පොහොය දවසේ මත්පැන් අලෙවි කරපු රාත්‍රී සමාජ ශාලාව
සිසුන් 50ට අඩු පාසල් 1506 ක්(WAKE UP TO 7)
නිවසක සිටි යුවළකට ආයුධවලින් පහරදී ඝාතනය කරලා
test
සෝමවතී පුදබිමේ කෞතුකාගාරය සහ පර්යේෂණ ආයතනය විවෘත කරයි
Hot News

හම්බන්තොට නිවාඩු නිකේතනයක අයිස් මත්ද්‍රව්‍ය හදන්න උදවු කළ විදේශිකයන් (WAKE UP TO 7)

ඉරාන ජාතිකයන් තිදෙනකුගේ සහාය ඇතිව හම්බන්තොට නිවාඩු නිකේතනයක කරගෙන ගිය අයිස් නිෂ්පාදනාගාරයක් කළුතර අපරාධ කොට්ඨාශය…

Channel7.lk
Hot News

දන්නා සියල්ල හෙළි කරන බවට ‘අතුරුදන් සම්පත්’ උසාවියට කළ දැනුම් දීම (WAKE UP TO 7)

(WAKE UP T 7) අයිස් මත්ද්‍රව්‍ය නිප­ද­වී­මට යොදා­ගන්නා බවට සැක කෙරෙන රසා­ය­නික ද්‍රව්‍ය කන්ටේ­නර් දෙකක්…

Channel7.lk
Hot News

සම්පත් මනම්පේරි අධිකරණයට භාරවීමට සූදානම්

අයිස් මත්ද්‍රව්‍ය නිපදවීමට යොදාගන්නා බවට සැක කෙරෙන රසායනික ද්‍රව්‍ය අඩංගු කන්ටේනර් සිද්ධිය සම්බන්ධයෙන් අත්අඩංගුවට ගැනීමට…

Channel7.lk

අද උදේම දක්ෂිණ අධිවේගී මාර්ගයේ බිහිසුණු රිය අනතුරක්

දක්ෂිණ අධිවේගී මාර්ගයේ ගැලනිගම සහ කහතුඩුව අතර ප්‍රදේශයේ දී අද (16) අලුයම් ගාල්ල සිට කොළඹ බලා ධාවනය වූ ලොරි රථයක පිටුපසින් පැමිණි වෑන් රථයක් ගැටීමෙන් අනතුරක් සිදුව තිබෙනවා.

එම අනතුරෙන් කාන්තාවක් මියගොස් තවත් 06 දෙනෙකු තුවාල ලබා ඇති බවයි පොලිසිය සඳහන් කළේ.

වැසි වාර කිහිපයක්

උතුරු, උතුරු-මැද, නැගෙනහිර, ඌව සහ මධ්‍යම පළාත්වල අද (16) අහස වළාකුලින් බරව පවතිනු ඇති බවත් බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇතිවිය හැකි බවත් කාලගුණවිද්‍යා දෙපාර්තමේන්තුව පවසනවා.

ඌව සහ නැගෙනහිර පළාත්වලත් මුලතිව් දිස්ත්‍රික්කයේත් ප.ව. 1.00න් පමණ පසුව තැනින් තැන වැසි හෝ ගිගුරුම් සහිත වැසි ඇතිවිය හැකි බවයි ඔවුන් පෙන්වා දෙන්නේ.

හරක් කටාව ගෙනෙන ‘බන්ධනාගාර බස් රථයට’ ක්ලේමෝ බෝම්බ ගහන සැළසුම (WAKE UP TO 7)

පාතාල කල්ලි නායක හරක් කටා අධිකරණය වෙත රැගෙන එන අවස්ථාවේ බන්ධනාගාර බස් රථය ඉලක්ක කර ක්ලේමෝ බෝම්බ ප්‍රහාරයක් එල්ල කර ඔහු ඝාතනය කිරීමේ සැලසුමක් කෙහෙල්බද්දර පද්මේ කොමාන්ඩෝ සලින්ත ඇතුළු පාතාල කල්ලිය විසින් සකස් කරගෙන සිට ඇති බව විමර්ශන නිලධාරීන් අනාවරණය කරගෙන ඇති බව වාර්තා වනවා.

