රාජ්‍ය ආයතනවල අල්ලස හා දුෂණ වැලැක්වීමට අභ්‍යන්තර ඒකක

අල්ලස හා දුෂණයෙන් තොර රාජ්‍ය සේවයක් සදහා ඒ ඒ ආයතනවල අභ්‍යන්තර එකක පිහිටුවීමේ ක්‍රියාවලිය අග්‍රාමාත්‍ය කාර්යාලයෙන් ආරම්බකෙරේ .
ජනාධිපති ලේකම් නිකුත් කළ PS/SB/Circular/2/2025 චක්‍රලේඛය අනුව අග්‍රාමාත්‍ය කාර්යාලයේ අභ්‍යන්තර කටයුතු ඒකකය පිහිටුවීම අග්‍රාමාත්‍ය ලේකම් ප්‍රදීප් සපුතන්ත්‍රී මහතාගේ ප්‍රධානත්වයෙන් ) අරලියගහ මන්දිරයේ දී සිදු කෙරිණ. නිලධාරීන්ගේ සුපිළිපන්නභාවය තහවුරු කරමින් අල්ලස සහ දූෂණයෙන් තොර රාජ්‍ය සේවයක් ශ්‍රී ලංකාව තුළ නිර්මාණය කිරීමේ අත්‍යවශ්‍ය වැදගත්කම කෙරෙහි රජයේ ප්‍රමුඛතම අවධානය යොමුකර තිබේ. රාජ්‍ය අංශය තුළ ශක්තිමත් දුෂණ විරෝධී ක්‍රියා මාර්ග හඳුන්වා දීම, ආණ්ඩුක්‍රම ව්‍යවස්ථාවේ 156 වැනි වගන්තිය යටතේ සහතික කර ඇත. දූෂණයට එරෙහි එක්සත් ජාතීන්ගේ සම්මුතිය (UNCAC) ඇතුළු අනෙකුත් දූෂණ විරෝධී ජාත්‍යන්තර සම්මුතීන් ක්‍රියාත්මක කිරීම, 2023 අංක 9 දරන දූෂණ විරෝධී පනත සහ අල්ලස් හා දුෂණ වැළැක්වීමේ ජාතික ක්‍රියාකාරී සැලැස්ම (2025-2029) වෙනුවෙන් අභ්‍යන්තර කටයුතු ඒකකය පිහිටුවීම සිදු කරන ලදී.
ශ්‍රී ලංකාවේ රාජ්‍ය අංශය තුළ දූෂණය මැඩලීමේ ක්‍රියාවලියේ ප්‍රධාන මුල පිරීමක් ලෙස රාජ්‍ය අංශය පුරා විනිවිදභාවය, වගවීම සහ සුපිළිපන්නභාවය පෝෂණය කරන සංස්කෘතියක් නිර්මාණය කර, සියලුම පුරවැසියන්ට ඵලදායි රජයේ සේවාවන් සැපයීම මෙහි අරමුණයි.

ආයතනය තුළ දූෂණය වැළැක්වීම සහ සුපිළිපන්න සංස්කෘතියක් වර්ධනය කිරීම, ආයතනයේ සියලුම ක්‍රියාකාරකම්වල විනිවිදභාවයත් වගවීමත් සහතික කිරීම මෙන්ම ආයතනික ක්‍රියාකාරකම් සහ තීරණ සම්බන්ධ තොරතුරු වෙත මහජන ප්‍රවේශය සහතික කිරීම, ආයතනය තුළ සදාචාරාත්මක පාලනය ප්‍රවර්ධනය කිරීම, විෂමාචාර වාර්තා කිරීම දිරිගැන්වීම, තොරතුරු හෙළි කරන්නන් ආරක්ෂා කිරීම සහ රහස්‍යභාවය පවත්වා ගැනීම සඳහා ආරක්ෂිත ප්‍රවේශ ක්‍රමවේදයක් සකස් කිරීම, නීතිය ක්‍රියාත්මක කරන ආයතන සහ අල්ලස් හෝ දුෂණ චෝදනා විමර්ශන කොමිෂන් සභාව සමඟ සහයෝගයෙන් නීති බලාත්මක කිරීමට සහාය වීම ද මෙමගින් අපේක්ෂා කෙරේ.
ඒ අනුව අග්‍රාමාත්‍ය කාර්යාලයේ අභ්‍යන්තර කටයුතු ඒකකයේ ප්‍රධානී ලෙස අතිරේක ලේකම් (පාලන) රුවන් ජයසුන්දර මහතා ද, සුපිළිපන්න නිලධාරී ලෙස පරිපාලන නිලධාරී කේ. ඒ. එස්. ශ්‍රීපාලි මහත්මිය ද පත්කර තිබේ.
අග්‍රාමාත්‍ය කාර්යාලයේ කටයුතු සම්බන්ධයෙන් වන පැමිණිලි, යෝජනා චෝදනා වෙනුවෙන් පැමිණිලි පෙට්ටි දෙකක් අරලියගහ මන්දිරය සහ සිරිමතීපායේ පිහිටි අග්‍රාමාත්‍ය කාර්යාලයේ ස්ථානගත කර ඇත. ඊට අමතරව 0711130898 වට්ස් අප් අංකයෙන්, 0114354754 දුරකථන අංකයෙන් හා iau@pmoffice.gov.lk ඊමේල් මඟින්ද පැමිණිලි යොමු කළ හැකිය.

