Hot News

හිටපු ආණ්ඩුකාරවරයාගේ බිරිඳ නමින් වැව් රක්ෂිතයේ ඇති හෝටලය කඩන්න නියෝග

උතුරු මැද පළාතේ හිටපු ආණ්ඩුකාර මහිපාල හේරත් මහතා සිය බිරිද නමින් පෙරමියන්කුලම වැව් රක්ෂිතයේ පවත්වගෙන…

Hot News

විදුලිබලය සැපයීමට අදාළ සියලු සේවාවන් අත්‍යාවශ්‍ය සේවා කරමින් ගැසට් නිවේදනයක්

විදුලිබලය සැපයීමට අදාළ සියලු සේවාවන් අත්‍යාවශ්‍ය සේවා බවට ප්‍රකාශයට පත්කරමින් අති විශේෂ ගැසට් නිවේදනයක් නිකුත්කර…

Foreign News

ඕස්ට්‍රේලියාව, කැනඩාව සහ එක්සත් රාජධානිය ‘පලස්තීනය’ වෙනම රාජ්‍යයක් ලෙස පිළිගනී

ඕස්ට්‍රේලියාව, කැනඩාව සහ එක්සත් රාජධානිය පලස්තීනය වෙනම රාජ්‍යයක් ලෙස නිල වශයෙන් පිළිගෙන තිබෙනවා.ඊශ්‍රායල සහ අමෙරිකාව…

තංගල්ල සීනිමෝදර නිවසක මළ සිරුරු දෙකක්

තංගල්ල සීනිමෝදර නිවසක තිබී පුද්ගල මළ සිරුරු දෙකක් හමුවූ බව පොලිසිය සඳහන් කළා.

එම නිවසේ සිටි තවත් අයෙක් අසනීප තත්ත්වයක් නිසා තංගල්ල රෝහලට ඇතුළත් කර ඇති අතර ඔහුද එහිදී ජිවිතක්ෂයට පත්ව තිබෙනවා.

එම නිවස අසල තිබූ ලොරි රථයක තිබී අයිස් මත්ද්‍රව්‍ය පැකට් 10ක් ද පොලීසිය විසින් සොයාගෙන ඇති බව වාර්තා වනවා.

මධ්‍යම සංස්කෘතික අරමුදලේ කෝටි 800ක මූල්‍ය අක්‍රමිකතා

මධ්‍යම සංස්කෘතික අරමුදලේ ඉකුත් 2017-2020 අතර කාලයේදී රුපියල් කෝටි 800කට වැඩි බරපතළ මූල්‍ය අක්‍රමිකතා සිදුවී ඇති බවට විමර්ශනවලදී පැහැදිලි තොරතුරු අනාවරණයවී ඇතැයි බුද්ධ ශාසන, ආගමික සහ සංස්කෘතික කටයුතු නියෝජ්‍ය අමාත්‍ය ගමගෙදර දිසානායක සඳහන් කරනවා.

එම අරමුදලේ පාලක මණ්ඩලයේ අනුමැතියකින් තොරව මෙම මුදල් විවිධ ව්‍යාපෘති සඳහා වැයකර ඇති නමුත් සමහර ව්‍යාපෘති එම ආරමුදලේ විෂය පථයට පවා නොවැටෙන ඒවා බවද නියෝජ්‍ය අමාත්‍යවරයා සඳහන් කළ බවයි අද (22) Channel 7 නාලිකාවේ WAKE UP TO 7 වැඩසටහනේ දී සඳහන් කෙරුණේ.

මේ අනුව මෙම කාල සීමාවේදී එම අරමුදල අපේක්ෂිත අරමුණු වලින් බැහැර වී ඇතැයිද දිසානායක පවසනවා.

මධ්‍යම සංස්කෘතික අරමුදලේ මූල්‍ය අක්‍රමිකතා පිළිබඳ සොයා බැලීමට රජය විසින් ත්‍රිපුද්ගල කමිටුවක් පත් කරනු ලැබූ අතර අගමැතිනි ආචාර්ය හරිනි අමරසූරිය කැබිනට් මණ්ඩලයට ඉදිරිපත් කළ යෝජනාවක් අනුව එම කමිටුව මෙසේ පත් කෙරුණා..

කමිටුවේ විමර්ශන මේ වනවිට අවසන් වී ඇති අතර එහි අවසන් වාර්තාව ඉදිරි දිනවල බාරදීමට නියමිතයි.

එම වාර්තාවෙන් අනාවරණය වන තොරතුරු පදනම් කරගෙන ඊට වගකිවයුතු දෙනාට තරාතිරම නොබලා නීතිය ක්‍රියාත්මක කරන බවද නියෝජ්‍ය අමාත්‍ය ගමගෙදර දිසානායක සඳහන් කරනවා.

හිටපු ආණ්ඩුකාරවරයාගේ බිරිඳ නමින් වැව් රක්ෂිතයේ ඇති හෝටලය කඩන්න නියෝග

උතුරු මැද පළාතේ හිටපු ආණ්ඩුකාර මහිපාල හේරත් මහතා සිය බිරිද නමින් පෙරමියන්කුලම වැව් රක්ෂිතයේ පවත්වගෙන යන හෝටලය සහ පර්චස් හැටක භුමිභාගයක ඉදිකොට ඇති ගොඩනැගිලි මසක් තුල කඩා ඉවත් කර ගන්නා ලෙසට මධ්‍යම නුවරගම් පළාත් ප්‍රාදේශීය ලේකම් සුදර්ශන දිසානායක ලිඛිතව දැනුම් දී ඇති බව අද (22) WAKE UP TO 7 වැඩසටහනේ දී අනාවරණය වුණා.

ඒ, ලංකාදීප පුවත්පතේ පළවූ පුවතක් ඇසුරින්.

රජයේ ප්‍රතිපත්තිමය තීරණයක් පරිදි අනුරාධපුර දිස්ත්‍රික්කයේ පිහිටි වැව් රක්ෂිත මායිම් කිරිම මේ වන විට වාරිමාර්ග දෙපාර්තමේන්තුව විසින් ආරම්භ කොට තිබෙනවා.

මේවන විට පෙරමියන්කුලම වැවේ වැව් රක්ෂිතයේ සියළු මැණුම් කටයුතු අවසන් කොට මායිම් ගල්ද දමා අවසන් කර ඇති බවයි වාර්තා වන්නේ.

වැසි සහ සුළං තත්ත්වය තවදුරටත්

දිවයිනේ නිරිතදිග ප්‍රදේශවල දැනට පවතින වැසි සහ සුළං තත්ත්වය තවදුරටත් බලාපොරොත්තු විය හැකි බවත් බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි ඇති විය හැකි අතර වයඹ පළාතේ වැසි ස්වල්පයක් ඇති විය හැකි බවත් කාලගුණ විද්‍යා දෙපාර්තමේන්තුව පවසනවා.

ඌව පළාතේත් අම්පාර සහ මඩකලපුව දිස්ත්‍රික්කවලත් ප.ව. 2.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව ද ඔවුන් නිවේදනය කර සිටිනවා.

මධ්‍යම කඳුකරයේ බටහිර බැවුම් ප්‍රදේශවලත් මධ්‍යම, උතුරු, උතුරු – මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් පැ.කි.මී. 30-40ක පමණ තරමක තද සුළං ඇතිවිය හැකියි.

ජනපති අද අමෙරිකාවට

ජනාධිපති අනුර කුමාර දිසානායක මහතා එක්සත් ජාතීන්ගේ මහා මණ්ඩලයේ 80 වන සැසිවාරයට සහභාගිවීම සදහා අද රාත්‍රී (22) අමෙරිකාව බලා පිටත්ව යාමට නියමිතයි.

ජනාධිපතිවරයා 24වනදා එක්සත් ජාතීන්ගේ මහා මණ්ඩලය ඇමතීමට නියමිත අතර ඔහු එක්සත් ජාතීන්ගේ සංවිධානයේ මහලේකම්වරයා සහ රාජ්‍ය නායකයින් කිහිපදෙනකු සමඟ ද්විපාර්ශ්වික සාකච්ඡාවලට එක්වීමට ද නියමිතව තිබෙනවා..

පාකිස්ථානය පරදා ඉන්දියාව කඩුලු 6කින් ජය ගනී

ආසියානු කුසලාන තරගාවලියේ සුපිරි හතර දෙනාගේ වටයේ ඉන්දියාව හා පාකිස්තානය අතර අද (21) පැවති තරගය කඩුලු 6කින් ජය ගැනීමට ඉන්දියාව සමත්වුණා.

කාසියේ වාසිය ඉන්දියාව දිනා ගත් අතර ඔවුන් තීරණය කළේ පළමුවෙන් පන්දු රැකීමටයි.

පාකිස්ථානය කඩුලු 5ක් දැවී ලකුණු 171ක් ලබාගත් අතර ඉන්දියාව පන්දුවාර 18.5කදී ජයග්‍රාහී ඉලක්කය සපුරා ගත්තා.

විදුලිබලය සැපයීමට අදාළ සියලු සේවාවන් අත්‍යාවශ්‍ය සේවා කරමින් ගැසට් නිවේදනයක්

විදුලිබලය සැපයීමට අදාළ සියලු සේවාවන් අත්‍යාවශ්‍ය සේවා බවට ප්‍රකාශයට පත්කරමින් අති විශේෂ ගැසට් නිවේදනයක් නිකුත්කර තිබෙනවා.

ඕස්ට්‍රේලියාව, කැනඩාව සහ එක්සත් රාජධානිය ‘පලස්තීනය’ වෙනම රාජ්‍යයක් ලෙස පිළිගනී

ඕස්ට්‍රේලියාව, කැනඩාව සහ එක්සත් රාජධානිය පලස්තීනය වෙනම රාජ්‍යයක් ලෙස නිල වශයෙන් පිළිගෙන තිබෙනවා.
ඊශ්‍රායල සහ අමෙරිකාව මෙම තීරණයට සිය අප්‍රසාදය පල කර ඇති බවයි විදෙස් මාධ්‍ය සඳහන් කරන්නේ.

උතුරෙන් ඉක්මන් පළාත් සභා මැතිවරණයක් ඉල්ලයි

පැරණි ක්‍රමයටම හැකි ඉක්මනින් පළාත් සභා මැතිවරණය පවත්වන්නැයි උතුරු පළාත් සභාව නියෝජනය කළ හිටපු මැති ඇමතිවරුන් අද (21) යාපනයේදී සඳහන් කළා.

ඉලංකෙයි තමිල් අරසුකච්ච් වෙනුවෙන් හිටපු පළාත් සභා මන්ත්‍රී,(හිටපු යාපනය නගරාධිපති)එම්මානුවෙල් ආර්නෝල්ඩ්,ප්ලොට් හිටපු පළාත් සභා මන්ත්‍රී කජදීපන්,ඊ.පී.ආර්.එල්.එෆ් වෙනුවෙන් හිටපු පළාත් අධ්‍යාපන අමාත්‍ය ආචාර්‍ය සර්වේෂ්වරන්,ටෙලෝ වෙනුවෙන් හිටපු පළාත් සභා මන්ත්‍රී සබා කුගදාස්,ඊ.පී.ඩී.පී වෙනුවෙන් හිටපු පළාත් සභා මන්ත්‍රී තවනාදන් යන මහත්වරු මෙම අවස්ථාවට එක්ව සිටියා.

“2013 සැප්තැම්බර් 21 උතුරු පළාත් සභා මැතිවරණය පැවැත්වුණේ වසර දොළහකට පෙර.
අද දිනය විශේෂිතයි.එවැනි දිනක පළාත් සභා මැතිවරණය පැවැත්වීම ගැන නැවත කතා කරන්න සිදුවෙලා තියෙනවා.

ආණ්ඩුව කියන්නේ සීමා නිර්ණය කොමිෂන් සභාවේ සියලුම කටයුතු අවසන් කරලා පළාත් සභා මැතිවරණය තියන්න කියලා.ඒ උනාට ආණ්ඩුව ඒකට නියමිත කාලසීමාවක් කියල නෑ.ආණ්ඩුවේ ප්‍රධාන පක්ෂය විදිහට ඉන්නේ ජනතා විමුක්ති පෙරමුණ.ඒ පක්ෂය ප්‍රතිපත්තිමය වශයෙන් පළාත් සභා ක්‍රමයට විරුද්ධ වෙච්ච පක්ෂයක්.ඒ නිසා අපිට මේ ගැන ලොකු සැකයක් තියෙනවා.

ආණ්ඩුව පළාත් සභා මැතිවරණය පවත්වන්න ඕන කියලා කිව්වට ඇත්තටම ඒ ගැන උනන්දුවක් නෑ.පළාත් සභා ක්‍රමය සුදු අලියෙක් කියලා ජවිපෙ පුන පුනා ඒ අයගේ පක්ෂ අභ්‍යන්තරයේ කතා කරනවා.

ඒ නිසා ප්‍රජාතන්ත්‍රවාදය ස්ථාපිත කරනවනම් අනිවාර්යයෙන්ම පළාත් සභා මැතිවරණය තියන්න ඕන.

දමිළ ජනතාව වෙනුවෙන් පළාත් සභා ස්ථාපිත ජාතික දේශපාලනයේ දෙවන තලය විදිහට අපි පිළිගන්නවා.

පළාත් සභා ක්‍රමය ජාතික ප්‍රශ්නයට විසඳුමක් නෙමෙයි කියලා අපි පිළිගන්නවා.හැබැයි ආණ්ඩුව ශ්‍රී ලංකාවේ ජනතාවගේ අයිතිවාසිකම් ඉෂ්ට කරනවා නම් ආණ්ඩුක්‍රම ව්‍යවස්ථාවේ තියෙන දහතුන් වන සංශෝධනය පළාත් සභා ක්‍රමය ක්‍රියාත්මක කිරීම හරහා.” යනුවෙන් ඔවුන් සබ්දහන් කළා.

තරගයේ කාසියේ වාසිය ඉන්දියාවට

ආසියානු කුසලාන තරගාවලියේ සුපිරි හතර දෙනාගේ වටයේ ඉන්දියාව හා පාකිස්තානය අතර අද (21) පැවැත්වෙන තරගයේ කාසියේ වාසිය ඉන්දියාව දිනා ගත්තා.

ඔවුන් තීරණය කළේ පළමුවෙන් පන්දු රැකීමටයි.