මේ සම්බන්ධයෙන් දිවයින පුවත්පත විශේෂ වාර්තාවක් පළ කර තිබෙනවා.

මේ බව අනාවරණය වී ඇත්තේ කොමාන්ඩෝ සලින්ත නමැති පාතාල ප්‍රබලතම අවි ආයුධ විකිණු බවට එල්ල වූ චෝදනා මත අත්අඩංගුවට ගෙන සිටින යුද හමුදා ලුතිනන් කර්නල්වරයකුගේ ප්‍රශ්න කිරීමේදීයි.

සැකකාර ලුතිනන් කර්නල්වරයාගෙන් ප්‍රශ්න කිරීමේදී ඔහු පවසා ඇත්තේ කොමාන්ඩෝ සලින්ත අවස්ථා ගණනාවකදී තමන්ට දුරකථනයෙන් කතා කර ක්ලේමෝ බෝම්බ දෙක්ක ඉල්ලා කරදර කළ බවයි. එහෙත් විමර්ශන නිලධාරීන් සැක කරන්නේ සැකකාර ලුතිනන් කර්නල්වරයා ක්ලේමෝ බෝම්බ දෙකක් කොමාන්ඩෝ සලින්තට ලබාදෙන්නට ඇති බවයි.

මාධ්‍යවේදියකු ලෙස වෙස්වලාගෙන ගොස් හරක් කටා ඝාතනය කළ සැලසුම ව්‍යාර්ථ වූවොත් ඊළඟ ප්‍රහාරක සැලසුම ලෙස මෙම ක්ලේමෝ බෝම්බ ප්‍රහාරය එල්ල කිරීමට කෙහෙල්බද්දර පද්මේ සහ කොමාන්ඩෝ සලින්ත සූදානමින් සිට තිබෙනවා.

හරක් කටා රැගත් බන්ධනාගාර බස් රථය අලුත්කඩේ අධිකරණය වෙත එද්දී අධිකරණය ආසන්නයේ මාර්ගයක යතුරුපැදියක ක්ලේමෝ බෝම්බය සඟවා එය දුරස්ථ පාලකයක් යොදාගෙන පුපුරුවා හැරීම මෙම පාතාල කල්ලියේ සැලසුම වන්න ඇති බව පොලිසිය පවසන බවයි මාධ්‍ය වාර්තා සඳහන් කරන්නේ.

කෙසේ වෙතත් මෙම පාතාල කල්ලිය අත්අඩංගුවට ගැනීමට හැකිවීම නිසා සිදුවීමට ඉඩ තිබූ මහා විනාශයක් වැළකී ගිය බවද පොලිස් ආරංචි මාර්ග පවසනවා.

මාධ්‍යවේදියකුගේ වෙස් ගෙන කැමරාවක් තුළ පිස්තෝලයක් සවිකර එය ක්‍රියාත්මක කර හරක් කටා මරා දැමීමට කළ සැලසුම මීට පෙර අනාවරණය වුණා.

අද සියලු පත්තර සජීවීව මෙතැනින් නරඹන්න

YouTube player

හම්බන්තොට නිවාඩු නිකේතනයක අයිස් මත්ද්‍රව්‍ය හදන්න උදවු කළ විදේශිකයන් (WAKE UP TO 7)

ඉරාන ජාතිකයන් තිදෙනකුගේ සහාය ඇතිව හම්බන්තොට නිවාඩු නිකේතනයක කරගෙන ගිය අයිස් නිෂ්පාදනාගාරයක් කළුතර අපරාධ කොට්ඨාශය විසින් ඊයේ (15) වටලා තිබෙනවා .

විමර්ශන නිලධාරීන් සඳහන් කර ඇත්තේ එම නිකේතනය තුළ අයිස් කිලෝද 14ක් නිපදවා ඇති බවට තොරතුරු ලැබුණ බවයි .

මෙම අයිස් මත්ද්‍රව්‍ය නිෂ්පාදනය සඳහා මාර්තු මාසයේ ඉරාන ජාතිකයන් තිදෙනෙකු මෙරටට පැමිණ මෙම නිකේතනයේ රැඳී සිට අප්‍රේල් මස පිටව ගොස් තිබෙන බවටද තොරතුරු ලැබී තිබෙනවා
(WAKE UP TO 7 – මව්බිම )

අද සියලු පත්තර සජීවීව මෙතැනින් නරඹන්න

YouTube player

මාගම්පුර වරාය සමාගමත් බැංකු ණයට පොලු තියලා (WAKE UP TO 7)

මාගම්පුර වරාය කළමනාකරණ සමාගම මගින් පෞද්ගලික බැංකුවකින් ලබාගත් ණය නොගෙවීම සම්බන්ධයෙන් පොදු ව්‍යාපාර පිළිබඳ කාරක සභා‍වේදී (කෝප්) දීර්ඝවශයෙන් සාකච්ඡා කිරීමෙන් අනතුරුව ඒ වෙනුවෙන් ගත යුතු නිර්දේශ නිකුත් කිරීම සිදු කිරීම සම්බන්ධයෙන් වන පුවත පිළිබඳව දිනමිණ මුල් පිටුවේ කරුණු සඳහන් කර තිබෙනවා.

මෙම නිර්දේශ නිකුත් කිරීම සිදු වූයේ ශ්‍රී ලංකා වරාය අධිකාරියේ 2022, 2023 වර්ෂයන්හි විගණකාධිපති වාර්තා සහ වර්තමාන කාර්යසාධනය පිළිබඳ පරීක්ෂා කිරීමට පාර්ලිමේන්තුවේ පොදු ව්‍යාපාර පිළිබඳ කාරක සභාව (කෝප්) එහි සභාපති පාර්ලිමේන්තු මන්ත්‍රී (වෛද්‍ය) නිශාන්ත සමරවීර මහතාගේ සභාපතිත්වයෙන් පාර්ලිමේන්තුවේදී රැස්වූ අවස්ථාවේදීයි.

මාගම්පුර වරාය කළමනාකරණ සමාගම 2013 ජූලි 05 වන දින සංස්ථාපනය කර තිබූ බවත් එම සමාගම විසින් ඛනිජ තෙල් නීතිගත සංස්ථාවෙන් ලබාගත් බලපත්‍රයක් මගින් හම්බන්තොට වරායේ ඉන්ධන සැපයුම්කරුවෙකු ලෙස මෙහෙයුම් කටයුතු ආරම්භ කරමින් 2014 වර්ෂයේදී පෞද්ගලික බැංකුවකින් වරාය අධිකාරියේ සංස්ථාපිත ඇපකරයක් (Corporate Guarantee) මගින් ඩොලර් මිලියන 24ක ණයක් ලබාගෙන තිබූ බවත් මෙහිදී අනාවරණය වී තිබෙනවා.

නමුත් මෙම මුදලෙන් ඩොලර් මිලියන 18.82ක් (රු. මිලියන 6836) ක් 2023 දෙසැම්බර් වන විටත් පියවා නොතිබූ බවත් මෙම ණය මුදල අයකරගැනීම සඳහා අදාළ බැංකුව විසින් 2019 වර්ෂයේදී පරිපාලිත සමාගමට සහ අධිකාරියට විරුද්ධව නඩු දෙකක් පවරා ඇති බවත් මෙහිදී අනාවරණය වුණා.

පැමිණි නිලධාරීන් මෙහිදී අදහස් දක්වමින් පැවසුවේ මේ සම්බන්ධයෙන් අල්ලස් හා දූෂණ චෝදනා විමර්ෂන කොම්ෂන් සභාවට පැමිණිලි කර ඇති බවත් ඊට අදාළ පරීක්ෂණය සිදු වෙමින් පවතින බවත්ය. එසේම 2022 ජුනි මස සිට ඈවරකරුවෙකු පත් කර මාගම්පුර වරාය කළමනාකරණ සමාගම ඈවර කිරීමේ කටයුතු මේ වන විට සිදු වෙමින් පවතින බවත්ය.
(WAKE UP TO 7 – දිනමිණ )

අද සියලු පත්තර සජීවීව මෙතැනින් නරඹන්න

YouTube player

දන්නා සියල්ල හෙළි කරන බවට ‘අතුරුදන් සම්පත්’ උසාවියට කළ දැනුම් දීම (WAKE UP TO 7)

(WAKE UP T 7)

අයිස් මත්ද්‍රව්‍ය නිප­ද­වී­මට යොදා­ගන්නා බවට සැක කෙරෙන රසා­ය­නික ද්‍රව්‍ය කන්ටේ­නර් දෙකක් සම්බ­න්ධ­යෙන් අත්අ­ඩං­ගු­වට ගැනී­මට අව­ශ්‍යව සිටින සම්පත් මන­ම්පේරි නමැත්තා මහේ­ස්ත්‍රාත් අධි­ක­ර­ණ­යට භාර වීමට සූදා­නම් නිසා වධ හිංසා­වන්ට හා හිරි­හැ­ර­යන්ට භාජ­නය කිරීම වැළැ­ක්වීමේ නියෝ­ග­යක් විම­ර්ශන නිල­ධා­රීන් වෙත නිකුත් කරන ලෙස ඉල්ලා නීති­ඥ­වරු මාර්ග­යෙන් රිට් පෙත්සමක් ඉදිරිපත් කර තිබෙනවා.

අද (16) දිනපතා පුවත්පත් ඒ සම්බන්ධයෙන් තොරතුරු වාර්තා කර ඇති අතර දිනමිණ පුවත්පත වාර්තා කර ඇත්තේ ‘දන්නා සියලු දේ ප්‍රකාශ කිරී­මට ඔහු සූදා­නම් බව’ ඔහුගේ නීති­ඥ­ව­රයා අභි­යා­ච­නා­ධි­ක­ර­ණ­යට ඊයේ (15) දැනුම් දුන් බවයි.

විම­ර්ශ­න­ව­ලට අවශ්‍ය පූර්ණ සහාය ලබා­දී­මට ඔහු සූදා­නම් බව ද එහි දී වැඩි­දු­ර­ටත් දැනුම් දී තිබෙනවා.

අභි­යා­ච­නා­ධි­ක­ර­ණයේ සභා­පති විනි­සුරු රෝහාන්ත අබේ­සූ­රිය සහ ප්‍රියන්ත ප්‍රනාන්දු යන මහ­ත්ව­රු­න්ගෙන් සම­න්විත අභි­යා­ච­නා­ධි­ක­රණ විනි­සුරු මඩුල්ල හමුවේ මෙම පෙත්සම කැඳ­වවා තිබෙනවා.
.

සිය සේවා දාය­ක­යාගේ සහෝ­ද­රයා වන පියල් මන­ම්පේරි මෙම සිද්ධි­යට අදා­ළව අත්අ­ඩං­ගු­වට ගෙන රැඳ­වුම් නියෝග මත රඳවා තබා මේ වන විට රිමාන්ඩ් භාර­යට පත් කර තිබෙන බව ද අත්අ­ඩං­ගු­වේදී ඔහු දැඩි වධ හිංස­න­යන්ට ලක් වී තිබෙන බව ද නීති­ඥ­ව­රයා පෙන්වා දුන්නා.

අත්අ­ඩං­ගු­වට පත්වී­මෙන් පසුව විම­ර්ශන නිල­ධා­රීන් විසින් වධ හිංසා­වන්ට භාජ­නය විය හැකි බවට ඔහු බියෙන් පසු­වන බව ද නීති­ඥ­ව­රයා කියා සිටියා.

ඉදි­රි­පත් වූ කරුණු සලකා බැලූ විනි­සුරු මඩුල්ල පෙත්ස­ම්කාර සම්පත් මන­ම්පේරි නමැ­ත්තාගේ ආර­ක්ෂාව තහ­වුරු කිරී­මට අවශ්‍ය සියලු ක්‍රියා මාර්ග ගන්නා ලෙස පොලි­ස්ප­ති­ව­ර­යාට නියම කළ අතර ඒ පිළි­බඳ තමන් යටතේ සිටින විම­ර්ශන නිල­ධා­රීන් දැනු­වත් කරන ලෙස පොලි­ස්ප­ති­ව­ර­යාට නියම කෙරුණා.

(WAKE UP TO 7 – දිනමිණ )

YouTube player

හොංකොං කණ්ඩායම පරදා ශ්‍රී ලංකාව කඩුලු 4ක ජයක් ලබා ගනී

ආසියානු කුසලාන විස්සයි20 ක්‍රිකට් තරගාවලියේ හොංකොං කණ්ඩායමට එරෙහිව ශ්‍රී ලංකාව කඩුලු 4ක ජයක් ලබාගැනීමට සමත් වුණා.

හොංකොං කණ්ඩායම කඩුලු 4ක් දැවී ලකුණු 149ක් ලබාගත් අතර ශ්‍රී ලංකාව කඩුලු 06ක් දැවී ජයග්‍රාහී ඉලක්කය පසුකර ගියා.

එහිදී පැතුම් නිස්සංක ලකුණු 68ක් ලබාගැනීමට සමත්වුණා.

මේ සමග ශ්‍රී ලංකාවට ප්‍රසාද ලකුණු සටහනේ පළමු ස්ථානයට පැමිණීමටද හැකිවුණා.

සම්පත් මනම්පේරි අධිකරණයට භාරවීමට සූදානම්

අයිස් මත්ද්‍රව්‍ය නිපදවීමට යොදාගන්නා බවට සැක කෙරෙන රසායනික ද්‍රව්‍ය අඩංගු කන්ටේනර් සිද්ධිය සම්බන්ධයෙන් අත්අඩංගුවට ගැනීමට සොයන සම්පත් මනම්පේරි අධිකරණයට භාරවීමට සූදානම් බව ඔහුගේ නීතිඥවරයා‍ අභියාචනාධිකරණයට අද (15) දැනුම් දී තිබෙනවා.

සම්බා සහල් හිඟයක් පිළිබඳව වාර්තා වන නමුත් වැඩි මිලට වික්කොත් වැඩ වරදී

කීරි සම්බා සහ සම්බා සහල් හිඟයක් පිළිබඳව වාර්තා වන නමුත් ගැසට් පත්‍රයක් මගින් සහල් සඳහා පාලන මිලක් නියම කර ඇති බැවින් එම මිලට වඩා වැඩි මිලකට සහල් අලෙවි කරන්නේ නම් පවත්නා නීතිය යටතේ අවශ්‍ය නීතිමය කටයුතු සිදුකිරීමට අධිකාරිය පියවර ගන්නා බව පාරිභෝගික කටයුතු පිළිබඳ අධිකාරියේ සභාපති හේමන්ත සමරකෝන් මහතා අද (15) සඳහන් කළා.

ගැසට් පත්‍රයට අනුකූල ලෙස කටයුතු කළ හැකි පරිදි වී මිලදී ගැනීම් ක්‍රියාවන් සිදුකරන ලෙසත් සහල් සම්බන්ධ වැටලීම් මේ වන විට 3,000ක් ඉක්මවා සිදුකර ඇති බවත් ඔහු කියා සිටියා.

රුපියල් 2000 සමරු නෝට්ටුව ගැන මහ බැංකුවෙන් නිවේදනයක්

ශ්‍රී ලංකා මහ බැංකුවේ 75 වැනි සංවත්සරය සැමරීම නිමිත්තෙන් නිකුත් කරන ලද රුපියල් 2000 සමරු නෝට්ටුව බලපත්‍රලාභී වාණිජ බැංකු හරහා ක්‍රමයෙන් මුදල් සංසරණයට නිකුත් කරනු ලබන බව ශ්‍රී ලංකා මහ බැංකුව දැනුම් දෙනවා.

ඒ සම්බන්ධයෙන් ශ්‍රී ලංකා මහ බැංකුව නිකුත් කළ නිවේදනය පහතින් කියවිය හැකියි.