Hot News

ශ්‍රී ලංකා ජාතික යුනෙස්කෝ කොමිෂන් සභාවේ නව නිලධාරී මණ්ඩලය පත් කෙරේ

එක්සත් ජාතීන්ගේ අධ්‍යාපනික, විද්‍යාත්මක සහ සංස්කෘතික සංවිධානය වන  යුනෙස්කෝ සංවිධානයේ ශ්‍රි ලංකාව සදහා වු ජාතික…

Hot News

කැබිලිත්ත ප්‍රදේශයේ රක්ෂිත ආශ්‍රිත ගැටලු විසදීමට පරිසර ඇමති නිරීක්ෂණ චාරිකාවක

සියඹලාණ්ඩුව, කොටියාගල, කැබිලිත්ත ප්‍රදේශයේ රක්ෂිත ආශ්‍රිත ගැටලු සඳහා කඩිනම් විසඳුම් සෙවීමට පරිසර අමාත්‍ය වෛද්‍ය දම්මික…

Hot News

“ජාතික ආරක්ෂාව” නාමයෙන් ඇමරිකාවේ සිටින චීන ජාතිකයින්ට හිරිහැර නොකරන ලෙසට චීන විදේශ අමාත්‍යංශයෙන් ඉල්ලීමක්.

වරදකාරිත්වය පිළිබඳ පූර්ව නිගමනය සහ දේශපාලන උපායන් යෙදීම නතර කරන ලෙස චීනය ඇමරිකාවෙන් ඉල්ලා සිටින…

Hot News

ශ්‍රී ලංකා තොරතුරු දැනගැනීමේ අයිතිවාසිකම් පිළිබඳ කොමිසමට තවමත් සභාපතිවරයෙක් නෑ

ශ්‍රී ලංකා තොරතුරු දැනගැනීමේ අවිතිවාසිකම පිළිබඳ කොමිශන් සභාවට තවමත් සභාපතිවරයෙක් පත් නොකිරීම පිළිබඳ නිදහස් මාධ්‍ය…

ශ්‍රී ලංකා ජාතික යුනෙස්කෝ කොමිෂන් සභාවේ නව නිලධාරී මණ්ඩලය පත් කෙරේ

එක්සත් ජාතීන්ගේ අධ්‍යාපනික, විද්‍යාත්මක සහ සංස්කෘතික සංවිධානය වන  යුනෙස්කෝ සංවිධානයේ ශ්‍රි ලංකාව සදහා වු ජාතික කොමිෂන් සභාවේ නව නිලධාරී මණ්ඩලය පත් කිරීම ඊයේ සිදු වුණා.

ඒ අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය,  ආග්‍රාමාත්‍ය ආචාර්ය හරිනි අමරසූරිය මෙනවියගේ සහභාගිත්වයෙන් බත්තරමුල්ල ඉසුරුපාය අධ්‍යාපන අමාත්‍යංශයේදී යි.

ශ්‍රී ලංකා ජාතික යුනෙස්කෝ කොමිෂන් සභාවේ සභාපතිත්වය ආග්‍රාමාත්‍යවරිය විසින් දරයි.   

එහි උපසභාපතිත්වය අධ්‍යාපන අමාත්‍යංශ ලේකම් නාලක කලුවැව  මහතා විසින් දරනු ලබනවා.

අධ්‍යාපනය, විද්‍යාව, සංස්කෘතික, ජන සන්නිවේදනය, සමාජ විද්‍යාව සහ පරිසරය යන විෂයයන්ට අදාළ යුනෙස්කෝ සංවිධානයේ නිර්ණායකයන්ට අනුව දේශීය සංවර්ධන දැක්ම සාක්ෂාත් කරගැනීමට අදාළ සියලු අමාත්‍යාංශ එක්ව කටයුතු කිරීම මෙම සභාව පිහිටුවීමේ අරමුණයි.

මෙම කොමිෂන් සභාවේ සාමාජිකයන් ලෙස ආචාර්ය ආශා දිවොස්, චන්ද්‍රා වික්‍රමසිංහ, ආචාර්ය වී.වී මැදවත්තේගෙදර සහ සාමිනාදන් විමල් යන විෂය ප්‍රවීණයින් ඇතුළු ශ්‍රී ලංකා ජාතික යුනෙස්කෝ කොමිෂන් සභාවේ ප්‍රධාන විධායක නිලධාරී මහාචාර්ය ප්‍රභාත් ජයසිංහ, ලේකම් නාලක රත්නායක යන මහත්වරුන් සහ හේමන්තා පුබුදුසිරි, ශෂිකලා ප්‍රේමවර්ධන, සමන්ති සේනානායක,අප්සරා කල්දේරා, මොහොමඩ් නවාසි, ආර්.ඒ.ඩී.එස් රණතුංග, ඩබ්.ජී කුමාරගම, සුජීවා පල්ලියගුරුගේ, දීපා ලියනගේ, එච්.ඒ.එච් පෙරේරා, එස්.එස්.පී ද අල්විස්, වරුණ ශ්‍රී ධනපාල, ඩබ්.ඩබ්.එම්.පී.එස්.සී පාලම්කුඹුර, එම්.එස්.එල්.ආර්.පී මාරසිංහ, ආචාර්ය නිලාන් කුරේ, සනුජා කස්තුරිආරච්චි, යන මහත්ම මහත්මීන්  පත්විය.

සුනාමි රළ ඇලස්කාව සහ හවායි වෙත ළඟා වෙයි

හවායි ප්‍රාන්තය, ඇලස්කාවේ ඇලූටියන් දූපත් වලට සහ උතුරු කැලිෆෝනියාවේ එක් කොටසකට මේ වන විට සුනාමි අනතුරු ඇඟවීම් නිකුත් කර තිබෙනවා.

එක්සත් ජනපදයේ බටහිර වෙරළ තීරයේ අනෙකුත් ප්‍රදේශ අවදානම් අඩු සුනාමි උපදේශනය යටතේ පවතින බවයි විදෙස් මාධ්‍ය වාර්තා කරන්නේ.

පළමු සුනාමි රළ දැනටමත් ඇලස්කාවට පැමිණ ඇති අතර මුහුදු රළ හවායි වෙත පැමිණීමට පටන් ගෙන තිබේනවා.

එක්සත් ජනපද සුනාමි අනතුරු ඇඟවීමේ මධ්‍යස්ථානයෙන් ඇස්තමේන්තුගත කර ඇති පැමිණීමේ වේලාවන් ලෙස, ඔරිගන් සහ වොෂින්ටන් පැමිණීම් වේලාව ලෙස රාත්‍රී 11:35 ට පමණ ආරම්භ වනු ඇතැයි අපේක්ෂා කෙරෙනවා.

කැලිෆෝනියාවට පැමිණීම් වේලාව රාත්‍රී 11:50 ට පමණ ආරම්භ වන අතර, අලුයම 12:40 ට පමණ සැන් ෆ්‍රැන්සිස්කෝ බොක්ක වෙත සහ අලුයම 1:00 ට පමණ ලොස් ඇන්ජලීස් වරායට සුනාමි රළ ළඟා වනු ඇතැයි අපේක්ෂා වෙනවා.

රුසියාවේ රික්ටර් මාපක 8.8 ක භූමිකම්පාවක්

රුසියාවේ නැගෙනහිර කම්චැට්කා අර්ධද්වීපයට ඔබ්බෙන් ඇති වූ රික්ටර් මාපකයේ 8.8 ක භූමිකම්පාවකින් පසු සුනාමි අනතුරු ඇඟවීම් නිකුත් කර තිබෙනවා.

රුසියාවේ වෙරළබඩ නගරයක් වන පෙට්‍රොපව්ලොව්ස්ක්-කම්චැට්ස්කි සිට කිලෝමීටර් 136 ක් (සැතපුම් 84) නැගෙනහිරින් භූමිකම්පාව සිදුවී ඇති බව එක්සත් ජනපද භූ විද්‍යා සමීක්ෂණ ආයතනය (USGS) පවසනවා.

ජපානයේ කාලගුණ විද්‍යා ඒජන්සිය එහි නැගෙනහිර වෙරළ තීරයේ වැඩි කොටසකට සුනාමි අනතුරු ඇඟවීමක් නිකුත් කළ අතර, මීටර් 3 (අඩි 9.8) දක්වා උස රළ ඇති විය හැකි බවට අනතුරු ඇඟවා තිබෙනවා.

තායිවානය, පිලිපීනය, හවායි සහ ඇලස්කාවේ ඇලූටියන් දූපත් සඳහා ද සුනාමි අනතුරු ඇඟවීම් නිකුත් කරන ලද අතර, එක්සත් ජනපදයේ බටහිර වෙරළ තීරයේ බොහෝ ප්‍රදේශ සඳහා උපදේශන නිකුත් කර ඇත.

මාලදිවයින් රාජ්‍ය ප්‍රධානීහු ජනපති හමු වෙති

මාලදිවයින් නියෝජ්‍ය කථානායකවරයා සහ රජයේ කැබිනට් අමාත්‍යවරු පස් දෙනෙක් ඊයේ (29) ‘කුරුම්බා මෝල්ඩිව්ස්’ නිවාඩු නිකේතනයට පැමිණ ජනාධිපති අනුර කුමාර දිසානායක මහතා හමු වී සාකච්ඡා පවත්වා තිබෙනවා.

ඒ , මාලදිවයින් නියෝජ්‍ය කථානායක අහමද් නසීම් (Ahmed Nazim), එහි විදේශ කටයුතු අමාත්‍ය ආචාර්ය අබ්දුල්ලා ඛලීල් (Dr. Abdulla Khaleel), ආර්ථික සංවර්ධන සහ වෙළෙඳ අමාත්‍ය මොහමද් සයීඩ් (Mohamed Saeed), ආරක්ෂක අමාත්‍ය මොහමද් ගසාන් මව්මූන් (Mohamed Ghassan Maumoon),  මුදල් සහ ක්‍රමසම්පාදන අමාත්‍ය මූසා සමීර් (Moosa Zameer) සහ ස්වදේශ ආරක්ෂක සහ තාක්ෂණ අමාත්‍ය අලි ඉහුසාන් (Ali Ihusaan) යන මහත්වරුයි.

ඔවුන් මාලදිවයිනේ රාජ්‍ය සංචාරයක නිරත වීම පිළිබඳ ජනාධිපතිවරයා වෙත ස්තූතිය පළ කර තිබෙනවා.

මෙම සංචාරය අනාගතයේදී වඩාත් ගැඹුරු සහයෝගීතාවක්, පුළුල් අවබෝධයක් මෙන්ම වඩා යහපත් මිත්‍රත්වයක් සඳහා පදනම වනු ඇති බවට විශ්වාසය පළ කරන බවයි ඔවුන් වැඩි දුරටත් ප්‍රකාශ කලේ.

මෙම සාකච්ඡා සඳහා විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා ඇතුළු රජයේ ජ්‍යෙෂ්ඨ නිලධාරීහු පිරිසක්ද සහභාගි විය.

කැබිලිත්ත ප්‍රදේශයේ රක්ෂිත ආශ්‍රිත ගැටලු විසදීමට පරිසර ඇමති නිරීක්ෂණ චාරිකාවක

සියඹලාණ්ඩුව, කොටියාගල, කැබිලිත්ත ප්‍රදේශයේ රක්ෂිත ආශ්‍රිත ගැටලු සඳහා කඩිනම් විසඳුම් සෙවීමට පරිසර අමාත්‍ය වෛද්‍ය දම්මික පටබැඳි මහතා ඊයේ (30) නිරීක්ෂණ චාරිකාවක නිරතවී තිබෙනවා.

මෙහිදී කැබිලිත්ත ප්‍රදේශයේ රක්ෂිත ආශ්‍රිතව පවතින ගැටලුකාරී තත්වයන් පිළිබඳ අවශ්‍ය මූලික කරුණු විමසා බැලීමත් ගැටලුකාරී තත්වයන් විසඳීම සඳහා ලබා ගත හැකි ක්‍රියාමාර්ග පිළිබඳවත් සාකච්ඡා කිරීම ද සිදුවුණා.  

රක්ෂිතවලට ගවයන් ඇතුළුවීම, අලි මිනිස් ගැටුම සඳහා ප්‍රධාන හේතුවක් ලෙස හඳුනා ගත් අතර මෙම ගැටලු සඳහා සාධාරණ විසඳුම් ලබා ගැනීමට ඉදිරියේ දී කඩිනමින් කටයුතු කරනු ලබන බවට පරිසර අමාත්‍යවරයා අවධාරණය කර තිබෙනවා.

මෙම අවස්ථාවට පාර්ලිමේන්තු මන්ත්‍රී අජිත් අගලකඩ මහතා, සියඹලාණ්ඩුව ප්‍රාදේශීය සභාවේ සභාපති, සියඹලාණ්ඩුව පොලිසියේ පොලිස් ස්ථානාධිපතිතුමා මෙන්ම වන ජීවී දෙපාර්තමේන්තුවේ සහ වන සංරක්ෂණ දෙපාර්තමේන්තුවේ නිළධාරීන් ද සහාගී විය.

“ජාතික ආරක්ෂාව” නාමයෙන් ඇමරිකාවේ සිටින චීන ජාතිකයින්ට හිරිහැර නොකරන ලෙසට චීන විදේශ අමාත්‍යංශයෙන් ඉල්ලීමක්.

වරදකාරිත්වය පිළිබඳ පූර්ව නිගමනය සහ දේශපාලන උපායන් යෙදීම නතර කරන ලෙස චීනය ඇමරිකාවෙන් ඉල්ලා සිටින බව චීන විදේශ අමාත්‍යාංශයේ ප්‍රකාශක Guo Jiakun මහතා පවසයි.

මෑතකදී, ඇමරිකාව තුළ පර්යේෂණ කරමින් සිටි තවත් චීන විද්වතෙකු ඇමරිකානු නීතිය බලාත්මක කිරීමේ ආයතන විසින් අසාධාරණ ලෙස රඳවා ගනු ලැබීය. ඊයේ(28) පැවති නිත්‍ය මාධ්‍ය හමුවේ දී වාර්තාකරුවෙකු මේ සම්බන්ධයෙන් නැඟූ ප්‍රශ්නයකට පිළිතුරු දෙමින් චීන විදේශ අමාත්‍යාංශයේ ප්‍රකාශකයා ඒ බව පැවසීය.

එම කාලය තුළ ඇමරිකාව “ජාතික ආරක්ෂාව” යන සංකල්පය පුළුල් කර ඇති බවත්, කිසිසේත් ම පදනම් රහිත චෝදනා මත ඇමරිකාවේ සිටින චීන සිසුන් සහ පර්යේෂකයින් ගණනාවක් අත්අඩංගුවට ගෙන නඩු පවරන බවත් Guo Jiakun මහතා පැවසීය. චීන සිසුන් ඇමරිකාවේ අධ්‍යාපනය ලැබීමට සාදරයෙන් පිළිගන්නා ඇමරිකානු රාජ්‍ය නායකයාගේ ප්‍රකාශ සැබවින් ම ක්‍රියාවට නංවන ලෙස චීනය ඇමරිකාවෙන් ඉල්ලා සිටින බව ඔහු පැවසීය.
-CGTN Sinhala

ගාසා තීරය ‘සැබෑ සාගතයකින්’ පෙළෙන බව ට්‍රම්ප් පවසයි

ගාසා තීරයේ “සැබෑ සාගතයක්” ඇති බව ඩොනල්ඩ් ට්‍රම්ප් පවසා තිබෙනවා. ඒ ඊශ්‍රායල අගමැති බෙන්ජමින් නෙතන්යාහු එවැනි දෙයක් නොමැති බව අවධාරණය කර ඇති පසුබිමක දී.

ඊශ්‍රායලයේ ක්‍රියා කලාපය මගින් ගාසා තීරයේ මිනිසුන්ගේ කුසගින්න ඇති කිරීමට කටයුතු කිරීම බොරුවක් බව නෙතන්යාහු පැවසීම සමඟ එකඟ දැයි විමසූ විට, එක්සත් ජනපද ජනාධිපතිවරයා විදෙස් මාධ්‍ය වෙත පිළිතුරු දුන්නේ: “මම දන්නේ නැහැ… ඒ ළමයින්ට හොඳටම බඩගිනි වගේ… ඒ ඇත්තටම කුසගින්නෙන් පෙළෙන දේවල්.”

හමාස් සංවිධානය විසින් පාලනය කරනු ලබන ප්‍රදේශයේ සෞඛ්‍ය අමාත්‍යාංශය විසින් පැවසුවේ පසුගිය පැය 24 තුළ මන්දපෝෂණය හේතුවෙන් 14 දෙනෙකු මිය ගොස් ඇති බවයි.

ඒ අනුව, 2023 ඔක්තෝම්බර් මාසයේ යුද්ධය ආරම්භ වූ දා සිට මන්දපෝෂණය ආශ්‍රිත මරණ සංඛ්‍යාව 147 දක්වා ඉහළ ගොස් ඇති අතර, ඊට ළමුන් 88 ක් ද ඇතුළත් බව අමාත්‍යාංශය පවසනවා.

ගාසා තීරයට සියලුම සැපයුම් ඇතුළුවීම පාලනය කරන ඊශ්‍රායලය, ගාසා තීරයේ සාගතයක් නොමැති බව ප්‍රතික්ෂේප කර ඇති අතර ආහාර හිඟයට වගකිව යුතු බවට එල්ල වන චෝදනා ප්‍රතික්ෂේප කර තිබෙනවා.

Source : BBC

ධූරයෙන් ඉවත්ව යන මෙරට නෙදර්ලන්ත තානාපතිනියගෙන් පැසසුම්

ශ්‍රී ලංකාවේ මෙතෙක් පැවති සාමකාමී මැතිවරණ ත්‍රිත්වය සම්බන්ධයෙන් සතුටට පත් වන බවත්, වත්මන් රජය ගෙන යන වැඩපිළිවෙල අගය කරන බවත් ධුරයෙන් ඉවත්ව යන මෙරට නෙදර්ලන්ත තානාපතිනිය වන Bonnie Harbach මහත්මිය පවසා තිබෙනවා.

ඇය ඒ බව පැවසුවේ ඊයේ (28)  අග්‍රාමාත්‍ය කාලයේදී අග්‍රාමාත්‍ය ආචාර්ය හරිනි අමරසූරිය මහත්මිය හමුවූ අවස්තාවේදීයි.

සිය සේවා කාලය අවසන් කර මෙරටින් පිටව යාමට ප්‍රථමවයි ඇය මෙලෙස අග්‍රාමාත්‍යවරියව හමු වූයේ.

ද්විපාර්ශ්වීය සබඳතා තවදුරටත් ශක්තිමත් කිරීම සම්බන්ධයෙන් මෙහිදී අවධානය යොමු වී තිබෙනවා.

ශ්‍රී ලංකාව මුහුණ දෙන අභියෝග පිළිබඳව සහ එම අභියෝග ජය ගැනීම  සඳහා නෙදර්ලන්ත රජය සහයෝගය   ලබා දෙන බවත් තානාපතිනිය මෙහිදී අවධාරණය කළා.

නෙදර්ලන්ත තානාපතිනිය ලෙස ශ්‍රි ලංකාවට ලබා දුන් සහය පිලිබඳව සතුටු වන බව සදහන් කල අග්‍රාමාත්‍යවරිය, ඉදිරියටත් නෙදර්ලන්තයේ සහය ශ්‍රි ලංකාවට ලබා දීම වෙනුවෙන් කටයුතු කරන ලෙස ඉල්ලා සිටියා.

නෙදර්ලන්ත තානාපතිනියගේ ඉදිරි කටයුතු වෙනුවෙන් තමා සුභපැතුම් එක් කරන බව ද  අග්‍රාමාත්‍යවරිය මෙහිදී  වැඩිදුරටත් පවසා තිබෙනවා.

අග්‍රාමාත්‍ය ලේකම් ප්‍රදීප් සපුතන්ත්‍රී,  නෙදර්ලන්ත තානාපති කාර්යාලයේ දේශපාලන කටයුතු පිළිබඳ උපදේශක නාමල් පෙරේරා ඇතුළු මහත්ම මහත්මීන් පිරිසක් ද මෙම අවස්ථාවට සහභාගී විය.

ශ්‍රී ලංකා තොරතුරු දැනගැනීමේ අයිතිවාසිකම් පිළිබඳ කොමිසමට තවමත් සභාපතිවරයෙක් නෑ

ශ්‍රී ලංකා තොරතුරු දැනගැනීමේ අවිතිවාසිකම පිළිබඳ කොමිශන් සභාවට තවමත් සභාපතිවරයෙක් පත් නොකිරීම පිළිබඳ නිදහස් මාධ්‍ය ව්‍යාපාරය සිය කනස්සල්ල පළකරයි.

මෑත ඉතිහාසයෙ මෙරට ජනතාව දිනාගත් ඉතා වැදගත්ම අයිතිවාසිකමක් වු තොරතුරු දැනගැනිමෙ අයිතිය ක්‍රියාවට නැන්විමට අවශ්‍ය කටයුතු කරන ලෙස නිදහස් මාධ්‍ය වයාපාරය රජයට දන්වා සිටියි.

මෙ පිලිබද දැනුවත් කිරිමෙ මාධ්‍ය හමුවක් පසුගියදා ශ්‍රී ලංකා පුවත්පත් ආයතන ශ්‍රවණාගාරයේදී පැවත්වීය.

නිදහස් මාධ්‍ය ව්‍යාපාරයේ කැඳවුම්කරු ලසන්ත ද සිල්වා, උප ලේකම් ආර්. රාම්කුමාර්, විධායක කමිටු සාමාජික සුනිල් ජයසේකර යන මහත්වරු මෙම මාධ්‍ය සාකච්ඡාවේදී අදහස් දැක්වීය.

තායි – කාම්බෝජ සටන් විරාමයකට එලබුනත්, ගැටුම් තවමත්

ඊයෙ මධ්‍යම රාත්‍රියේ සිට කොන්දේසි විරහිත සටන් විරාමයක්  ක්‍රියාත්මක කිරිමට තායිලන්තය සහ කම්බෝජය එකගවි තිබේ.

මැලේසියානු අගමැති අන්වර් ඉබ්‍රාහිම්ගේ නායකත්වයෙන් මැලේසියාවේ පුත්‍රජයා හි පැවති සාකච්ඡා අතරතුර මෙම ගිවිසුමට එළඹුණු අතර, එක්සත් ජනපදය, චීනය සහ එක්සත් ජනපද ජනාධිපති ඩොනල්ඩ් ට්‍රම්ප්ගේ සහාය ඇතිව සිදුකල  තර්ජනාත්මක වෙළඳ සම්බාධක   මෙම එකගතාවන්ට බෙහෙවින් හෙතුවු බව විදෙශ මාධ්‍ය වර්තා කර තිබුනා.

නමුත් සටන් විරාමය නොතකා,  තවදුරටත් ප්‍රාශීය ගැටුම් වාර්තා වූ අතර,ගැටුම් සමතයකට පත්වුබවක් දක්නට නොලබුන බවයි වාර්තාවන්නේ.

කාම්බෝජය ජාත්‍යන්තර අධිකරණයේ මැදිහත්වීම ඉල්ලා සිටින අතර, තායිලන්තය එවැනි  සහභාගීත්වයෙන් තොරව ද්විපාර්ශ්වික විසඳුමට කැමැත්තක් දක්වයි.

මෙ අතර  මානුෂීය සහ සහන සේවා කටයුතු  පිලිබදවද ගැටලු මතුව  තිබෙ .තායිලන්තයේ සුරින් පළාතේ බෞද්ධ භික්ෂූන් වහන්සේලා කූඩාරම් පිහිටුවා, දේශසීමාවේ දෙපසම අවතැන් වූ පවුල්වලට සහාය වෙමින් සිටින බව විදෙශ්මාධ්‍ය වර්තා කරයි.