ට්‍රම්ප්ගේ සංචාරක තහනම ඇමෙරිකාවටම පාරාවලල්ලක්

ට්‍රම්ප්ගේ සංචාරක තහනම ඇමෙරිකාවටම පාරාවලල්ලක් විය හැකිබවට විවිධ අදහස් පලවෙමින් තිබේ .මෙම තහනම මගින් ඉරානය, ලිබියාව සහ යේමනය ඇතුළු රටවල් 12 ක පුරවැසියන් සඳහා සංක්‍රමණික සහ සංක්‍රමණ නොවන වීසා බලපත්‍ර සම්පූර්ණයෙන්ම අත්හිටුවා ඇත. ඊට අමතරව, කියුබාව සහ වෙනිසියුලාව වැනි රටවල් හතක් ඇතැම් වීසා කාණ්ඩවලට බලපාන අර්ධ සීමාවන්ට මුහුණ දෙයි.
ජාතික ආරක්ෂක ගැටළු උපුටා දක්වමින් ජාත්‍යන්තර සිසුන් හාවඩ් විශ්ව විද්‍යාලයට ඇතුළත් වීම තහනම් කිරීමට පරිපාලනය දරන උත්සාහය තවදුරටත් ඉදිරියටයමින් මෙම තීරණය ගෙන ඇත. ෆෙඩරල් අධිකරණයක් විසින් මෙයට එරෙහිව තාවකාලික වාරණයක් නියෝග කලත් ට්‍රම්ප් ගේ ක්‍රියාපිළිවෙත තවදුරටත් දැඩි කරමින් සිටියි.
එක්සත් ජනපද උසස් අධ්‍යාපනය සඳහා පැමිණෙන ජාත්‍යන්තර සිසුන් විශේෂයෙන් STEM ක්ෂේත්‍රවල පර්යේෂණ සඳහා සැලකිය යුතු දායකත්වයක් ලබා දෙන අතර වත්මන් වාතාවරණය තුල ගෝලීය දක්ෂතා වළක්වන අතර, උසස් අධ්‍යාපනයේ සහ නවෝත්පාදනයේ ප්‍රමුඛයෙකු ලෙස එක්සත් ජනපදයේ ස්ථානයට බලපෑම් කළ හැකි බව මෙම තහනමට විරෝධය පලකරන පිරිස් පෙන්වාදෙතෙති . එ මෙන්ම පර්යේෂණ සහ නවෝත්පාදන සඳහා සීමා කිරීම් ජාත්‍යන්තර සහයෝගීතාවයන්ට බාධාවක් වනු ඇතැයි අපේක්ෂා කෙරේ, විශේෂයෙන් බෝවන රෝග පර්යේෂණ වැනි තීරණාත්මක ක්ෂේත්‍රවල. බලපෑමට ලක් වූ රටවලින් පර්යේෂකයන් ඉවත් කිරීම අඛණ්ඩ ව්‍යාපෘතිවලට බාධාවක් විය හැකි අතර විද්‍යාත්මක දියුණුවේ ප්‍රගතියට බාදා ඇති කරයි.
සංචාරක තහනම ජාත්‍යන්තර ප්‍රජාවෙන් දැඩි විවිචනයට ලක්ව තිබේ. හයිටි සහ වෙනිසියුලාව වැනි රටවල්, දැනටමත් අභ්‍යන්තර දුස්කරතා සමග පොරබදමින් සිටින අතර,මෙම තහනම පවතින දුෂ්කරතා උග්‍ර කරනු ඇති සැලකේ . මෙම ප්‍රතිපත්තිය බොහෝ දෙනෙකු විසින් වෙනස් කොට සැලකීමක් ලෙස සලකන අතර එහි මානුෂීය නොසලකා හරිම පිළිබද අප්‍රසාදය ද මතු කර ඇත.

