Sport News

ශ්‍රී ලංකා ප්‍රවීණයන්ගේ පැසිපන්දු සංගමයේ සභාපති තනතුර යළිත් ගයත් ජයසිංහට

ශ්‍රී ලංකා ප්‍රවීණයන්ගේ පැසිපන්දු සංගමයේ වාර්ෂික මහ සභා රැස්වීම ඊයේ (08) පැවැත්වුණා ප්‍රවීණ පැසිපන්දු ක්‍රීඩකයෙකු…

Hot News

ජනාධිපතිවරුන්ගේ හිමිකම් අවලංගු කිරීමේ පනත් කෙටුම්පත ගැන ශ්‍රේෂ්ඨාධිකරණ තීන්දුව මෙන්න

හිටපු ජනාධිපතිවරුන්ගේ හිමිකම් ඉවත් කිරීමේ පනත් කෙටුම්පත, ආණ්ඩුක්‍රම ව්‍යවස්ථාවට පටහැනි නොවන බව ශ්‍රේෂ්ඨාධිකරණය නිගමනය කර…

Sport News

ආසි­යාවේ සුපිරි ක්‍රිකට් මංග­ල්‍යය අද ඇරඹේ

ආසි­යානු කුස­ලාන විස්සයි20 ක්‍රිකට් තර­ගා­ව­ලිය අද (9) එක්සත් අරාබි එමීර් රාජ්‍යයේ අබු­ඩාබි සයේඩ් ජාත්‍ය­න්තර ක්‍රීඩාං­ග­ණ­යේදී…

Hot News

මධුෂ් හෙළි කළ දේශපාලකයන් 80කගේ ලැයිස්තුව

මත්කුඩු ජාල­යට සම්බන්ධ සහ මත්කුඩු ජාවා­ර­ම්ක­රු­ව­න්ගෙන් යැපුණු දේශ­පා­ල­න­ඥ­යන් 80ක පමණ පිරි­ස­කගේ තොර­තුරු මාක­ඳුරේ මධූෂ් විසින්…

රාජිතට ඇප

රක්ෂිත බන්ධනාගාර ගත කර සිටි හිටපු අමාත්‍ය රාජිත සේනාරත්න මහතාට අද (09) අලුත්කඩේ මහෙස්ත්‍රාත් අධිකරණයට ඉදිරිපත් කිරීමෙන් අනතුරුව ඇප ලබාදී තිබෙනවා.


රුපියල් 50,000ක මුදල් ඇප සහ රුපියල් මිලියන දෙක බැගින් වූ ශරීර ඇප දෙකක් මත මුදා හැරීමට නියම කළ මහෙස්ත්‍රාත්වරයා සැකකරුගේ විදේශ ගමන් තහනම් කරනු ලැබුවා.

ශ්‍රී ලංකා ප්‍රවීණයන්ගේ පැසිපන්දු සංගමයේ සභාපති තනතුර යළිත් ගයත් ජයසිංහට

ශ්‍රී ලංකා ප්‍රවීණයන්ගේ පැසිපන්දු සංගමයේ වාර්ෂික මහ සභා රැස්වීම ඊයේ (08) පැවැත්වුණා

ප්‍රවීණ පැසිපන්දු ක්‍රීඩකයෙකු වන ගයත් ජයසිංහ මහතා මෙවරත් ශ්‍රී ලංකා ප්‍රවීණයන්ගේ පැසිපන්දු සංගමයේ සභාපති ධූරය සඳහා තේරී පත්ව තිබෙනවා.

ලේකම් වරයා ලෙස තෝරා පත්කර ගෙන ඇත්තේ චමින්ද අල්විස් මහතයි.

නිලධාරී මණ්ඩලය තේරීමෙන් අනතුරුව සංගමයේ ඉදිරි වැඩපිළිවෙළ පිළිබඳව සාකච්ඡාවක් පැවැත්වුණු අතර එහිදී ගයත් ජයසිංහ මහතා සඳහන් කළේ නොවැම්බර් මාසය අග දී ප්‍රවීණයන්ගේ වැසිපන්දු තරගාවලිය ආරම්භ කිරීමට සැළසුම් කර ඇති බවයි .

ජනාධිපතිවරුන්ගේ හිමිකම් අවලංගු කිරීමේ පනත් කෙටුම්පත ගැන ශ්‍රේෂ්ඨාධිකරණ තීන්දුව මෙන්න

හිටපු ජනාධිපතිවරුන්ගේ හිමිකම් ඉවත් කිරීමේ පනත් කෙටුම්පත, ආණ්ඩුක්‍රම ව්‍යවස්ථාවට පටහැනි නොවන බව ශ්‍රේෂ්ඨාධිකරණය නිගමනය කර ඇතැයි කථානායකවරයා පාර්ලිමේන්තුවට දැනුම් දුන්නා.

පාර්ලිමේන්තුවේ සරල බහුතරයෙන් එය බලාත්මක කළ හැකි බවයි ශ්‍රේෂ්ඨාධිකරණය තීරණය කර ඇත්තේ.

ASP ඕලුගලගේ පිංතූරයක් නිසා පොලිසිය තදින්

බස්නාහිර පළාත උතුර අපරාධ කොට්ඨාසයේ අධ්‍යක්ෂ සහකාර පොලිස් අධිකාරි රොහාන් ඕලුගල මහතාගේ ඡායාරූපයක් ද සහිතව ඒ මහතාව සම්බන්ධ කරමින් ව්‍යාජ පුවතක් පළ කිරීම සම්බන්ධයෙන් තදින් නීතිය ක්‍රියාත්මක කරන බව පොලිසිය පවසනවා.

ඒ සම්බන්ධයෙන් වන උපුටා ගැනීම පහතින් දැනගත හැකියි.

සංවිධානාත්මක අපරාධ හා මත්ද්‍රව්‍ය ජාවාරම්වලට සම්බන්ධ සංවිධානාත්මක අපරාධ කල්ලි සාමාජිකයින් පස් දෙනෙකු 2025.08.30 වන දින ශ්‍රී ලංකා පොලීසිය මඟින් ඉන්දුනීසියාවේදී එරට පොලීසියේද සහය ඇතිව අත්අඩංගුවට ගෙන දිවයිනට රැගෙන විත් රැඳවුම් නියෝග මත රඳවා තබාගෙන මේ වන විට ඉතා සාර්ථක ලෙස විමර්ශන කටයුතු සිදුකරමින් පවතී.

එම සැකකරුවන්ගෙන් අනාවරණය වෙමින් පවතින තොරතුරු අනුව අයිස් මත්ද්‍රව්‍ය මෙරට තුළ නිෂ්පාදනය කිරීමේ අරමුණින් ගෙන්වන ලද බහාලුම් දෙකක තිබූ ඒ සඳහා අවශ්‍ය රසායනික ද්‍රව්‍ය තොගයක් මිද්දෙනිය ප්‍රදේශයෙන් හමුවී තිබිණි.

එම රසායනික ද්‍රව්‍ය මෙරටට ගෙන්වීම සම්බන්ධව පුළුල් විමර්ශන ක්‍රියාත්මක වෙමින් පවතින පසුබිමක ජාත්‍යන්තර තොරතුරු ලැබී තිබියදීත්, රතු ලේබල් කර තිබූ මෙම බහාලුම් නිදහස් කර ඇති බවට සඳහන් කරමින් මෙම මෙහෙයුම භාරව කටයුතු කරන බස්නාහිර පළාත උතුර අපරාධ කොට්ඨාසයේ අධ්‍යක්ෂ සහකාර පොලිස් අධිකාරි රොහාන් ඕලුගල මහතාගේ ඡායාරූපයක් ද සහිතව ඒ මහතාව සම්බන්ධ කරමින් ව්‍යාජ පුවතක් මේ වන විට සමාජ මාධ්‍ය ඔස්සේ සංසරණය වෙමින් පවතී.

මෙය සම්පූර්ණයෙන්ම සාවද්‍ය පල කිරීමක් බව ශ්‍රී ලංකා පොලිසිය අවධාරණය කරන අතර, මෙවැනි ව්‍යාජ පුවත් පලකිරීම තුලින් මෙම මෙහෙයුම් අඩාල කිරීම හා නිලධාරින් අපහසුතාවයට පත් කිරීම මෙන්ම ශ්‍රී ලංකා පොලිසිය අපකීර්තියට ලක් කිරීම ද සංවිධානාත්මක අපරාධවලට උත්තේජනයක් ලබා දෙන සුළුතර පිරිසකගේ අරමුණ බව ද නිරීක්ෂණය වේ.

