Foreign News

නේපාල හිටපු අගමැතිගේ බිරිඳව ගිනි තබා ඝාතනය කරලා – සාමය ආරක්ෂා කිරීමේ වගකීම හමුදාවට

නේපාල හිටපු අගමැති ජාලනාත් ඛනාල්ගේ බිරිඳව එරට විරෝධතාකරුවන් විසින් පුළුස්සා මරා දමා ඇති බව විදෙස්…

Foreign News

නේපාලයේ තව දුරටත් ගිනි ..ශ්‍රේෂ්ඨාධිකරණයත් ගිනි තබලා – මරණ 21යි

නේපාලයේ කත්මණ්ඩු නුවර පිහිටි ශ්‍රේෂ්ඨාධිකරණයට ගිනි තබා තිබෙනවා. එරට විරෝධතාකරුවන් පාර්ලිමේන්තු ගොඩනැගිල්ල, අගමැතිවරයාගේ නිවසද මීට…

Hot News

STF අපරාධ මෙහෙයුම් අධීක්ෂණ ප්‍රධානී ලෙස රොහාන් ඕලුගලව පත් කරයි

පොලිස් විශේෂ කාර්ය බළකායේ සංවිධානාත්මක අපරාධ මෙහෙයුම් අධීක්ෂණ ප්‍රධානී ලෙස සහකාර පොලිස් අධිකාරී රොහාන් ඕලුගල…

Hot News

කෙහෙළියට එරෙහි මුදල් විශුද්ධිකරණ නඩුව ගැන මහෙස්ත්‍රාත් අධිකරණය දුන් නියෝගය

හිටපු අමාත්‍ය කෙහෙළිය රඹුක්වැල්ල ඇතුළු පවුලේ සාමාජිකයින්ට එරෙහිව අල්ලස් කොමිසම විසින් මුදල් විශුද්ධිකරණයය වැළක්වීමේ චෝදනා…

නේපාල හිටපු අගමැතිගේ බිරිඳව ගිනි තබා ඝාතනය කරලා – සාමය ආරක්ෂා කිරීමේ වගකීම හමුදාවට

නේපාල හිටපු අගමැති ජාලනාත් ඛනාල්ගේ බිරිඳව එරට විරෝධතාකරුවන් විසින් පුළුස්සා මරා දමා ඇති බව විදෙස් මාධ්‍ය පවසනවා.

ඇයව නිවසේ සිර කර නිවසට ගිනි තබා තිබෙනවා.

ප්‍රචණ්ඩත්වය පාලනය කිරීම සඳහා සාමය ආරක්ෂා කිරීමේ වගකීම එරට හමුදාව භාරයට ගෙන ඇති අතර එය අද රාත්‍රී සිට ක්‍රියාත්මකයි.

නේපාල ගැටුම්වලින් සිදුවූ මරණ ගණන 21 දක්වා ඉහළ ගොස් තිබෙනවා

නේපාලයේ තව දුරටත් ගිනි ..ශ්‍රේෂ්ඨාධිකරණයත් ගිනි තබලා – මරණ 21යි

නේපාලයේ කත්මණ්ඩු නුවර පිහිටි ශ්‍රේෂ්ඨාධිකරණයට ගිනි තබා තිබෙනවා.

එරට විරෝධතාකරුවන් පාර්ලිමේන්තු ගොඩනැගිල්ල, අගමැතිවරයාගේ නිවසද මීට පෙර ගිනි තබා විනාශ කළා.

එරට අගමැති කේ. පී. ෂර්මා ඔලි ද ඉල්ලා අස්වූ අතර විරෝධතාකරුවන්ගේ පහරකෑමට ලක්වූ පිරිස අතර ඇමතිවරුන් ද සිටිනවා.

ගැටුම්වලින් සිදුවූ මරණ ගණන 21 දක්වා ඉහළ ගොස් ඇති බවයි වාර්තා වන්නේ.

මෙම විරෝධතා ආරම්භ වූයේ සමාජ මාධ්‍ය ජාලා 26ක් තහනම් කිරීමට එරට රජය ගත් තීන්දුවට එරෙහිවයි.

ආසියානු කුසලාන ක්‍රිකට් සටන ඇරඹේ

ආසියානු කුසලාන විස්සයි20 ක්‍රිකට් තරගාවලිය එක්සත් අරාබි එමීර් රාජ්‍යයේදී අද (09) ආරම්භ වුණා.

ඒ, ඇෆ්ගනිස්තාන කණ්ඩායම සහ හොංකොං කණ්ඩායම අතර පැවැත්වෙන පළමු තරගය සමගයි.

එම තරගයේ කාසියේ වාසිය දිනාගැනීමට ඇෆ්ගනිස්තාන කණ්ඩායම සමත් වූ අතර ඔවුන් තීරණය කළේ, පළමුවෙන් පන්දුවට පහරදීමටයි.

හමාස් නායකයින් ඉලක්ක කර දෝහාවලට ප්‍රහාරයක්

ඊශ්‍රායලය විසින් කටාර්හි දෝහා අගනුවරදී ජ්‍යෙෂ්ඨ හමාස් නායකයින් ඉලක්ක කර ප්‍රහාරයක් එල්ල කර තිබෙනවා.

මෙම ප්‍රහාරය තමන්ගේ සාම සාකච්ඡා කණ්ඩායම ඉලක්ක කර එල්ල කර ඇති බව හමාස් සංවිධානය පවසනවා.

එරට අමෙරිකානු තානාපති කාර්යාලය එරට සිටින අමෙරිකානු පුරවැසියන්ට ආරක්ෂිත ස්ථානවල රැඳී සිටින ලෙසත් සමාජ මාධ්‍ය නිරීක්ෂණය කරන ලෙසත් දැනුම් දී තිබෙනවා.

පාතාලේ මුදල් අයකැමි හසුවේ

විදේශ ගතව සිටින සංවිධානාත්මක අපරාධකරුවකුගේ මුදල් අයකැමි ලෙස කටයුතු කළ පුද්ගලයකු රුපියල් කෝටි දෙකකට අධික මුදලක් සහ ව්‍යාජ වාහන අංක තහඩු තොගයක් සමග කොළඹ අපරාධ කොට්ඨාසය විසින් අත්අඩංගුවට ගෙන තිබෙනවා.

ව්‍යාජව සකසා ඇති ලියාපදිංචි අංක තහඩු 20 ක් ආදායම් බලපත්‍ර 21 ක් රක්ෂණ සහතික 05 ක් හා අයිස් මත්ද්‍රව්‍ය මිලිගෑම් 12020 ක් ඔහු සතුව තිබී ඇති බවයි වාර්තා වන්නේ.

සියයට 6.8ක විදුලි ගාස්තු වැඩිකිරීමක්?

ලංකා විදුලිබල මණ්ඩල විසින් 2025 වසරේ අවසන් කාර්තුව සඳහා සියයට 6.8ක විදුලි ගාස්තු වැඩිකිරීමක් යෝජනා කර ඇති බව මහජන උපයෝගීතා කොමිසම පවසනවා.

එම කොමිසම සඳහන් කරන්නේ, මහජනතාවට සිය අදහස් හා යෝජනා ලිඛිතව කොමිෂන් සභාව වෙත ඉදිරිපත් කළ හැකි බවයි.

STF අපරාධ මෙහෙයුම් අධීක්ෂණ ප්‍රධානී ලෙස රොහාන් ඕලුගලව පත් කරයි

පොලිස් විශේෂ කාර්ය බළකායේ සංවිධානාත්මක අපරාධ මෙහෙයුම් අධීක්ෂණ ප්‍රධානී ලෙස සහකාර පොලිස් අධිකාරී රොහාන් ඕලුගල පත්කර තිබෙනවා.

නේපාල අගමැතිවරයා ඉල්ලා අස්වේ

නේපාල අගමැතිවරයා තම ධුරයෙන් ඉල්ලා අස්වී ඇති බව විදෙස් මාධ්‍ය වාර්තා කර තිබෙනවා.

මෙම ඉල්ලා අස්වීම සිදුවූයේ තරුණ නේපාල ජාතිකයන් විසින් මෙහෙයවන ලද විරෝධතා මතුව ඇති පසුබිමකයි.

අම්බලන්ගොඩ වෙඩිතැබීමක්

අම්බලන්ගොඩ සීනිගොඩ ප්‍රදේශයේ පිහිටි ‘පසිදු විලා’ අවන්හල ඉදිරිපිටදී වෙඩිතැබීමක් සිදුව තිබෙනවා.

කෙහෙළියට එරෙහි මුදල් විශුද්ධිකරණ නඩුව ගැන මහෙස්ත්‍රාත් අධිකරණය දුන් නියෝගය

හිටපු අමාත්‍ය කෙහෙළිය රඹුක්වැල්ල ඇතුළු පවුලේ සාමාජිකයින්ට එරෙහිව අල්ලස් කොමිසම විසින් මුදල් විශුද්ධිකරණයය වැළක්වීමේ චෝදනා යටතේ කොළඹ මහාධිකරණය හමුවේ නඩු පවරා තිබෙන බැවින් ඊට අදාළව කොළඹ මහෙස්ත්‍රාත් අධිකරණය හමුවේ පැවැත්වෙන නඩු කටයුතු අවසන් කිරීමට කොළඹ ප්‍රධාන මහෙස්ත්‍රාත්වරයා අද (09) නියෝග කළා.

විත්තිකරුවන්ට නිසි දිනවල මහාධිකරණය හමුවේ පෙනී සිටින ලෙසයි ප්‍රධාන මහෙස්ත්‍රාත්වරයා දැනුම් දුන්නේ.

කොළඹ මහාධිකරණය හමුවේ විත්තිකරුවන්ට එරෙහිව අධිචෝදනා ගොනුකර තිබෙනවා.