Hot News

නිතරම තදබදය ඇතිවන ‘ලෝටස් වටරවුම ආශ්‍රිත ප්‍රදේශය ගැන’ ගත් තීරණය

කොළඹ පිහිටි ලෝටස් වටරවුම ආශ්‍රිත ප්‍රදේශය විශේෂයෙන්ම කාර්ය බහුල වෙලාවන්හිදී අධික රථවාහන තදබදයක් ඇති වන…

දියවඩන නිලමේ ධුරය ගැන මහානාහිමිවරුන්ගෙන් නිවේදනයක්

දියවඩන නිලමේ ධුරය සම්බන්ධයෙන් සිදුකෙරන ඇතැම් සංවාද නිසා බෞද්ධ සමාජයේ ගෞරවයට හානි සිදු වන බව මල්වතු අස්ගිරි මහානාහිමිවරුන් නිවේදනයක් නිකුත් කරමින් සඳහන් කර තිබෙනවා.

එම නිවේදනය පහතින් දැක්වෙනවා.

තැනින් තැන වැසි හෝ ගිගුරුම් සහිත වැසි

බස්නාහිර, සබරගමුව, මධ්‍යම, වයඹ සහ උතුරු පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇතිවිය හැකි අතර සෙසු ප්‍රදේශවල ප.ව. 1.00න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව සඳහන් කරනවා.

දිවයිනේ ඇතැම් ස්ථානවල මි.මී. 50ට වැඩි තරමක තද වැසි ඇතිවිය හැකි බවද ඔවුන් නිවේදනය කර තිබෙනවා.

නිතරම තදබදය ඇතිවන ‘ලෝටස් වටරවුම ආශ්‍රිත ප්‍රදේශය ගැන’ ගත් තීරණය

කොළඹ පිහිටි ලෝටස් වටරවුම ආශ්‍රිත ප්‍රදේශය විශේෂයෙන්ම කාර්ය බහුල වෙලාවන්හිදී අධික රථවාහන තදබදයක් ඇති වන ස්ථානයක් බවට පත්ව ඇති නිසා තදබදය අවම කිරීම සම්බන්ධයෙන් ශක්‍යතා අධ්‍යයනයක් සිදු කිරීමට කැබිනට් අනුමැතිය ලැබී තිබෙනවා.

වරාය නගරය සහ වරාය පිවිසුම් ගුවන් මාර්ගය සම්පුර්ණයෙන් ක්‍රියාත්මක වීම සමඟ තදබදය තවදුරටත් උග්‍ර විය හැකි බවයි රජයේ නිරීක්ෂණය වී ඇත්තේ .

ගිනිගත් උක් වගාවට ආණ්ඩුවෙන් වන්දි

උක් වගාව ගිනි ගැනීම හේතුවෙන් වගා හානි සිදු වූ සෙවනගල සීනි කර්මාන්ත ශාලාවේ ගොවීන් සඳහා වන්දි ලබා දීමට අමාත්‍ය මණ්ඩලය අනුමැතිය හිමිව තිබෙනවා.

විනාශ වූ උක් මෙට්‍රික්ටොන් එකකට රුපියල් 7,000/-ක් බැගින් ලබා දීමට ඉදිරිපත් කළ ඒකාබද්ධ යෝජනාවට අමාත්‍ය මණ්ඩලය අනුමැතිය හිමිව ඇති බවයි අමාත්‍ය නලින්ද ජයතිස්ස සඳහන් කළේ.

අනිද්දා පැය 9ක් වතුර නැති ප්‍රදේශ

අනිද්දා (18) පෙ.ව 10.00 සිට ප.ව 07.00 දක්වා කොළඹ ප්‍රදේශ කිහිපයකට ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය සඳහන් කරනවා.

එම ප්‍රදේශ මෙසේයි.

බත්තරමුල්ල, පැලවත්ත, හෝකන්දර, කොස්වත්ත, තලවතුගොඩ, කෝට්ටේ, රාජගිරිය, මිරිහාන,මාදිවෙල, නුගේගොඩ, නාවල, කොලොන්නාව, IDH, කොටිකාවත්ත, අංගොඩ, වැල්ලම්පිටිය, ඔරුගොඩවත්ත, මහරගම, බොරලැස්ගමුව, දෙහිවල, රත්මලාන, මොරටුව

කෙහෙළිය ඇතුළු විත්තිකරුවන්ට අධිචෝදනා

ප්‍රමිතියෙන් තොර ප්‍රතිදේහ එන්නත් මිලදී ගැනීමේ චෝදනා එල්ල වී සිටින හිටපු අමාත්‍ය කෙහෙළිය රඹුක්වැල්ල ඇතුළු විත්තිකරුවන්ට කොළඹ ත්‍රිපුද්ගල මහාධිකරණ විනිසුරු මඩුල්ල ඉදිරියේ අධිචෝදනා භාර දීම අද සිදුවුණා.

මෙම විත්තිකරුවන් අධිචෝදනා භාර දීමෙන් අනතුරුව ඇප මත මුදා හැරීම ගැන විරුද්ධ වන බවයි නියෝජ්‍ය සොලිසිටර් ජෙනරාල් ලක්මිණි ගිරිහාගම මහාධිකරණ විනිසුරු මඩුල්ල හමුවේ සඳහන් කළේ.

විදේශගත ශ්‍රී ලාංකිකයින්ට ඡන්ද අයිතිය

විදේශගත ශ්‍රී ලාංකිකයින්ට ඡන්ද අයිතිය ලබාදීම සම්බන්ධයෙන් රජයේ අවදානය යොමුව තිබෙනවා.

විදේශගත ශ්‍රී ලාංකිකයින්ට ඡන්දය ප්‍රකාශ කළ හැකි අයුරින් නීති සකස් කිරීමට අදාළව නිලධාරීන්ගෙන් සමන්විත කමිටුවක් පත්කිරීමට අමාත්‍ය මණ්ඩල අනුමැතිය ලබාදී ඇති බව අනාවරණය වුණා.

කොළඹ කොටුවේ හෝටලයක ජීව උණ්ඩ 17ක්

කොළඹ කොටුවේ හෝටලයක වැසිකිලියේ තිබියදී ජීව උණ්ඩ 17 ක් සොයාගෙන තිබෙනවා.

වැසිකිළිය පිරිසිදු කිරීමේ දී කසල බඳුන තුළ මෙම උණ්ඩ තොගය තිබෙනු දැක පොලිසියට දැනුම් දී ඇති අතර පසුව පොලිසිය ඒවා සිය භාරයට ගෙන ඇති බවයි වාර්තා වන්නේ.

දළඳා මාලිගාව අසළ ඩ්‍රෝන කැමරාවක් යවා පොලිසියට හසුවේ

මහනුවර ශ්‍රී දළදා මාලිගාව ආසන්නයේ දියවඩන නිලමේ නිල නිවාසය අසල ඩ්‍රෝන කැමරාවක් ගුවන් ගත කළ චීන ජාතිකයෙකු පොලීසිය විසින් අත්අඩංගුවට ගෙන තිබෙනවා.

අධි ආරක්ෂක කලාපයේ සිටියදී අත්අඩංගුවට ගත් ඔහු සමග ඩ්‍රෝන කැමරාව ද දළදා මාලිගාවේ පොලිසිය විසින් අත්අඩංගුවට ගෙන සංචාරක පොලීසියට භාරදී ඇති බව වාර්තා වනවා.

අයිස් එක්ක කූඩුවට වැටුණු ගැහැණු 524 ගැන තොරතුරු

මෙම ජනවාරි මස 1 වැනිදා සිට මාස 8 කට ආසන්න කාලය තුළදී අයිස් මත්ද්‍රව්‍ය ජාවාරම් කිරීම සහ සන්තකයේ තබාගැනීම සම්බන්ධයෙන් කාන්තාවන් 524 දෙනකු අත්අඩංගුවට ගෙන ඇති බව පොලිස් මත්ද්‍රව්‍යනාශක කාර්යාංශයේ තොරතුරු උපුටා දක්වමින් අද ‘channel 7 නාලිකාවේ WAKE UP TO 7’ වැඩසටහනේ දී අනාවරණය කළා.

අත්අඩංගුවට පත්ව ඇති බොහෝ කාන්තාවන් අවුරුදු 22 ත් 60 ත් අතර විවාහක කාන්තාවන් වන අතර ඉතා සුළු පිරිසක් අවිවාහක තරුණියෝ ඒ අතර සිටින බවයි එහිදී සඳහන් කළේ.

එම අවිවාහක තරුණියන්ගේ මවුපියන් බොහෝදුරට අයිස් මත්ද්‍රව්‍යවලට ඇබ්බැහිවූ හෝ ජාවාරමේ නිරතවන බවත් ඔවුන්ගේ ජාවාරමට සහායදීම සදහා අයිස් මත්ද්‍රව්‍ය සන්තකයේ තබාගෙන සිටියදී එම තරුණියන් අත්අඩංගුවට ගෙන ඇති බව ත් විමර්ශනවලදී අනාවරණය වී ඇති බව ලංකාදීප පුවත්පත අද වාර්තා කර තිබුණා.