ධන ඉලක්ක හා ප්‍රමුඛතා, ජනතා අපේක්ෂා හා ව්‍යාපාරික ශක්තීන්, සමුපකාර සමිති හා සංගම්වල ධාරිතා සංවර්ධන කටයුතු, දැනට හඳුනාගෙන ඇති ගැටලු හා අභියෝග, ඉදිරි සැලසුම් හා යෝජනා ආදිය පිළිබඳව වැඩිදුරටත් විමර්ශනය කරන ලදී.

එසේම උතුරු පළාත් සමුපකාර සංවර්ධන දෙපාර්තමේන්තුවේ සමුපකාර සංවර්ධන නිලධාරී සේවය ඇතුළු විවිධ තනතුරුවල පවතින පුරප්පාඩු පිරවීම කඩිනමි කිරීම පිළිබඳව ද මෙහිදී සාකච්ඡාවට ලක් විය.

මෙම සාකච්ඡාවෙන් අනතුරුව උතුරු පළාතේ ක්‍රියාත්මක වන ළූණු, තල්, පොල් ආදී බෝග ආශ්‍රිත නිෂ්පාදන සමුපකාර සමිති හා සංගම් කීපයක් නිරීක්ෂණය කළ නියෝජ්‍ය අමාත්‍යවරයා එම සමිතිවල අවශ්‍යතා හා ගැටලු පිළිබඳව විමසා බැලීමට ද කටයුතු කළේ ය.

මෙම අවස්ථාවට අමාත්‍යාංශයේ උපදේශක ශාන්ත ජයරත්න මහතා ඇතුළු උතුරු පළාත් සමුපකාර සංවර්ධන දෙපාර්තමේන්තු නිලධාරීන් රැසක් සහභාගී වී සිටිය හ.

නඩත්තු කටයුත්තක් හේතුවෙන් පේරාදෙණිය – මහනුවර අතර දුම්රිය ධාවනය සීමා කිරීමක්

දුම්රිය හරස් මාර්ගයක සිදුකරන නඩත්තු කටයුක්තක් හේතුවෙන් සැප්තැම්බර් මස 05 වනදා සිට 07 වනදා දක්වා උඩරට දුම්රිය මාර්ගයේ පේරාදෙණිය සහ මහනුවර අතර දුම්රිය ධාවනය සීමා කරන බව දුම්රිය දෙපාර්තමේන්තුව සදහන් කරයි.

ජාතික වෙරළ දිනයට සමගාමීව ශ්‍රී ලංකා වෙරළ ආරක්‍ෂක දෙපාර්තමේන්තුව මඟින් වෙරළ පිරිසිදු කිරිමේ වැඩසටහන් මාලාවක්

2025 අගෝස්තු මස 30 වන දිනට යෙදි ඇති ජාතික වෙරළ දිනය සංකේතවත් කරම්න් වෙරළ පිරිසිදු කිරීමේ වැඩසටහන් මාලාවක් ශ්‍රී ලංකා වෙරළ ආරක්‍ෂක දෙපාර්තමේන්තුව විසින් ක්‍රියාවට නැන්වූ අතර,  මිරිස්ස මුහුදු වෙරළ තීරය පිරිසිදු කිරිමේ වැඩසටහන සඳහා ශ්‍රී ලංකා වෙරළ ආරක්‍ෂක දෙපාර්තමේන්තුවේ අධ්‍යක්‍ෂක ජෙනරාල් රියර් ආද්මිරාල් රාජප්‍රිය සේරසිංහ සහභාගි වු අතර, ඊට සමගාමිව වෙරළ ආරක්‍ෂක දෙපාර්තමේන්තුවේ ප්‍රාදේශිය මුලස්ථාන මඟින් දිවයිනේ විවිධ ප්‍රදේශ ආවරණය වන පරිදි වෙරළ පිරිසිදු කිරිමේ වැඩසටහන් රැසක් පැවැත්වීමට කටයුතු කෙරිණි.    

ඒ අනුව, ජාතික වෙරළ දිනය නිමිත්තෙන් වෙරළ ආරක්‍ෂක දෙපාර්තමේන්තුවේ දකුණු ප්‍රදේශිකය විසින් මිරිස්ස මුහුදු වෙරළ තීරය, බටහිර ප්‍රදේශිකය විසින් වැල්ලවත්ත සිට දෙහිවල දක්වා වෙරළ තීරය, නැගෙනහිර ප්‍රාදේශිකය ආවරනය කරමින් ත්‍රිකුණාමලය Dutch Bay, නිලාවේලි හා මඩකලපුව, පාසිකුඩා වෙරළ තිරයන් මෙන්ම ශ්‍රී ලංකා වෙරළ ආරක්‍ෂක නෞකා සුරක්‍ෂා, සමාරක්‍ෂා සහ සමුද්‍රාරක්‍ෂා නෞකාවන් විසින් ගාලු මුවදොර වෙරළ තීරයත්, ජයසාගර නෞකාවේ කාර්ය මණ්ඩලය විසින් ගාල්ල දෙවට වෙරළ තීරය කේන්ද්‍ර කර ගනිම්න් මෙම වෙරළ පිරිසිදු කිරීමේ වැඩසටහන් පැවැත්වූ අතර ඒ සදහා ශ්‍රී ලංකා වෙරළ ආරක්‍ෂක දෙපාර්තමේන්තුවේ දකුණ, බටහිර, නැගෙනහිර ප්‍රාදේශිකයන් හා නෞකා සහ යාත්‍රාවන් නියෝජනය කරම්න් ජ්‍යෙෂ්ඨ. කණිෂ්ඨ නිළධාරින් සහ නාවිකයින් රැසක්  සහභාගි වී සිටියහ.  

සමානාත්මතාවයෙන් සහ ගුණාත්මකභාවයෙන් පිරි, සියලු දරුවන්ට ප්‍රවේශ විය හැකි අධ්‍යාපන පද්ධතියක් ගොඩනැඟීම අපේ අරමුණයි

සමානාත්මතාවයෙන් සහ ගුණාත්මකභාවයෙන් පිරි, සියලු දරුවන්ට ප්‍රවේශ විය හැකි අධ්‍යාපන පද්ධතියක් ගොඩනැඟීම යෝජිත අධ්‍යාපන ප්‍රතිසංස්කරණවල අරමුණ බවත් කුමන හෝ ආර්ථික, සමාජීය භූගෝලීය හේතුවක් මත දරුවන් අධ්‍යාපන පද්ධතියෙන් ඉවතට යාම වැළැක්වීමට හැකි සෑම උත්සහයක්ම ගන්නා බවත් අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය ආචාර්ය හරිනි අමරසූරිය පැවසුවා ය.

අමාත්‍යතුමිය මේ බව ප්‍රකාශ කළේ යෝජිත අධ්‍යාපන ප්‍රතිසංස්කරණ පිළිබඳ ලංකා සභා කොළඹ දියෝකීසියයේ රදගුරු අධ්‍යාපන උපදේශක කමිටුව (BEAC) සමඟ 2025.08.29 වන දින පැවැති සාකච්ඡාව අමතමිනි.

එහිදී වැඩිදුරටත් අදහස් දැක්වූ අමාත්‍යවරිය,
අඩු ආදායාම්ලාභී දරුවන් බලාපොරොත්තු විරහිත ව අධ්‍යාපන පද්ධතියෙන් ඉවතට යාම වළක්වන්න අපි මේ ප්‍රතිසංස්කරණ තුළින් උත්සහ කරනවා. සෞඛ්‍යමය හේතුන් වගේ විවිධාකාර හේතුන් නිසා අධ්‍යාපනයට ඇති ඉඩ ඇහිරී තිබෙනව නම් ඒ සියලු දරුවන්ට සහභාගි විය හැකි අන්‍තර්කරණ අධ්‍යාපනයක් (Inclusive Education) ලබා දෙන්න කටයුතු කරනවා. සමානාත්මතාව, ගුණාත්මකභාවය සහ සියලු දෙනාට ප්‍රවේශ විය හැකි අධ්‍යාපන පද්ධතියක් ගොඩනැඟීම තුළින් ජාතික අධ්‍යාපන අරමුණු ඉටු කර ගන්න හැකි සෑම උත්සහයක් ම දරනවා.

මෙහිදී රැස් ව සිටි ලංකා සභා කොළඹ දියෝකීසියයේ රදගුරු අධ්‍යාපන උපදේශක කමිටුව (BEAC) විසින් 2026 අධ්‍යාපන ප්‍රතිසංස්කරණ සඳහා සිය යෝජනා හා අදහස් අමාත්‍යවරිය වෙත ඉදිරිපත් කළ අතර එම කමිටුවේ මුලසුන කොළඹ රදගුරු දුෂාන්ත රුද්‍රිගු පියතුමා විසින් දරනු ලැබී ය.

මෙම අවස්ථාව සඳහා අධ්‍යාපන හා උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න, අධ්‍යාපන, උසස් අධ්‍යාපන හා වෘත්තිය අධ්‍යාපන අමාත්‍යාංශයේ ලේකම් නාලක කලුවැව, ජාතික අධ්‍යාපන ආයතනයේ නියෝජ්‍ය අධ්‍යක්ෂ ජනරාල් ආචාර්ය අශෝක ද සිල්වා ඇතුළු මහත්ම මහත්මීහු සහභාගී වූහ.

තායිලන්තය සහ කාම්බෝජය අතර සාමය ස්ථාපිත කිරීමට ශ්‍රී ලංකා මහානායක හිමිවරු ආරාධනා කරති

පූජ්‍ය ඕමල්පේ සෝභිත හිමියන් විසින් ඊයේ (30) විශේෂ ලිපියක් විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා වෙත පිරිනමනු ලැබීය.

ඒ තායිලන්තය සහ කාම්බෝජය අතර සාමය සහ සංහිඳියාව සඳහා ශ්‍රී ලංකාවාසී මහානායක හිමිවරුන් සිව්නමකගේ ඒකාබද්ධ ඉල්ලීමක් ඉදිරිපත් කරමිනි.

මෙම ඒකාබද්ධ ඉල්ලීම මල්වතු, අස්ගිරි, රාමඤ්ඤ සහ අමරපුර මහානායක හිමිවරුන්ගේ අත්සනින් ඉදිරිපත් කර ඇති අතර දෙරට අතර ඇති වී තිබෙන ගැටුම පිළිබඳව දැඩි කනස්සල්ල ද පළ කර තිබේ.

පැරණි විහාරස්ථානයක හිමිකාරිත්වය පිළිබඳ ආරවුලක් ඇති වුවද, බල ගැටුම් සඳහා ආගමික හැඟීම් උපයෝගී කර ගැනීම බුදුරජානන් වහන්සේගේ ඉගැන්වීම්වලට පටහැනි බව ද ලිපියේ අවධාරණය කෙරේ. මහානායක හිමිවරු රජයන් දෙකෙන් මෙන්ම තායිලන්තය හා කාම්බෝජයේ ආගමික නායකයින්ගෙන් සහ බෞද්ධයන්ගෙන් ඉල්ලා සිටින්නේ මතභේදය සාමකාමීව විසඳා ගැනීමෙන් සහ සහජීවනය වර්ධනය කිරීමෙන් බුදු දහමේ උතුම් බව ආරක්ෂා කරන ලෙසයි.

“බුදුන් වහන්සේගේ අනුගාමිකයින් වශයෙන්, සාමය සහ අවිහිංසාව පිළිබඳ උන්වහන්සේගේ ඉගැන්වීම් ප්‍රායෝගිකව පවත්වාගෙන යාම සහතික කිරීම අපගේ යුතුකමයි,” යනුවෙන් අමාත්‍ය විජිත හේරත් මගින් යොමු කරන ලිපියේ සඳහන් වන අතර, ප්‍රචණ්ඩත්වය වැළැක්වීම සහ සහජීවනය පෝෂණය කිරීම සඳහා භික්ෂූන් වහන්සේලා ඉටු කළ වැදගත් කාර්යභාරයේ ඉතිහාසය ද සිහිපත් කරයි.

ඉන්දියාවේ නිල සංචාරයක නිරත මෙරට පාර්ලිමේන්තු නියෝජිත පිරිස ඉන්දීය ලෝක් සභාවේ කථානායක ඕම් බිර්ලා මහතා හමුවේ

මෙවැනි නිල සංචාර තුළින් ද්විපාර්ශ්වික සබඳතා තවදුරටත් ශක්තිමත් වන බව ඉන්දීය ලෝක් සභාවේ කථානායකවරයා පෙන්වා දෙයි.

ශ්‍රී ලංකාවේ ඉන්දීය මහ කොමසාරිස් කාර්යාලයේ ආරාධනයෙන් සෞඛ්‍ය හා ජනමාධ්‍ය අමාත්‍යආණ්ඩු පාර්ශ්වයේ ප්‍රධාන සංවිධායක සහ ශ්‍රී ලංකා-ඉන්දියානු පාර්ලිමේන්තු මිත්‍රත්ව සංගමයේ සභාපති වෛද්‍ය නලින්ද ජයතිස්ස මහතාගේ ප්‍රධානත්වයෙන් යුත් ශ්‍රී ලංකා පාර්ලිමේන්තු නියෝජිත පිරිසක් ඉන්දියාවේ නිල සංචාරයක නිරත වුහ.

එම සංචාරය අතරතුර සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා ඇතුළු පාර්ලිමේන්තු නියෝජිත පිරිස ඉන්දීය ලෝක් සභාවේ කථානායක ඕම් බිර්ලා Shri Om Birla  මහතා ඉන්දීය පාර්ලිමේන්තු කථානායක කාර්යාලයේ දී හමු වී සාකච්ජාවක නිරත වූ අතරඑහිදී කථානායකවරයා අවධාරණය කරන ලද්දේ මෙවැනි සංචාර තුළින් ඉන්දියාව සහ ශ්‍රී ලංකාව අතරවිශේෂයෙන් පාර්ලිමේන්තු සහයෝගීතාවසෞඛ්‍යමාධ්‍ය සහ අධ්‍යාපනය යන ක්ෂේත්‍රවල ද්විපාර්ශ්වික සබඳතා තවදුරටත් ශක්තිමත් වනු ඇති බවයි.

 ලෝක් සභාව සහ රාජ්‍ය සභාව සමඟ සම්බන්ධ වී කටයුතු කිරීමසභා ගර්භ සහ පාර්ලිමේන්තු පුස්තකාලය නිරීක්ෂණයඉන්දියානු මාධ්‍යයේ කාර්යභාරයපාර්ලිමේන්තු කාරක සභා පද්ධතියඋසස් අධ්‍යාපනයමහජන සෞඛ්‍යපාර්ලිමේන්තු වරප්‍රසාද සහ ආචාර ධර්ම වැනි ප්‍රධාන ක්ෂේත්‍ර පිළිබඳව මෙහිදී  දීර්ඝ වශයෙන් සාකච්ඡා සිදුවිය.

දූත පිරිස සඳහා සංවිධානය කර තිබූ වැඩසටහනට සෞඛ්‍ය විශිෂ්ටතා මධ්‍යස්ථානය (Centre for Excellence in Health) නිරීක්ෂණයඉන්දියානු වාණිජ හා කර්මාන්ත මණ්ඩල සම්මේලනයේ (FICCI) ජ්‍යෙෂ්ඨ නිලධාරීන් සමග සාකච්ඡා පැවැත්වීම ඇතුළු වැඩසටහන් ගණනාවක් ඇතුළත් විය.

ශ්‍රී ලංකා ක්‍රිකට් කණ්ඩායමට ICCයෙන් දඩයක්

ශ්‍රී ලංකා ක්‍රිකට් කණ්ඩායමට දඩයක් නියම කළ බව ජාත්‍යන්තර ක්‍රිකට් කවුන්සිලය අද (31) නිවේදනය කළේය.

ඒ, ශ්‍රී ලංකාව සහ සිම්බාබ්වේ කණ්ඩායම අතර පැවති පළමු එක්දින තරගයේදී නියමිත කාලය තුළ පන්දුවාර සංඛ්‍යාව යවා නොතිබීම හේතුවෙනි.

ඒ අනුව තරග ගාස්තුවෙන් සියයට පහක දඩයක් ජාත්‍යන්තර ක්‍රිකට් කවුන්සිලය විසින් මෙලෙස නියම කර තිබේ.

ක්‍රීඩකයින් සහ ක්‍රීඩක සහායක පිරිස් සඳහා වන ICC චර්යාධර්ම සංග්‍රහයේ 2.22 වගන්තියට අනුව මෙම දඩයක් නියම කර ඇත.

නායක චරිත් අසලංක වරදට වරද පිළිගෙන ඇති අතර යෝජිත දඬුවම පිළිගෙන ඇති බැවින් විධිමත් විභාගයක් සිදු නොවූ බව ICC නිවේදනයක් නිකුත් කරමින් කියා සිටියේය.

වෙන්නප්පුව වැව පාර ප්‍රදේශයේ වෙඩි තැබීමකින් එක් අයෙකු මරුට

වෙන්නප්පුව පොලීසිය ආසන්නයේ පිහිටි වැව පාර ප්‍රදේශයේදී අද (31) පෙරවරු 10.30ට පමණ වෙඩි තැබීමක් සිදුව තිබේ.

මොටර් රථයකින් පැමිණි පිරිසක් විසින් යතුරුපැදියේ ගමන් ගත් පුද්ගලයෙකු අනතුරකට ලක් කර පසුව යතුරුපැදියේ පැමිණි දෙදෙනාට තියුණු ආයුධයකින් පහරදී වෙඩි තබා ඇත.

සිද්ධියෙන් යතුරුපැදියේ පැමිණි එක් අයෙකු තුවාල ලබා පළා ගොස් ඇති අතර අනෙක් පුද්ගලයා වෙඩි වැදීමෙන් ජීවිතක්ෂයට පත්ව තිබේ.

යතුරුපදියෙන් පැමිණි දෙදෙනාගෙන් මිය ගිය තැනැත්තා මහාධිකරණයේ පවතින නඩුවකට අදාළව වෙන්නප්පුව පොලීසියේ අත්සන් කිරීමට පැමිණ ආපසු යමින් සිටි අවස්ථාවේදී මෙම වෙඩි තැබීම සිදුව ඇත.

රිවොල්වර වර්ගයේ ගිනි අවියකින් මෙම වෙඩි තැබීම සිදුකර ඇති බවද පොලීසිය පවසයි.

2025 සැප්තැම්බර් මස 09 වැනි දින මිය ගිය පුද්ගලයාගේ නඩුව සම්බන්ධව අධිකරණ තීන්දුව ලැබීමට නියමිතව තිබූ බවද පොලීසිය වැඩිදුරටත් පැවසීය.