ශ්‍රී ලංකාවේ පලමු ක්‍රීඩා සිංහළ මාධ්‍ය ජාත්‍යන්තර පාඨමාලව එලිදකී

ශ්‍රී ලංකාවේ පලමු ක්‍රීඩා සිංහල මාධ්‍ය ජාත්‍යන්තර පාඨමාලාව අද ඇරඹේ. මේ ශ්‍රී ලංකාව උත්තේජක මර්ධක නියෝජ්‍ය ආයතනය විසින් සකසන ලද පිරිසුදු ක්‍රීඩාව පිළිබඳව ජාත්‍යන්තර පාඨමාලාවක් වේ.

පාඨමාලාව අවසානයේදී පිළිගත් සහතික පත්‍රයක් ලබාදීම සිදුකෙරේ.

පාඨමාලාව සඳහා ක්‍රීඩක ක්‍රීඩකාවන්ට සම්බන්ධ විය හැකිි අතර පාසල් සිසුන් ඇතුළු අවබෝධයක් ලබා ගැනීමට කැමති ඕනෑම අයෙකුට මේ හා එක්විය හැකිය.

පාඨමාලාව එළිදැක්වීමේ අවස්ථාවට ක්‍රීඩා අමාත්‍ය සුනිල් කුමාර ගමගේ ඇතුළු තානාපතිවරුන් සහ නිලධාරීන් සහභාගි වුණා.

බස්නාහිර පළාත තුළ සහ අධිවේගී මාර්ගවල අද සිට (28) Govpay හරහා ස්ථානීය දඩ අය කරගැනීමේ ක්‍රමවේදය ක්‍රියාත්මක කර තිබෙනවා

ප්‍රවාහන මහාමාර්ග වරාය සහ සිවිල් ගුවන් සේවා අමාත්‍ය බිමල් රත්නායක මාධ්‍ය හමුවකට එක් වෙමින් මේ බව කියා සිටියා

ස්ථානීය වැරදී 33ක් සදහා Govpay හරහා දඩ ගෙවීමට හැකි අතර එමගින් දඩ ගෙවන පුද්ගලයාට තැපැල් කාර්යාලයට ගෙවන මුදල ඉතිරි වන බවද ඔහු පැවසුවා

රථ වාහන පොලීසියේ නිලධාරීන් 1000කට දුරකථන ලබා දීමට නියමිත බවත් ඉදිරි මාස කිහිපය තුළ සෙසු පොලිස් ස්ථානවලටත් දුරකථන ලබාදීමට බලාපොරොත්තු වන බවත් අමාත්‍යවරයා කියා සිටියා

අගෝස්තු මාසයේ 4 වෙනදාට පෙර බස්නාහිර පළාත තුල මෙම වැඩ සටහන් ක්‍රියාත්මක කිරීමට නියමිත බවත්
සෙසු පළාත් කිහිපයක වැඩසටහන් මේ වන විට ආරම්භ කර ඇති බවද ඔහු වැඩිදුරටත් පවසා සිටියා

නව රජයේ පරිසර ප්‍රතිපත්තිය පැසසුමට ලක්වේ.

දකුණු ආසියාතික දේශගුණික විපර්යාස පිළිබඳ මාධ්‍යවේදීන්ගේ සංගමය හා පරිසර අමාත්‍ය වෛද්‍ය දම්මික පටබැඳි මහතා අතර හමුවක් අද දින (28) පෙරවරුවේ පරිසර අමාත්‍යංශයේ දී පැවැත්වුණා.

ඒ වෙනුවෙන් එහි සභාපති Asish Gupta සහ මහලේකම් Karamot Ullah Biplob යන මහත්වරු සහභාගී විය.

මෙම හමුවේ දී ශ්‍රී ලංකාවේ නව රජයේ පරිසර ප්‍රතිපත්ති සහ එහි ප්‍රගතීන් පිළිබඳ සාකච්ඡා වූ අතර “වනස්පති” ජාතික වැඩසටහන පිළිබඳ එම සංසදය විසින් පැසසීමට ලක් කෙරුණා.

ශ්‍රී ලංකාවේ පෙර පැවති රජයන්ට සාපේක්ෂව නව රජය විසින් පරිසර සංරක්ෂණ ක්‍රියාවලීන් සඳහා විශාල දායකත්වයක් ලබා දෙන බව ද ඔවුන් මෙහිදී පවසා සිටියා.

ඊට සමගාමීව දකුණු ආසියාතික කලාපයේ මාධ්‍යවේදීන් තුළ ප්‍රබෝධයක් ඇති වී ඇති බවයි එම සංසදය වැඩිදුරටත් සදහන් කළේ.

ලොව ප්‍රථම වරට දේශගුණික විපර්යාස පිළිබඳව කටයුතු කරන මාධ්‍යවේදීන්ගේ කලාපීය සංසදයක් “දකුණු ආසියානු දේශගුණික විපර්යාස මාධ්‍යවේදීන්ගේ සංසදය (SACCJF)” නමින් 2022 නොවැම්බර් මාසයේදී ෂාර්ම්-එල් ෂෙයික් (ඊජිප්තුව) හි පැවති එක්සත් ජාතීන්ගේ දේශගුණික සමුළුව (COP 27) අතරතුර ස්ථාපිත කෙරුණා.

මෙම සංසදය ඉන්දියාව, නේපාලය, බංගලාදේශය සහ ශ්‍රී ලංකාව යන රටවල් එක්ව දකුණු ආසියාතික කලාපයේ රටවලට මුහුණ පෑමට සිදුවන ගංවතුර, නායයෑම් වැනි දේශගුණ විපර්යාස සඳහා ජනතාව දැනුවත් කිරීම සහ ඒ වෙනුවෙන් මැදිහත්වීමේ අරමුණෙන් පිහිටුවන ලද්දක්.

මඩකළපුව වවුනතිව්හි දී මෙගාවොට් 10ක සූර්ය බලාගාරයක් විවෘත වේ.

මෙගාවොට් 10ක ධාරිතාවයකින් යුත් සූර්යශක්ති සූර්ය බලාගාරය විවෘත කිරීම මඩකළපුව වවුනතිව්හි දී බලශක්ති අමාත්‍ය ඉංජිනේරු කුමාර ජයකොඩි මහතාගේ ප්‍රධානත්වයෙන් පසුගියදා (26) සිදු වුණා.

වින්ඩ්ෆෝර්ස් පී.එල්.සී (Wind Force PLC) සමාගම, විදුල්ලංකා (Vidullanka) යන ලාංකීය සමාගම් රුපියල් බිලියන 2.2 ක ආයෝජනයකින් මෙම සූර්‍ය බලාගාරය නිම කර තිබෙනවා.

මඩකලපුව දිස්ත්‍රික්කයේ වවුනතිව් ප්‍රදේශයේ අක්කර 27ක භූමි භාගයක් පුරා මෙම බලාගාරය ඉදි කර ඇත.

මෙම සූර්ය බලාගාරය precast pile structures හෙවත් පෙර සවි කුළුණු මත ඉදිකිරීම් ක්‍රමවේදය අනුව ඉදිකළ ප්‍රථම සූර්යබල ව්‍යාපෘතිය වේ.

මෙහි සුවිශේෂත්වය වන්නේ කලපුවට මායිම්ව අවම කෘෂිකාර්මික හැකියාවක් පවතින හා කලින් කලට ගංවතුරට යටවන ප්‍රදේශයක එම පාරසරික තත්වයන් විශේෂයෙන් සැළකිල්ලට ගනිමින් මෙහි ඉදිකිරීම් සිදුකර තිබීමයි.

සූර්ය බලයේ ආශිර්වාදය නොමදව ලබාගනිමින් රටේ විදුලිබල අරමුණු ජයගන්න ක්‍රියාකරන බව බලාගාරය විවෘත කිරීමට එක් වූ බලශක්ති අමාත්‍ය ඉංජිනේරු කුමාර ජයකොඩි මහතා පවසනවා.

“සමකය ආසන්නයේ රටක් හැටියට අපට වසරේ හැම දවසකම වගේ හොදින් ඉර එළිය ලැබෙනවා. ඒ සොබා දහමේ ආශිර්වාදය නොමදව ලබාගෙන අපේ රටේ විදුලිබල අරමුණු ජයගන්න අපි රජයක් හැටියට ක්‍රියාකරනවා. පුනර්ජනනීය සහ හරිත බලශක්ති ප්‍රභවයක් හැටියට සූර්යාලෝකයේ ඇති වැදගත්කමත් ඉන් ලබාගත හැකි ඉහළ දායකත්වයත් සැළකිල්ලට අරගෙන අඛණ්ඩව සූර්යබල ක්ෂේත්‍රයේ වර්ධනය සදහා ක්‍රියාකරන බවත් විශේෂයෙන්ම දේශීය අයෝජකයින් ඒ ක්ෂේත්‍රයේ ආයෝජනය කිරීම දිරිගන්වන්න ක්‍රියාකරන බවත් ප්‍රකාශ කරන්න කැමතියි.”

එහිදී තවදුරටත් අදහස් දැක් වූ අමාත්‍යවරයා පැවසුවේ විශේෂයෙන්ම ඉතා ඉක්මනින් වර්ධනය වන සහ දෙස් විදෙස් රැකියා අවස්ථා බහුල සූර්යබල කර්මාන්ත ක්ෂේත්‍රයේ පුහුණුව සදහා මේ ප්‍රදේශයේ තරුණයන්ට අවස්ථාවක් සළසමින් ඒ සදහා අනුග්‍රහය දක්වන ලෙස පාලන අධිකාරියෙන් විශේෂ ඉල්ලීමක් ද කළා.

පාලන අධිකාරිය එම ඉල්ලීම පිළිගිනිමින් තරුණයින් 20 දෙනෙකුට එලෙස පුහුණුව ලබාදීමට එකගතාව පළ කර තිබෙනවා.

ලංකා ගල්අඟුරු සමාගමෙන් නිවේදනයක්

2025/26 ගල් අඟුරු වාරය සදහා සැලසුම් සහ සැපයුම් තත්ත්වය පිළිබඳ නිවේදනයක් ඉදිරිපත් කර තිබෙනවා.

මේ වන විට නොරොච්චෝලේ ගල් අඟුරු බලාගාරයට අවශ්‍ය 2025/26 ගල් අඟුරු වාරය සම්බන්ධයෙන් විවිධ අසත්‍ය හා නොමග යවන සුළු පුවත් විවිධ මාධ්‍යවල පළවන බව නිරීක්ෂණය වී තිබෙන බැවින් ඒ පිළිබඳ නිවැරදි තොරතුරු ජනතාවට ලබාදීමේ අරමුණින් ලංකා ගල්අඟුරු සමාගම මෙම නිවේදනය නිකුත් කර ඇත.

ඒ අනුව දැනට තිබෙන තොග සහ සැලසුම්,
නොරොච්චෝල ගල් අඟුරු බලාගාරය සඳහා 2025 සැප්තැම්බර් මස අවසානය දක්වා අවශ්‍ය ගල් අඟුරු තොග ප්‍රමාණවත් ලෙස තිබේ.

වර්තමාන සැපයුම් කොන්ත්‍රාත්තුව යටතේ තවත් ගල් අඟුරු මෙට්‍රික් ටොන් 840,000 ක් ලබන 2025 සැප්තැම්බර් මස සිට දෙසැම්බර් මස මුල දක්වා සැපයීමට නියමිතය.

ඉදිරි ප්‍රසම්පාදනයන් ලෙස,
ඉදිරි වසර සඳහා අවශ්‍ය ගල් අඟුරු සැපයුම් සඳහා වන ප්‍රසම්පාදන කටයුතු මේ වන විට ආරම්භ කර ඇත.

වර්ෂාපතනය සහ සැපයුම් කාලය,
සෑම වසරකම පවතින නිරිතදිග මෝසම් වර්ෂාව හේතුවෙන් ගල් අඟුරු සැපයුම සාමාන්‍යයෙන් සැප්තැම්බර් සිට ඊළඟ වසරේ අප්‍රේල් තෙක් පමණක් සිදුවේ.

එම නිසා, ඉදිරි ගල් අඟුරු වාරය සඳහා ගල් අඟුරු සැපයුම සම්බන්ධයෙන් කිසිඳු අවදානමක් මේ වන විට නොපවතින බව ලංකා ගල්අඟුරු සමාගම මෙම නිවේදනය නිකුත් කරමින් පවසා තිබෙනවා.

විදේශ රැකියා ලබාදීමේදී යෞවන සමාජ වලට ප්‍රමුඛතාවය ලබාදීමට සාකච්ඡා

ඉදිරියේදී විදේශ රැකියා ලබාදීමේ දී යෞවන සමාජ වල තරුණ තරුණියන්ට ප්‍රමුඛත්වය ලබාදීම කටයුතු කරන බව තරුණ කටයුතු නියෝජ්‍ය අමාත්‍ය එරංග ගුණසේකර පවසනවා.

ඔහු මේ බව පැවසුවේ Youth club කොළඹ දිස්ත්‍රික් සම්මේලනය ඊයේ දිනයේ (27) ජාතික තරුණ සේවා සභා පරිශ්‍රයේදී පැවැත් වූ අවස්ථාවේදීයී.

කොළඹ දිස්ත්‍රික් සම්මේලන නිලවරණයේදී නව සභාපතිවරයා ලෙස පාරින්ද පැතුම් තේරි පත් උනා.
මෙම සම්මේලනයට කොළඹ දිස්ත්‍රික් පාර්ලිමේන්තු මන්ත්‍රී ලක්ෂ්මන් නිපුනාරච්චී, ජාතික තරුණ සේවා සභාවේ සභාපති අධ්‍යක්ෂ ජනරාල් නීතිඥ සුපුන් විජේරත්න, අතිරේක දිස්ත්‍රික් ලේකම් කාංචනා ගුණවර්ධන ඇතුළු පිරිසක් සහභාගි උනා.

මෙහිදී අදහස් දක්වමින් තරුණ කටයුතු නියෝජ්‍ය අමාත්‍යවරයා සදන් කළේ
” අපි බලාපොරොත්තු වෙන්නේ අපිව පසුකර යන තාරුණ්‍යයක් අපි ඔබ පසුපසින් ඉන්නවා ”

පොහොසත් රටක් නිර්මාණය කිරීමේදී මෙරට තාරුණ්‍යයට විශාල වගකීමක් පැවරී ඇති බවද අමාත්‍යවරයා කියා සිටියා.

ඉතිහාසය තුල Youth club තුළින් නායකයින් බිහිවීමට ඉඩ නොතැබු බවත් අපගේ අරමුණ වන්නේ මේ ඔස්සේ අනාගත නායකයින් ගොඩ නැගීම බවත් ඔහු පවසා සිටියා.

ජනපති මාලදිවයිනට ළඟා වෙයි

මාලදිවයිනේ රාජ්‍ය සංචාර‍ය ආරම්භ කරමින් ජනාධිපති අනුර කුමාර දිසානායක මහතා අද පෙරවරුවේ වෙලානා ජාත්‍යන්තර ගුවන් තොටුපොළට ළඟා වුණා.

එහිදී මාලදිවයිනේ ජාතික ආරක්ෂක බලකායේ උත්තමාචාර මධ්‍යයේ එරට ජනාධිපති ආචාර්ය මොහමද් මුයිසු මහතා විසින් ජනාධිපතිවරයා මහත් හරසරින් යුතුව පිළිගනු ලැබුවා.

ජනාධිපතිවරයා පිළිගැනීම වෙනුවෙන් මාලදිවයිනේ වලානා ජාත්‍යන්තර ගුවන් තොටුපොළහි විශේෂ අමුත්තන් පැමිණීමේ පර්යන්තයේදී කුඩා දැරියන් පිරිසක් අලංකාර සංස්කෘතික නර්තනයක් ඉදිරිපත් කළ අතර, ජනපතිවරයා එම දැරියන් සමඟ කෙටි කතාබහකද නිරත විය.

ජනාධිපති අනුර කුමාර දිසානායක මහතා පිළිගැනීමේ නිල උත්සවය මාලදිවයිනේ ජනාධිපති ආචාර්ය මොහමද් මුයිසු මහතාගේ ප්‍රධානත්වයෙන් අද පස්වරුවේ මාලදිවයිනේ අගනුවර වන මාලේහි ජනරජ චතුරශ්‍රයේදී පැවැත්වේ.

ජනාධිපතිවරයා සමඟ මෙම රාජ්‍ය සංචාරය සඳහා විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සහ රජයේ ජ්‍යෙෂ්ඨ නිලධාරීහු පිරිසක් එක්ව සිටිති.

නව අධ්‍යාපන ප්‍රතිසංස්කරණය කියන්නෙ අලුත් පෙළපොතක් විතරක් හඳුන්වාදීමක් නොවෙයි. – අගමැති

මේ නව අධ්‍යාපන ප්‍රතිසංස්කරණය කියන්නෙ අලුත් පෙළපොතක් විතරක් හඳුන්වාදීමක් නොවෙයි , පද්ධතියම වෙනස් කරන වැඩක්. අපි මේ පද්ධතිය තුළ දකින ප්‍රධාන ප්‍රශ්න කිහිපයක් තියෙනවා, මේ විභාහ කේන්ද්‍රීය අධ්‍යාපන ක්‍රමය තුළ දරුවන්ට එන පීඩනය, ඒ නිසා දෙමව්පියන්ට ඇතිවන පීඩනය සහ ඒ පීඩනය නිසා ඇතිවී තිබෙන තරගකාරීත්වය හරහා ගොඩනැගුණු නරක සමාජීය ප්‍රතිඵල වැනි කාරණා සියල්ලක් අපි මේ.ප්‍රතිසංස්කරණ තුළ ආමන්ත්‍රණය කිරීමට බලාපොරොත්තු වෙනවා.

පසුගිය කාලවල පැවති ආණ්ඩු කෙතරම් අධ්‍යාපනය ගැන කතාකරත්,අධ්‍යාපනයේ පවතින ගැටලු හඳුනාගත්තත් ඔවුන්ගේ දේශපාලන සංස්කෘතිය නිසා ඇතිවුණ අධ්‍යාපන ගැටලු ගණනාවක් තියෙනවා. බොහෝ විට අධ්‍යාපනය ඔවුන්ගේ පටු දේශපාලන තීන්දු ක්‍රියාත්මක කරන්න පාවිච්චි වී තියෙනවා.

රත්නපුර දිස්ත්‍රික්කයේ පමණක් ජාතික පාසලක් කියලා පාසලේ නාමපුවරුව විතරක් වෙනස් වුණ පාසල් කීයක් තියෙනවද ? තමන්ගෙ නමින් ගොඩනැගිල්ලක් විවෘත කරන එක වගේ තමන්ගෙ බලය පාවිච්චි කරලා ළමයින්ගෙ අධ්‍යාපනයෙ ගුණාත්මක භාවය මොනවා වුණත් මතුපිට තමන්ගෙ ප්‍රදර්ශනකාමී දේශපාලනය වෙනුවෙන් ඔවුන් අධ්‍යාපනය පාවිච්චි කරලා විශාල හානියක් සිදුකළා.

පසුගිය රජයන් අධ්‍යාපනයට අයවැයෙන් වෙන් කළ මුදල ක්‍රමානුකූලව අඩුකර අධ්‍යාපනයේ බර ක්‍රමානුකූලව දෙමව්පියන් මත පැටෙව්වා. ඒ වගේම අධ්‍යාපනයේ තීරණාත්මක සාධකය වන ගුරුවරුන් ඇතුළු අධ්‍යාපන පරිපාලන සේවයේ සිටිය යුතු අයගෙ වෘත්තීය භාවය දියුණු කරලා ඒ සඳහා මානව සම්පත දියුණු කරනවා වෙනුවට ඒ මානව සම්පතට හානිදායක දේවල් දියුණු කළා. “

අධ්‍යාපන ප්‍රතිසංස්කරණ ගැන පසුගිය රජයන් සාකච්ඡා කොට තිබුණ නමුත් ඒ සම්බන්ධව සාකච්ඡා වන අතර මේ පද්ධතිය පවත්වාගෙන යෑමට අවශ්‍ය මානව සම්පත, යටිතල පහසුකම්, ප්‍රතිපාදන වෙන්කිරීම සිදුවී නැති බවත් එලෙස නොවී මේ ප්‍රතිසංස්කරණයන්හි වෙනස තීරණාත්මක වෙනසකට ලක් නොවන බවත් අග්‍රාමාත්‍යවරිය මෙහි දී ප්‍රකාශ කරන් ලදී.

අපි ඉතාම සැලසුම් සහගතව මේ සමාජය තුළ සංවාදයක් ඇතිකරමින් , පද්ධතිය සූදානම් කරමින් සමාජයේ වෙනස් විය යුතු ආකල්ප ආදී සියල්ලමත් මේ සංවාදය වෙත ඈඳා ගනිමින් ඇත්ත සමාජ වෙනසකට අවශ්‍ය වෙනස්කම් සිදුකරමින් සිටිනවා. ඉතින් ඒ සංවාදය සමාජය තුළ පුළුල්ව ඇති කිරීමේ වගකීම ඔබ සතුයි.
ඉතින් අධ්‍යාපනිකව දියුණු රටක් බවට අපේ රට පත්කරන්නට ඒ දියුණු රට තුළ ශිෂ්ට සම්පන්න සමාජයක් බිහිකරන්නට , ලෝකයත් එක්ක ගැටෙන්න පුලුවන් ආර්ථිකව දියුණු රටක් ගොඩනගන්න ගෙන යන සංවාදයේ පණිවිඩකරුවන් බවට පත්වන්න ඔබට ආරාධනා කරනවා යනුවෙන් අග්‍රාමාත්‍ය ආචාර්ය හරිනි අමරසූරිය රත්නපුර නගර ශාලාවේදී ජාතික ජන බලවේගයේ රත්නපුර දිස්ත්‍රික් සාමාජිකාවන් අමතා ප්‍රකාශ කරන ලදී.

මෙම සංවාදශීලී කථිකාව සඳහා ජාතික ජන බලවේගයේ රත්නපුර දිස්ත්‍රික් පාර්ලිමේන්තු මන්ත්‍රිනී නිලූෂා ලක්මාලි මහත්මිය, රත්නපුර නගරයේ නගරාධිපති ඉන්ද්‍රජිත් කටුගම්පොළ මහත්වරුන් ඇතුලුව ජාතික ජන බලවේගයේ රත්නපුර දිස්ත්‍රික්කයට අයත් නගර සභා හා ප්‍රාදේශීය සභාවල මන්ත්‍රීනියන් ඇතුළුව ජාතික ජන බලවේගයේ රත්නපුර දිස්ත්‍රික් ක්‍රියාකාරීන් විශාල පිරිසක් සම්බන්ධ විය.

ජනපති මාලදිවයිනේ නිල සන්චාරයක.

මාලදිවයින් ජනාධිපති මොහොමඩ් මුයිසුගේ ආරාධනයෙන් ජනාධිපති අනුර කුමාර දිසානායක මහතා දෙදින රාජ්‍ය සංචාරයක් සදහා මාලදිවයින බලා පිටත්ව ගොස් තිබෙ.

මෙම සංචාරය අතරතුර, ජනාධිපති දිසානායක මහතා ජනාධිපති මුයිසු සමඟ ද්විපාර්ශ්වික සාකච්ඡා පැවැත්වීමටත්, අන්‍යෝන්‍ය සහයෝගීතාව වඩිදියුනු කරගැනිම අරමුණු කරගත් අවබෝධතා ගිවිසුම් කිහිපයක් හුවමාරු කර ගැනීමටත් නියමිත බව විදේශ කටයුතු අමාත්‍යාංශය නිවේදනයක් නිකුත් කරමින් කියා සිටී.

මෙම වසරේ ශ්‍රී ලංකාව සහ මාලදිවයින විධිමත් රාජ්‍ය තාන්ත්‍රික සබඳතා ස්ථාපිත කිරීමේ 60 වන සංවත්සරය සමරන බැවින් මෙම රාජ්‍ය සංචාරය ද වැදගත් වේ.

ජනාධිපතිවරයා සිය සංචාරය අතරතුර ව්‍යාපාරික සංසදයක් ඇමතීමට සහ ශ්‍රී ලාංකික විදේශගත ප්‍රජාවේ සාමාජිකයින් හමුවීමට ද නියමිත බව නිවේදනයේ වැඩිදුරටත් සඳහන් වේ.

ජනාධිපති දිසානායක මහතා සමඟ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සහ රජයේ ජ්‍යෙෂ්ඨ නිලධාරීන් ද සහභාගී වීතිබෙ.

කඩොලානට දලුලන්න ඉඩදෙන්න

ලංකාවෙ මෙවනවිට පවතින කඩොලාන භුමිප්‍රමානය හෙක්ටයාර් 12500 කි .ඉන් විශාල ප්‍රමානයක් පුත්තලම් දිස්ත්‍රික්කයට මෝය ප්‍රදෙශ ආශ්‍රිතයි. වනට ලන්කාවෙ කඩොලාන විශේශ 11 හදුනාගෙන ඇත . අන්තර්ජාතික කඩොලාන දිනය නිමිත්තෙන් පුත්තලම ආනවිලුන්දාව රැමසාර් පරිශ්‍රයෙ දි ජාතික වැඩසටහනක් දියත් කෙරින .

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි