දකුණු අප්‍රිකානු ජනරජයේ හිටපු ජනපති සහ ජාතික ජන බලවේගයේ නායකයින් අතර හමුවක්….

ශ‍්‍රී ලංකාවේ නව පාලනය වංචවෙන් දූෂණයෙන් තොරව රට ගොඩනැගීම සඳහා ගනු ලබන ක‍්‍රියා මාර්ගයන් සම්බන්ධයෙන් දකුණු අප‍්‍රිකානු ජනරජය තුළ විශ්වාසය සහ පැහැදීමක් ඇති බව දකුණු අප්‍රිකානු ජනරජයේ හිටපු ජනපති තාබෝ ම්බෙකි (Thabo Mbeki) මහතා පවසයි. ජාතික ජන බලවේගයේ නායකයින් අද (28) දහවල් ජනතා විමුක්ති පෙරමුණේ ප‍්‍රධාන කාර්යාලයේදී හමුවු අවස්තාවෙදි මෙබව ප්‍රකාශ කෙරින . ජාතික ජන බලවේගයේ ආණ්ඩුවට මෙම හමුවේදී සුබ පැතුම් එක්කරනලදි.

ශ‍්‍රී ලංකාව තුළ ජාතික සමගිය හා සහජීවනය ගොඩනැගීම වෙනුවෙන් දකුණු අප්‍රිකාවේ අත්දැකීම් ලබා ගත හැකි බව ජාතික ජන බලවේගයේ නායකයින් මෙහිදී අදහස පළකරනු ලැබීය. ඉදිරියේදී ශ‍්‍රී ලංකා ආණ්ඩුව දකුණු අප්‍රිකාව සමග ආර්ථික, දේශපාලන හා රාජ්‍යතාන්ත‍්‍රික සමීප සබඳතා පවත්වාගෙන යාමට දෙපාර්ශ්වයම මෙම හමුවේදී එකඟ වුණා.

මෙම අවස්ථාවට ශ්‍රී ලංකාවේ දකුණු අප්‍රිකානු තානාපති Sandile Schalk, තාබෝ ම්බෙකි පදනමේ විධායක Maxwell Bÿwaí මහතා, ඇතුලූ පිරිසක් සහභාගි විය. ජාතික ජන බලෙවේගය වෙනුවෙන් ජවිපෙ ප‍්‍රධාන ලේකම් ටිල්වින් සිල්වා, ජාතික ජන බලවේගයේ ප‍්‍රධාන ලේකම් විශේෂඥ වෛද්‍ය නිහාල් අබේසිංහ, අමාත්‍ය බිමල් රත්නායක, අමාත්‍ය රාමලිංගම් චන්ද්‍රසේකර් යන අය සහභාගි විය.

ශ්‍රී ලංකාවේ ආයෝජනයට ඉන්දුනීසියාව සූදානම්…

ශ්‍රී ලංකාවේ සංවර්ධනය වෙනුවෙන් ආයෝජනයට ව ඉන්දුනීසියාඅවධානය යොමු කරයි. ඒ සඳහා අවස්ථා සලසා ගැනීම අපේක්ෂාව බව ඉන්දුනීසියා තානාපතිනිය සඳහන් කලේ මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා සමග පැවති සාකච්ඡාවකදී ය. ඊට අමතරව ප්‍රවාහන, මහාමාර්ග සහ සිවිල් ගුවන්සේවා ක්ෂේත්‍රවල ඒකාබද්ධව කටයුතු කිරීමට ද ඉන්දුනීසියාව සූදානමින් සිටී. ඉන්දුනීසියා තානාපති සමග නියෝජ්‍ය තානාපති ද සාකච්ඡාවට එක්වූහ. එහිදී ඉන්දුනීසියාවේ දුම්රිය සේවා ආශ්‍රිත විශේෂ ජයග්‍රහණ පිළිබඳව ද අදහස් හුවමාරු කර ගැනිණ. ශ්‍රි ලංකාවේ යටිතල පහසුකම් සංවර්ධනය සඳහා ක්‍රියාවට නැංවෙන ව්‍යාපෘති සම්බන්ධව ද දෙපාර්ශවය සාකච්ඡා කළේ ය.

සූර්ය බල ව්‍යාපෘති වෙනුවෙන් එන ආයෝජකයින් හැරී යාමේ අවදානමක්

පුනර්ජනනීය බලශක්ති ව්‍යාපෘතිය සඳහා වන මිලදී ගැනීමේ ගාස්තු සංශෝධනය කිරීම සම්බන්ධයෙන් රජය විසින් ගනු ලැබූ ප්‍රතිපත්ති සහ තීරණ වෙනුවෙන් පුනර්ජනනීය බලශක්ති සංවර්ධකයින්ගේ සම්මේලනය විරෝධය පළ කර තිබේ.

අද (27) පැවැති මාධ්‍ය හමුවකට එක්වෙමින් එම සම්මේලනය පැවසුවේ රජය විසින් ගනු ලැබූ මෙම තීරණය හේතුවෙන් සමස්ත පුනර්ජනනීය බලශක්ති අංශය අස්ථාවර කිරීමටත් ආයෝජකයින්ගේ විහ්වාසය බිඳ දැමීමටත් සහ මෙරට පිරිසිදු බලශක්ති ඉලක්ක අනතුරේ හෙළීමටත් තර්ජනය කිරීමක් බවය.

එම සම්මේලනය පෙන්වා දෙනුයේ බලධාරීන්ගේ මෑත කාලීන ක්‍රියා මගින් පුනර්ජනීය බලශක්ති සංවර්ධනයේ වසර ගනනාවක් පුරා ලබා ගත් ප්‍රගතිය කඩාකප්පල් කිරීමටත් සිය කර්මාන්තය දැඩි ආර්ථික හා සාමාජීය ප්‍රතිවිපාක සහිත අවිනිශ්චිත අනාගතයකට ඇද දැමීමට තැත් කරන බවය.

එමෙන්ම විදුලිය මිලදී ගැනීමේදී මිල දැඩි ලෙස අඩු කිරීම කර්මාන්තයේ ස්ථාවරත්වයට හානි කරන බවත් පුනර්ජනනීය බලශක්ති ව්‍යාපෘති සඳහා සංශෝධිත මිලදී ගැනීම් ගාස්තු හඳුන්වා දුන් මෑත කාලීක කැබිනට් පත්‍රිකාව මගින් ඉදිරි කාලයේදී රැකියා අහිමි වීම් සහ ආයෝජකයින්ගේ විශ්වාසය බිඳ වැටීම් ඇති කරනු ඇති බවත් එම සංගමය පෙන්වා දී තිබේ.

තවද මිලදී ගැනීමේ ගාස්තු දැඩි ලෙස අඩු කිරීම මගින් ආයෝජන සඳහා සෘජු බලපෑමක් එල්ල කරනු ඇති බවත් ව්‍යාපෘතිවල ශක්‍යතාව මෙම ප්‍රතිපත්ති වෙනස් කිරීම නිසා නිරන්තර තර්ජනයකට ලක්වන බැවින් දේශීය හා විදේශීය ආයෝජකයින් මෙම අංශයේ ආයෝජනය කිරීම ඉදිරි කාලයේදී මැලිකමක් දක්වනු ඇති බවත් පෙන්වා දෙන එම සංගමය පැවසුවේ එය සූර්ය විදුලි බල කර්මාන්තය ආපසු හැරවිය නොහැකි පරිහානියකට පත් කරනු ඇති බවය.

එමෙන්ම ලංකා විදුලි බල මණ්ඩලය නියමිත වේලාවට බැටරි බලශක්ති ගබඩා පද්ධති ජාතික විදුලිබල පද්ධතියට හඳුන්වාදීමට නොහැකි වීම හේතුවෙන් සූර්ය විදුලි බල අංශයේ සෘණාත්මක වර්ධනයක් නොදැනුවත්වම ඇති කර ඇති බවට සිය සංගමයේ මතය වනු ඇති බවත් පෙන්වා දෙන එම සංගමය වැඩිදුරටත් පැවසුවේ මාස 6කට වැඩි කාලයක් පුරාවට සිය සම්මේලනය විසින් විවිධ සංසදවලදී අවම වශයෙන් මෙගා වොට් පැය 1000ක බැටරි බලශක්ති ගබඩා පද්ධති ධාරිතාවක් කඩිනමින් ජාතික පද්ධතිවය වෙත ඒකාබද්ධ කරන ලෙසද නිරන්තරයෙන් ඉල්ලීම් කළ බවත් සඳහන් කර තිබේ.

එමගින් උදෑසන 10 සිට පස්වරු 2 දක්වා කාලය තුළ උපරිම සූර්ය උත්පාදනය ගබඩා කිරීමටත්, සන්ධ්‍යා කාලයේ ඉහළ ඉල්ලුම් පැය තුළදී ඒවා භාවිතා කිරීමටත්, එමගින් ජාල ස්ථායිතාව වැඩි දියුණු කිරීමටත්, පුනර්ජනනීය බලශක්ති උපයෝගීතාව උපරිම කිරීමටත් හැකි වනු ඇති බවත් එම සංගමය පෙන්වා දී තිබේ.

කෙසේ අඛණ්ඩ ඉල්ලීම්, ලංවිම සහ විදුලිබල හා බලශක්ති අමාත්‍යාංශයේ අවධානයට ලක් නොවූ බවත් පෙන්වා දෙන පුනර්ජනනීය බලශත්කි සංවර්ධකයින්ගේ සම්මේලනය සඳහන් කළේ බැටරි බලශක්ති ගබඩා පද්ධති සඳහා මිලදී ගැනීමේ ගාස්තු පිළිබඳ මෙම සතියේ නිවේදනයක් නිකුත් කර ඇතත්, පැහැදිලි මෙහෙයුම් මාර්ගෝපදේශ නොමැතිකම හේතුවෙන් එය කර්මාන්තය තුළ තවදුරටත් ව්‍යාකූලත්වයක් පමණක් ඇති කර ඇති බවය.

ට්‍රම්ප්ට තවත් ජයග්‍රහණයක්

අමෙරිකානු ජනාධිපති ඩොනල්ඩ් ට්‍රම්ප් සහ ඔහුගේ පරිපාලනයට ජයග්‍රහණයක් අත්කර දෙමින් එරට ශ්‍රේෂ්ඨාධිකරණය විසින් තීන්දුවක් ලබාදී තිබේ.

ඒ අමෙරිකානු තනි ෆෙඩරල් විනිසුරුවන්ට විධායක ජනාධිපති විසින් ගන්නා ක්‍රියාමාර්ග අවහිර කිරීමට ඇති බලය සිමා කරමිනි.

6ට 3ක් ලෙස මෙම තීන්දුව ලබාදීලා ඇත්තේ, උපත් අයිතිය පිළිබඳ පුරවැසිභාවය ලබා ගැනීම සම්බන්ධයෙන් වූ නඩුවකට අදාළවය.

රට පුරා ෆෙඩරල් අධිකරණ විනිසුරුවන් විසින් නිකුත් කර තිබෙන වාරණ නියෝග කොංග්‍රසය විසින් වෙනත් අධිකරණවලට ලබා දී ඇති බලය ඉක්මවා යෑමක් ලෙස ද එම තීන්දුවෙන් ප්‍රකාශයට පත් කර තිබේ.

එසේ වුවත් උපත් අයිතිය පිළිබඳ පුරවැසිභාවය ලබා ගැනීම සම්බන්ධයෙන් ට්‍රම්ප් විසින් ගනු ලැබූ විධායක නියෝග ව්‍යවස්ථානුකූල ද නැද්ද සම්බන්ධයෙන් මෙම නිශ්චිත තීන්දුවක් ශ්‍රේෂ්ඨාධිකරණය විසින් ලබාදී නොමැති බව ද වාර්තා වේ.

ශ්‍රී ලංකන් හිටපු සභාපති නිශාන්ත වික්‍රමසිංහ අත්අඩංගුවට

ශ්‍රී ලංකන් ගුවන් සමාගමේ හිටපු සභාපති නිශාන්ත වික්‍රමසිංහ අල්ලස් හෝ දූෂණ චෝදනා විමර්ශන කොමිසම (CIABOC) විසින් අත්අඩංගුවට ගෙන තිබෙනවා.

කොමිසමට අනුව මෙම අත්අඩංගුවට ගැනීම සිදු කර ඇත්තේ ජාතික ගුවන් සේවයේ ප්‍රධානියා ලෙස කටයුතු කළ කාලය තුළ ගුවන් යානා මිලදී ගැනීම සම්බන්ධයෙන් සිදුවෙමින් පවතින විමර්ශනයකට අදාළවයි.

ශ්‍රී ලංකා -2025 ෆින්ටෙක් සමුළුව සැප්තැම්බරයේ දි

දකුණු ආසියාවේ ප්‍රථම ඩිජිටල් මූල්‍ය සමූහ අතරින් එකක් ලෙස පිළිගැනෙන ශ්‍රී ලංකා ෆින්ටෙක් සමුළුව මෙම වසරේ සැප්තැම්බර් මාසයේදී පැවත්වීමට නියමිතයි.

මෙරට ඩිජිටල් ආර්ථික දැක්ම වේගවත් කිරීම මෙහි ප්‍රධාන අරමුණ වේ. සැප්තැම්බර් 24, 25 දෙදින කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී සමුළුව පැවැත්වේ.

මේ පිළිබඳ මාධ්‍යය දැනුවත් කිරීමේ සාකච්ඡාවක් (ICTA )ශ්‍රී ලංකා තොරතුරු හා සන්නිවේදන තාක්ෂණ නියෝජිත ආයතනයේ දී පැවැත්වුණා.

මෙහිදී සමුළුව නිල වශයෙන් ප්‍රකාශයට පත් කිරීමේ නිවේදනය, ශ්‍රී ලංකා ෆින්ටෙක් සමුළුව ඩිජිටල් පරිවර්තනය වේගවත් කිරීම, මූල්‍ය ඇතුළත් කිරීමේ මෙහෙයවීම සහ ශ්‍රී ලංකාව කලාපීය ෆින්ටෙක් මධ්‍යස්ථානයක් ලෙස ස්ථානගත කිරීම, ආයෝජන අවස්ථා විවෘත කිරීම අරමුණු කරගත් ජාතික ආරම්භයකි.

“ශ්‍රී ලංකාවේ ඩිජිටල් බල ගැන්වීම, මූල්‍ය ඇතුළත් කිරීම සහ වර්ධනය මෙහෙයවන නවෝත්පාදන” යන තේමාව යටතේ මෙවර සමුළුව පැවැත්වේ.

2000කට අධික පිරිසක් රටවල් 25ක් පමණ නියෝජනය කරමින් සමුළුවට සහභාගී වේ . ඊට රාජ්‍ය , මූල්‍ය , තාක්ෂණ සහ අධ්‍යාපන ආයතන සහභාගී වීමට නියමිතයි.

ෆින්ටෙක් ශ්‍රී ලංකා සමුළුව 2025 යනු, 2030 වන විට ඇමරිකානු ඩොලර් බිලියන 15 ක ඩිජිටල් ආර්ථිකයක් ගොඩනැගීමේ මෙරට ඩිජිටල් දැක්මේ මූලික පියවරකි.

සමුළුව ඩිජිටල් ආර්ථික අමාත්‍යංශය, හැටන් නැෂනල් බැංකුව ,TEXA පුද්ගලික සමාගම සහ ලංකා ෆින්ටෙක් සංසදයේ සහයෝගීත්වයෙන් පැවැත්වෙනවා.

ඩිජිටල් නියෝජ්‍ය අමාත්‍යය එරංග වීරරත්න මහතා ඇතුළු පිරිසක් මේ අවස්ථාවට එක් වුණා.

ශ්‍රී ලංකා පළමු ඉනිම 485 කට සීමා වෙයි

ශ්‍රී ලංකාව හා බංග්ලාදේශය අතර පැවැත්වෙන දෙවන ටෙස්ට් තරගයේ දී ශ්‍රී ලංකාවේ පළමු ඉනිම ලකුණු 485 කට සීමා වුණා.

ශ්‍රී ලංකාව වෙනුවෙන් පැතුම් නිස්සංක ලකුණු 158 ක් හා දිනේශ් චන්දිමාල් ලකුණු 93 ක් රැස් කර ගැනීමට සමත් වුණා. අද දිනයේදී පිටියට පිවිසි කුසල් මෙන්ඩිස් ද ලකුනු 84 ක් ලබා ගත්තා.

ශ්‍රී ලංකාව බංග්ලාදේශයට වඩා ලකුණු 255 ක් ඉදිරියෙන් සිටී. අද තරගයේ 3 වන දිනයයි.

වියට්නාමය අපරාධ වැරදි අටකින් මරණ දඬුවම ඉවත් කරයි

වියට්නාම නීතියේ අපරාධ වැරදි අටකින් මරණ දඬුවම ඉවත් කිරීමට කටයුතු කර තිබෙනවා.

ඒ අනුව එම වැරදිකරුවන්ට ජීවිතාන්තය දක්වා සිර දඬුවම් ලබා දීමටයි වියට්නාම රජය කටයුතු කර ඇත්තේ.

අපරාධ වැරදි අටක් සඳහා මරණ දඬුවම අහෝසි කරන අපරාධ නීති සංග්‍රහයට සංශෝධනයක් රටේ ජාතික සභාව ඒකමතිකව සම්මත කළ බව වියට්නාම් රාජ්‍ය ප්‍රවෘත්ති ඒජන්සිය බදාදා (25) වාර්තා කළා.

ලබන මාසයේ සිට අල්ලස් ගැනීම, වංචා කිරීම, ව්‍යාජ ඖෂධ නිෂ්පාදනය කිරීම සහ වෙළඳාම් කිරීම, නීති විරෝධී ලෙස මත්ද්‍රව්‍ය ප්‍රවාහනය කිරීම, ඔත්තු බැලීම, “සාමය විනාශ කිරීමේ සහ ආක්‍රමණශීලී යුද්ධයක් ඇති කිරීමේ අපරාධය” මෙන්ම කඩාකප්පල්කාරී ක්‍රියා සහ රජය පෙරළා දැමීමට උත්සාහ කිරීම යන චෝදනාවලට ලක්වන පුද්ගලයින්ට තවදුරටත් මරණ දඬුවම නියම නොවනු ඇත.

මෙම අපරාධ සඳහා උපරිම දඬුවම ජීවිතාන්තය දක්වා සිර දඬුවමක් වනු ඇති බවයි වාර්තා වන්නේ.

ජූලි 1 වන දිනට පෙර මරණීය දණ්ඩනය නියම වූ නමුත් තවමත් මරණ දඬුවම ක්‍රියාත්මක කර නොමැති අයගේ දඬුවම් ජීවිතාන්තය දක්වා සිර දඬුවම් දක්වා ලිහිල් කෙරෙන බවත් පැවසෙනවා.

මිනීමැරුම්, රාජද්‍රෝහීත්වය, ත්‍රස්තවාදය සහ ළමා ලිංගික අපයෝජනය ඇතුළු වියට්නාම නීතිය යටතේ ඇති තවත් අපරාධ වැරදි 10 ක් සඳහා මරණ දඬුවම තවදුරටත් පවතිනු ඇත.

මරණ දඬුවම පිළිබඳ දත්ත වියට්නාමයේ රාජ්‍ය රහසක් වන අතර දැනට රට තුළ මරණ දඬුවම නියම වී සිටින පුද්ගලයින් කොපමණ සංඛ්‍යාවක් සිටිනවාද යන්න නොදනී.

නව පර්යේෂණ සහ සංවර්ධන ජාතික ප්‍රතිපත්තිය ක්‍රියාවට නැංවේ

නව පර්යේෂණ සහ සංවර්ධන ජාතික ප්‍රතිපත්තිය ක්‍රියාවට නැංවේ.

ඒ වෙනුවෙන් සියලු පාර්ශ්වකරුවන්ගේ අදහස් විමසීමේ සාකච්ඡා මාලාවක් ඉදිරි සතියේදී පැවැත්වෙනවා.

මෙම නව ප්‍රතිපත්තිය මගින් රජයේ ජාතික සංවර්ධන දැක්මට සමගාමීව, නවෝත්පාදන වාණිජකරණය වේගවත් කරමින් සමාජ සංවර්ධනය හා පරිසර තිරසරභාවය අත්පත් කර ගැනීම අපේක්ෂා කරයි.

මෙරට පර්යේෂණ සහ සංවර්ධන (Research & Development ) ක්ෂේත්‍රයේ උන්නතිය වෙනුවෙන් රජය මෙම සාකච්ඡා පවත්වනු ලබනවා.

නව පර්යේෂණ සහ සංවර්ධන ජාතික ප්‍රතිපත්තියක් කෙටුම්පත් කිරීමට මේ වන විටත් පියවර ගෙන තිබෙනවා.

මෙම රැස්වීම් මාලාව ජනාධිපති ලේකම් කාර්යාලය සහ විද්‍යා හා තාක්ෂණ අමාත්‍යාංශය එක්ව සංවිධානය කිරීමට නියමිතයි.

සියලුම අංශවල අවශ්‍යතා සහ අපේක්ෂා මෙම පර්යේෂණ සහ සංවර්ධන ජාතික ප්‍රතිපත්තියට අන්තර්ගත කර ගැනීමට එහිදී අපේක්ෂා කර තිබෙනවා.

අමාත්‍යාංශ ලේකම්වරුන්, රාජ්‍ය සහ පෞද්ගලික පර්යේෂණ ආයතනවල ජ්‍යෙෂ්ඨ නිලධාරීන්, විශ්වවිද්‍යාල ප්‍රජාව සහ විවිධ ක්ෂේත්‍රවල විශේෂඥයින් මෙම රැස්වීම් මාලාව සඳහා සහභාගී වීමට නියමිතයි.

විද්‍යාව හා තාක්ෂණය පිළිබඳ ජනාධිපති ජ්‍යෙෂ්ඨ උපදේශක මහාචාර්ය ගෝමික උඩුගමසූරිය, ජාතික විද්‍යා හා තාක්ෂණ කොමිසමේ (NASTEC) සභාපති මහාචාර්ය රොහාන් ප්‍රනාන්දු යන මහත්වරුන් ඇතුළු දෙස් විදෙස් විශේෂඥයින්, රාජ්‍ය හා පෞද්ගලික අංශයේ වෘත්තිකයන් සහ ව්‍යවසායකයන් ඇතුළු ක්ෂේත්‍රයේ ප්‍රවීණයන්ගෙන් සමන්විත කණ්ඩායමක් මේ සඳහා සම්පත්දායකත්වය සපයා තිබෙනවා.

ශ්‍රී ලංකාව ගෙන යන වැඩපිළිවෙළට UN මානව හිමිකම් මහ කොමසාරිස්වරයගේ සහය

ශ්‍රී ලංකාවේ ජාතික සමගිය හා සංහිඳියාව තහවුරු කිරීමට සහ මානව හිමිකම් සුරැකීමට ජනාධිපති අනුර කුමාර දිසානායක මහතා ප්‍රමුඛ රජය ගෙන යන වැඩපිළිවෙළට සහාය ලබා දෙන බව එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් (Volker Türk) මහතා ප්‍රකාශ කරයි.

මෙරට සංචාරයක නිරතව සිටින එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් මහතා ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වූ අවස්ථාවේදී මේ බව ප්‍රකාශ කළේය.

මේ වන විට ශ්‍රී ලංකාව තුළ සිදු වෙමින් තිබෙන නව දේශපාලනික සහ සමාජයීය පරිවර්තනය අගය කළ මහ කොමසාරිස්වරයා, උතුරේ සහ දකුණේ සියලු ජනතාව වත්මන් ජනාධිපතිවරයා සහ රජය කෙරෙහි දැඩි විශ්වාසයක් තබා ඇති බව සඳහන් කළේය.

තමා මෙරට සිදු කළ සංචාරයේදී ශ්‍රී ලංකාව තුළ සිදු වෙමින් පවතින නව පරිවර්තනය පිළිබඳ පැහැදිලි අවබෝධයක් ලබා ගැනීමට හැකි වූ බව සඳහන් කළ වොල්කර් ටර්ක් මහතා අද රටේ සියලු ජනතාව යහපත් අනාගතයක් පිළිබඳ නව බලාපොරොත්තු තබා සිටින බව තම විශ්වාසය බවද පැවසීය.

පැවති දේශපාලන සංස්කෘතිය හේතුවෙන් ජනතා අපේක්ෂා සහ ඔවුන්ගේ අයිතිවාසිකම් වෙනුවෙන් ක්‍රියාත්මක වීමට අදාළ ආයතන අපොහොසත් වූ බැවින්, අතුරුදන් වූවන්ගේ ගැටලුව විසඳීමට එම ආයතන පද්ධතිය ශක්තිමත් කිරීමේ සහ ප්‍රතිසංවිධානය කිරීමේ අවශ්‍යතාවද මෙහිදී සාකච්ඡාවට බඳුන් විය.

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි