ඩිජිටල් තාක්ෂණයෙන් බලගැන්වුණු අධ්‍යාපනික පරිවර්තනය චීනය වේගවත් කරයි

අධ්‍යාපන ක්ෂේත්‍රය ඩිජිටල් තාක්ෂණය සමඟින් බලගැන්වුණු බලවත් රටක් ලෙස ගොඩනැංවීම චීනය වේගවත් කරයි.

චීන කොමියුනිස්ට් පක්ෂ මධ්‍යම කාරක සභාවේ දේශපාලන කාර්යාංශයේ ස්ථාවර සාමාජික, උප අග්‍රාමාත්‍ය Ding Xuexiang මහතා මේ බව පැවසුවේ, 14 සවස චීනයේ Hubei පළාතේ Wuhan නගරයේ දී 2025 ලෝක ඩිජිටල් අධ්‍යාපන සම්මේලනයේ සමාරම්භක උළලට එක්වෙමිනි.

චීන රජය ඩිජිටල් අධ්‍යාපනය වෙත ඉහළ වැදගත්කමක් ලබා දෙන බව හෙතෙම පැවසීය. වඩාත් සාධාරණ, ගුණාත්මකභාවයෙන් හා බුද්ධිමත්භාවයෙන් යුත් ජනතාවාදී පූර්ණ ක්‍රියාවලියක් සහිත නවීකරණ ඩිජිටල් අධ්‍යාපන පද්ධතියක් ගොඩනැංවීමට චීනය අඛණ්ඩ ව ක්‍රියා කරන බව ද උප අග්‍රාමාත්‍යවරයා සඳහන් කළේය.

එහිදී හෙතෙම සිව්වැදෑරුම් යෝජනාවක් ඉදිරිපත් කළේය. මේ සඳහා උසස් මට්ටමේ ඩිජිටල් අධ්‍යාපනික ජාත්‍යන්තර සහයෝගිතා පද්ධතියක් ඒකාබද්ධ ව ගොඩනැංවිය යුතු ය. පූර්ණ හා පුළුල් බහුවිධ හුවමාරු හා සහයෝගිතා තහවුරු කිරීමට ඉන් අපේක්ෂා කෙරේ. ඩිජිටල් තාක්ෂණය, අධ්‍යාපන ක්ෂේත්‍රයේ පරිවර්තනයට සවිබලයක් වීමේ සහතිකය එක් කරමින් ඩිජිටල් අධ්‍යාපනයෙන් ලබා ගන්නා වූ ප්‍රතිලාභ පුළුල් ලෙස බෙදා ගත යුතු ය. එසේ ම, ඩිජිටල් අධ්‍යාපනය නිසි හා විධිමත් ලෙස වර්ධනය තහවුරු කළ යුතු බව ද චීන උප අග්‍රාමාත්‍යවරයා එහිදී වැඩිදුරටත් සඳහන් කළේය.

2025 ලෝක ඩිජිටල් අධ්‍යාපන සම්මේලනයේ ප්‍රධාන තේමාව ‘අධ්‍යාපන සංවර්ධනය හා පරිවර්තනය: බුද්ධිමත්භාවයේ යුගය’ යන්නයි.

-CGTN Sinhala

ඇමරිකාවේ සමාගම් 17 ක් විශ්වාස කළ නොහැකි ආයතන ලැයිස්තුවට ඇතුළත් කිරීමේ පියවර චීන වාණිජ අමාත්‍යාංශය අත්හිටුවයි

ඇමරිකාවේ සමාගම් 17 ක් විශ්වාස කළ නොහැකි ආයතන ලැයිස්තුවට ඇතුළත් කිරීමේ පියවර චීන වාණිජ අමාත්‍යාංශය අත්හිටුවයි.පසුගිය අප්‍රේල් 4 සහ 9 වැනිදා නිකුත් කළ ඇමරිකාවේ සමාගම් 17 කට අදාළ විශ්වාස කළ නොහැකි ආයතන ලැයිස්තු පිළිබඳ නිවේදනයේ අදාළ පියවර මැයි 14 වන දින සිට අත්හිටුවීමට චීන වාණිජ අමාත්‍යංශය තීරණය කරයි. චීන-ඇමරිකා ඉහළ මට්ටමේ ආර්ථික හා වෙළඳ සාකච්ඡාවලදී ඇති කරගත් එකඟතාව ක්‍රියාත්මක කිරීම වෙනුවෙන් මෙම පියවර ගත් බව වාණිජ අමාත්‍යංශ ප්‍රකාශකයෙක් 14 වැනිදා පැවසීය.

” චීන මහජන සමූහාණ්ඩුවේ විදේශ විරෝධී සම්බාධක නීතිය”, “විශ්වාස කළ නොහැකි ආයතන ලැයිස්තු රෙගුලාසි” සහ අදාළ රෙගුලාසිවලට අනුව, අප්‍රේල් 4 සහ 9 වැනිදා, විශ්වාස කළ නොහැකි ආයතන ලැයිස්තු ක්‍රියාකාරී යාන්ත්‍රණය මගින් ඇමරිකාවේ සමාගම් 17 ක් එම ලැයිස්තුවට එක් කෙරිණ. එම සමාගම් 17ට චීනය අදාළ ආනයන හා අපනයන කටයුතු මෙන්ම චීනයේ නව ආයෝජන සිදු කිරීම තහනම් කර ඇත.

-CGTN Sinhala

සේවා ස්ථානය කාන්තාවන්ට සුරක්ෂිත ස්ථානයක් බවට පත් කිරීම අතිශයින් වැදගත් අග්‍රාමාත්‍ය හරිනී අමරසූරිය පවසයි

සේවා ස්ථානය කාන්තාවන්ට සුරක්ෂිත ස්ථානයක් බවට පත් කිරීම අතිශයෙන් වැදගත් බව අග්‍රමාත්‍ය ආචාර්‍ය හරිනි අමරසූරිය පැවසුවාය. රැකියාවල නියුතු කාන්තාවන්ගේ ආරක්ෂාව වෙනුවෙන් වැඩි අවධානයක් යොමුවිය යුතු බවද අද මහනුවර කරලිය ශාලාවේ පැවති සමස්ථ ලංකා හෙද සංවිධානය විසින් සංවිධානය කල ජාත්‍යන්තර හෙද දිනයට සහභාගී වූ අග්‍රමාත්‍ය තුමිය මේ බව සඳහන් කළාය. හෙද වෘත්තිය හදුන්වා දුන් ෆ්ලෝරන්ස් නයිටිංගේල් ගේ 250 වැනි උපන්දිනය හා ලෝකය පුරා හෙද හෙදියන් මුහුණදෙන ගැටළු සාකච්චා කරන මණ්ඩපයක් නිර්මාණය කර ගැනීමත් හෙද හෙදියන් සැමරීම වෙනුවෙන් මෙම උත්සවය සංවිධානය කර තිබුණා. “අපේ හෙදිය අපේ අනාගතයයි. හෙදියන් රැකබලා ගැනීම ආර්ථිකය ශක්තිමත් කරයි.” යන තේමාව යටතේ මෙවර හෙද දිනය සමරනු ලැබීය.

ප්‍රාථමික බාහිර රෝගී ප්‍රතිකාර ඒකක දහසක් ඉදිරියේදී ඇතිකරන බව උත්සවයකට එක්වූ සෞඛ්‍ය හා ජනමාධ්‍ය අමාත්‍ය නලින්ද ජයතිස්ස පැවසීය. ‍රෝහල් පද්ධතියේ බාහිර රෝගී අංශයට පැමිණෙන රෝගීන් ප්‍රමාණය දල වශයෙන් වර්ෂයකට මිලියන 120ක් පමණ වේ. එය රෝහල් පද්ධතියට දරාගත නොහැකිය. තෘතීක හා ද්වීතීක රෝහල් මට්ටමෙන් ඔබ්බට ගොස් ප්‍රාථමික බාහිර රෝගී අංශ දහසක් නිර්මාණ කරන බවයි මෙහිදී අමාත්‍යවරයා කියා සිටියේ.

ඉදිරියේදී ශ්‍රී ලංකාවේ වියපත් ජනගහණය 25% දක්වා වර්ධනය වන බවත් එම පිරිස එම ස්ථානයන් හිදීම රැකබලා ගැනීම හා සෞඛ්‍ය පහසුකම් ලබාදීමටත් අවශ්‍ය කටයුතු සම්පාදනය කරන බව අමාත්‍යවරයා වැඩිදුරටත් පැවසීය. මේ වසරේ හෙද පත්වී 3147 ලබාදීමට කටයුතු කර බවත් සම සෞඛ්‍ය උපාධිධාරීන්ට සහ මෙතෙක් ඉතිරිව ඇති හෙද නිළධාරීන් 305ක් බදවා ගැනීමට කටයුතු කරන බව අමාත්‍යවරයා වැඩි දුරටත් පැවසීය.

40,000ක් පමණ වන හෙද හෙදියන්ගේ ප්‍රමාණය 60,000 දක්වා වැඩි කිරීමට කටයුතු කෙරේ. හෙද පුහුණුව සඳහා බඳවා ගැනීම් මාස 03 ක් ඇතුළත සිඳු කිරීමට සැලසුම් කර තිබෙන බව අමාත්‍යවරයා එහිදී පැවසීය.

හිටපු සභාපතිට ඇප

ඉඩම් ගොඩකිරීමේ හා සංවර්ධනය කිරීමේ සංස්ථාවේ හිටපු සභාපති හර්ෂාන් ද සිල්වා ඇප මත මුදාහරින ලෙස කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද (15) නියම කළේය.

අල්ලස් කොමිසම විසින් අත්අඩංගුවට ගත් මෙම සැකකරු අද දහවල් කොළඹ මහේස්ත්‍රාත් අධිකරණය
හමුවට ඉදිරිපත් කර තිබුණි.

සැකකරු රුපියල් ලක්ෂ 10 බැගින් වූ ශරීර ඇප 5ක් මත මුදා හැරීමටත් සැකකරුගේ විදේශ ගමන් තහනම් කිරීමටත් මහේස්ත්‍රාත්වරිය නියම කළාය.

විභාග කොමසාරිස් ජනරාල් ධුරයට ප්‍රථම වරට කාන්තාවක්

මෙරට ප්‍රථම විභාග කොමසාරිස් ජනරාල්වරිය ලෙස ඒ. කේ. එස්. ඉන්දිකා කුමාරි ලියනගේ මහත්මිය අද (15) දින විභාග දෙපාර්තමේන්තු පරිශ්‍රයේ දී විභාග කොමසාරිස් ජනරාල් ධුරයෙහි වැඩ භාර ගත්තා ය.
මෙරට එකොළොස් (11) වන විභාග කොමසාරිස් ජනරාල් ධුරය හොබවන ඇය ශ්‍රී ලංකා අධ්‍යාපන පරිපාලන සේවාවේ 2005 කණ්ඩායමේ සාමාජිකාවකි. එම සේවාවේ විශේෂ ශ්‍රේණියේ නිලධාරිනියක් ද වන ඇය විභාග කොමසාරිස් ජනරාල් ධුරයට පත් වීමට පෙර විභාග දෙපාර්තමේන්තුවේ රහස්‍ය පාසල් විභාග ශාඛාව භාර විභාග කොමසාරිස්වරිය ලෙස මෙන් ම පාලන හා විමර්ශන ශාඛාව භාර විභාග කොමසාරිස්වරිය ලෙස ද කටයුතු කර ඇත. කොළඹ ඩී.එස් සේනානායක විදුහලේ නියෝජ්‍ය විදුහල්පතිධූරය හා විදුහල්පතිධූරයත් හොබවා ඇති නව විභාග කොමසාරිස් ජනරාල්වරිය ගාල්ල සංඝමිත්තා විදුහලේ ආදි ශිෂ්‍යාවකි. රුහුණු විශ්වවිද්‍යාලයෙන් ප්‍රථම උපාධිය ලබා ඇති ලියනගේ මහත්මිය කොළඹ විශ්ව විද්‍යාලයෙන් අධ්‍යාපනපති උපාධියත් කැලණිය විශ්වවිද්‍යාලයෙන් වාග්විද්‍යාව පිළිබඳ ශාස්ත්‍රපති උපාධියත් හිමි කරගෙන ඇත.

ඇමරිකාවේ ප්‍රධාන ක්‍රිකට් පුහුණුකාර ධූරයට ලාංකිකයෙක්

ශ්‍රි ලංකා හිටපු ක්‍රිකට් ක්‍රීඩක පුබුදු දසනායක ඇමරිකානු ජාතික ක්‍රිකට් කණ්ඩායමේ නව ප්‍රධාන පිරිමි පුහුණුකරු ලෙස පත් කර තිබේ.

මෙම තනතුරේ මීට පෙර කටයුතු කර තිබුණේ ඔස්ට්‍රේලියානු හිටපු පිතිකරු ස්ටුවර්ට් ලෝ ය. බටහිර ඉන්දීය කොදෙව් සහ අමෙරිකාව එක්ව සත්කාරකත්වය දැරූ ICC පිරිමි T20 ලෝක කුසලාන තරගාවලියෙන් පසුව ඔහු එම තනතුරෙන් ඉවත් විය.

පුබුදු ඇමරිකා එක්සත් ජනපදයේ මෙම තනතුර දැරූ දෙවන අවස්තාව මෙයයි. 54 හැවිදිරි පුබුදු දසනායක 2016 සිට 2019 දක්වා වසර තුනක කාලයක් මීට පෙර එම තනතුර හොබවා ඇත.

ඔහු ශ්‍රි ලංකාව වෙනුවෙන් ටෙස්ට් තරඟ 11ක් සහ එක්දින තරඟ 16ක් ක්‍රිඩා කර ඇත.

ඊශ්‍රායලය හිතාමතාම ගාසා තීරය තුළ ආධාර බෙදාහැරීම් අවහිර කරන බව UN Aids ප්‍රධානී කියයි.

ඊශ්‍රායලය හිතාමතාම ගාසා තීරය තුළ ආධාර බෙදාහැරීම් අවහිර කරන බව UN Aids ප්‍රධානී එසේත් නැත්නම් එක්සත් ජාතීන්ගේ ආධාර ප්‍රධානී ටොම් ෆ්ලෙචර් පවසනවා.

2023 ඔක්තෝබර් 7 වන දින හමාස් තුවක්කුකරුවන් ඊශ්‍රායලය ආක්‍රමණය කිරීමෙන් පසු දරුණු යුධ ගැටුම් ඇවිලි ගොස් දැනට මාස 19 ක් ගත වී තිබෙනවා.

ඊශ්‍රායලය තවදුරටත් ගාසා තීරයේ තම හමුදා මෙහෙයුම පුළුල් කිරීමට සූදානම් වන බවයි පැවසෙන්නේ.

ඊශ්‍රායලය විසින් ඛාන් යුනිස් හි ගාසා තීරයේ යුරෝපීය රෝහලකට පහර දෙන මොහොත දැක්වෙන දර්ශන පෙළක් බටහිර මාධ්‍ය වාර්තා කර තිබුණා.

මෙම ප්‍රහාරයෙන් 28 දෙනෙකු මියගිය බව වාර්තා වේ.

(Source – the Guardian)

තානාපතිවරු හත් දෙනෙක් ජනාධිපතිවරයා වෙත අක්තපත්‍ර භාර දෙති

ශ්‍රී ලංකාවට අලුතින් පත්ව සිටින තානාපතිවරු හත් දෙනෙක් අද (15) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා වෙත නිල වශයෙන් සිය අක්තපත්‍ර භාර දී තිබේ.

ආජන්ටිනා ජනරජය, සිම්බාබ්වේ ජනරජය,ඊශ්‍රායලය, පිලිපීන ජනරජය, ටජිකිස්තාන ජනරජය, කාම්බෝජ රාජධානිය සහ ඩෙන්මාර්ක් රාජධානිය සඳහා නව තානාපතිවරුන් මෙලෙස පත්ව සිටී.

අක්තපත්‍ර භාර දුන් තානාපතිවරුන් ලෙස,

Mr. Mariano Agustin Caucino

මාරියානෝ අගුස්ටින් කව්චිනෝ මහතා – නවදිල්ලියේ වාසික ආජන්ටිනා ජනරජයේ තානාපති

Ms. Stella Nkomo

ස්ටෙලා න්කොමෝ මහත්මිය – නවදිල්ලියේ වාසික සිම්බාබ්වේ ජනරජයේ තානාපති

Mr. Reuven Javier Azar

රූවෙන් හවීයර් අසාර් මහතා- නවදිල්ලියේ වාසික ඊශ්‍රායල තානාපති

Ms. Nina P. Cainglet

නිනා පී. කයින්ග්ලට් මහත්මිය – ධකාහි වාසික පිලිපීන ජනරජයේ තානාපති

Mr. Lukmon Bobokalonzoda

ලුක්මොන් බොබොකලොන්සෝඩා මහතා- නවදිල්ලියේ වාසික ටජිකිස්තාන ජනරජයේ තානාපති

Ms. Rath Many

රත් මැනි මහත්මිය – නවදිල්ලියේ වාසික කාම්බෝජ රාජධානියේ තානාපති

Mr. Rasmus Kristensen

රස්මස් ක්‍රිස්ටෙන්සන් මහතා – නවදිල්ලියේ වාසික ඩෙන්මාර්ක් රාජධානියේ තානාපති

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ජනාධිපති ලේකම් ආචාර්ය නන්දික සනත් කුමානායක යන මහත්වරුද එම අවස්ථාවට එක්ව සිටියහ.

කොළඹ මහනගර සභාවේ පුරපති තෝරා ගැනීම ජූනි මස 02 වැනිදා

කොළඹ මහ නගර සභාවේ පුරපති සහ නියෝජ්‍ය පුරපති ධුර තෝරා ගැනීම ජූනි මස 02 වැනිදා සිදු කරේ.ඒ සදහා එදින ජන්ද විමසීමක් සිදු කිරීමට නියමිතයි.

පසුගිය පළාත් පාලන මැතිවරණයේදී කොළඹ මහනගර සභාවට තරග කළ කිසිදු පක්ෂයකට හෝ ස්වාධීන කණ්ඩායමකට

සියයට 50ක ඡන්ද ප්‍රතිශතය ඉක්මවා යෑමට නොහැකි විය. එබැවින් පුරපති සහ නියෝජ්‍ය පුරපති ධුරයන් පත්කර ගැනීමට ජන්දයක් විමසීමට සිදුවී සිදු වී ඇත.

පළාත් පාලන කොමසාරිස්වරයාගේ පූර්ණ අධීක්ෂණය යටතේ මෙම ඡන්ද විමසීම සිදු කිරීමට නියමිතයි.

මෙවර පළාත් පාලන මැතිවරණයේදී උදාවූ මෙම තත්වය සහ සමානුපාතික මැතිවරණ ක්‍රමය පිලිබදව හිටපු මැතිවරණ කොමසාරිස් මහින්ද දේශප්‍රිය මහතාගෙන් අප විමසීමක් සිදු කළා.

13 වන ආරක්ෂක සේවා පාපන්දු ශූරතාවලියේ කාන්තා ශුරතාවය ගුවන් හමුදාවට

13 වන වරටත් සංවිධානය කරනු ලැබූ ආරක්ෂක සේවා පාපන්දු ශූරතාවලිය පසුගියදා වැලිසර නාවික හමුදා පාපන්දු පිටියේදී සාර්ථකව අවසන් විය.

මෙම තරගාවලියේදී විශිෂ්ට දක්ෂතා දක්වමින් ශ්‍රි ලංකා ගුවන් හමුදා කාන්තා පාපන්දු කන්ඩායම අවසන් මහා තරගයේදී 01ට 0ක් ලෙස ප්‍රබල නාවික හමුදා පාපන්දු කන්ඩායම පරදවමින් වසර 15 කට පසු ගුවන් හමුදා කාන්තා පාපාපන්දු කන්ඩායම 13 වන ආරක්ෂක සේවා පාපන්දු ශුරතාවය තමන් සතු කර ගැනීමට සමත් විය.

මෙම තරඟාවලියේ දී දක්ෂතම ක්‍රීඩිකාවට හිමි සම්මානය ශ්‍රී ලංකා ගුවන් හමුදාව නියෝජනය කළ කාංචනා විරංගා ක්‍රිඩිකාව දිනාගත් අතර දක්මෂතම පන්දු රකින්නියට හිමි සම්මානය ගුවන් හමුදාවේ ඉසංකා යෙහානි ක්‍රිඩිකාව දිනා ගැනීමට සමත් විය .

කුසලාන හා සහතික පත් ප්‍රධානෝත්සවය ස්වේච්ඡා නාවික හමුදාවේ අණදෙණ නිළධාරී රියර් අද්මිරාල් එච් එන් එස් පෙරේරා මහතාගේ ප්‍රදානත්වයෙන් නාවික හමුදා ක්‍රිඩා පරිශ්‍රයේදී ත්‍රිවිධ හමුදා නිලධාරීන්ගේ හා සෙසු නිලයන්ගේ සහභාගීත්වන් පැවැත්විනි.

channel 7

Today News

පොහොය දවසේ මත්පැන් අලෙවි කරපු රාත්‍රී සමාජ ශාලාව

සිසුන් 50ට අඩු පාසල් 1506 ක්(WAKE UP TO 7)

නිවසක සිටි යුවළකට ආයුධවලින් පහරදී ඝාතනය කරලා

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි