පොහොය දවසේ මත්පැන් අලෙවි කරපු රාත්‍රී සමාජ ශාලාව
සිසුන් 50ට අඩු පාසල් 1506 ක්(WAKE UP TO 7)
නිවසක සිටි යුවළකට ආයුධවලින් පහරදී ඝාතනය කරලා
test
සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි
Hot News

ජනපති හා ඔස්ට්‍රේලියානු නියෝජ්‍ය අගමැති හමුවෙයි

ජනාධිපති අනුර කුමාර දිසානායක හා ඕස්ට්‍රේලියානු නියෝජ්‍ය අග්‍රාමාත්‍ය රිචර්ඩ් මාල්ස් අතර සාකච්ඡාවක් ජනාධිපති කාර්‍යාලයේදී ඊයේ…

Channel7.lk

2030 වන විට දකුණු ආසියාවේ 90% කට ආසන්න ප්‍රමාණයකට දැඩි උෂ්ණත්වයක්

පසුගිය වසර පහ තුළ දකුණු ආසියාව පුරා නිවාස සහ ව්‍යාපාර වලින් 60% කට වඩා වැඩි ප්‍රමාණයක් දරුණු කාලගුණික සිදුවීම්වලට මුහුණ දී තිබේන බව Helping People and Firms Adapt in South Asia. යන මාතෘකාව යටතේ එළිදකවා ඇති ලෝක බැංකු වාර්තාවක් උපුටා දක්වමින් ඉන්දියන් economic-times සගරාව පෙන්වාදෙයි. . ඉදිරි දශකය තුළ මෙම දැඩි කාලගුනික තත්වයන් තවදුරටත් 75% කින් පමණ වර්ධනය වනු ඇති බව මෙම වාර්තාව අනතුරු අඟවයි.නිවාසවලින් 80% ක් සහ සමාගම් වලින් 63% ක් පමණ යතා තත්වයට ගෙන ඒමට පියවර ගෙන ඇතත් මේවා බොහෝ විට නිවාස අත්තිවාරම් ඉහළ නැංවීම හෝ විදුලි පංකා සවි කිරීම වැනි මූලික ක්‍රියාමාර්ග වේ
මෙම කලාපය උස්ණත්වය සහ ගංවතුරෙන් වැඩි වන අවදානම් වලට මුහුණ දෙන අතර, 2030 වන විට 90% කට ආසන්න ප්‍රමාණයක් දැඩි තාපයට නිරාවරණය වේ. මේ අතර, ලෝක කාලගුණ විද්‍යා සංවිධානය ඉදිරි වසරවලදී වාර්තාගත ගෝලීය උෂ්ණත්වයක් පුරෝකථනය කරයි. වාර්තා දෙකම රජයේ හදිසි ක්‍රියාමාර්ග සහ පෞද්ගලික අංශය සහාය අවධාරණය කරයි..
වෙළඳපල ක්‍රියාකාරකම් සහ ආදායම් සීමාවන් ශක්තිමත් අනුවර්තනය වළක්වන බව වාර්තාවේ සඳහන් වේ. වඩා හොඳ අධ්‍යාපනයක් හෝ විධිමත් මූල්‍ය පහසුකම් සඳහා හැකියාව ඇති කුටුම්භ උසස් උපාය මාර්ග අනුගමනය කිරීමට වැඩි ඉඩක් ඇත. ඒ හා සමානව, වඩා හොඳින් කළමනාකරණය කරන ලද සමාගම් අඩු නියාමන බාධකවලට මුහුණ දෙන අතර වඩාත් අනුවර්තනය විය හැකිය.
දකුණු ආසියාව සඳහා ලෝක බැංකු ප්‍රධාන ආර්ථික විද්‍යාඥ ෆ්‍රැන්සිස්කා ඔන්සෝර්ජ් මෙහිදී අවධාරණය කරන්නේ “පෞද්ගලික අංශයේ සහායෙන් කලාපයේ ප්‍රක්ෂේපිත දේශගුණික හානියෙන් තුනෙන් එකක් අඩු කළ හැකි නමුත්, මේ සඳහා රජයන් සක්‍රීය දායකත්වය අවශ්‍ය බවයි. “විකල්ප ක්‍රියාවන් වඩාත් ඵලදායී වන්නේ වෙළඳපල හොඳින් ක්‍රියාත්මක වන විට සහ ප්‍රවාහනය, ජලය, සෞඛ්‍ය සේවා සහ ඩිජිටල් සම්බන්ධතාවය වැනි අත්‍යවශ්‍ය සේවාවන් පුළුල් ලෙස ප්‍රවේශ විය හැකි විටය” යනුවෙන් ඇය තවදුරටත් පවසයි.

2026 දී නව අධ්‍යාපන ප්‍රතිසංස්කරණයක්

රජය 2026 වසරේ දී නව අධ්‍යාපන ප්‍රතිසංස්කරණ හදුන්වා දීමට නියමිතයි. එහි දී ඉංග්‍රීසි භාෂාව ඉගැන්වීම විභාගයක් සමත්විය යුතු විෂයක් ලෙස පමණක් නොගෙන කථනය සහ ලිවීම තුළින් ඉංග්‍රීසි භාෂාව භාවිතා කිරීමට සිසුන් දිරිමත් කිරීමට සැලසුම් කර තිබෙනවා.

බ්‍රිතාන්‍ය කවුන්සිලය සංවිධානය කළ “ශ්‍රී ලංකා අධ්‍යාපන සම්මන්ත්‍රණය 2025” හි ප්‍රධාන දේශනය පවත්වමින් ඇය මේ බව ප්‍රකාශ කළේ.

ඊයේ බ්‍රිතාන්‍ය කවුන්සිලයේ කොළඹ දී මෙම උත්සවය සංවිධානය කළහ.  අනාගත අවශ්‍යතා සමග සමපාත වන සාධාරණ හා සියලු දෙනාටම ප්‍රවේශ විය හැකි අධ්‍යාපන පද්ධතියක් ගොඩ නැගීම සදහා පුළුල් සහයෝගීතාවක් අවශ්‍යයයි. මේ සඳහා ජාතික හා පළාත් ,රාජ්‍ය නිලධාරීන් ,අධ්‍යාපන අමාත්‍යාංශ නියෝජිතයින් , සංවර්ධන හවුල්කරුවන්ගේ සහය අවශ්‍ය වෙනවා. එපමණක් නොව පෞද්ගලික අංශයේ පාර්ශ්වකරුවන් , ගුරුවරුන්, පාසල් නායකයින් ඇතුළු සියලු දෙනාගේ සහාය ඊට අවශ්‍යයයි.

ඉංග්‍රීසි භාෂාව ඉගෙනීම අවස්ථාවන් පුළුල් කිරීමට මිස සමාජ පරතරය නිර්මාණය කිරීමේ මෙවලමක් නොවිය යුතු බව අග්‍රාමාත්‍ය ආචාර්ය හරිනි අමරසූරිය පවසනවා.

නව අධ්‍යාපන ප්‍රතිසංස්කරණ හරහා ඉංග්‍රීසි භාෂාව ප්‍රයෝගිකව පුහුණු කිරීමට සූදානම් බවද ඇය වැඩිදුරටත් පැවසුවා.

සිසුන් සඳහා අවස්ථා නිර්මාණය, ගුණාත්මකභාවය ප්‍රවර්ධනය කිරීම මගින් ඉංග්‍රීසි මාධ්‍ය ඉගැන්වීම ශක්තිමත් කිරීම සහ නවෝත්පාදන හා ඉගෙනීම සඳහා ඩිජිටල් මෙවලම් දියුණු කිරීම වැඩසටහන්වලට අයත් වෙනවා.

සෑම ශිෂ්‍යයෙකුම වෙනස්වන අනාගතයට සූදානම් කරන්නේ කෙසේද අවධානය යොමු කළ යුතුයි.

භාෂාවට වහල් වීමේ ආකල්පයෙන් මිදී ඉංග්‍රීසි බස සමාජයේ ප්‍රයෝජනවත් මෙවලමක් ලෙස ප්‍රවර්ධනය කළ යුතු බව දැඩි සේ විශ්වාස කරන බව අග්‍රාමාත්‍ය තුමිය මෙහි දී කියා සිටියාය.

ඩිජිටල් තාක්ෂණ ඉගැන්වීම සහ ඉගෙනුම් ක්ෂේත්‍රය ශීඝ්‍රයෙන් වෙනස් කරන බවද අගමැතිතුමිය මෙහි දී පැවසුවා. සිසුන් අතර පවතින පරතරය පාසල් පද්ධතියේ දක්නට ලැබෙන අතර මෙම පරතරය පියවීම රජයේ වගකීමකි.

එය නව අධ්‍යාපන ප්‍රතිසංස්කරණවල කොටසක් ලෙස අවධානයට ලක්ව තිබෙනවා. ඩිජිටල් ලෝකයේ ඇති අන්තරාය පිළිබඳව ද සැලකිලිමත් විය යුතුයි. අධ්‍යාපන ප්‍රතිසංස්කරණ හරහා ගුණාත්මක අධ්‍යාපනයක් පාසල් සිසුන්ට ලබා දීමට සියලු දෙනාගේ සහයෝගය අවශ්‍ය බව අග්‍රාමාත්‍ය තුමිය පැවසුවා.

දකුණු කොරියාවට නව ජනාධිපතිවරයෙක්

දකුණු කොරියාවේ 14 වන ජනාධිපතිවරයා ලෙස තේරී පත්වූ ඊ ජේ-මියුන්ග් අද සෝල් හි ජාතික සභාවේදී නිල වශයෙන් දිවුරුම් දෙන ලදී. කෙටි කලක් යුද නීතිය පැනවීම සම්බන්ධයෙන් හටගත් ගැටුම් හමුවේ හිටපු ජනාධිපති යූන් සුක් යෙඕල් දෝෂාභියෝගයෙන් ඉවත් කිරීම හේතුවෙන් මෙම මැතිවරණය පැවැත්විණ . ලිබරල් ප්‍රජාතන්ත්‍රවාදී පක්ෂය නියෝජනය කළ ලී, ඡන්දවලින් 49.42% ක් ලබා ගත් අතර, කොන්සර්වේටිව් අපේක්ෂක කිම් මූන්-සූ ලබාගනු ලැබුවේ 41.15% ක ඡන්ද ප්‍රතිශතයකි .
නව ජනාධිපතවරයා ඔහුගේ සමාරම්භක කතාවේදී, ප්‍රජාතන්ත්‍රවාදය යථා තත්ත්වයට පත් කිරීමේ සහ ආර්ථික අභියෝගවලට මුහුණ දීමේ අවශ්‍යතාවය අවධාරණය කරනලදී . උතුරු කොරියාවේ මිලිටරි තර්ජනවලට ශක්තිමත්ව මුහුණ දීමට ඔහු ප්‍රතිඥා දුන්නේය. ඊට අමතරව, එක්සත් ජනපදය සහ ජපානය සමඟ සබඳතා ශක්තිමත් කිරීමේ වැදගත්කම ඔහු ඉස්මතු කළේය.

1963 දී ඇන්ඩොං හි උපත ලැබූ ලී ජේ-මියුංගේ මුල් ජීවිතය දරිද්‍රතාවයෙන් හා දුෂ්කරතාවවන ගෙන් යුක්තිය . ඔහු තරුණ වියේදී කර්මාන්තශාලාවල සේවය කළ අතර පසුව මානව හිමිකම් නීතිඥයෙකු බවට පත්විය. ඔහුගේ සියොංනාම් නගරාධිපති සහ ග්යොංගි පළාතේ ආණ්ඩුකාරවරයා ලෙස සේවය කොට ඇත. 2022 ජනාධිපතිවරණ සටනින් පරාජයට පත් වුවද, ලී කැපී පෙනෙන දේශපාලන චරිතයක් ලෙස රැඳී සිටි අතර අවසානයේ ප්‍රජාතන්ත්‍රවාදී පක්ෂයේ නායකයා බවට පත්විය.

දේශීය කිරි කර්මාන්තය ඵලදායී ව්‍යාපාරයක් ලෙස දියුණුකිරීමට අවධානය යොමු වේ

දේශීය කිරි කර්මාන්තය කාර්යක්ෂම සහ ඵලදායීතා ව්‍යාපාරයක් බවට පත් කිරීම කෙරෙහි අවධානය යොමු වේ.

ඒ පිළිබඳ විශේෂ සාකච්ඡාවක් ඊයේ ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති ලේකම් කාර්යාලයේ දී පැවැත්විණි.

දේශීය අවශ්‍යතා සපුරාලීම සඳහා මිල්කෝ ආයතනය සහ ජාතික පශු සම්පත් සංවර්ධන මණ්ඩලයේ ඉදිරි සැලසුම් පිළිබඳව මෙහිදී සාකච්ඡා කෙරුණි.

දේශීය කිරි කර්මාන්තයේ පිරිවැය අවම කරගනිමින් පවත්නා සම්පත් වලින් උපරිම ප්‍රයෝජන ගෙන වෙළදපොළ කේන්ද්‍ර කරගත් ඵලදායී ව්‍යාපාරයක් ලෙස ඉදිරියට ගෙන යෑමේ අවශ්‍යතාව ජනාධිපතිතුමා මෙහිදී අවධාරණය කළේය.

මේ වන විට මිල්කෝ ආයතනයේ නිෂ්පාදන ධාරිතාව වර්ධනයක් ඇතැයි සාකච්ඡාවට සහභාගී වූ මිල්කෝ ආයතනය පෙන්වා දුන්හ.

මේ අවස්ථාවට කෘෂිකර්ම, පශු සම්පත් ,ඉඩම් හා වාරිමාර්ග අමාත්‍ය කේ. ඩී ලාල්කාන්ත,  මිල්කෝ ආයතනය සහ ජාතික පශු සම්පත් සංවර්ධන මණ්ඩලයේ නිලධාරීන් එක්වුණා.

ජනපති හා ඔස්ට්‍රේලියානු නියෝජ්‍ය අගමැති හමුවෙයි

ජනාධිපති අනුර කුමාර දිසානායක හා ඕස්ට්‍රේලියානු නියෝජ්‍ය අග්‍රාමාත්‍ය රිචර්ඩ් මාල්ස් අතර සාකච්ඡාවක් ජනාධිපති කාර්‍යාලයේදී ඊයේ (03) පැවැත්විණි.

ශ්‍රී ලංකාව සහ ඕස්ට්‍රේලියාව අතර පවතින ඓතිහාසික සබඳතා තවදුරටත් ශක්තිමත් කර ගනිමින් දෙරට අතර සහයෝගීතාව ඉහළ නංවා ගැනීම පිළිබඳව මෙහිදී අවධානය යොමු කෙරිණි.

ශ්‍රී ලංකාව ආර්ථික වශයෙන් ස්ථාවර ගමනක් ආරම්භ කර ඇති බව සදහන් කල ජනාධිපතිවරයා
දූෂණය හා වංචාව පිටු දැකීමට වත්මන් ආණ්ඩුව ගෙන ඇති ක්‍රියාමාර්ග පිළිබඳව ද සාකච්චා කරන ලදී.

පසුගිය සමයේ සමුද්‍රීය ආරක්ෂණය, නීති විරෝධී වෙළඳාම, මිනිස් ජාවාරම් , ත්‍රස්තවාදය හා ආයුධ වෙළඳාම වැළැක්වීම සඳහා ඕස්ට්‍රේලියානු රජයෙන් ලබා දුන් සහාය ද ජනාධිපතිවරයාගේ ඇගයීමට ලක් කෙරිණි.

සංචාරක, අයෝජන කටයුතු සඳහා ශ්‍රී ලංකාව ඉතා සුරක්ෂිත රටක් බව ජනාධිපතිවරයා මෙහිදී පෙන්වා දුන්නේය.

ශ්‍රී ලංකාව සහ ඕස්ට්‍රේලියාවේ අතර පවතින වසර 70 ක ආර්ථික සහ දේශපාලන සබඳතා පිළිබඳ සිහිපත් කළ ඕස්ට්‍රේලියානු නියෝජ්‍ය අග්‍රාමාත්‍යවරයා ශ්‍රී ලංකාවේ රජය සමඟ සමීප සහයෝගයකින් කටයුතු කිරීම සිය රජයේ අපේක්ෂාව බවද සඳහන් කළේය.

ඕස්ට්‍රේලියානු නියෝජ්‍ය අග්‍රාමාත්‍යවරයා පැවසුවේ අල්ලස, දූෂණය පිටුදැකීමේ ශ්‍රී ලංකා රජයේ වැඩපිළිවෙළ ඕස්ට්‍රේලියානු නව රජයේ ප්‍රසංශාවට ලක් කරන බවයි.

වෙළඳ, ආර්ථික,දේශපාලනික, සංචාරක හා ආයෝජන සබඳතා ශක්තිමත් කිරීම මෙම සංචාරයේ අරමුණ බවද ඔහු මෙහිදී වැඩිදුරටත් සඳහන් කළේය.

ජනාධිපති අරමුදල උතුරට

සීමිත පිරිසක් සදහා ප්‍රතිලාභ ලබා දුන් ජනාධිපති අරමුදල රට පුරා වෙසෙන ජනතාව වෙත ප්‍රතිලාභ ලබා දීමේ කාර්යක්ෂම වැඩපිලිවෙලක් බවට පත්කිරීමේ තවත් පියවරක් ලෙස ඊට අදාල නිලධාරීන් ප්‍රාදේශීය ලේකම් කාර්යාල මට්ටමින් දැනුවත් කිරීමේ වැඩසටහනක් ක්‍රියාත්මක වේ.

එහි එක් පියවරක් ලෙස උතුරු පළාතේ යාපනය, කිලිනොච්චිය , මුලතිව්, මන්නාරම හා වව්නියාව දිස්ත්‍රික්කයන්හි ප්‍රාදේශීය ලේකම්වරු හා විෂ්‍යානුබද්ධ නිලධාරීන් සදහා පුහුණු වැඩමුලුවක් 21 වෙනි දින කිලිනොච්චි දිස්ත්‍රික් ලේකම් කාර්යාලයේදී පැවැත්වීමට සැලසුම් කර ඇත.

පුහුණු වැඩසටහන මගින් උතුරු පළාතේ ජනාධිපති අරමුදලෙන් ලැබෙන ප්‍රතිලාභ ඉහල දැමීමත් ඔවුන්ට ගුණාත්මක සේවාවක් ලබාදීම සහ මාර්ගගත සේවාව හදුන්වා දීමත් තුලින් කඩිනම් සේවා සැපයීමට පුහුණුව හා දැනුම ලබා දීම මෙම වැඩමුලුවේ අරමුණු වේ.

ජනාධිපති අරමුදලේ කාර්යන් ප්‍රාදේශීය ලේකම් කාර්යාල දක්වා විමධ්‍යගත කිරීමත් සමග ඊට ලැබෙන වෛද්‍යාධාර අයදුම්පත් සංඛ්‍යාව ඉහල ගොස් ඇත.

ඉදිරියේදී පුහුණු වැඩසටහන් සෙසු ප්‍රදේශයන්හි ක්‍රියාත්මක කිරීමෙන් ජනාධිපති අරමුදලෙන් රට පුරා වෙසෙන ජනතාව වෙත ප්‍රතිලාභ ලබා දීම සදහා කටයුතු කරන බවටයි ජනාධිපති මාධ්‍ය අංශය පවසන්නේ.

ජාතික පරිසර සතියේ වෙරළ කලාප පවිත්‍රතා දිනය හෙටයි

ලෝක පරිසර දිනයට සමගාමීව ජාතික පරිසර සතිය ක්‍රියාත්මකයි. පරිසර සතියේ හයවැනි දිනය වන හෙටදිනය වෙරළ කලාප පවිත්‍රතා දිනය වශයෙන් එය නම්කර ඇත. මේ යටතේ දිවයින පුරා වෙරළ කලාප පවිත්‍ර කිරීමේ වැඩසටහන් ක්‍රියාත්මක කෙරේ.
මීගමුව කලපුව පවිත්‍ර කිරීමේ වැඩසටහන වන සංරක්ෂණ දෙපාර්තමේන්තුවේ මූලිකත්වයෙන් සංවිධානය කර ඇත. එය ලියනෙමුල්ල කඩොලාන උද්‍යානයේ දී හෙට පෙරවරු 8.30 සිට ක්‍රියාත්මකයි .

පේදුරුතුඩුව වෙරළ තීරය පවිත්‍ර කිරීමේ වැඩසටහන මෙහෙයවන්නේ රාජ්‍ය දැවසංස්ථාව හා වෙරළ සංරක්ෂණ දෙපාර්තමේන්තුවයි. සමුද්‍රිය පරිසර ආරක්ෂණ අධිකාරියේ මූලිකත්වයෙන් ඌරණිය වෙරළ පව්ත්‍ර කිරීම හෙට උදෑසන ආරම්භ කිරීමට නියමිතයි.

වෙරළ සංරක්ෂණ හා වෙරළ සම්පත් කළමනාකරණ දෙපාර්තමේන්තුවේ මූලිකත්වයෙන් මෝදර, මොරටුව , කලුතර වෙරළ තීරයන් ද පුත්තලම , කල්පිටිය, නාත්තන්ඩිය , ගම්පහ, ගාල්ල වෙරළ තීරයන් ද පවිත්‍ර කිරීම ද මීට සමගාමීව සිදුකෙරේ.

පරිසර සතියේ ජල සංරක්ෂණ දිනය අදයි.

ජගත් පරිසර සතියේ පස්වන දිනය අදයි. අද දිනය නම් කර ඇත්තේ ජලය සහ ජල මූලාශ්‍ර සංරක්ෂණ දිනය ලෙසයි.ඒ අනුව දිවයින පුරා ජලය සහ ජල මූලාශ්‍ර සංරක්ෂණය කිරීමේ වැඩසටහනන් ක්‍රියාත්මකයි. ඒ නිමිත්තෙන් විශ්ව විද්‍යාල සිසුන් හා අමාත්‍යංශ වල අනුබද්ධ නිලධාරීන් ඒ පිලිබදව දැනුවත් කිරීමක් සිදුකෙරේ.
මෙය පරිසර අමාත්‍යංශයේ ශ්‍රවණාගාරයේ දී පරිසර අමාත්‍ය වෛද්‍ය දම්මික පටබැඳි හා නියෝජ්‍ය අමාත්‍ය ඇන්ටන් ජයකොඩි ගේ ප්‍රධානත්වයෙන් සිදු කෙරේ.
එමෙන්ම රාජ්‍ය දැව සංස්ථාව මූලීකත්වයෙන් සිසු බැංකු රුක් රෝපණ වැඩසටහනක් ක්‍රියාත්මකයි. ඒ යටතේ දැවමය වශයෙන් වටිනා පැල ලබාදීම සහ කෘෂි උපකරණ කට්ටල් ලබා දීම අද වැලිගම පැලෑනිය රතනජෝති විද්‍යාලයේදී සිදු කෙරෙයි.
තෝරාගත් දිස්ත්‍රික්කයන්හි ජල මූලාශ්‍ර පිහිටි ප්‍රදේශවල පැළ සිටුවීමේ ව්‍යාපෘතියක් භූ විද්‍යා හා පතල් කාර්‍යාලය මූලිකත්වයෙන් ක්‍රියාත්මකයි. සමූද්‍රීය පරිසර ආරක්ෂණ අධිකාරිය මූලිකත්වයෙන් වෙරල පවිත්‍රතා සහ දැනුවත් කිරීමේ වැඩසටහනක් ලංසිගම වෙරළ තීරයේදී ක්‍රියාත්මක කෙරේ.
එමෙන්ම ප්ලාස්ටික් අපද්‍රව්‍ය කලමණාකර සම්බන්ධයෙන් පාසල් ලමුන් දැනුවත් කිරීමේ වැඩසටහනක් ත්‍රිකුණාමලය සම්පල්තිවු විද්‍යාලයේ දී සහ පුරන්වැල්ල ප්‍රදේශයේදි පැවැත්වීමට නියමිතය.

කොවිඩ් වලට බය වෙන්න ඕනිද?

ලෝක සෞඛ්‍ය සංවිධානයේ දත්ත වලට අනුව ලෝකයේ කොවිඩ් 19 ඉහල යෑමක් දක්නට ලැබුනද අනියත බියක් ඇතිකරගතයුතු නැති බව සෞඛ්‍ය අමාත්‍යාංශය පවසයි .
රෝගය පැතිරයාම ගැන සෞඛ්‍ය අංශ නිරතුරු අවධානයෙන් පසුවේ. සාමාන්‍ය උණ සෙම්ප්‍රතිශ්‍යා තත්වයන් සඳහා රෝහල්ගත වීමක් අවශ්‍ය නොවේ. හුස්ම ගැනීමේ අපහසුතා ඇත්නම් පමනක් රෝහල් වෙත යොමුවිය යුතුය. කෙසේ වෙතත් කොවිඩ් 19 රෝගයෙන් සහ සෙසු ශ්වසන රෝග වලින් ආරක්ෂා වීම සඳහා යහපත් සෞඛ්‍ය පුරුදු නිරතුරුව පවත්වාගෙන යාම වැදගත්ය.

කිවිසින විට හෝ කහින විට වැලමිටෙන් හෝ ටිෂූවැනි දෙයකින් ආවරණය , අපිරිසිදු දෑත් වලින් මුහුන අතපතගෑමෙන් වැලකීම, නිතර දෑත් පිරිසිදුකරගැනීම වැනි පුරුදු පවත්වාගත යුතුය . ශ්වසන රෝගීන් මුඛ ආවරණ පැළඳීම සහ සෙනඟ ගැවසෙන තැන්වලට නොයාම යෝග්‍ය වේ. වයස්ගත පිරිස්, ගර්භණී මාතාවන්,ළදරුවන් නිදන්ගත රෝගවලින් පෙලෙන පුද්ගලයන් සහ ප්‍රතිෂක්තිය පහළ දමන ⁣⁣ඖෂද ලබාගන්නන් වැනි අවදානම් කන්ඩායම් වඩාත් ආරක්ෂා වියයුතුය.

2023 වසරේ කොවිඩ් වසංගතයෙන් මිඳුණු පසු එය සාමාන්‍ය ශ්වසන රෝගයක් ලෙස සලකන ලදී. වෛරසය පැතිර යාමේදී යම් යම් ජාන විකෘතින්ට ලක්වීම සාමාන්‍ය දෙයකි. දැනට ලොව පුරා පැතිරෙන කොවිඩ් ප්‍රභේදය 2024 දී ශ්‍රීලංකාවේ දක්නට ලැබුනු ප්‍රභේදයම වේ. එබැවින් ඉන් උග්‍ර රෝගී තත්වයන් හෝ සංකූලතා වාර්තා නොවේ. 2024 වර්ශයේ දී කොවිඩ් ප්‍රතිශතය සාමාන්‍ය ශ්වසන රෝගීන්ගෙන් 3% කි. එම වසරේ මැයි මාසයේදී ප්‍රතිශතය 9.6% දක්වා ඉහල ගියේය. නමුත් මේ වසරේදී ප්‍රතිශතය 2%ක් වැනි සුලු වැඩිවීමකි. 2024 දී මෙන්ම 2025 මැයි මාසයේ රෝගීන් වාර්තා වීම ඉහලගොස් ඇත. ලෝක සෞඛ්‍ය සංවිධානයට අනුව රොගයේ හැසිරීම පිළිබඳ තාමත් පර්යේශණ මට්ටමෙ පවතී.

භාෂාව ගැටළුවක් නොවන කාලයක් උදාවෙනවා

මෙරට තරුණ තරුණියන්ට භාෂාව ගැටලුවක් කර නොගෙන කටයුතු කළ හැකි කාලයක් ඉදිරියේදී උදාවන බවත්, ඒ වෙනුවෙන් Youth Clubs හරහා විශාල දායකත්වයක් ලබාදීමට සැලසුම් කර ඇති බව නියෝජ්‍ය අමාත්‍ය එරංග ගුණසේකර මහතා ප්‍රකාශ කළේය.

තරුණ තරුණියන්ගේ සිහින සැබෑ කිරීම වෙනුවෙන් Youth Clubs ගොඩනැගීම ආරම්භ කර ඇති බවත් නියෝජ්‍ය අමාත්‍යවරයා මෙහිදී සඳහන් කළේය.වත්මන් ආණ්ඩුව උතුරු සහ නැගෙනහිර පළාත් වෙත විශේෂ අවධානයක් යොමු කර ඇත. Youth Clubs පිහිටුවීමේ කටයුතුවලදී ද තරුණ කටයුතු හා ක්‍රීඩා අමාත්‍යාංශය වශයෙන් විශේෂ මැදිහත්වීමක් සිදු කරන බව තරුණ කටයුතු නියෝජ්‍ය අමාත්‍ය එරංග ගුණසේකර පැවසීය.

නියෝජ්‍ය අමාත්‍යවරයා මේ බව පැවසුවේ පසු ගියදා උතුරු පළාතේ යාපනය, කිලිනොච්චි , වවුනියා දිස්ත්‍රික්කවල Youth Clubs පිහිටුවීමේ අවස්ථාවන්ට සහභාගී වෙමිනි.

එමඟින් තරුණ තරුණියන්ට අධ්‍යාපනයට, රැකියාවට, විදේශ රැකියාවට, හැකියාවන්ට අවශ්‍ය මඟ පෙන්වීම සිදුකරන බව ද නියෝජ්‍ය අමාත්‍යවරයා තව දුරටත් ප්‍රකාශ කළේය. රැකියා ලබා ගැනීම වෙනුවෙන් දේශපාලකයන් වෙත ගිය යුගය අවසන් කර ඇති බවත්, Youth Clubs හරහා තරුණ තරුණියන් ආණ්ඩුව සමඟ සෘජුව සම්බන්ධ කරන බවත් නියෝජ්‍ය අමාත්‍යවරයා පැවසීය.