ශාස්ත්‍රීය හා පර්යේෂණවලට අමතරව, සංචාරක තහනම මගින් පුළුල් ආර්ථික ප්‍රතිවිපාක ඇති කළ හැකිය. ජාත්‍යන්තර සිසුන් සහ වෘත්තිකයන් එක්සත් ජනපද ආර්ථිකයේ විවිධ අංශවලට දායක වේ. ඔවුන්ගේ ප්‍රවේශය සීමා කිරීම පාරිභෝගික වියදම් අඩුවීමට, නවෝත්පාදන අඩුවීමට සහ විශේෂිත ක්ෂේත්‍රවල විභව ශ්‍රම හිඟයට හේතු විය හැක.

සෑම ව්‍යාපෘතියක් ම නියමිත කාලයෙදි අවසන් කරන්න – ජනපති

මෙවර අය වැය මඟින් වෙන්කල මූල්‍ය ප්‍රතිපාදන යටතේ නාගරික සංවර්ධන ඉදිකිරීම් හා නිවාස අමාත්‍යංශය යටතේ ක්‍රියාත්මක කරන ව්‍යාපෘති වල ප්‍රගතිය සමාලෝචනය වල සාකච්ඡාවක් අද ජනාධිපති කාර්‍යලයේදී පැවැත්විණි.

සාකච්ඡා ව පැවත්වුනේ ජනාධිපති අනුර කුමාර මහතාගේ ප්‍ර්ධානන්තවයෙන් . මෙහිදි සෑම ව්‍යාපෘතියක්ම සැලසුම් කර පරිදි නියමිත කාලපරිච්ඡේදය තුළ අවසන් කිරීමට කටයුතු කරන ලෙස අදාල නිලධාරීන්ට ජනාධිපතිතුමා උපදෙස් ලබා දුන්නා.
ආකර්ෂණීය සංචාරක ගමනාන්තයක් බවට ශ්‍රි ලංකාව පත් කිරීමෙ අරමුණු ඇතුව ක්‍රියාත්මක කෙරෙන ව්‍යාප්ති කිහිපකයක් පිලිබදව මෙහිදි සාකච්ඡාවට ලක් වුනා. කොලඹ දිස්ත්‍රික්කයේ ඇල මාර්ග පවිත්‍රතා සඳහා කසල කලමණාකරන ව්‍යාපෘති , ජල ව්‍යාපෘති සහ නිවාස ආධාර ව්‍යාපෘති වල ක්‍රියාකාරීත්වය සහ වත්මන් ප්‍රගතිය මෙහිදි දීර්ඝ වශයෙන් සාකච්ඡා කෙරුණා.

නාගරික සංවර්ධන ඉදිකිරීම් සහ නිවාස අමත්‍ය අනුර කරුණාතිලක, ජනාධිපති ලේකම්, ආචාර්‍ය නන්දික සරත් කුමාර්නායක යන මහත්වරු ඇතුලු අමාත්‍යංශ කිහිපයක නිලධාරී එක්ව සිටියා.

ග්‍රාමීය මාර්ග සංවර්ධන ව්‍යාපෘති වලට ප්‍රමුඛත්වය දෙන්න- ජනපති.

මෙවර අය වැය මූල්‍ය ප්‍රතිපාදන යටතේ ප්‍රවාහන , මහාමාර්ග, වරාය සහ සිවිල් ගුවන් සේවා අම්ත්‍යාංශය විසින් ක්‍රියාත්මක කරන ව්‍යාපෘති වල ප්‍රගතිය සමාලෝචනය කෙරේ.

සමාලෝචන සාකච්ඡාව ජනාධිපති අනුර කුමාර දිසානායගේ ප්‍රධානන්ත්වයෙන් පැවැත්වුනේ ජනාධිපති කාර්‍යාලයේදී.මුල්‍ය ප්‍රතිපාදන යොදාගනිමින් මහමාර්ග හා ප්‍රවාහන ක්ශෙත්‍රයට අදාලව ක්‍රියාත්මක කර ඇති ව්‍යාපෘති පිලිබදව අදාල නිලධාරී විසින් ජනාධිපතිවරයාව දැනුවත් කරන ලදි. ව්‍යාපෘති වල වත්මන් තත්වය සහ ඒවා ක්‍රියාවට නැංවීමේදී මතුව ඇති ගැටලු පිලිබදව මෙහිදි සාකච්ඡා කෙරිණි.
සාකච්ඡාවේදී ග්‍රාමීය මාර්ග සංවර්ධන ව්‍යාපෘති කඩිනමින් අවසන් කිරීම පිලිබදව වැඩි අවධනායක් යොමු කරන ලෙස ජනාධිපතිවරයා අදාල නිලධාරීන්ට උපදෙස් ලබා දුන්නේය.

ප්‍රාවහන, මහාමාර්ග , වරාය සහ සිවිල් ගුවන් සේවා අමාත්‍ය බිමල් රත්නායක , ජනාධිපති ලේකම් ආචාර්‍ය නන්දික සනත් කුමාර යන මහත්වරු ඇතුලු අමාත්‍යංශ කිහිපයක නිලධාරී මෙම අවස්තාවට එක් විය.

බාහිරින් පැමිණෙන අභියෝගවලට මුහුණ දීමට දැන් හැකියාව තියෙනවා – මහබැංකු අධිපති.

මෑත කාලීනව ක්‍රියාත්මක මුදල් ප්‍රතිපත්තිය, සංචිත වැඩි දියුණු කිරීම සහ විචක්ෂණශීලී මූල්‍ය කළමනාකරණය නිසා ගොලීය වශයෙන් ඇතිවන බලපෑම් වලට මුහුණ දීමට හැකිවී ඇති බව මහබැංකු අධිපති ආචාර්ය නන්දලාල් වීරසිංහ මහතා පවසයි. එක්සත් ජනපදය විසින් නව ආනයන තීරුබදු තන්ත්‍රයක් ප්‍රකාශයට පත් කිරීම එවැනි බාහිර කම්පන වලින් එකකි. මෙහිදී “ඒ හා සමානව, දිගු කාලීන ඉලක්ක සපුරා ගන්නා අතරතුර ඕනෑම කෙටි කාලීන කම්පනයකට මුහුණ දීම සඳහා පෞද්ගලික අංශය තමන්ගේම ආරක්ෂණ නිර්මාණය කළ යුතුය,ඒ සදහා දිගු කාලීනව පෞද්ගලික අංශය වෙළඳපොළ සහ නිෂ්පාදන විවිධාංගීකරණය කළ යුතු බවත්, විවිධ වටිනාකම් දාමයන් වෙත ගමන් කළ යුතු බවත්, එමඟින් ව්‍යාපාර සඳහා අවදානම් අවම කළ යුතු බවත් ඔහු යෝජනා කළේය.අනාගත බාහිර කම්පන පුරෝකථනය කිරීම දුෂ්කර වුවත් , රටට සහ පෞද්ගලික අංශයට ඕනෑම සිදුවීමකට මුහුණ දීමට පමණක් සූදානම් විය හැකි බවත් මහබැංකු අධිපත්වරයා සදහන් කරයි. AmCham Sri Lanka සංවිධානය කළ සංවාදයකට එක්වෙමින් ඔහු මේ අදහස් පකාශ කරන ලදී

“ප්‍රජා සුවදැක්ම 2025” හෙට (7 ) ආරම්භවේ

“ප්‍රජා සුවදැක්ම 2025” හෙට (7 ) ආරම්භවේ. එය දවසපුරා කොළඹ විහාරමහාදේවි උද්‍යනයේදී පැවැත්වේ.

සෞඛ්‍ය හා සුවතාවය උදෙසා ප්‍රජා සෞඛ්‍ය පිළිබඳව ජනතාව දැනුවත් කිරීම එහිදී සිදුවේ. සුව සතුටින් පිරි දිවියකට ජනතාව හුරුකිරීම ප්‍රදර්ශනයේ අරමුණයි.

ශ්‍රීලංකා ප්‍රජා වෛද්‍ය වරුන්ගේ විද්‍යාලය සෞඛ්‍ය හා ජනමාධ්‍ය අමාත්‍යාංශය හා එක්ව ප්‍රදර්ශනය සංවිධානය කරයි.

උදෑසන 7.30 ට දැනුවත් කිරීමේ පාගමන නිදහස් චතරශ්‍රයෙන් ආරම්භවී විහරමහාදේවී උද්‍යානය තෙක් ගමන්කරයි.

උදෑසන 9.30 ට ප්‍රදර්ශනය ආරම්භවේ . අධ්‍යාපන කුටි, සුවතා වැඩමුළු, ළමා චිත්‍ර ප්‍රදර්ශන ආදිය ඊට ඇතුලත්ය . නොමිලේ සෞඛ්‍ය පරීක්ෂණ කරගැනීමට ද මෙහිදී අවස්ථාව සැලසේ.

මුහුදුබඩ මාර්ගයේ දුම්රිය වර්ජනය නතරකරයි

අද දහවල් 12.00 සිට සිදුකිරීමට සැලසුම් කරතිබූ මුහුදුබඩ මාර්ගයේ දුම්රිය වර් ජනය සිදුනොකරිමට දුම්රිය රියදුරන්ගේ සංගමය තීරණය කරයි.

එම සංගමයේ ලේකම් චන්දන වියන්දුව මහතා චනෙල් 7 වෙත ප්‍රකාශකලේ ,දුම්රිය සාමාන්‍යාධිකාරිවරයා සමග පවතී සාකච්චාවකින් පසුව මෙම තීරණය ගත් බවයි.

මුහුදුබඩ දුම්රිය මාර්ගයේ පවතින අනාක්ෂිත බවට හේතුවූ තාක්ෂණික ගැටළු විසදන බවට දුම්රිය සාමාන්යධිකාරිවරයා පොරොන්දුවීමෙන් පසු මෙම තීරණය ගෙන තිබේ .

මෙම දුම්රිය මාර්ගයේ ඊයේ දින සිදුවිමටගිය අනතුරක් වලක්වාගනිමෙන් පසු ඇතිවූ වාතාවරණය මත මෙම වර් නය සංවිධානය කර තිබුණි. මහජනතාවගේ සහ දුම්රිය සේවකයන්ගේ ආරක්ෂාව සම්බන්දයෙන් කලක සිට පවතින ගැටලු වලට විසදුම් ලබාගැනීම මෙහි අරමුණ වූ බව ලේකම්වරයා වැඩිදුරටත් සදහන් කරණ ලදී.

ඉන්දුනීසියාව සහ ශ්‍රීලංකාව අතර වෙළෙඳ ගිවිසුම්

විදුලි වාහන නිෂ්පාදනයේ කේන්ද්‍රස්ථානයක් බවට පත්ව ඇති ඉන්දුනීසියාව ශ්‍රීලංකාව සමඟ විදුලි බස්රථ නිෂ්පාදන කටයුතු වලට එකඟවේ.
දැනට සාකච්ඡා මට්ටමේ පවතින වරණීය වෙළෙඳ ගිවිසුම කඩිනමින් අවසන් කරගැනීමට ශ්‍රීලංකා රජය අපේක්ෂා කරයි.

ඉන්දුනීසියානු තානාපතිනි දේවි ගුස්ටිනා ටොබින් (Dewi Gustina Tobin ) මහත්මිය සහ විදේශ කටයුතු අමාත්‍ය විජත හේරත් මහතා අතර පැවති සාකච්ඡාවකදී මේ කරුනු අනාවරණය විය.

ඛනිජ වැළි අපනයනය කරන රටවල එකමුතුවක් ඇතිකර ඛනිජ ද්‍රව්‍ය අගය එකතුකල නිෂ්පාදනයක් ලෙස අපනයන කිරීම පිළිබඳව තානාපතිතුමිය අදහස් දැක්වීය.

ඒ සඳහා ශ්‍රීලංකාව තාක්ෂණික දැනුම සහ උපකරණ ලබාගැනීම වෙනුවෙන් ද්වීපාර්ශවික සහයෝගිතාවය ලබාගැනීමට අමාත්‍යවරයා එකඟතාව පලකලේය. හැත්තෑ වසරක් සපුරන බැංඩුන් සමුළුවේ ඉදිරි සැසිවාරයට සහභාගි වනලෙස තානාපති වරිය ශ්‍රීලංකා රජයට ආරාධනා කලාය.

“ඉවතලන බැරල් කසල බඳුන් ” ලෙස දිවයින පුරා බෙදා හැරීමේ ව්‍යාපෘතියක්

” ඉවතලන බැරල් ප්‍රමිති ගත කසල බඳුන්” ලෙස දිවයින පුරා බෙදා හැරීමේ ව්‍යාපෘතියක් ආරම්භ කෙරේ. සිපෙට්කෝ සමාගම සහ ක්ලීන් ශ්‍රී ලංකා සමාගම එක්ව මෙම ව්‍යාපෘතිය දියත් කර ඇත.

දිවයින පුරා ක්‍රියාත්මක මෙම ව්‍යාපෘතිය ඊයේ මුතුරාජවෙලින් ආරම්භ කෙරිණ. දිරන ‍ද්‍රව්‍ය සහ පොලිතීන් වෙන් වෙන්ව බහාලිය හැකි ලෙස මෙම කසල බදුන් සකසා ඇත.

මේ අතර ලංකා ඛනිජ තෙල් නීතිගත සංස්ථාවද ක්ලීන් ශ්‍රී ලංකා වැඩසටහන සමග එක්ව ඊයේ මුතුරාජවෙල ප්‍රදේශයේ පැළ සිටුවීමේ ව්‍යාපෘතියක් දියත් කර ඇත.

ජගත් පරිසර දිනය වෙනුවෙන් ක්‍රියාත්මක මෙම වැඩසටහන සඳහා ක්ලීන් ශ්‍රී ලංකා ලේකම් කාර්යාලයේ නිලධාරීන් සිපෙට්කෝ ආයතනයේ නිලධාරීන් ඛනිජ තෙල් නීති ගත සංස්ථාවේ නිලධාරීන් ද එක් වුණා.

පකිස්ථානයේ කරච්චිහි ඇති වූ භූමිකම්පාවකින් පසු සිරකරුවන් 216ක් පැනගිහින්

පකිස්ථානයේ වරාය නගරයක් වන කරච්චිහි ඇති වූ භූමිකම්පාවකින් පසු, අධි ආරක්ෂිත බන්ධනාගාරයක් තුළ ඇති වූ අවුල් සහගත තත්ත්වක් අතර සිරකරුවන් 200 කට අධික සංඛ්‍යාවක් පලා ගොස් තිබේ.
සින්ද් ස්වදේශ කටයුතු අමාත්‍ය සියා-උල් හසන් ලන්ජාර් විසින් බන්ධනාගාරයෙන් සිරකරුවන් 216 දෙනෙකු පලා ගොස් ඇති බව තහවුරු කරන ලද අතර පැය 24 ක් ඇතුළත 78 දෙනෙකු නැවත අල්ලා ගත් බව ද ඔහු පැවසීය.ගැටුම්කාරී තත්වයන් නිසා පොලිස් නිලධාරීන් සහ රැඳවියන් විසාල පිරිසක් තුවාල ලැබූ බවත් පලා යාමට උත්සාහ කිරීමේදී එක් සිරකරුවෙකු වෙඩි තබා ඝාතනය කළ බවත් ඔහු ප්‍රකාශ කළේය.
මාලිර් බන්ධනාගාරයේ ද ඉන්දීය සිරකරුවන් 100 කට අධික සංඛ්‍යාවක් සිටින අතර, ඔවුන්ගෙන් වැඩි දෙනෙක් පාකිස්තානයේ සාගරයේ නීති විරෝධී ලෙස මසුන් ඇල්ලීමේ චෝදනාව මත සිරගත කර සිටින දුප්පත් ධීවරයින් බවත්වාර්තාවේ. මේ අතර, ඉතිරි පලාගිය අය සොයා ගැනීම සඳහා පොලිසිය බලධාරීන් ඒකාබද්ධ මෙහෙයුමක් දියත් කර ඇත.

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි