Hot News

හිටපු ඇමති මනුෂ ලංකාවට පැමිණි විගස අල්ලස් කොමිසම අතටම දුන් ලිපිය

හිටපු අමාත්‍ය මනුෂ නානායක්කාරට අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශනයක් සඳහා පෙනී සිටින…

Sport News

ඉන්දීය කණ්ඩායම ආසියානු කුසලාන අවසන් මහා තරගයට සුදුසුකම් ලබයි

ආසියානු කුසලාන විස්සයි20 ක්‍රිකට් තරගාවලියේ අවසන් මහා තරගයට සුදුසුකම් ලබාගැනීමට ඉන්දීය කණ්ඩායම සමත් වුණා. ඒ,බංග්ලාදේශ…

Hot News

ගම්මන්පිල අත්අඩංගුවට ගැනීම ගැන අධිකරණයට කළ දැනුම් දීම

උදය ගම්මන්පිල අත්අඩංගුවට ගැනීම සඳහා තීරණයක් ගතහොත් අධිකරණයට මෝසමක් මගින් දැනුම්දෙන බව අපරාධ පරීක්ෂණ දෙපාර්තමේන්තුව…

ඇතැම් ස්ථානවල මි.මී. 100ට වැඩි තද වැසි

සබරගමුව, සහ දකුණු පළාත්වලත් මහනුවර සහ නුවරඑළිය දිස්ත්‍රික්කවලත් විටින්විට වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.

බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් ඇතැම් ස්ථානවල මි.මී. 100ට වැඩි තද වැසි ඇති විය හැකි අතර උතුරු-මැද පළාතේත් මාතලේ, මන්නාරම සහ යාපනය දිස්ත්‍රික්කවලත් සිහින් වැසි වාර ඇති විය හැකි බව ද එම දෙපාර්තමේන්තුව සඳහන් කළා.

මධ්‍යම කඳුකරයේ බටහිර බැවුම් ප්‍රදේශවලත් මධ්‍යම, උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. 40-50ක පමණ තද සුළං ඇතිවිය හැකි බවද ඔවුන් පෙන්වා දෙනවා.

බංග්ලාදේශය පරදවමින් පාකිස්තානය අවසන් තරගයට

ආසියානු කුසලාන විස්සිය20 ක්‍රිකට් තරගාවලියේ අවසන් මහා තරගයට සුදුසුකම් ලබාගැනීමට පාකිස්තාන කණ්ඩායම අද (25) සමත් වුණා.

ඒ,බංග්ලාදේශ කණ්ඩායම ලකුණු 11කින් පරාජය කරමින්.

පාකිස්තාන කණ්ඩායම ලකුණු 136ක ඉලක්කයක් බංග්ලාදේශයට ලබාදුන් අතර කඩුලු 9ක් දැවී ඔවුන්ට රැස්කිරීමට හැකිවූයේ ලකුණු 124ක් පමණයි.

ආසියානු කුසලාන ඉතිහාසයේ මීට පෙර ඉන්දියාව හා පාකිස්තානය අවසන් මහා තරගයක් ක්‍රීඩාකර නොමැති වීම විශේෂත්වයක්

හිටපු ඇමති මනුෂ ලංකාවට පැමිණි විගස අල්ලස් කොමිසම අතටම දුන් ලිපිය

හිටපු අමාත්‍ය මනුෂ නානායක්කාරට අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශනයක් සඳහා පෙනී සිටින ලෙස දැනුම් දී තිබෙනවා.

ඔහු විදෙස්ගතව සිට ලංකාවට පැමිණි අවස්ථවේ කොමිෂන් සභාවේ නිලධාරීන් විසින් අදාළ ලිපිය ලබාදී ඇති බව වාර්තා වනවා.

තලාව ප්‍රදේශයේ රිය අනතුරකින් 3ක් මරුට(VIDEO)

කුරුණෑගල-අනුරාධපුර ප්‍රධාන මාර්ගයේ තලාව, මිරිගම ප්‍රදේශයේදී ලොරියක් සහ වෑන් රථයක් මුහුණට මුහුණ ගැටීමෙන් තිදෙනෙකු මියගොස් තවත් සිව් දෙනෙකු තුවාල ලබා ඇති බවට තොරතුරු වාර්තා වනවා.
දර්ශන මෙතැනින් නරඹන්න

දූෂණයට එරෙහි සටන ගැන ජනපති මහා මණ්ඩලයේ දී පැහැදිලි කරයි

දූෂණයට එරෙහි සටන භයානක වුව ද ඊට එරෙහිව සටන් නොකර සිටීම ඊටත් වඩා භයානක බව ජනාධිපති අනුර කුමාර දිසානායක මහතා පවසයි.

දූෂණයට එරෙහි සටන ලොව සෑම රටකම සංස්කෘතියේ කොටසක් බවට පත්විය යුතු බව ජනාධිපති අනුර කුමාර දිසානායක මහතා පවසනවා.

එක්සත් ජාතීන්ගේ මහ මණ්ඩලයේ 80 වන සැසිවාරය අමතමින් ජනාධිපති අනුර කුමාර දිසානායක මහතා කියා සිටියේ මත්ද්‍රව්‍ය හා බැදුණු සංවිධානාත්මක අපරාධ කණ්ඩායම් ලෝකයේ ප්‍රධාන ගැටලුවක් වී ඇති බවයි.

ජනාධිපතිවරයාගේ සම්පුර්ණ කතාව මෙතැනින් නැරඹිය හැකියි.

ඉන්දීය කණ්ඩායම ආසියානු කුසලාන අවසන් මහා තරගයට සුදුසුකම් ලබයි

ආසියානු කුසලාන විස්සයි20 ක්‍රිකට් තරගාවලියේ අවසන් මහා තරගයට සුදුසුකම් ලබාගැනීමට ඉන්දීය කණ්ඩායම සමත් වුණා.

ඒ,බංග්ලාදේශ කණ්ඩායම ලකුණු 41 කින් පරාජය කරමින්.

ඉන්දීය කණ්ඩායම ලකුණු 169ක ඉලක්කයක් බංග්ලාදේශයට ලබාදුන් අතර ඔවුන්ට රැස්කළ හැකිවූයේ පන්දුවාර 19.3කදී සියලු දෙනා දැවී ලකුණු 127ක් පමණයි.

ඩක්කුවක් කඩාවැටී හිමිවරු හත්නමක් අපවත් වෙති

මැල්සිරිපුර නා උයන ආරණ්‍ය සේනාසනයේ කේබල් මතින් ගමන්ගන්නා ඩක්කුවක් කඩාවැටී සිදු වූ අනතුරකින් භික්ෂූන් වහන්සේලා හත් දෙනෙකු අපවත්වී තිබෙනවා.

ඉන් දෙදෙනෙකු විදෙස් ජාතික හිමිවරු බවයි වාර්තා වන්නේ.

ඊයේ (24) රාත්‍රී 9.30ට පමණ මෙම අනතුර සිදුව ඇති අතර භික්ෂූන් වහන්සේලා 13ක් අනතුර සිදුවන අවස්ථාවේ එම ඩක්කුවේ ගමන් ගෙන තිබුණා.

බරපතළ තුවාල ලැබූ හිමිවරු කුරුණෑගල ශික්ෂණ රෝහලට ඇතුළත්කර තිබෙනවා.

ජනපති සහ දකුණු අප්‍රිකානු ජනපති අතර හමුවක්

එක්සත් ජාතීන්ගේ මහා මණ්ඩලයේ 80 වන සැසිවාරයට සහභාගි වීම සඳහා ඇමරිකා එක්සත් ජනපදයට ගොස් සිටින ජනාධිපති අනුර කුමාර දිසානායක සහ දකුණු අප්‍රිකානු ජනාධිපති සිරිල් රමෆෝසා (Cyril Ramaphosa) අතර හමුව නිව්යෝර්ක් නුවර දී පැවැත්වුණා.

මෙම අවස්ථාව සඳහා විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, එක්සත් ජාතීන්ගේ සංවිධානයේ ශ්‍රී ලංකා නිත්‍ය නියෝජිත, හිටපු අගවිනිසුරු ජනාධිපති නීතිඥ ජයන්ත ජයසූරිය සහ විදේශ කටයුතු අමාත්‍යාංශයේ ජ්‍යෙෂ්ඨ නිලධාරීන් පිරිසක්ද එක්ව සිටියා.

නිශාන්ත උළුගේතැන්න යළි රිමාන්ඩ්

හිටපු නාවික හමුදාපති අද්මිරාල් (විශ්‍රාමික) නිශාන්ත උළුගේතැන්න එළැඹෙන මස 8වනදා දක්වා තවදුරටත් රක්ෂිත බන්ධනාගාර ගත කරන ලෙස පොල්ගහවෙල මහෙස්ත්‍රාත්වරිය අද (24) නියෝග කළා.

ඒ,කුරුණෑගල රෝහලේ නෙවාසිකව ප්‍රතිකාර ලබමින් සිටි අයෙක් පැහැරගෙන ගොස් අතුරුදහන් කිරීමේ චෝදනාවට අදාළවයි.

ගම්මන්පිල අත්අඩංගුවට ගැනීම ගැන අධිකරණයට කළ දැනුම් දීම

උදය ගම්මන්පිල අත්අඩංගුවට ගැනීම සඳහා තීරණයක් ගතහොත් අධිකරණයට මෝසමක් මගින් දැනුම්දෙන බව අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි අතිරේක සොලිසිටර් ජනරාල් සුදර්ශන ද සිල්වා අද (24) අභියාචනාධිකරණයට දැනුම් .දුන්නා.

තමන්ව අත්අඩංගුවට ගැනීම වැළැක්වීමේ නියෝගයක් ඉල්ලා උදය ගම්මන්පිල විසින් ඉදිරිපත් කළ රිට් පෙත්සම කැඳවූ අවස්ථාවේදී මෙම දැනුම්දීම කරනු ලැබුවා.