මෙම සාවද්‍ය පලකිරීම පිළිබඳ ශ්‍රී ලංකා පොලිසියේ දැඩි අවධානය යොමුව ඇති අතර, මෙවැනි අසත්‍ය පලකිරීම් සිදු කරන පුද්ගලයින්ට එරෙහිව තදින් නීතිය ක්‍රීයාත්මක කරන බව වැඩිදුරටත් දන්වා සිටිමි.

ආසි­යාවේ සුපිරි ක්‍රිකට් මංග­ල්‍යය අද ඇරඹේ

ආසි­යානු කුස­ලාන විස්සයි20 ක්‍රිකට් තර­ගා­ව­ලිය අද (9) එක්සත් අරාබි එමීර් රාජ්‍යයේ අබු­ඩාබි සයේඩ් ජාත්‍ය­න්තර ක්‍රීඩාං­ග­ණ­යේදී ශ්‍රී ලංකා වේලා­වෙන් අද රාත්‍රි 8ට ආරම්භ වනවා.

පළමු තරගයට එක්වන්නේ ඇෆ්ග­නි­ස්තා­නය හා හොංකොං කණ්ඩායමයි.

සිම්බාබ්වේ සමඟ නිමා වූ විස්සයි20 තර­ගා­ව­ලි‍‍යෙන් පසු ශ්‍රී ලංකා පිල හරාරේ නුවර සිට එක්සත් අරාබි එමීර් රාජ්‍යයේ අබු­ඩාබි ජාත්‍ය­න්තර ගුව­න්තො­ටු­පොළ වෙත පැමිණ තිබෙනවා.

ශ්‍රී ලංකා කණ්ඩා­යම සමඟ විස්සයි20 තර­ගා­ව­ලි­යේදී හරාරේ නුවර සිටි විශේන් හැළ­ඹගේ හා දුෂාන් හේමන්ත කොළ­ඹට පැමි­ණෙන අතර, වනිඳු හස­රංග හා ජනිත් ලිය­නගේ අබු­ඩාබි බලා පිටත්ව යෑමට නිය­මි­තයි.

ශ්‍රී ලංකා විස්සයි20 ක්‍රිකට් සංචි­තය – චරිත් අස­ලංක (නායක), පැතුම් නිශ්ශංක, කුසල් මෙන්ඩිස්, කුසල් ජනිත්, නුව­නිඳු ප්‍රනාන්දු, කමිඳු මෙන්ඩිස්, වනිඳු හස­රංග, කමිල් මිෂාර, දසුන් ශානක, ජනිත් ලිය­නගේ, දුනිත් වෙල්ලා­ලගේ, චාමික කරු­ණා­රත්න, මහීෂ් තීක්ෂණ, දුෂ්මන්ත චමීර, බිනුර ප්‍රනාන්දු, නුවන් තුෂාර, මතීෂ පති­රණ.

මධුෂ් හෙළි කළ දේශපාලකයන් 80කගේ ලැයිස්තුව

මත්කුඩු ජාල­යට සම්බන්ධ සහ මත්කුඩු ජාවා­ර­ම්ක­රු­ව­න්ගෙන් යැපුණු දේශ­පා­ල­න­ඥ­යන් 80ක පමණ පිරි­ස­කගේ තොර­තුරු මාක­ඳුරේ මධූෂ් විසින් හෙළි­කර තිබුණ ද කිසිදු දේශ­පා­ල­න­ඥ­ය­කුට එරෙ­හිව විම­ර්ශ­න­යක් සිදුව නැති බව WAKE UP TO 7 වැඩසටහනේ දී අද අනාවරණය වුණා.

පැවැති ආණ්ඩු­වල සිටි මැති – ඇමැ­ති­වරු, පළාත් සභා මන්ත්‍රී­වරු මෙන්ම ප්‍රාදේ­ශීය සභා මන්ත්‍රී­වරු ගැන බොහෝ තොර­තුරු මාක­ඳුරේ මධූෂ් හෙළි­කර තිබුණා.

මාක­ඳුරේ මධූෂ්ට ඩුබා­යිහි හෝටල් මෙන්ම මෙරට ද විශාල වශ­යෙන් දේපොල ඇති බව ද පොලී­සිය එකල නිල වශ­යෙන් මාධ්‍ය හමුවේ සඳ­හන් කළ ද එම දේපොළ අත්පත් කර­ගැ­නී­මක් හෝ සොයා ගැනී­මක් ගැන පොලී­සිය පසුව හෙළි නොක­ළ අතර මධූෂ්ගේ ඝාත­න­යත් සමඟ එම දේපො­ළ­ව­ලට වූ දෙයක් සොයා ගන්න­ට­වත් නැති බවයි දිනමිණ පුවත්පත් වාර්තාවක් ඇසුරින් එහිදී අනාවරණය කළේ.

ජනාධිපතිවරුන්ගේ හිමිකම් අවලංගු කිරීම පිළිබඳව තීරණය අද

සැප්තැම්බර් මාසයේ පළමු පාර්ලිමේන්තු සතිය අදින් ආරම්භ වන අතර ලබන 12 වන දින දක්වා පාර්ලිමේන්තුව රැස්වීමට නියමිතයි.

ශ්‍රී ලංකාව සහ එක්සත් අරාබි එමීර් රාජ්‍යය අතර ආයෝජන ප්‍රවර්ධන හා අන්‍යොන්‍ය සුරක්ෂණ ගිවිසුම පිළිබඳ යෝජනා සම්මතය සම්මත කිරීමට අද දිනයේ දී නියමිත අතර ඊට අදාළ ඡන්ද විමසීම අද පස්වරු 5ට පැවැත්වීමට නියමිතයි.

මේ අතර ජනාධිපතිවරුන්ගේ හිමිකම් අවලංගු කිරීමේ පනත් කෙටුම්පත පිළිබඳ ශ්‍රේෂ්ඨාධිකරණ තීරණය අද දිනයේ පාර්ලිමේන්තුවේ දී කථානායකවරයා විසින් ප්‍රකාශයට පත්කිරීමට නියමිතව තිබෙනවා.

බොහෝ ප්‍රදේශවල ප.ව. 1න් පමණ පසුව වැසි

අද දිනයේ දිවයිනේ බොහෝ ප්‍රදේශවල ප.ව. 1න් පමණ පසුව වැසි හෝ ගිගුරුම් සහිත වැසි ඇති විය හැකි අතර කාලගුණවිද්‍යා දෙපාර්තමේන්තුව නිවේදනය කළේ, ඇතැම් ස්ථානවල මි.මී. 100ක පමණ තද වැසි ඇතිවිය හැකි බවයි.

බස්නාහිර පළාතේත් ගාල්ල සහ මාතර දිස්ත්‍රික්කවලත් උදෑසන කාලයේදී වැසි ස්වල්පයක් ඇති වියහැකි බවද ඔවුන් දැනුම් දෙනවා.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

ජෙරුසලමේ වෙඩි තැබීමකින් 15කට තුවාල

ජෙරුසලමේ රාමොට් හන්දියේ පිවිසුමේදී සිදු වූ බවට සැක කෙරෙන වෙඩි තැබීමකින් 15 දෙනෙකු පමණ තුවාල ලබා ඇති බව විදෙස් මාධ්‍ය පවසනවා.

මූලික වාර්තාවලට අනුව, අවම වශයෙන් තුවක්කුකරුවන් දෙදෙනෙකු වෙඩි තැබීම සිදු කර ඇති බවටයි සැක කරන්නේ.

හිටපු රාජ්‍ය අමාත්‍ය නිමල් ලන්සාට ඇප

හිටපු රාජ්‍ය අමාත්‍ය නිමල් ලන්සා මහතා ඇප මත මුදා හැරීමට අධිකරණය පියවර ගෙන තිබෙනවා.

පසුගිය දා කොච්චිකඩේ පොලීසියට භාර වූ හිටපු රාජ්‍ය අමාත්‍ය නිමල් ලන්සා මහතා සැප්තැම්බර් මස 12 වනදා දක්වා රක්ෂිත බන්ධනාගාරගත කරනු ලැබුවා.

2006 වසරේ දී උද්ඝෝෂණයක් අතරතුර සිදුවූ පහරදීමක් සහ අයුතු ඇතුළුවීමක් සම්බන්ධයෙන් වූ චෝදනා යටතේ හිටපු රාජ්‍ය අමාත්‍යවරයාට නීතිපතිවරයා විසින් චෝදනා ගොනුකර තිබෙනවා.