කොළඹ මහනගර සභාවේ නව නගරාධිපති රහස් ඡන්දයකින්

කොළඹ මහනගර සභාවේ නව නගරාධිපති රහස් ඡන්දයකින් තෝරා ගැනීමට සභාව එකඟවිය

ඉන්දියාවේ තවත් ගුවන් අනතුරක්

ඉන්දියාවේ මෑත කාලීන ගුවන් අනතුරු රැල්ලට තවත් එක් ඛෙදවාචකයක් එක් කරම්යින් ඒවියේෂන් සමාගමට අයට්ත් බෙල් 407 හෙලිකොප්ටරයක්, කඩා වටිමෙන් වන්දනාකරුවන් හය දෙනෙකු සහ නියමුවෙකු මියගොස් තිබෙ . අද අලුයම, කේදර්නාත් සිට ගුප්ත්කාෂි දක්වා පියාසර කරමින් සිටියදී, උත්තරාකන්ඩ් හි රුද්‍රප්‍රයාග් දිස්ත්‍රික්කයේ ගෞරිකුන්ඩ් අසල වනාන්තර ප්‍රදේශයේදී යානය කඩාවටි ඇත.මෙය පසුගිය සති හය තුළ උත්තරාකන්ඩ් හි සිදු වූ පස්වන හෙලිකොප්ටර් අනතුර හෝ හදිසි ගොඩබෑම ඉන්ඩියානු වාර්තා පෙන්වා දෙයි . මැයි 8 වන දින උත්තර්කාෂි හි සිදු වූ මාරාන්තික සිදුවීමක් සහ ජුනි 7 වන දින තාක්ෂණික හදිසි ගොඩබාමක් මිට අයත්.
අද අලුයම 5:19 ට පමණ ගුවන් ගත වූ නමුත් පිටත්වීමෙන් ටික වේලාවකට පසු කඩා වැටුණි. මූලික වාර්තා පෙන්වා දෙන්නේ මිදුම් සහිත දුර්වල කාලගුණය ප්‍රධාන සාධක ලෙසයි
මියගිය අය අතර විශ්‍රාමික හමුදා නියමුවෙකු සහ මහාරාෂ්ට්‍රයේ අවුරුදු 41 වයසැති පියෙක්, ඔහුගේ බිරිඳ සහ ඔවුන්ගේ මාස 23 ක් වයසැති දියණිය, සහ තවත් වන්දනාකරුවන් දෙදෙනෙකු ම්ෙම පිරිසට අයත්.

ඉරාන- සහායට කැරලිකරුවනුත් එක්වීමෙන් කලාපීය ගැටුමේ පැතිර යාමක්

යේමනයේ ඉරාන- සහාය දෙන හවුති කැරලිකරුවන් ඉරානය සමඟ සෘජු සම්බන්ධීකරණයෙන් මධ්‍යම ඊශ්‍රායලයේ – විශේෂයෙන් ජැෆා ඉලක්ක කර ගනිමින් – බැලස්ටික් මිසයිල දියත් කළ බව ප්‍රසිද්ධියේ තහවුරු කර ඇත. ඉරානයට සම්බන්ධ භාහිර කණ්ඩායමක් විවෘතව ඒකාබද්ධ මෙහෙයුම් සඳහා සහයවූ පළමු අවස්ථාව මෙයයි. එමගින් කලාපීය ගැටුමේ සැලකිය යුතු පතිරයාම්ක් පෙන්නුම් කරන බව ටෝයිටර් වාර්තාකරයි.
ඉරාන සහ හවුති එකව දියත් කරන ලද මිසයිල එක රැයකින් ගුවන් ආරක්ෂක වළලු අතරින් යනවිට ටෙල් අවිව් සහ අවට ප්‍රදේශ වල ඊශ්‍රායල සයිරන් නාද විය.ඉන් බොහොමයක් ප්‍රතිප්‍රහාර මගින් විනාශ ලද අතර, සමහරක් ඊශ්‍රායල භූමිය තුළට පතිත වීම නිසා සිවිල් වැසියන් භීතියට පත්ව තිබේ .
හවුති වැනි රාජ්‍ය නොවන ක්‍රියාකාරීන්ගේ මැදිහත්වීම පුළුල් කලාපීය ගැටුමක් සඳහා ඇති හැකියාව සැලකිය යුතු ලෙස පුළුල් කර තිබේ .

රුධිර අවශ්‍යතා සම්පුර්නයෙන්ම ස්වේච්ඡා පරිත්‍යාග මගින් සපුරාගන්නා රටක් ශ්‍රී ලංකාව

ජාතික රුධිර පාරවිලයන සේවයට වාර්ෂිකව ලැබෙන රුධිර ඒකක 450,000 න්, 380,000 කට අධික ප්‍රමාණයක්, එනම් 85%ක් පමණ රැස් කරගනු ලබන්නේ මෙම ජංගම කඳවුරුවලින්, මේ සඳහා වසරකට 5,000 කට ආසන්න ජංගම රුධිර දාන කඳවුරු සංඛ්‍යාවක් සංවිධානය වෙනවා. අද වන විට ශ්‍රී ලංකාව 100% ක් ස්වේච්ඡා රුධිර පරිත්‍යාග මගින් රුධිර අවශ්‍යතා සපුරා ගන්නා රටක් බවට පත් වී ඇත්තේ ඔවුන්ගේ විශිෂ්ට මෙහෙවර තුළිනි..

ජුනි මස 14 වැනි දිනට යෙදෙන ලෝක රුධිර පරිත්‍යාගශීලීන්ගේ දිනය නිමිත්තෙන් සංවිධානය කළ, ජාතික සැමරුම් උත්සවය අමතමින් අග්‍රාමාත්‍ය ආචාර්ය හරිනි අමරසූරිය ම්ගෙබව ප්‍රකාශ කලාය. මෙම උත්සවය අරලියගහ මන්දිරයේ දී පැවැත්විණි.මෙහිදි රුධිර පරිත්‍යාගශීලීන් ඇගැයීමද මෙහිදී සිදු කෙරිණ. මෙහිදී අදහස් දැක් වූ අග්‍රාමාත්‍ය ආචාර්ය හරිනි අමරසුරිය ,
ලෝක සෞඛ්‍ය සංවිධානයේ තේමාව වූයේ “Give Blood, Give Hope, Together we save lives” යන්නයි, මෙරට වාර්ෂික රුධිර අවශ්‍යතාවයෙන් 85% ක් පමණ සැපයෙන ජංගම රුධිර දාන කඳවුරු සංවිධායකයින්ග අසමසම දායකත්වයෙන් සිදු වෙනවා. මේ අවස්ථාවේ ඒකට මම ඔවුන්ට ස්තූති කරන්න කැමතියි.

මෙම උපහාර උළෙල සඳහා රුධිර පරිත්‍යාගශීලීන් 1,500 ක් සහ රුධිර දාන කඳවුරු සංවිධායකයින් 1,000 කට ආසන්න පිරිසක් සහභාගී වෙනවා. කිසිදු ජාති, ආගම්, පළාත් හෝ ප්‍රදේශ භේදයකින් තොරව දිවයිනේ සියලුම ප්‍රදේශ නියෝජනය කරමින්, ව්‍යාපාරික ආයතන, රාජ්‍ය ආයතන, ස්වේච්ඡා සංවිධාන, පාසල්, ආරක්ෂක අංශ සහ තනි පුද්ගලයන්ද ඇතුළු පුළුල් පරාසයක දායකයන් මෙහි දී සම්මාන ලබන ලදි.
.

මැදපෙරදිග කලාපයේ පවතින ගැටුම් නිසා ශ්‍රී ලංකන් ගුවන් සේවා ගමනවල වෙනසක්

මැදපෙරදිග කලාපයේ පවතින ගැටුම්කාරී තත්ත්වය හේතුවෙන් කලාපයේ ඇතැම් ප්‍රදේශවල ගුවන් අවකාශය වසා දමා ඇති බැවින් ශ්‍රී ලංකන් ගුවන් සේවය තම යුරෝපීය ගුවන් මාර්ගවල වෙනස්කම් ප්‍රකාශයට් පත්කර ඇත.

නිවේදනයක් නිකුත් කරමින් ජාතික ගුවන් සේවය පැවසුවේ, එහි ප්‍රතිඵලයක් ලෙස, ගැටුම් කලාපය මඟ හැරීම සඳහා ලන්ඩන් ඇතුළු යුරෝපීය ගුවන් මාර්ගවල වෙනස්කම් කිරීමට ශ්‍රී ලංකන් ගුවන් සේවයට සිදුවී ඇති බවයි.

මෙම වෙනස්කම් හේතුවෙන් යුරෝපයකරා ගමන්කරන ශ්‍රී ලන්කන් සේවාවන්හි ගුවන් ගමන් කාලය වැඩි වී තිබේ. ශ්‍රී ලංකන් ගුවන් සේවය තම මගීන්ගේ ආරක්ෂාව සහ යහපැවැත්මට ප්‍රමුඛතාවය දීම සඳහා මෙම වෙනස්කම් ක්‍රියාත්මක කරන බැවින් අවබෝධයෙන් සහ ඉවසීමෙන් කටයුතුකරනලෙස ඉල්ලාසිටියි.

වැඩි විස්තර සඳහා, මගීන්ට 1979 (ශ්‍රී ලංකාව තුළ); +94 11 777 1979 (ජාත්‍යන්තර); WhatsApp +94 74 444 1979 (කතාබස් පමණි); හෝ ඔවුන්ගේ අදාළ සංචාරක නියෝජිතයන්.

2025 ICC ලෝක ටෙස්ට් ශූරතාව දකුණු අප්‍රිකාවට

ලෝඩ්ස් හි පැවති 2025 ICC ලෝක ටෙස්ට් ශූරතාවලියේ අවසන් මහා තරගයේදී ඕස්ට්‍රේලියාව පරාජය කරමින් දකුණු අප්‍රිකාව ලෝකසුරයන් බවට පත්විය . දකුණු අප්‍රිකාව ලකුණු 282 ක ඉලක්කයක් හඹා ගිය අතර, ඒඩන් මාක්‍රම්ගේ තරග ජයග්‍රාහී ලකුණු 102* සහ නායක ටෙම්බා බවුමාගේ ශක්තිමත් ලකුණු 65* මගින් දකුණු අප්‍රිකාව කඩුලු 5 කින් ජයග්‍රහණය කළේය.

ආරක්ෂක සේවා බොක්සිං තරඟාවලියේ කාන්තා අංශයේ ජය ගුවන් හමුදාවට

ත්‍රිවිධ හමුදා ක්‍රිඩක ක්‍රිඩිකාවන්ගේ දක්ෂතාවයන් වර්ධනය කිරීමේ අරමුණින් ආරක්ෂක සේවා ක්‍රිඩා කවුන්සිලය විසින් 13 වැනි වරටත් සංවිධානය කරනු ලැබු ආරක්ෂක සේවා ක්‍රිඩා තරඟාවලියේ බොක්සිං තරඟාවලිය කටුනායක ගුවන් හමුදා කඳවුරු ගෘහස්ථ ක‍්‍රීඩා පරිශ්‍රයේදී පැවැත්විණි.

මෙම තරඟාවලියේදී ශ‍්‍රී ලංකා ගුවන් හමුදා කාන්තා බොක්සිං කණ්ඩායම සුවිශේෂී දක්ෂතා දක්වමින් ශ්‍රී ලංකා යුධ හමුදාව, නාවික හමුදාව අභිබවමින් රන් පදක්කම් 03ක්, ලෝකඩ පදක්කම් 02ක් දිනා ගනිමින් ආරක්ෂක සේවා ක්‍රිඩා තරඟාවලියේ කාන්තා බොක්සිං කන්ඩායම සමස්ථ ශුරතාවය දිනා ගැනීමට සමත්විය. ශ‍්‍රී ලංකා ගුවන් හමුදා පිරිමි බොක්සිං කණ්ඩායම තරඟාවලියේ අනුශූරතාවය දිනා ගත් අතර එහි ශූරතාවයට හිමිකම් කීමට ශ්‍රී ලංකා යුධ හමුදාව සමත් විය.

ශූරතාවලියේ හොඳම පරාජිත ක්‍රීඩකයා ලෙස ශ‍්‍රී ලංකා ගුවන් හමුදාවේ කෝප්‍රල් කසුන් කුමාර හා හොඳම පරාජිත ක්‍රීඩිකාව ලෙස නායක ගුවන් කාන්තා නිෂාදි මල්ෂානි යන අය සම්මාන දිනා ගන්නා ලදී.

තරගාවලියේ කුසලාන සහ සහතිකපත් ප‍්‍රධානෝත්සවය ශ‍්‍රී ලංකා ගුවන් හමුදාවේ මෙහෙයුම් භූමි අධ්‍යක්ෂ ජෙනරාල් එයාර් වයිස් මාර්ෂල් රුවන් චන්දිම මහතාගේ ප්‍රධානත්වයෙන් පැවති අතර එම අවස්ථාව සදහා ත්‍රිවිධ හමුදා නිලධාරීන් සෙසු නිළයන් හා ක්‍රිඩක ක්‍රිඩිකාවන් ඇතුලු පිරිසක් එක්වුහ.

ශ්‍රී ලංකා ජනපති හා ජර්මානු ආර්ථික සහයෝගීතා සහ සංවර්ධන අමාත්‍යවරිය අතර හමුවක්

ජනාධිපති අනුර කුමාර දිසානායක සහ ජර්මානු ආර්ථික සහයෝගීතා සහ සංවර්ධන අමාත්‍ය රීම් අලබලි-රඩොවන් (Reem Alabali-Radovan) අතර හමුවක් බර්ලිනයේ වැල්ඩොෆ් ඇස්ටෝරියා හෝටලයේදී පැවැවින .

ගෝලීය නව ආර්ථික ප්‍රවණතා හමුවේ දෙරට මුහුණ දෙන පොදු අභියෝග පිළිබඳව මෙහිදී විශේෂ අවධානයක් යොමු කෙරුණු අතර දෙරටෙහි ආර්ථික සහයෝගිතාව තවදුරටත් වර්ධනය කර ගත හැකි ක්ෂේත්‍ර පිළිබඳවද මෙහිදී දීර්ඝ ලෙස සාකච්ඡාවට ලක් විය.

දෙරට අතර ද්විපාර්ශ්වික සහයෝගිතාව පිළිබඳ වූ දීර්ඝ ඉතිහාසය සහිපත් කළ ජනාධිපතිවරයා ලංකා ජර්මානු කාර්මික අභ්‍යාස ආයතනය (Ceylon German Technical Training Institute (CGTTI) ) වැනි වෘත්තීය පුහුණු ආයතන වෙනුවෙන් සහ සෞඛ්‍ය වැනි ක්ෂේත්‍රවල ප්‍රගතිය සම්බන්ධයෙන් ජර්මනිය දැක් වූ දායකත්වය පිළිබඳ සිය කෘතඥතාව පළ කළේය. එම දායකත්වය හා උනන්දුව අනාගතයේදී අන්‍යෝන්‍ය වශයෙන් ප්‍රතිලාභ සලසන තත්ත්වයක් කරා වර්ධනය කිරීම පිළිබඳවද මෙහිදී සාකච්ඡා කෙරිණි.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ජර්මනියේ ශ්‍රී ලංකා තානාපති වරුණි මුතුකුමාරණ, විදේශ කටයුතු, විදේශ රැකියා හා සංචාරක අමාත්‍යාංශයේ යුරෝපා සහ උතුරු ඇමෙරිකානු අංශයේ අධ්‍යක්ෂ ජනරාල් සුගීෂ්වර ගුණරත්න යන මහත්ම මහත්මීහු ඇතුළු පිරිසක් මෙම අවස්ථාවට සහභාගී වූහ.

ඊශ්‍රායලය සහ ඉරානය අතර යුධමය තත්වය කලාපීය ගැටුමක් බවට පත්වෙයිද?

ඊශ්‍රායලය සහ ඉරානය අතර යුධමය තත්වය අතර පසුගිය පැය 48 තුළ, රටවල් දෙකම සෘජු මිලිටරි ප්‍රහාරවල නිරත වී ඇති අතර, එය පුළුල් කලාපීය ගැටුමක් පිළිබඳ බිය මතු කරඇතැයි විදෙශ් මාධ්‍ය වාර්තා කරනවා.
ජාත්‍යන්තර මූලාශ්‍රවලට අනුව, ඊශ්‍රායලය මෙම සතිය මුලදී ඉරාන හමුදා සහ න්‍යෂ්ටික ස්ථාන වෙත ඉලක්ක කරගත් ගුවන් ප්‍රහාර එල්ල කරනු ලැබුවා. ඊට පළිගැනීමක් ලෙස, ඉරානය ටෙල් අවිව් සහ ජෙරුසලම ඇතුළු ප්‍රධාන ඊශ්‍රායල නගර ඉලක්ක කරගත් මහා පරිමාණ මිසයිල සහ ඩ්‍රෝන් ප්‍රහාරයක් දියත් කර තිබුනා .
නිල සංඛ්‍යා තවමත් තහවුරුකර නැතත් , දෙපාර්ශ්වයේම ජීවිත හානි සහ තුවාල සිදුවිම් පිලිබද වාර්තා වී තිබෙනවා . එක්සත් ජාතීන්ගේ සංවිධානය, එක්සත් ජනපදය සහ යුරෝපීය සංගමය ඇතුළු ජාත්‍යන්තර ප්‍රජාව, ගටුම්කාර තත්වයෙන් වහාම ඉවත්වන ලෙස ඉල්ලා සිටින අතර දෙරටටම රාජ්‍ය තාන්ත්‍රික ව ප්‍රශ්න විශඩා ගන්නා ලෙස ඉල්ලා සිටිනවා. .
පූර්වාරක්ෂාවක් ලෙස, බොහෝ රටවල් ඊශ්‍රායලය, ඉරානය, ඉරාකය, සිරියාව සහ ජෝර්දානය යන රටවල බලපෑමට ලක් වූ ගුවන් අවකාශයන් හරහා ගුවන් ගමන් අත්හිටුවා ඇති අතර තෙල් වෙළඳපොළවල් වැඩි අස්ථාවරත්වයකින් ප්‍රතිචාර දක්වා තිබෙනවා.

සංයමයෙන් කටයුතු නොකළහොත් ගැටුම අනෙකුත් කලාපීය බලවතුන් ගෙ මදිහත්විමක් දක්වා පැතිර යා හැකි බවත්, මැද පෙරදිග දැනට ස්ථාවරත්වයට බාධා කළ හැකි බවත් නිරීක්ෂකයින් අනතුරු අඟවා සිටිනවා .

ගාසා තීරයේ සටන් විරාම යෝජනාවකට එක්සත් ජාතීන්ගේ මහා මණ්ඩණ්ඩලයේ අනුමැතිය

ගාසා තීරයේ කඩිනම් සටන් විරාමයක් වෙනුවෙන් එක්සත් ජාතීන්ගේ මහා මණ්ඩලයට ඉදිරිපත් කළ යෝජනාවක් බහුතර කැමැත්තෙන් සම්මත වී තිබේ. ඒ ඊයේ(12) පැවති හදිසි විශේෂ සැසියකදී ය. එමෙන්ම ගාසා තීරයට මානුෂීය සහනාධාර ප්‍රවේශය සහතික කළ යුතු බව ද එම යෝජනාවෙන් ඉල්ලා සි‍ටී.

යෝජනාවට පක්ෂව ඡන්ද 149ක් ද විරුද්ධව ඡන්ද 12ක් ද ලැබී තිබේ. එමෙන්ම ඡන්දය දීමෙන් වැළකී සිටිසංඛ්‍යාව 19කි.

යුද ක්‍රමයක් ලෙස සිවිල් වැසියන් කුසගින්නේ තැබීම සහ මානූෂීය සහනාධාර ප්‍රවේශය නීතිවිරෝධී ලෙස තහනම් කිරීම දැඩි ලෙස හෙළා දකින බව ද එහිදී ප්‍රකාශ විය. ජාත්‍යන්තර නීතිය යටතේ කුමන ආක්‍රමණිකයින් වුව ද මානව අවශ්‍යතා වෙනුවෙන් පහසුකම් සැලසිය යුතු බව ඉන් අවධාරණය කරයි. එබැවින් ගාසා තීරයේ මෙන්ම එහි සිටින සියලුම පලස්තීන සිවිල් වැසියන්ගේ අවශ්‍යතා කඩිනමින් ඉටු කළ යුතු ව ඇත.

ආක්‍රමණිකත්වයේ යෙදී සිටින ඊශ්‍රායලය සියලු අවහිරතා ක්ෂණිකව අවසන් කර, සියලුම දේශසීමා මායිම් ප්‍රදේශවලින් මානුෂීය සහනාධාර ළඟා වන බවට සහතික කළ යුතු බව ද යෝජනාවෙන් ඉල්ලා සිටී. ඊශ්‍රායලය ජාත්‍යන්තර නීතියට ගරු කරන බවට සහතික විය යුතු අතර මේ සම්බන්ධයෙන් එක්සත් ජාතීන්ගේ සාමාජික රාජ්‍යයන් ඒකපාර්ශ්වික ව මෙන්ම සාමූහික ව අවශ්‍ය පියවර ගත යුතු ය.

ද්විරාජ්‍ය විසඳුම පිළිබඳ යළි අවධාරණය කරන එම යෝජනාව ගාසා තීරය පලස්තීන රාජ්‍යයේ කොටසක් බව සඳහන් කර සිටී. එමෙන්ම ගාසා තීරයේ සහ බටහිර ඉවුරේ මෙන්ම නැගෙනහිර ජෙරුසලම ඇතුළු ප්‍රදේශයන් හි ජනවාර්ගික හෝ භූමිය වෙනස් කිරීමට දරන උත්සාහයන් දැඩි ව ප්‍රතික්ෂේප කරන අතර නගරයේ පූජනීය ස්ථානවල ඓතිහාසික වාතාවරණය උල්ලංඝනය කරන සියලුම ක්‍රියාවන්ට විරුද්ධත්වය පළ කරයි. පලස්තීන භූමිය නීතිවිරෝධී ලෙස අල්ලා ගැනීම වහාම නවත්වන ලෙස ද එමගින් ඉල්ලා සිටී.

බහුතරයක කැමැත්තෙන් යෝජනාව සම්මත වීමෙන් ජාත්‍යන්තර ප්‍රජාවේ පොදු අපේක්ෂාව පිළිබිඹු වන බව එක්සත් ජාතීන්ගේ චීනයේ නිත්‍ය නියෝජිත Fu Cong මහතා එහිදී පැවසීය. පසුගිය සතියේ ඇමරිකාව සිය නිශේධ බලය භාවිත කිරීම හේතුවෙන් ආරක්ෂක මණ්ඩලයේ අදාළ යෝජනාවක් සම්මත කර ගැනීමට නොහැකි වීම පිළිබඳ කනගාටුව පළ කළ හෙතෙම ඊශ්‍රායලයෙන් ඉල්ලා සිටියේ වහාම හමුදා ප්‍රහාරය නතර කරන ලෙසයි.
-CGTN Sinhala

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි