ප්‍රවාහන කේෂේත්‍රයට නිසි ප්‍රතිපත්තියක්

කොත්මලේ බස් අනතුරින් මියගිය අයට ජනාධිපති අරමුදලෙන් ලබා දෙන මුදල් අදාළ ප්‍රාදේශීය ලේකම් කාර්යාල වෙත යොමු කර ඇතැයි ජනාධිපති මාධ්‍ය අංශය පවසයි.

කොත්මලේ, ගැරඬිඇල්ල ප්‍රදේශයේදී පසුගියදා සිදු වූ බස් රථ අනතුරින් ජීවිතක්ෂයට පත් වූ අය වෙනුවෙන් ජනාධිපති අනුර කුමාර දිසානායක මහතාගේ උපදෙස් පරිදි ජනාධිපති අරමුදලින් ලබා දෙන මුදල් මේ වන විට අදාළ ප්‍රාදේශීය ලේකම් කාර්යාල වෙත යොමු කර තිබේ.

අනතුරින් මිය ගිය එක් අයෙකු වෙනුවෙන් රුපියල් ලක්ෂ 10ක මුදලක් ලබා දීම සිදු කෙරේ. එය මිය ගිය අයගේ පවුලේ සාමාජිකයන් වෙත භාර දීමට නියමිතය.

අනතුරින් පුද්ගලයන් 22 දෙදෙනෙකු මියගියහ. ඔවුන් ජීවත්වූ ප්‍රාදේශීය ලේකම් කොට්ඨාසවල, ප්‍රාදේශිය ලේකම්වරු වෙත මේ වන විට එම මුදල් ලබා දී ඇත. තුවාල ලැබූවන් සඳහා අදාල වෛද්‍ය වාර්තා ලබා දුන් පසු ජනාධිපති අරමුදලෙන් ආධාර ලබා දෙන බව අද අනතුර සම්බන්ධයෙන් සහ වන්දි ලබා දීම වෙනුවෙන් ප්‍රවාහන සහ මහාමාර්ග අමාත්‍ය බිමල් රත්නායක මහතා මේ බව පැවසුවා. ලංගම ආයතනය මගින්ද රුපියල් 25,000ක වන්දි මුදලක් ලබා දෙන බවත් බස් රථය රක්ෂණය කර ඇති බැව්න් එම ආයතනයෙන්ද වන්දි මුදල් ලබාදීමට නියමිත බවත් මෙහිදී අමාත්‍යවරයා පැවසීය. මේ අතර තුවාල ලැබූවන් අතරින් සුව වී නිවෙස් කරා යන පුද්ගලයින් සඳහා සිය පක්ෂය සහ ලංගම මගින් නිවෙස් කරා යාමට අවශ්‍ය ප්‍රවාහන පහසුකම් ලබා දී ඇතැයිද බිමල් රත්නායක මහතා පැවසීය. ඊයේ අමාත්‍යාංශයේ ප්‍රවාහන බලධාරීන් පැවැති සාකච්ඡාවකදී ව්ශේෂ තීරණ කිහිපයක් ගත් බව අමාත්‍යවරයා ප්‍රකාශ කළේය. බස් රථ ධාවනයට පෙර පුර්ව පරීක්ෂණයකට ලක් කිරීම, රියදුරු නිරීක්ෂණ ක්‍රමවේදයක් හදුන්වාදීම, දුර ගමන් සේවා ආපන ශාලා ප්‍රමිතය සොයා බැලීමට නිසි ක්‍රමවේදයක් සැකසීම පිළිබඳ තීරණ ගත් බවද අමාත්‍යවරයා වැඩිදුරටත් පැවසීය. ප්‍රවාහන කේෂ්‍රේත්‍රය සම්බන්ධයෙන් නිසි ප්‍රතිපත්ති සකස් කරන බව අමාත්‍යවරයා වැඩිදුරටත් පැවසීය.

ඉන්ධන පිරවුම්හල් වලට සනීපාරක්ශක පහසුකම් සැපයීමේ ජාතික මට්ටමේ වැඩසටහනක්

මහජනතාව වෙනුවෙන් ඉන්ධන පිරවුම්හල් වලට සනීපාරක්ශක පහසුකම් සැපයීමේ ජාතික මට්ටමේ වැඩසටහනක් ක්‍රියත්මක වේ. මෙම වැඩසටහන ජනාධිපති කාර්‍යාලයේදී අද ආරම්භ වුනු අතර එය ක්ලීන් ශ්‍රී ලංකා වැඩසටහන යටතේ ක්‍රියත්මකයි. මහජන සනීපාරක්ශාව සහ ගමනාගමන පහසුකම් වැඩිදියුනු කිරීම සනීපාරක්ශක පහසුකම් සැපයීමේ මූලික අරමුණ වේ.

මෙම වැඩසටහන යටතේ ඉන්ධන පිරවුම්හල් පිරිසිදු, ආරක්ශිත හා දුබලතා ඇති පිරිසට පහසුවෙන් ප්‍රවේශ විය හැකි සනීපාරක්ශක පහසුකම් ඇති ස්තාන බවට පත් කිරීම සිදු කෙරේ. වසර තුනක කාලයකදී නවීන සනීපාරක්ශක පහසුකම් සහිත ස්තාන 500 ක් ඒ අනුව ස්තාපිත කෙරේ. 2025 වසරේදී 100 ක් ද 2026 වසරේදී 200 ක් හා 240 ක් 2027 වසරේදී සනීපාරක්ශක පහසුකම් සහිත ස්තාන බවට පත් කෙරේ.

කිලීන් ශ්‍රී ලංකා ජනාධිපති කාර්‍ය සාධන බලකාය, බල ශක්ති අමාත්‍යංශය සහ ප්‍රධන ඉන්ධන සපයන්නන් සිව්දෙනුකු වන ලංකා ඛනිජ තෙල් සංස්ථාව, ලංකා අයි ඕ සී, සිනෝපෙක් එනර්ජි ලංකා (පුද්ගලික) සමාගම සහ RM පාක්ස් (පුද්ගලික) සමාගම ගිවිසුමට අත්සන් කරන ලදී.

තිරසාර මහජන සේවාවක් සැපයීමට මෙමගින් හැකියාව ලැබෙන බවත් ක්ලීන් ශ්‍රී ලංකා ව්‍යාතියේ එක් පියවරක් ලෙස මෙම වැඩපිලිවෙල අර්‍රම්භ කර ඇති බව ත් ජනාධිපති ලේකම් අචාර්‍ය නන්දික සනත් කුමානායක මහතා මෙහිදී පැවසීය. රාජ්‍ය සහ පුද්ගලික සහයෝගීත්වයෙන් මෙරටට වඩාත් ප්‍රතිඵලදායක සේවවාක් ලබා දිය හැකි බවට මෙය උදාහරනයක් බවත් ඉදිරියේදී වෙලදසැල් වැනි පුද්ගලික ආයතන මට්ටමේ මෙම වැඩපිලිවෙල ව්‍යාප්ත කිරීමට බලාපොරොත්තු වන බවත් ජනාධිපති ලේකම් තුමා මෙහිදී සදහන් කලා.

කල් දැමූ PSL තරගාවලිය සෙනසුරාදා නැවත ආරම්භ වේ

ඉන්දු පකිස්ථාන ගැටුම් හේතුවෙන් කල් දැමූ පකිස්ථාන සුපර්ලීහ් තරගාවලිය මැයි දාහත් වන සෙනසුරාදා නැවත ආරම්භ වීමට නියමිතය. PSL තරගාවලියේ තවත් තරග අටක් ඉතිරිව ඇති අතර අවසන් තරඟය මැයි 25 වන දින පැවැත්වේ.

පැවැත්වීමට නියමිත ඉතිරි සියලුම තරඟ රාවල්පින්ඩි සහ ලාහෝර් හිදී පැවැත්වීමට තරග සංවිධායකින් කටයුතු කර ඇති බව විදෙස් මාධ්‍ය වාර්තා කරයි.

අත්හිටුවීම තහවුරු වූ වීමත් සමග තරගාවලියේ සිටි විදේශීය ක්‍රීඩකයින් සියල්ලෝම පාකිස්තානයෙන් පිටව ගොස් තිබූ අතර, ඔවුන් නැවත පාකිස්තානයට පැමිණීම අවිනිශ්චිත බව වාර්තා වේ.

ශ්‍රී ලංකාවට සංචාරකයින්ගේ පැමිණීමේ වැඩි වීමක්

2024 ට සාපේක්ෂව 2025 මුල් මාස 4 දී ලංකාවට පැමිණි සාංචාරකයින් සංඛ්‍යාව 81,945 කින් ඉහල ගොස් ඇතැයි ශ්‍රී ලංකා සංචාරක සංවර්ධන අධිකාරිය වාර්තා කරයි.

2024 ජනවාරි මාසය තුල සංචාරකයින් 208,253 ක් පැමිණ තිබූ අතර එය මේ වර්ෂයේදී 252,761 දක්වා වැඩි වී ඇති අතර ප්‍රතිශතයක් ලෙස එය 21.4 % දක්වා වැඩි වීමකි.

පසුගිය වසරේ පෙබරවාරි මාසයට සාපේක්ශව මෙම වසරේදී 10 % ක සංචාරක පැමිණීමේ ඉහල යාමක් පෙන්වන අතර එය 2024 දී 218,350 ක් වූ අතර 2025 වර්ෂයේදී 240,217 ක් පමණ වේ.

ප්‍රතිශතයක් ලෙස 2024 මාර්තු මාසයට සාපේක්ශව සංචාරක පැමිණීම 2025 මාර්තු මාසයේදී 10 % ක ආසන්න ප්‍රමාණයකින් ඉහල ගොස් ඇතැයි සංචාරක සංවර්ධන අධිකාරිය පවසයි. එය 2024 මාර්තුවේ දී 209,181 වූ අතර 2025 මාර්තුවේ දී 229,298 ක් දක්වා වැඩි වීමකි.

2024 අප්‍රේල් මාසය තුල සංචාරකයින් 148,867 වාර්තා වූ අතර එය මෙම වසරේ අප්‍රේල් මාසයේදී 174,608 දක්වා වැඩි වී ඇත. එය ප්‍රතිශතයක් ලෙස 17.3 % ක වැඩි වීමකි. 2025 මැයි මස මුල් දින 7 දී සංචාරකයින් 33,910 ක් ශ්‍රී ලංකාවට පැමිණ ඇත.

මෙම වර්ෂයේ දී වැඩිම සංචාරක පැමිණීම වාර්තා වන්නේ ඉන්දියාවෙන් වන අතර ඒ 148,078 ක් පමණ වේ. එය අප්‍රේල් මාසයේ දී පමණක් ඉන්දියානුවන්ගේ පැමිණීම 29,763 ක් වන අතර ප්‍රතිශතයක් ලෙස සමස්ත සංචාරක පැමිණීමෙන් 20.6 % කි. ඉන්දියාවෙන් පසුව මහා බ්‍රිතාන්‍ය, රුසියාව ජර්මනිය සහ ඔස්‍ට්‍රේලියාව යන රටවල් පිලිවෙලින් ඉහල අගයක් ගනී.

අමාත්‍ය විජිත හේරත් සහ මහකොමසාරිස්වරු අතර හමුවක්

තානාපති සහ මහකොමසාරිස් කාර්යාල 07ක නව තානාපතිවරු සහ මහ කොමසාරිස්වරු අද අමාත්‍ය විජිත හේරත් මහතා අතර හමුවක් සිදුවිය. ඒ විදේශ කටයුතු අමාත්‍යංශයේ දී. මෙම හමුවේ දී විජිත හේරත් මහතා රජයේ ඉලක්ක සහ අභිලාෂයන් නව තානාපතිවරු සහ මහකොමසාරිස්වරුන්ට පෙන්වා දෙන ලදී. තමන්ගේ සේවා කාලයේ ඉදිරි සැලසුම්, වැඩපිළිවෙල් පිළිබඳව තානාපතිවරු සහ මහකොමසාරිස්වරු අමාත්‍ය තුමා හමුවේ ඉදිරිපත් කිරීමකද සිදුකළා. මෙම අවස්ථාවට විදේශ කටයුතු, විදේශ රැකියා සහ සංචාරක අමාත්‍යංශයේ ලේකම් අරුණි රණරාජ මහත්මිය සහ අමාත්‍යංශයේ ජ්‍යෙෂ්ඨ නිළධාරීන් පිරිසක් ද එක්ව සිටියහ.

තුර්කියේ පැවැත්වෙන යුක්රේන-රුසියා සාකච්ඡාවලට තමන් එක්වන්නේ පුටින් සහභාගි වන්නේ නම් පමණක් බව සෙලෙන්ස්කි පවසයි.

රුසියානු ජනාධිපති ව්ලැඩිමීර් පුටින් සහභාගි වන්නේ නම් පමණක් තුර්කියේ පැවැත්වෙන යුක්රේන-රුසියා සාකච්ඡාවලට තමන් එක්වන බව සෙලෙන්ස්කි පවසනවා.

ඔහු තවදුරටත් පවසන්නේ තමා අපේක්ෂා කරන්නේ පුටීන් සමග මුහුණට මුහුණ සාකච්ඡාවක් මිස පුටින්ගේ නියෝජිතයන් සමග සාකච්ඡාවක් නොවන බවයි.

මෙම සාකච්ඡාව 15 වැනිදා එනම් හෙට තුර්කියේදී පැවැත්වීමටයි දෙපාර්ශ්වයම මුලදී තීරණය කර තිබුණේ.

පුටින් සාකච්ඡා සඳහා යනවාද නැද්ද යන්න ප්‍රකාශ කිරීමට ක්‍රෙම්ලිනය මෙතෙක් අපොහොසත් වී ඇත.

“ජනාධිපතිවරයා එය අවශ්‍ය යැයි සලකන වහාම අපි එය ප්‍රකාශයට පත්කරන්නෙමු ” ක්‍රෙම්ලින් ප්‍රවෘත්ති නියෝජිත ඩිමට්‍රී පෙස්කොව් පවසනවා.

මෙම සාකච්ඡාවට මුල පුරන්නේ
රුසියන් පාශ්‍රවයෙන් ගත් ඒකමතික තීරණයක් අනුවයි

10 සෙනසුරාදා ක්‍රෙම්ලිනයේ සිට රූපවාහිනී විකාශනයකට සහභාගී වෙමිනුයි පුටීන් මේම ආරාධනාව කර ඇත්තේ.

රුසියාව සහ යුක්රේනය අතර අවසන් සෘජු සාකච්ඡා සිදු වූයේ රුසියාව යුක්රේනය ආක්‍රමණය කිරීමට වසර තුනකට පෙර බවයි පැවසෙන්නේ.

චීන- CELAC සංසදයේ සිව්වැනි අමාත්‍ය මට්ටමේ සමුළුව බෙයිජිං ප්‍රකාශය නිකුත් කරයි

චීන – ලතින් ඇමරිකානු සහ කැරිබියානු රාජ්‍ය සංසදයේ (CELAC) සිව්වැනි අමාත්‍ය මට්ටමේ සමුළුව මැයි මස 13 වනදා බෙයිජිංහි දී පැවැත්විණ. සමුළුවේ ප්‍රතිඵලයක් වශයෙන් නිකුත් කෙරුණු බෙයිජිං ප්‍රකාශයට අනුව, දෙපාර්ශ්වය ගැඹුරින් අදහස් හුවමාරු පවත්වා දේශපාලන සංවාදය ශක්තිමත් කිරීම, සහයෝගතා පුළුල් කිරීම හා අන්‍යෝන්‍ය විශ්වාසය ප්‍රවර්ධනය කිරීම පිළිබඳ ස්ථිර පොරොන්දු යළි අවධාරණය කර ඇත.

ජාත්‍යන්තර තත්ත්වය වේගයෙන් වෙනස් වෙමින් පවතින වර්තමානයේ, චීන-CELAC සංසදය ද්විපාර්ශ්වික සහයෝගතා ව්‍යාප්ත කිරීමේ වැදගත් වේදිකාවක් බවට පත්ව තිබෙන බවත් ගෝලීය දකුණේ සමගි ජීවගුණය දෙපාර්ශ්වය අවධාරණය කළ බවත් එම ප්‍රකාශයේ සඳහන් වේ.

‘චීන-CELAC රාජ්‍යයන් අතර වැදගත් ක්ෂේත්‍රවල සහයෝගතා පිළිබඳ ඒකාබද්ධ ක්‍රියා සැලැස්මේ (2025-2027)’ සඳහන් සහයෝගතා අවස්ථා සඳහා අවධානය යොමු කරමින් දෙපාර්ශ්වයේ සැලකිල්ලට ලක්ව ඇති කරුණු සම්බන්ධයෙන් පොදුවේ සාකච්ඡා කිරීමට එකඟ වී තිබේ.

ගෝලීය අභියෝගවලට මුහුණ දීම සඳහා වැදගත් ක්ෂේත්‍රවල සහයෝගතා පැවැත්වීමට දෙපාර්ශ්වය කැමැත්තෙන් සිටිති. එක්සත් ජාතීන්ගේ ප්‍රඥප්තියේ මූලධර්මය හා ජාත්‍යන්තර නීති අනුගමනය කිරීමට යොමු වෙමින්, ආර්ථික, සමාජයීය, සහයෝගාත්මක, පාරිසරික තිරසර බවින් හා සමතුලිතභාවයෙන් යුතු සංවර්ධනය සඳහා කලාපීය හා බහුපාර්ශ්වික සහයෝගතාවන් හි වැදගත්කම අවධාරණය කෙරේ.

අන්තර් රාජ්‍ය අදහස් හුවමාරු ශක්තිමත් කරමින්, යටිතල පහසුකම්, සන්නිවේදනය හා ගමනාගමන සම්බන්ධකම්, විද්‍යා තාක්ෂණික නවෝත්පාදනය, බලශක්ති පරිභෝජන රටා වෙනස්කිරීම, දිළිඳුකම තුරන් කිරීම යන ක්ෂේත්‍රවල අන්‍යෝන්‍ය අධ්‍යයනය පුළුල් කිරීම දෙපාර්ශ්වයේ අපේක්ෂාවය. එක් තීරයක් එක් මාවතක් වැඩපිළිවෙලේ පොදු සංවර්ධනයට එක්වන පාර්ශ්වයන් චීන ලතින් ඇමරිකා ආර්ථික හා සමාජ සංවර්ධනයට ලබා දුන් දායකත්වය අගය කෙරේ.

සාමකාමී ලෝකයක් ගොඩනැගීමෙහි නියැළී සිටිමින්, පොදු ජයග්‍රාහී, සහයෝගතා, අන්‍යෝන්‍ය ප්‍රතිලාභී, පොදු ජයග්‍රහණ දිනා ගන්නා ආර්ථික ගෝලීයකරණය ඉදිරියට ගෙන යාමට දෙපාර්ශ්වය මුලපිරීමට කටයුතු කරන බව ද බෙයිජිං ප්‍රකාශය සඳහන් කර ඇත.
-CGTN Sinhala

ආනයනික ඇමරිකානු නිෂ්පාදන සඳහා තීරුබදු පහත දැමීමේ කටයුතු චීනය අරඹයි

ආනයනික ඇමරිකානු නිෂ්පාදන සඳහා වන නව තීරුබදු සකස් කරන බව චීන රාජ්‍ය කවුන්සිලයේ රේගු තීරුබදු කොමිසම නිවේදනය කරයි.

ඒ අනුව චීන රාජ්‍ය කවුන්සිලයේ, 2025 අංක 4 දරන රේගු තීරුබදු කොමිසමේ නිවේදනය ප්‍රකාරව‍‍ ඇමරිකානු නිෂ්පාදන සඳහා අතිරේක දැන්වීම් වටිනාකම් තීරුබදු ප්‍රතිශත වෙනස් කිරීමට පියවර ගනු ඇත,

එහිදී දින 90 ක මූලික කාලය සඳහා සියයට 24 ක ප්‍රතිශතය අත්හිටුවමින්, එම නිෂ්පාදන සඳහා ඉතිරිව ඇති අතිරේක දැන්වීම් වටිනාකම් තීරුබදු අනුපාතය සියයට 10 ක් ලෙස රඳවා ගැනෙන බව සඳහන් වේ.

එමෙන්ම රාජ්‍ය කවුන්සිලයේ රේගු තීරුබදු කොමිසම විසින් අප්‍රේල් මස 09 සහ 11 යන දිනවල නිකුත් කරන ලද අංක 05 සහ 06 දරන නිවේදන මගින් පනවන ලද එම භාණ්ඩ සඳහා සංශෝධනය කළ අතිරේක දැන්වීම් වටිනාකම් තීරුබදු අනුපාත ද ‍ඉවත් කිරීමට චීනය පියවර ගනු ඇත.

ඇමරිකාව විසින් පසුගිය මාසයේ දී පනවන ලද “අන්‍යෝන්‍ය තීරුබදු” වලට එරෙහිව ප්‍රතිචාර දක්වමින් චීනය එරටින් ආනයනය කරන නිෂ්පාදන සඳහා පිළිවෙලින් සියයට 84ක් සහ සියයට 125ක් දක්වා අතිරේක තීරුබදු ඉහළ නැංවීය.

ද්විපාර්ශ්වික තීරුබදු පහත දැමීම චීනයත් ඇමරිකාවත් අතර නිෂ්පාදන සහ පාරිභෝගික අපේක්ෂාවන්ට අනුකූල වනවා සේම දෙරට අතර ආර්ථික හා වෙළඳ හුවමාරුවට මෙන්ම ගෝලීය ආර්ථිකයට හිතකර වීමක් බව ද චීන රාජ්‍ය කවුන්සිලයේ රේගු තීරුබදු කොමිසම අවධාරණය කරයි.

චීන – ඇමරිකා ආර්ථික හා වෙළඳ කටයුතු සම්බන්ධයෙන් ස්විට්සර්ලන්තයේ ජිනීවා හි දී පසුගිය 10 සහ 11 යන දෙදින තුළ පැවති ඉහළ පෙළේ සාකචඡා අවසානයේ දෙරට අතර ඒකාබද්ධ නිවේදනයකට එළැඹිණ.

ඒ අනුව විධායක නියෝගයක් මඟින් පසුගිය 12 වැනි දා ඇමරිකාව නිවේදනය කර සිටියේ, මැයි මස 14 වැනි දින සිට චීනයට එරෙහිව පනවා ඇති තීරුබදු පහත දැමීමට පියවර ගන්නා බවයි.
-CGTN Sinhala

ප.ව. 1.00 න් පසු ගිගුරුම් සහිත වැසි

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින්විට වැසි හෝ ගිගුරුම් සහිත වැසි ඇතිවේ. බස්නාහිර පළාතෙත් ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 50 ට වැඩි තරමක තද වැසි ඇතිවේ. මධ්‍යම, ඌව, උතුරු-මැද සහ නැහගනහිර පළාත්වල ප.ව. 1.00 න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැක. උතුරු, උතුරු මැද, වයඹ සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. (30-40) ක පමණ තරමක තද සුළං ඇතිවේ. ගිගුරුම් සහිත වැසි සමග ඇතිවන තවකාලිකා තද සුළ වලින් සහ අකුණු මඟින් සිදු වන් අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකාව ඉල්ලා සිටිනු ලැබේ.

ඉදිරි පැය 24 ට දිවයින වටා වන මුහුදු ප්‍රදේශ සඳහා කාලගුණ අනාවැකිය.
වැසි තත්ත්වය:
පුත්තලම සිට කොළඹ සහ ගාල්ල හරහා හම්බන්තොට දක්වා සහ මඩකලපුව සිට ත්‍රිකුණාමලය හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශවල තැනින් තැන වැසි ඇතිවේ.
සුළඟ:
සුළං බස්නාහිර සිට නිරිත දක්වා වන දිශාවලින් හමා එන අතර සුළං වේගය පැ.කි.මී. (30-40) පමණ වේ. කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී. (50-60) පමණ දක්වා ඉහළ යා හැකිය.

මුහුදේ ස්වභාවය:
කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ විටින් විට රළු වේ. දිවයින වටා වන සෙසු මුහුදු ප්‍රදේශ මඳ වශයෙන් රළු වේ. ගිගුරුම් සහිත වැසි ඇති වන විට එම මුහුදු ප්‍රදේශවල තවකාලිකව තද සුළ ඇති විය හැකි අතර එවිට එම මුහුදු ප්‍රදේශ තවකාලිකාව ඉතා රළු විය හැකිය.

චීනයේ ශ්‍රී ලංකා තානාපති කාර්‍යාලය සංවිධානය කළ වෙසක් සැමරුම

සුනෙත්‍රා කුමාරි – (බේජින්) ශ්‍රී ලංකා තානාපති කාර්‍යාලය සංවිධානය කළ වෙසක් සැමරුම තානාපති කාර්යාලය, රාජ්‍ය තාන්ත්‍රික නිලධාරීන්, විදේශ කටයුතු අමාත්‍යාංශය, චීන කොමියුනිස්ට් පක්ෂයේ ජාත්‍යන්තර අංශය, චීන ව්‍යවසායකයින් සහ මාධ්‍ය සමඟ එක්ව වෙසක් උත්සවය සැමරීය. ලින්ගුවාං විහාරස්ථානයේ ප්‍රධාන සංඝනායක සහ චීන බෞද්ධ සංගමයේ උප සභාපති අතිපූජ්‍ය චැං ෂැං මහතා ආගමික උත්සවය මෙහෙයවීය. වෙසක් සැමරුම සඳහා ප්‍රථම වරට මීටර් 4 ක තොරණක් (තොරණ) සහ දන්සලක් ඉදිරිපත් කරන ලදී

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි